رواية ام البنات الفصل الثالث والعشرون 23 - بقلم اسراء محمد

مرة كانوا قاعدين كلهم بيضحكوا ويهزروا مع بعض. فجأة الباب خبط. سمير قام فتح. الراجل: ازيك يا استاذ سمير. سمير: اياد. اياد: ممكن ادخل. سمير: ثواني اقولهم عشان مينفعش ادخلك فجأة كده. اياد: ماشي. سمير استأذنه وقفل الباب ودخل قالهم. سهير بغضب: اي اللي جابه. سمير: ندخله ونسمع منه جاي. ديما بانفعال: يدخل فين يا بابا. سمير: يدخل. اياد: هناري. ديما: لا طبعاً. سمير: الراجل جه لحد بيتنا واحنا متربين ان اللي يجي لحد بيتنا ندخله.

اياد دخل وكلهم متضايقين منه. اياد: مساء الخير. مفيش رد. سمير: اتفضل يا اياد. اياد: شكراً ، ازيكم يا بنات. البنات: كويسين. سمير: خير يا اياد. اياد: جاي اطلب السماح من سهر والبنات. سهير: اسمي مدام سهر. اياد: جاي اطلب السماح من سهر والبنات. سهير: واي اللي غيرك فجأة كده.

اياد بحزن: امي اتوفت من سنة ومراتي طلبت الطلاق وللاسف اضطريت اطلقها عشان كانت بتعايرني من ساعة ما عرفت اني شغال عند استاذ سمير في المطعم والدنيا مبقتش كويسه خالص معايا. سهير: وانت جاي دلوقتي تطلب السماح عشان دنيتك تتظبط. اياد: لا عشان حسيت ان اللي انا فيه ده ذنبك وذنب البنات. ديما: والمفروض اننا نسامحك بقى. اياد: ومتسامحيش ليه يا ديما. ديما: انا مستعدة اسامحك لو قولتلي حاجة واحدة بس تعرفها عني او عن اخواتي.

اياد بص في الارض ومعرفش يرد. ديما: يبقى انت جاي تطلب مننا السماح ليه. اياد: عشان بناتي وبحبكم. ديما بانفعال: انت كداب. سمير بزعيق: ديما احترمي نفسك ومتنسيش انه ابوك. ديما بصوت عالي: انا قولتلك قبل كده انا واخواتي البنات منعرفش اب غيرك اب احتوانا ورعانا وربانا احسن تربية نفتخر بتربيته قدام الناس لكن هو عملنا ايه. سمير معرفش يرد. اياد: طب سامحيني انتي واخواتك وانا هعوضكم عن اللي فات.

ديما: اسفة لو اخر يوم في عمري مش هسامحك. ريما: ولا انا هسامح. كريتا: ولا انا كمان. وسابوه وقاموا دخلوا اوضهم. سمير: وانتي يا سهر هتسامحي ولا مش هتسامحي. سهير: انا هسامحه عشان حاجة واحدة بس. اياد بفرحة: بجد هتسامحيني. سهير: اه عارفة ليه. اياد: لا.

سهير: عشان بسبب طلاقنا ده اتعرفت على راجل شايلني انا وبناتي في عينه من قبل الجواز راجل شايف طلبات بناتي قبل طلباته عياله راجل مصاحب بناتي ومعوضهم عن الاب اللي فقدوه وعوضني عن الامان اللي مكنتش حاسة بيه معاك عرفت بقى هسامحك ليه. اياد بص في الارض وقال: انا اسف انا غلطت في حقكم كتير. سهير: مشكلتك دلوقتي بقت مع بناتك شوف هتصلح علاقتك بيهم ازاي وحاول تقرب من ربنا يمكن يصلح حالك. وسابته وقامت هي كمان.

سمير: انا عارف ان كلامي هيبقى مش على مزاجك بس انت غلطت يا اياد وغلطت جامد حتى لما جاتلك الفرصة من كام سنة وشوفتهم حاولت تعاند وتاخد البنات لمجرد انها اتجوزت مش عشان انت عايز تصلح علاقتك بيهم ولما معرفتش سيبتهم واختفيت ف اللي حصل ده رد فعل طبيعي منهم. اياد: بس انا والله ندمت وعايزهم يسامحوني بجد. سمير: متقلقش انت هقعد وهتكلم معاهم بس لازم يشوفوا منك انت كمان اهتمام بيهم عشان يلينوا ويسامحوا. فجأة

نورسين جت جري وهي بتقول: بابيييييي. سمير: نعم يا روح بابي. نورسين: يزيد وسليم مش عايزين يلعبوني معاهم بالمكعبات. سمير: طب روحي قولي لديما بابي بيقولك خلي يزيد وسليم يلعبوني معاهم عقبال ما اخلص كلام مع عمو. نورسين بصت على اياد. اياد: ازيك. نورسين مردتش ولفت باست سمير وراحت لديما. سمير: تعالي يا نور. نورسين بطفولة: نعم. سمير: مش احنا متفقين لما حد كبير يكلمنا نرد عليه. نورسين: اه يا بابي. سمير: طب مردتيش على عمو ليه.

نورسين: سوري يا بابي. سمير: قولي له هو سوري. نورسين بصتله وقالت له: سوري يا عمو. اياد: ولا يهمك يا روح عمو. نورسين: ادخل يا بابي. سمير: ادخلي. اياد سرح في علاقة سمير ببنتة وحس قد هو كان غلطان فعلا انه كان بيعامل البنات بقسوة. سمير: سرحت في ايه. اياد: لا. سمير: اياد يا اياد. اياد بانتباه: نعم. سمير: في ايه. اياد: علاقتك ببنتك حسستني قد ايه كنت قاسي مع البنات. سمير: المهم دلوقتي انك تحاول تصلح.

اياد: هحاول بس هما يدوني فرصة. سمير: انا هتكلم معاهم متقلقش. اياد: انا متشكر جدا يا استاذ سمير. سمير: استاذ دي لما كنت شغال معايا لكن دلوقتي انا سمير وبس. اياد: متشكر اوي يا سمير. سمير: مفيش شكر بينا احنا الاتنين هدفنا اسعاد البنات وعلاقتك بيهم تبقى كويسة. اياد: اه والله. سمير: يبقى متقلقش. اياد: مش قلقان طول ما انت موجود. سمير: تسلم. اياد استأذن ومشي.

وبعد اسبوع سمير كان بيحاول ميتكلمش مع البنات في الموضوع لحد ما يهدوا. وهما قاعدين. سمير: انا عايزكم يا بنات في موضوع. البنات: اتفضل يا بابا. سمير: يزيد ادخل انت ونورسين وسليم جوا العبوا شوية مع بعض لحد ما اخلص كلام مع اخواتك. يزيد: حاضر يا بابي. ودخل جوا. سمير: هنتكلم من غير انفعال وعصبية مفهوم. ريما: يبقى هتتكلم في موضوع اياد ده صح. سمير: اسمه بابا مش اياد.

ديما: احنا التلاتة متفقين اننا ملناش بابا غيرك يبقى بتتكلم في ايه. سمير: بس هو ابوكم اللي بسببه انتوا جيتوا الدنيا وعرفتوني وعرفتكم وبقيت الاب ليكم وبقيتوا بناتي. كريتا بعصبية: بس. ديما: ثواني يا ريتا نشوف بابا عايز يقول ايه الاول. سمير: عين العقل يا ديما، انا كل اللي عايز اقوله انكم تقعدوا وتفكروا انكم تسامحوه زي ما ماما سامحت. ريما: انتي سامحتيه. سهير: اه سامحته. ديما: ليه.

سهير: عشان لولا اللي حصل ده كله مكناش شوفنا سمير ولا عرفناه ولا اتجوزته واخواتكم جم عرفتي بقى سامحته ليه. ديما باقتناع: عرفت. سهير: انتوا بقى هتعملوا ايه. ريما: انا مش هسامحه. كريتا: ولا انا. سمير: وانتي يا ديما. ديما: هفكر. ريما: نعم. سمير: من غير عصبية يا ريما. سهير: عشان خاطري يا ريما فكري انتي كمان وانتي يا ريتا فكري. كريتا: من غير ما افكر مش موافقة. سهير: اقعدي وفكري وبعدين نتكلم. وبعد يومين. ديما: مامي.

سهير: نعم. ديما: انا عايزة اقعد مع بابا. سهير: حاضر هقول لسمير يكلمه بس اقنعي اخواتك انهم يقعدوا معاكي. ديما: حاضر. سمير رجع كانوا كلهم قاعدين مع بعض في الريسبشن. قال: السلام عليكم. كلهم: وعليكم السلام. سمير: متجمعين عند النبي. سهير: يارب. سمير: انا ميت من الجوع. ديما: خمس دقائق والاكل يكون على السفرة. ريما: انا جايه معاكي. كريتا: وانا كمان. وقاموا البنات. سهير: سمير ابقي كلم اياد وقوله البنات عايزين يقعدوا معاه.

سمير: انتي اللي غصبتيهم. سهير: لا والله ديما هي اللي جت قالتلي من نفسها. سمير: طب وريما وريتا رأيهم ايه. سهير: معرفش بس انا قولت لديما تقنعهم. سمير: يبقى مش هكلمه غير لما كلهم يبقوا عايزين يقعدوا معاه. سهير: خلاص اسألهم يمكن يوافقوا. سمير: حاضر. كريتا: الاكل جاهز. قاموا كلوا. وبعد الاكل. سمير: مين بالظبط اللي عايز يقعد مع اياد. ديما: احنا التلاتة. سمير: متأكدين. ريما: اه متأكدين.

سمير: ماشي هكلمه وحدد معاه ميعاد بس بشرط. ديما: ايه. سمير: انتوا اللي هتروحوا عنده. كريتا: لا طبعاً. سمير: هو لما احتاج يشوفنا جه لحد عندنا انتوا كمان احتاجتوا تشوفوه يبقي تروحوا لحد عنده. ديما: موافقين بس بشرط. سمير: ايه. ريما: هتكون معانا. سمير: ماشي. تاني يوم. سمير كلم اياد. سمير: ازيك يا اياد. اياد: الحمدلله وانت. سمير: الحمدلله. اياد: والبنات عاملين ايه. سمير: ما انا بكلمك عشانهم. اياد: مالهم البنات.

سمير: عايزين يقعدوا معاك. اياد بفرحة: بجد. سمير: اها. اياد: طب ممكن اجيلهم امتى. سمير: انا هجيبهم لحد عندك. اياد: وهما هيوافقوا. سمير: هما موافقين. اياد: طب ممكن تجيبهم النهارده. سمير: طب خليها لبكرة عشان يبقوا عاملين حسابهم. اياد: خلاص ماشي. تاني يوم. سمير اخد البنات وراحوا لاياد. اياد: ازيكم يا بنات وحشتوني اوي. ديما: احنا جايين نسمع منك عملت فينا كده ليه. اياد: ……