رواية ام لاخواته (ا الفصل الثالث عشر 13 - بقلم نورهان اسماعيل

ياسمين، تمام جايه حالا. بتروح عند فاطمة. قوليلي بقي في إيه بالظبط واحكي كل اللي حصل. بتحكي ليها فاطمة اللي حصل مع لارين والراجل اللي اتوفى والتليفون. ياسمين، قصدك إن التليفون معاكي؟ فاطمة، أيوا يابنتي معايا أهو، وفتحت الباسورد. والغريبة إن رقم روضة عليه ومتسجل مهم. ياسمين، إنتي أكيد بتهزري، ده تبقى مصيبة لو روضة ليها علاقة بالموضوع ده. فاطمة، ألمهم هنعمل إيه في الموضوع ده؟

ياسمين، أكيد طبعاً هنعرف جودي ونقولها على اللي حصل وهي تتصرف. فاطمة، أنا أصلاً عقلي رافض فكرة إن روضة تعمل كده. ياسمين، ولا أنا، بس حقيقي الطيبة الزايدة دي هي اللي بتودينا في داهية. كويس إنها ظهرت على حقيقتها من دلوقتي. يلا نروح نقول لجودي عن اللي عرفناه. فاطمة، إنتي هبلة؟ لا طبعاً مستحيل، ده بكرة فرح أختها، هنكد عليها ليه؟ بس أهدي لحد ما الفرح يعدي. *** ونروح عند اللي نفسنا يرتبطوا. بيدخل تيم على يوسف المكتب.

تيم، مسا مسا. يوسف، تيم باشا، اللهم اجعله خير يا رب. تيم، أكد حجزت الأوتيل. يوسف، حصل، وكمان حجزت تذكرتين في دبي لمدة شهر. تيم، طيب والبدلة؟ يوسف، يارب صبرني، أه هتوصل بكرة الأوتيل بإذن الله مع فريق العمل. تيم، طيب والـ... يوسف، ما خلاص بقي، قولتلك كل حاجة بقت بريفكت. وبعدين إنت ليه محسسني إني أنا اللي هتجوز؟ تيم، يا أخويا الحق عليا اللي بأهلك علشان لما حبيبتك تخبط على باب قلبك وتدخل عشق الزوجية.

يوسف، أسمع من بقك ربنا. فجأة الباب بيخبط وتفتح الباب وتدخل جودي. تيم ويوسف. يوسف، بركاتك يا شيخ تيم. تيم، وهو بيمسح على رأسه بهزار، بركت يابني، بركت. جودي، أظن نشوف شغلنا يا يوسف باشا، وتهزروا في البيت أحسن. تيم، احم، تمام، بس مش ملاحظة إن فرحي أنا وبنت حضرتك، قصدي احم، أختك بكرة؟ جودي، الساعة كام معاك؟ تيم، واحدة. جودي، وإحنا فين؟ تيم، احم، في القسم. طيب، أستأذن أنا علشان ألحق أخلص باقي تجهيزات الفرح. وبيمشي.

يوسف، في إيه مالك؟ جودي، عايزة أمضتك على الإذن ده. يوسف، إذن إيه؟ بيقرا الورق. نهارِك أسوح. جودي، نعم؟ يوسف، قصدي هتطلعي مأمورية النهاردة وفرح أختك بكرة. جودي، أديك قولت بكرة مش النهاردة، امضي بعد إذنك، خليني أشوف شغلي. بيمضي يوسف وتسيبه وتمشي. يوسف، صبرني يارب، بقي دي اللي نفسي تكون أم عيالي، شكلها هتبقى أيام زي الفل. *** وعند البنات. جومانا، وأخيراً اتجوزت ومعدش ناقصني حاجة.

لارين، محدش ليه كلمة عليا، ولا حد ليه عندي حاجة. روضة، وخلاص هنعيش حياتنا ونظبط نفسنا. همت، إن شاء الله نعيش في عشة مدام مع بعضنا. منة، ولحد ما نروح بيتنا هنغني وهنرقص. جودي، بعد ما رجعت من شغلها. الله الله على بناتي القمرات. أخيراً اتجوزت ومحدش ليه كلمة عليكي، أقسم بالله لأربيكي، وإنتي كمان يا همت، ده أنا بقول عليكي العاقلة اللي فيهم، تتهبلي معاهم، نعيش في عشة مدام مع بعضنا، داهية تخيبك.

علّوا صوت الأغاني شوية خلونا نهيص. جومانا مش هتبات معانا تاني. منة، لا أنا مش عايزة أعيط، نبي هدخل أجهز الحنة أنا يا أختي. وبتوصل ياسمين وفاطمة، وبتبص لـ روضة نظرات نارية. وبيحفلوا بحنة جومانا. جودي، بتدور على جومانا، بتلاقيها اختفت. تدخل تشوفها في الأوضة تلاقيها بتعيط. جودي، جومانا بنتي مالك يا روحي، في إيه مالك؟ حد زعلك ولا قالك كلمة زعلتك؟

أكيد تيم مفيش غيره الجزمة، أنا قولت دي جوازة منيلة، اعتبري الجوازة اتفشكلت ولا تزعلي نفسك. جومانا، بابتسامة خفيفة. لا افتكرت ماما، فاكرة كانت بتقول إيه على اليوم ده. فلاش باك. نور، حلوة قوي التسريحة دي يا جومانا، عقبال تسريحة الفرح. جومانا، بجد حلوة عليا؟ ماما هو أنا لما ألبس فستان فرح أبيض إنتي هتلبسي إيه؟

نور، ههه، اممم، هلبس فستان زيتي وعليه صندل دهبي عالي، وأعمل فرمة لشعري كبيرة وعالية لفوق، وأعمل ميكب هادي كده لأني هكون أم العروسة. وأقولك حاجة كمان، أنا اللي هسلمك لعريسك بإيدي، مش هخلي حد غيري، وكمان يمسك المصحف ويوعدني يحافظ عليكي مدى الحياة، وإلا أقطع رقبته. بيضحكوا جامد هما الاتنين. نرجع للأحداث بتاعتنا. جودي وهي بتمسح دمعة خانتها. الله يرحمها. وبنغير الموضوع. بقولك إيه، تيجي ناكل، أنا جعانة قوي، إنتي أكلتي؟

جومانا، تعالي نشوف روضة الطفسة بتعمل إيه وتقولنا على فكرة أكل. بيدخلوا المطبخ يلاقوا روضة قاعدة قدامها فرخة وطبق سبانخ ورز بشعرية وبتاكل بإيديها الاتنين. روضة، يا فضيحتي. جودي، يخربيتك، إنتي مش بتبطلي أكل. جومانا، كل الناس تاكل تتخن، دودي تاكل ترفع، ما شاء الله عليكي. أنا حارمة نفسي من الأكل بقالي شهر علشان الفستان يكون مظبوط عليا. روضة، دي قدرات يابنتي. لارين، أنا سمعت كل حاجة، والحمد لله مفهمتش حاجة.

بس على العموم، أنا طلبت أوردر فسيخ ورنجة وبطارخ وسردين وعيش بلدي وبصل أخضر وبطاطس، أحسن يكون تيم مش بيحب الأكل ده وتتحرمي منه. جومانا، والله بتفهمي. جودي، والله أول مرة أحس إنك بتفكري. همت، صاحبتي وأختي وكفاءة والله. منة، تربيتي. وبيوصل الأكل وبيقعُدوا كلهم يأكلوا. ياسمين، جودي عايزة أتكلم معاكي شوية. فاطمة، مش وقته. جودي، في إيه؟ ياسمين، تعالي معايا وهقولك على كل حاجة. وبتحكي ليها عن موضوع لارين.

جودي، ومين قالك إني مش عارفة؟ ياسمين، نعم، من امتى؟ جودي، من بدري قوي. ياسمين، وساكتة ليه؟ جودي، سيبي كل حاجة في وقتها. *** وبيجي تاني يوم. جودي وهي في غرفة الأوتيل. صعب عليا أغير الأسود، بس غصب عني. وبتلبس نفس اللبس اللي أمها قالت هتلبسه في فرح جومانا. جومانا بتلبس فستان ضيق من عند الصدر ونازل باتساع وكله كريستال. وبتتعمل تسريحة شعر فوقها تاج رقيق جداً وميكب هادي مبين ملامحها.

وحقيقي كانت جذابة جداً، شكلها بيخطف القلب. لارين، فستان زهري ضيق لحد الخصر ومنفوش من تحت. وعاملة فرمة شعر على شكل وردة فيها دبابيس بتلمع على شكل ورد وميكب رقيق بس شكلها خرافة. منة، لبست فستان أسود وصندل أبيض وطرحة بيضة وميكب هادي. تيم وهو واقف مستني جومانا وملهوف عليها. لابس بدلة سمرا ورافع شعره بعناية، حاجة كده فاخر من الآخر. يوسف، لابس بدلة بيج كلاسيك ومسرح شعره بطريقة بينت نعومة شعره ولمعته. بيضحك على أخوه.

يا عم أهدي شوية، هتلاقيهم نازلين من هن. تيم، في إيه يابني؟ وبيبص ما كان بيبص أخوه. يامن، اللي لابس بدلة كلاسيك رمادي فاتح. في إيه مالك إنت وهو؟ بيشوفوا في إيه؟ كل واحد بيلاقي اللي ملكت قلبه قدامه. وأقسم إني حوريات خارجة من الجنة. جودي ومنه ولارين وروضة وهمت وفاطمة وياسمين محاوطين جومانا ونازلين بيها. وجومانا مكسوفة جداً. بيتقدم عليها مستر بدر ياخدها يقدمها لـ تيم.

بدر، حطها جوه عينيك، زعلتها والله، أطلع عينك إنت وأهلك. تيم وهو مزهول من جمالها. هو في جمال كده؟ وبياخدها علشان يقعدها في الكوشة. بياخدها وبيطلع يجري على الباب. يوسف، خد ياض يخربيتك، جودي هات البت ياض يخربيتك الفرح. تيم، أفرحوا إنتوا خلاص بقت بتاعتي. جودي، بتعمر المسدس في وشه. وحياة أمك حركة كمان وهقلبه عزاء. جومانا، خلاص بقي ياتيم، إحنا أصلاً لسه ما كتبناش الكتاب. جودي، شكله مش هيتكتب.

والفرح بيبدأ والكل فرحان، بس برضه في اللي حاقد على فرحتهم. يوسف، طيب إيه مش هنكتب الكتاب؟ تيم، لا ما هو اتأجل. يوسف، نعم يا أخويا إزاي يعني، ده إحنا في الفرح. تيم، هقولك بعدين. وبينتبه للي بيتكلم في المايك. أنا يامن العطار، وكيل نيابة، عندي 26 سنة، عصبي شوية بس طيب والله. أكتر حاجة كنت بكرها في حياتي الجواز والمسؤولية. كنت دايماً أتعلق على تيم وهو بيحكي عن حبه لـ جومانا.

لحد ما روحنا نتقدم ليها وقابلت اللي خطفت قلبي من أول نظرة. وفي الخطوبة اتأكد إني عشقتها. ولو كنت أتردد كتير أكلمها وأنا عارف إنها هترفضني. هي عصبية شوية وبرضه مجنونة وشقية. خايف أأجل الكلام أكتر من كده ألاقيها راحت مني، أصلها جميلة قوي، جمال مش عادي. الجزمة صاحبة جودي في سرها. وأخيراً هتعترف بحبك ليا، أكيد هوافق، ياهبل، أنا كمان عشقتك من أول لحظة، بس قولت أخلص انتقامي ونتجوز. متخلف، بس يلا انطق اسمي بقي.

يامن، أنا مرضتش أغضب ربنا وأكلمها بيني وبينها، بس أديني أهو بقولها قدام الكل. تسمحي ليا يا جودي، لارين تكمل حياتها معايا؟ وقبل أي حاجة، هستناها تخلص دراستها زي تيم. تسمحي آخد قطعة من قلبي وروحي أحافظ عليها؟ ونبي ما تحرميني، تبقي حماتي. لارين، خدودها بتحمر جداً وتتحرج من الناس وتحط وشها في الأرض. بس بتكون مبسوطة جداً لأنها كمان مشدودة ليه. منة، وافقي يا جودي، خلي فرحتنا تكمل. بدر، أضمنه برقبتي يابنتي.

جودي، هات أهلك وتعالى بعد أسبوع. كله بيكون فرحان جداً. لا حول ولا قوة إلا بالله العلي العظيم. لا لا مستحيل، حتى ده، يعني مش كفاية أمك عيشت أمي بحسرتها علشان تكمل عليا أنا كمان، لاكن لا مستحيل ده يحصل، مستحيل موتكم على إيدي يابنات. نور، بتكون الدموع في عين روضة. بتروح لـ جودي. أنا تعبت وهاخد همت وأروح. مالك يا دودي، في إيه؟ روضة، هااا، لا لا مفيش حاجة، أنا بس جالي صداع وعايزة أنام، تصبحوا على خير.

بتسبها وتمشي تحت نظرات فاطمة وياسمين وجودي. المعازيم كلهم بيمشوا. يوسف، ينفع أفهم إزاي الدخلة دلوقتي وإنتوا حتى مكتبتوش الكتاب؟ إيه جواز أجانب؟ جودي، كل واحد على عربيته ويلا بينا. بيتفاجئ إنهم في الترب عند أمهم. والماذون هناك. يوسف، هنكتب الكتاب في الترب؟ تيم، شوفت حظ أخويا، عقبال حظك. بيكتبوا الكتاب والماذون بيقول الكلمة الشهيرة. بارك الله لكما وبارك عليكما وجمع بينكما في خير.

بيجري تيم يحضن جومانا، يلاقي جودي قدامه. جودي، بقيت الشروط. تيم، حاااضر. بيمسك المصحف ويقف قدام قبر نور. أنا تيم العطار، أوعدك أحافظ على جومانا وتخليها أسعد واحدة في الكون، وعمر دموعها ما تنزل، وتعاملها بما يرضي الله ورسوله. البنات بيقرأوا الفاتحة ويمشوا كل واحد على بيته. منة، البيت فضي، والله حاسة إني سبت روحي هناك. لارين، بس الفرح كان جامد. جودي، كل واحدة آخرها بيتها. منة، قولي الكلام ده لنفسك.

جودي، أنا أم ياموكه وعندي خمس بنات، تصبحوا على خير. *** وعند العرسان. تيم، أخيراً بقيتي في بيتي، بقي ملكي العمر كله. جومانا، خلاص ياقلبي، بس بجد، إيه اللي خلاك توافق نكتب الكتاب في الترب؟ بجد انبسطت قوي ومفاجأة تجنن، كنت حاسة إن ماما معانا. تيم، أينعم ده كان شرط جودي، بس أنا وافقت، بس علشان عارف إن دي حاجة هتسعدك ياحبيبتي. وبيقرب ياخدها في حضنه، وتصبح مراته فعلاً وقولاً. *** تاني يوم الصبح. صاحبة جودي.

نفذ، هي نازلة دلوقتي. لارين بتنزل من البيت تلاقي عربية جاية بسرعة تخبطها. كلهم بيطلعوا يجرو على المستشفى. في نفس الوقت بتوصل رسالة على تليفون جودي من روضة. دي لسه البداية، احظري مني لأني مش هرحم حد فيكم. ترفض جواز يامن ولارين أحسن لك وتقديم استقالتك، وإلا همت القمر مش هتشوفيها تاني. وأوعي تفكري تدوري عليا، لأن الشريحة هتتكسر حالا. جودي وهي مصدومة. الدكتور، ليخرج. منة، طمني يادكتور.

الدكتور، الحمد لله، جروح سطحية كلها، ساعتين تخلص المحلول نطمن عليها وتخرج معاكم. جودي، طيب الحمد لله، أنا هروح البيت أغير وأرجع ليكم على طول. ياسمين، أجي معاكي. جودي، تعالي. بيوصلوا البيت. جودي بتلبس ترنج رياضي خروج وبدور على الكوتشي الأسود. تلاقي ياسمين لبساه وده العادي بينهم. جودي، ليه لابسة الكوتشي الأسود بتاعي؟ وليه حاولتي تعملي مصيبة في جومانا؟ وليه حاولتي تموتي لارين؟ ووديتي روضة وهمت فين؟ ياسمين.