رواية ام لاخواته (ا الفصل الثالث 3 - بقلم نورهان اسماعيل

منه والبنات في نفس واحد: ينهار أسوح! منه والبنات كأنهم بيعملوا كيكة. بهدلوا البيت وهدومهم دقيق وعجينة، وشكلهم كان مسخرة. ومشغلين أغنية "العزاله رايقة". چودي، وهي وشها أحمر من كتر العصبية: والله يا منه هو ده اللي هتخلي بالك من البنات؟ منه: والله يا چودي يا أختي أنا مليش دعوة، لارين اللي كانت عايزة تاكل كيكة. چودي، برفعة حاجب: منه، هو انتي عمرك عملتي كيكة؟ منه: أحم... إيه الإحراج ده؟

ما انتي عارفة إن نور هي اللي كانت بتعملها، وأنا قولت أجرب. چودي: وجربتي ولا خربتي البيت؟ وانتي يا آنسة چومانه، بقولك خدي بالك من اختك، مشغلة أغاني وبتعلميها الرقص. بصرف النظر إن ماما بقالها شهرين بس متوفية، ومينفعش نشغل أغاني علشان حرام، بس ينفع كده؟ لارين، وهي بتهمس لـ منه: منه، مش المفروض انتي الكبيرة في البيت؟ خدي موقف بدل ما انتي واقفة كده. دودي قصفت جبهتك على الآخر وضيعت هيبتك والله. منه،

برفعة حاجب: أحم أحم، في إيه يا چودي؟ ما خلاص هنضف البيت وكله هيكون زي الفل بإذن الله. اهدي انتي بس، وحقك عليا. لارين: والله تعبتي نفسك في الكلام. لارين: خلاص يا چودي، حقك عليا. بس أنا والله كان نفسي آكل كيكة من اللي ماما كانت بتعملها. نفسي فيها قوي. أنا عايزة ماما. وعينيها الدموع بتنزل منها. چودي: الكلام وجعها قوي. راحت خدتها في حضنها، وابتسمت ليها. وقالت،

علشان تغير الموضوع يعني: يا بوبوس، وده كان دلع نور لـ لارين. يوم ما تحبي تأكلي كيكة تقولي لي. منه روحي، منه آخرها تحمر بطاطس وهتطلع محروقة في الآخر. منه: لاحظي إن كلامك جارح. چودي: والله؟ منه: خلاص يا حاجة چودي، والله ما لاقية جبهتي.

چودي: طيب، بنزبل البيت ده حضرتك يا منه. معاكي نص ساعة والاقي المطبخ زي ما كان. وانتي يا چومانه، الأوضتين عايزهم فلة. وانتي يا بوبوس، لمي كل الجزم والشباشب في مكانهم. وأنا هنضف الصالة والحمام. يلا بسرعة، علشان عاملة مفاجأة ليكم هتعجبكم. منه: دودي يا قمر، إيه؟ لارين، بنظرة القطط: هتقوليلي أنا صح؟ چومانه: أختي حبيبتي وروحي قلبي، عزمانا على الغذاء بره. چودي: كله يعمل اللي قولته بسرعة. منه والبنات: (يركضون)

چودي، بعد ما خلصت اللي وراها هي و چومانه ولارين، دخلت المطبخ لـ منه. چودي: كفاية كده يا منه، أنا هكمل. بس علشان مش تعملي كده تاني. منه: حرمت والله، خلاص. چودي دخلت كملت المطبخ علشان عارفة إن منه رجليها تعبانة. وبعدين طلعت. چودي: تعالوا بقي، اقعدوا جنبي. بصي يا منه، ده الأنسولين والعلاج بتاعك هيكفي إن شاء الله لمدة شهر كامل. وده سكر سويتال علشان السكر العادي مش يتعبك. چودي، وهي بترجع فلاش باك:

چودي: يا ماما، عايزة آيس كريم شوكولاتة ليا أنا وأخواتي، وكمان كوتشي جديد. نور (مامت چودي) : بصي يا چوچو، أنا كل اللي معايا دلوقتي حدود 450 جنيه. أول حاجة لازم نجيبها الأهم من المهم. چودي: يعني إيه يا ماما، الأهم من المهم؟ ما المعنى واحد.

نور: لا يا چوچو، أي حاجة بتطلبوها مني مهمة. بس علاج منه ده الأهم. بمعنى، منه مريضة سكر، لازم تاخد العلاج كل يوم، وإلا هتتعب مننا ويغم عليها. يبقى لازم أول حاجة نفكر فيها علاجها، وبعد كده نجيب بالباقي اللي نفسنا فيه. فهمتيني يا قلب ماما؟ چودي: فهمت يا أحلى ماما في الدنيا. نرجع للواقع. منه: ليه كل ده يا چودي؟ أنا مش محتاجة حاجة في الدنيا غير إنكم تكونوا كويسين. چودي: ودي تيجي يا موكة؟

صحتك عندي أهم من أي حاجة، وقبل أي حاجة. منه، والكلام وجع قلبها، وبتفتكر أختها: نور: خدي يا موكة، العلاج اهو. خدي الجرعة بتاعتك وحطيها في الثلاجة بسرعة. منه: ليه كده يا نور؟ البنات عايزين لبس المدرسة والشنط. كنتي جبتي حاجتهم الأول وأنا بعدين. نور: ودي تيجي يا موكة؟ صحتك عندي أهم من أي حاجة، وقبل أي حاجة. نرجع للأحداث. منه، والدموع على خدها،

وبتعيط: بتاخد چودي في حضنها وبتعيط بصوت عالي. آآآآآآآآآآآه يا قلبي. يا رب لا أسألك رد القضاء، ولكن نسألك اللطف فيه. صبر قلبي يا رب، فراقك قطم ظهري يا نور. أي نعم چودي متفرقش عنك، بس وحشني حضنك يا نوووور. چودي، وقلبها وجعها من فراق أمها وحزن خالتها، حبت تغير الموضوع علشان منه مش يغم عليها: أه، انتي بتعملي كده علشان أنسى شكل البيت لما رجعت صح؟ منه، وهي بتضحك وتمسح دموعها: ما خلاص بقي، قلبك أبيض.

چومانه: طيب، وبنزبل اختك، جبتيلي إيه؟ چودي: جبتلك يا ستي شوكولاتة وأدوات الرسم بتاعتك علشان ترجعي ترسمي وتعلمي لارين ترسم زيك. جايبالها كراسة صغيرة معاكي. لارين: أه، يعني نصيبي مع چومانه؟ چودي،

وهي بتضحك: لا، جبتلكم كمان كيس حلويات اهو تتسلى بيه، يا روحي. بصي بقي يا منه، الكيس ده فيه فراخ ولحمة وسمك، حطيهم في الفريزر. والجبن والحاجة الباقية، تخزين البيت. وجبت من عند المحلات اللي ماما كانت بتجيب منها ونفس الكمية تقريبا. وحكت ليها اللي حصل عند مستر بدر. منه: ربنا يوقف ليكي ولاد الحلال يا رب ويكرمك يا بنت نور.

چودي: طيب، أنا مش بعرف أعمل كل الأكل، وانتي أسوأ مني. تعالي نفتح اليوتيوب نجيب أي وصفة نعمل الغداء. واهو بالمرة نعمل كيكة لـ بوبوس. منه: تمام، يلا. ودخلوا عملوا الأكل، وأكلوا وكله تمام. والأكل طلع حلو الحمد لله. چودي، وهي قاعدة في الأوضة: چومانه، تعالي معايا. عايزة أتكلم معاكي. چومانه، بعد ما دخلت ليها: قولي يا چودي، عايزة إيه يا قلبي؟

چودي: بصي يا چومانه، اللي حصل النهارده مش عايزاه يحصل تاني. تعلمي اختك ترقص وتغني، ده غلط. فاكرة ماما لما يكون الوقت فاضي كانت بتعلمنا إيه؟ چومانه، وعينيها في الأرض: تعلمنا نحفظ السيرة النبوية، وتحكي قصص الصحابة، أو نحفظ القرآن. چودي: الله ينور عليكي. بصي يا چومانه، هو أه ماما دلوقتي عند ربنا، بس شايفانا وسامعانا وحاسة بينا. ينفع كانت تشوفك في المنظر ده؟ هتكون مبسوطة؟ چومانه،

والدموع في عينها: لا طبعاً، أنا آسفة مش هعمل كده تاني. چودي: يا قلبي، إحنا بشر كلنا بنغلط، بس لازم نتعلم من غلطنا. مش ده كلام ماما ولا إيه؟ عايزة بقى طول ما انتي قاعدة مع لارين تعلميها اللي ماما كانت بتعلمه لينا، ممكن؟ چومانه: أكيد حاضر يا چودي، انتي أحلى أخت في الدنيا. چودي: أكيد طبعاً، لإنك أخت أجمل چومانه في الكون. واخدتها في حضنها.

لارين: لا كده كتير يا منه، تعالي شوفي بنات اختك. على العموم أنا هدخل ألم هدومي علشان نلحق نروح الملجأ اللي هترموني فيه. وعملت نفسها بتعيط. چودي وچومانه: (مندهشين) منه: ولا تزعلي نفسك يا قلبي، تعالي في حضني. دول حتى باردين. چودي: منننننننننننه! منه: سلاما قولا من رب رحيم، في إيه يا بنتي، بطيب بخاطر البنية.

چودي: البنية، ربنا يصبرني يا رب. على العموم، خدي الفلوس دي خليها معاكي مصاريف البيت. كل يوم تدي أخواتي مصروف المدرسة، لأنك المفروض الكبيرة بتاعتنا. وأنا إن شاء الله كل شهر هديكي قدها. منه: ربنا يطول في عمرك ويحفظك. چودي: ومش يحرمنا منك يا موكة. يلا، كله على السرير علشان المدرسة الصبح. تاني يوم. چودي بتصحي بدري تعمل السندوتشات لإخواتها وتحضر فطار إخواتها وتصحيهم. چودي: منه، منه، انتي ياحاجة. منه: في إيه؟ عايزة إيه؟

چودي: قومي يلا، خدي الأنسولين وافطري علشان هنزل أنا والبنات. منه: خلاص، روحي انتي وأنا لما أصحى هاخده. چودي: لا والله، علشان تصحي الضهر وتنسي. اخلصي يا منه، اتاخرنا. منه: يووووووه، خلاص قمت. خشّي صحي أخواتك يلا، وأنا خلاص صحيت اهو. چودي: طيب، شمّري إيد البيچامة علشان تاخدي الحقنة. أنا جهزتها، والفطار على الطربيزة. منه: 🙄🙄، كمان دي خدمة ستي، أستار والله. چودي وهي بتروح تساعد أخواتها في اللبس وتفطرهم ويصلوا الصبح سوا.

چودي: لارين، النهارده أول يوم ليكي في الدراسة. مش عايزة حد يشتكي منك، ومش تخرجي من الفصل غير لما أجي آخدك. وانتي يا چومانه، لو خلصتي، روحي على لارين وهاجي آخدكم انتوا الاتنين. ركزوا في الحصة مش تلعبوا. چومانه ولارين: تمام يا فندم. چودي: وهم على الباب، يلا يا چومانه، قولي دعاء الخروج اللي ماما حفظته ليكي وسورة ياسين. وانتي قولي ورايا يا لارين. خلّصوا وباسوا منه ونازلين للمدرسة. للعلم، كلهم في مدرسة واحدة.

في فسحة المدرسة. چودي بتلاعب لارين علشان لسه مش عندها صحاب. وچومانه جايه عليها بتعيط. چودي بقلق: مالك؟ في إيه؟ اللي حصل؟ بتعيطي ليه؟ چومانه: صاحبتي زعقت ليا قدام صاحبنا وبتقولي يا سودة. فلاش باك. چودي داخلة البيت هدومها متبهدلة هي و چومانه. نور: إيه ده؟ مالكم؟ چودي: صاحبة چومانه شتمتها. جت اشتكت ليا، روحت جبتها من شعرها وضربتها. بس كده. چومانه: شتمتني يا ماما، بس چودي نفختهم ضرب. نور بزعل: يبقى انتوا الغلطانين.

چودي: ليه يا ماما؟ أنا جبت حق أختي. نور: غلط يا چودي. أولاً، هي مش في سنك. ثانياً، ما يمكن أختك الغلطانة الأول. المفروض تروحي ليها تعرفي إيه اللي حصل الأول، وبعد كده تتصرفي. وأول حاجة تفكري فيها تحلي الخلاف اللي بينهم، وبعد كده تصالحيهم. لو مش عرفتي، اشتكي للميس، مش تضربيهم. چودي: أنا آسفة يا ماما، مش فكرت كده. نور: خلاص يا چوچو، تروحي المدرسة بكرة اعتذري لإنك غلطتي فيهم. والرسول عليه

أفضل الصلاة والسلام قال: "خيركم من يبدأ بالسلام". وتصالحي الخلاف اللي بينهم. چودي: حاضر يا ماما، هعمل كده. نرجع للأحداث. چودي: طيب يا چومانه، تعالي معايا. چودي: صباح القمر على قمرات المدرسة. البنات كلهم: صباح الفل يا چودي. چودي: تعالي يا چومانه، اقعدي جنبي هنا. وانتوا يا بنات، اقعدوا هنا برضه. عارفين يا بنات ليه ربنا خلق كل واحد ليه شكل لوحده؟

علشان نكون مميزين. الأبيض والقمحاوي، اللي شعره خشن والناعم، مميزين. بس عارفين الأهم من الشكل إيه؟ البنات: إيه؟ چودي: القلب. لازم يكون قلبنا صافي، نحب الناس كلها ومش نتريق على حد. لأن ده اسمه تنمر، والتنمر حرام. ينفع نعيب على خلق ربنا؟ حاجة ربنا عملها؟ كلهم بنفس واحد؟ لا طبعاً. چودي: يبقى خلاص، محدش يعمل كده تاني علشان حرام. ربنا يزعل مننا، واحنا بنات شطار، صح ولا غلط؟ البنت اللي زعلت

چومانه راحت قالت ليها: چومانه، أنا آسفة، حقك عليا. چومانه وهي فخورة إنها أخت چودي: خلاص، مش زعلانة منك. إحنا أصحاب. چودي: لا يا چومانه، صحابك أخواتك. اسمها أخوات. ويلا، الفسحة خلصت، ارجعوا الفصل بتاعكم علشان الحصة تبدأ. باي. چودي رجعت لارين الفصل وراحت فصلها. وخلص اليوم. خدت أخواتها وروحوا البيت. منه: يا منه. منه: حمد الله على سلامتكم يا حبايبي. چودي: بعد ما دخلت، أنا هروح أغير هدومي علشان ألحق أروح الشغل.

منه: طيب، مش تاكلي الأول. چودي: لا، علشان مش أتأخر. يلا سلام. چومانه: چودي، هاخد لارين وننزل الساعة خمسة نلعب، ولما تيجي نطلع سوا. چودي: تمام، بس مش تروحوا بعيد عن البيت انتي وأختك. وتاخدي بالك منها. يلا سلام عليكم. كلهم: وعليكم السلام. چودي لبست بنطلون جينز أسود وتيشيرت أسود وكوتش أسود، وعليهم كاب أسود. ولمت شعرها كله ومنزلة الكاب شوية. ركبت وراحت الشركة. چودي للسكرتيرة: صباح الخير. قولي لي مستر بدر عبدالله.

دخلت چودي بعد ما هدير بلغت مستر بدر. چودي: صباح الخير يا أستاذ بدر. بدر: صباح الخير يا چودي. چودي: مابلاش چودي، وخليها عبدالله في الشركة. بدر وهو بيضحك: خلاص، اللي تشوفه يا سيدي. وبينده على هدير: هدير: تحت أمر حضرتك يا مستر بدر. بدر: خدي عبدالله البوفيه بتاع الشركة، وقولي لعم حسن إن عبدالله شغال مخصوص يعمل القهوة بتاعتي فقط لا غير، ومش يعمل أي حاجة تانية. ومش عايز أعرف إن حد زعله نهائي، وطلباته أوامره.

هدير: حاضر يا فندم. تؤمر بحاجة تانية؟ بدر: لا، تمام كده. روح معاها يا عبدالله. ولو حد زعلك، اتصل بيا أو تعال على طول. چودي وهي مبسوطة: حاضر يا مستر بدر. هدير بتاخد عبدالله وبتروح البوفيه. عم حسن: مستر بدر بعتلك عبدالله يشتغل معاك يعمل قهوة ليه هو مخصوص، وبيقولك أوعى حد يزعل. عم حسن: أهلاً يا بني، تعالي هنا اقعد يا حبيبي. مش صغير يا بني على الشغل والكلام ده. عبدالله: الحمد لله، ربنا رايد كده.

عم حسن: ونعم بالله يا بني. وبتشتغل چودي باقي اليوم بكل نشاط وسعادة، وبتكون مبسوطة جداً. وكل اللي يشوفها يرتاح لها على أنها عبدالله. وبتخلص شغل. وفي طريقها للبيت، بتلاقي دوشة في الشارع. وواحدة بتقول لـ چومانه: ما انتي تربية وssخة. وچومانه حاطة إيدها على خدها، ولارين بتعيط على جنب وواقفة خايفة. چودي: إيه اللي بيحصل هنا؟