رواية امبراطور الصعيد الفصل الثاني عشر 12 - بقلم هنا حسين

حاول أسر إيقاظها لكن لم تستجب. أسـر بقلق وعصبية: اتصل بالدكتورة يا فارس. فارس: حاضر. ياسين بقلق: بتي. فتـحيـة: هجيب بصلة. ميـراث: ممكن تبعد شوية عشان الهوا بس، أنا بعرف في الإسعافات الأولية. فتـحيـة: وواجفة ليه، تعالي شوفي. تفيق شهد بعد مدة، وتحضر الدكتورة لتراها. الدكتورة: مين اللي أسعفها؟ ميـراث: أنا. الدكتورة: كويس إنك لحقتيها. أسـر بقلق: خير يا دكتورة؟

الدكتورة: الضغط عالي عندها، وده غلط عليها. عايزة هدوء، بلاش تتعصب. ياسين: يعني هي كويسة دلوقتي؟ الدكتورة: أيوه، والفضل لميراث. بس أنا هكتبلها على علاج تاخده في وقته. أسـر: طيب. يحمل أسر شهد إلى غرفتهم، وتجلس فتحية وميراث معه. فتـحيـة: رايح فين يا ولدي؟ ياسين بحدة: رايح أشوف العجربة اللي تحت عايزة إيه. خلي بالك منها يا أمي. فتـحيـة: طيب يا ولدي، ربنا معاك. يخرج أسر ويترك فتحية وميراث مع شهد. فتـحيـة: كتر خيرك إنك...

ميـراث: متكمليش يا مرت عمي، أنا معملتش حاجة، دا واجبي. فتـحيـة: له عملتي، أنتِ متعرفيش شهد عند أسر وجدك إيه. لو حصل لها حاجة، ولدي هيروح وراها. ميـراث باستغراب: بيحبها قوي أكده؟ فتـحيـة: أيوه، هو اللي رباها على يده، بيعشقها مش بيحبها بس. ميـراث: طيب ليه مانعها من أمها؟ فتـحيـة: عشان مصلحتها. تفتكري شهد لو كانت راحت مع أمها كانت هتبقى زي ما هي دلوقتي؟ ميـراث: إزاي يعني؟

فتـحيـة: أمها اتجوزت وكان هيبقى عندها جوز أم، تفتكري كان هيعملها إزاي؟ وشهد دماغها طايرة، ولا أمها كانت هتصرف عليها؟ له مكنتش هتصرف عليها، كانت عايزها عشان الفلوس. ميـراث: حقيقة. كانت شهد نائمة لتحلم. شهد: عايزة أمي. أسـر: معندكيش أم. شهد: هي تحت، عايزة أشوفها. أسـر: على جثتي لو شفتيها. شهد: على جثتك.

أمسكت بالسكين الحادة لكي تضربه، لكن قبل أن تهجم عليه أمسك بيدها الممسكة بالسكين ليرمي السكين أرضاً ويصفعها صفعة قوية توقعها أرضاً. ولما يعطيها الوقت للتفكير، أمسكها من شعرها وجذبها إليه لتنظر في عيون الوحش الهائج. أسـر بغضب: جلتلك جبل أكده مش عايز أوريكي وشي التاني، وأنتِ اللي جبتيه لنفسك. بقيتي بتحاولي تقتليني. رغم تألمه وخوفها، لم تتحكم بنفسها ولسانها، فهي ذات الرأس الناشف والعنيدة. شهد بكره: هقتلك، أنا مش طايقاك.

ضحك بسخرية منها وأحكم قبضته على شعرها أكثر ليسخر من ألمها. أسـر بصوت كحفيف الأفاعي: بس أنا بعشقك وبعشق لسانك، ومش هسيبك لأنك بتاعتي، ومش أنا اللي أسيب حاجة ليا. وأنتِ كمان بتعشقيني زي ما بعشقك. لتستيقظ من الحلم على صوت فتحية. فتـحيـة: مالك يا بتي، عرجانة ليه؟ شهد: عايزة أشوف أمي. فتـحيـة بغضب: أنتِ معندكيش عقل ومبتفكريش خالص، وأنا تعبت من السر ده. معدش متحمل أشوفك ظالمة ابني. شهد: بتقولي إيه؟

فتـحيـة: أنتِ فاكرة أمك عايزكي ليه؟ هي عايزة فلوس بس، وهي السبب في موت أبوكي. هي السبب إن أبوكي خسر فلوسه كلها. شهد بصدمة: له! فتـحيـة: مش مصدجة؟ تعالي هخليكي تسمعي بنفسك. وفي الأسفل. ياسين بغضب: عايزة إيه؟ فاطمة: جاية آخد بنتي. ياسين: مليكيش بنات عندنا. فاطمة: شهد بنتي. ينزل أسر من على السلم. أسـر بحدة: ولسه فاكرة إنك ليكي بت؟ فاطمة: مش أنتوا اللي كرشتوني. أسـر: بلاش تمثيل، عايزة كام؟

فاطمة: فاهمني أنت. آه صحيح، مبروك على الجواز. أسـر: عايزة كام وما أشوفش خلقتك تاني. فاطمة: اتنين مليون جنيه. ياسين: كل ده! أسـر: هكتبلك شيك على بياض، وما أشوفش خلقتك تاني. فاطمة: ليه دا أنا ضيفة خفيفة. أسـر: أنتِ أصلاً مالكيش حق ولا شلن. فاطمة: أيوه، عرفها إن محمد خسر كل حاجة قبل موته، وأنت اللي بتصرف على شهد وكتبتلها من فلوسك. بس أنا مليش دعوة. أنت خايف إني أضحك على شهد بدموع تمثيل وآخدها لصفي عشان كده بتدفع.

أسـر: أنا مش خايف من حاجة. فاطمة: لا، خايف إن لو شهد عرفت الحقيقة هتتنقهر وهتدمر نفسياً، وممكن تموت فيها، وأنا بستغل ده. أسـر: أصلاً أنا مش زيك، رغم إني ممكن أقتلك، بس هسيبك لربنا يحاسبك. وفي الأعلى كانت شهد وميراث وفتـحيـة يستمعون للكلام. كانت شهد مصدومة، فهي بالنسبة لأمها مجرد سلعة. لتجلس على ركبتيها وهي تبكي بحرقة، لكنها تذكرت الشيك. فتـحيـة: سمعتي بنفسك. ميـراث: لا حول الله.

وفي الأسفل كان أسر يوقع الشيك ويعطيها لفاطمة، لكن تمسك شهد الشيك وتقطعه وسط ذهول أسر. شهد ببكاء: أنا مش رخيصة أكده، تبيعوا وتشتروا فيا. أسـر: أنتِ سمعتي. فاطمة بتمثيل: بنتي حبيبتي. شهد: بتك حبيبتك اللي بتبيعي وتشتري فيها، اللي أنتِ السبب في موت أبوها، وعايشاها عبء على واحد تاني. فاطمة: أنتِ فاهمة غلط، هما بيضحكوا عليكِ. شهد بعصبية: غلط إيه؟

أنا سمعت بوداني. اطلعي بره، ومش هتأخدي ولا جنيه واحد. كان بيدفعلك عشان خايف عليا، بس دلوقتي عرفت، يعني ملوش لازمة. أنتِ كرهتيني في كلمة أمي، عشت أعاني بسببك. اطلعي بره. أسـر بقلق وخوف: اهدي يا شهد، صحتك أنتِ تعبانة. تشير شهد باتجاه فاطمة. شهد: خلوها تطلع بره. أسـر: يا غفلة. فاطمة: ملوش لازمة، أنا هطلع لوحدي. منك لله، كنت هاخد اتنين مليون. أسـر بغضب: بره.

تخرج فاطمة وتنهار شهد. لتتذكر الكلام التي أخبرتها به نسمة ومواقفها مع أسر، ليزداد صوت شهيق بكائها أكثر وأكثر. أسـر بقلق: شهد، أنتِ... شهد ببكاء: متكملش، أنا ظلمتك كتير وعشت حياتي أكرهك من غير ما يكون ليك ذنب. بس ليه يا أسر متقولتش الحقيقة؟ ليه خليتني أكرهك؟ أسـر: عشان كنتي هتكرهي حياتك كلها، ف لما تكرهيني أنا مش مشكلة، أحسن ما تكرهي حياتك وأشوفك مكسورة قدامي. مكنتش هتحمل كسرتك. تلطم على وجهها وتبكي بحرقة.

شهد: أنا كلها بتكرهني، أنا عبء على الكل، أنا رخيصة قوي أكده. يمسك أسر بيدها. أسـر: كده كفر بالله، اهدي. ليجذبها إلى أحضانه ليحاول أن يجعلها تهدأ. أسـر: أنا معاكي ديما. شهد: والفلوس اللي أنت كنت بتتهالي، بتجولي أرض أبوكي هي فلوسك وتعبك في شغلك. يعني أنت اللي كنت بتصرف عليا؟ ليه يا أسر مرمتنيش زيه؟ ليه؟ أسـر: عشان أنتِ كل حياتي، وأنا متخليش عن حياتي. شهد ببكاء: حياتك؟

أنا كلي عيوب وغبية كمان، يعني مليش فايدة. بص فوق كده، أمك وميراث، هبص في وشهم إزاي بعد كده؟ هحس بالذنب إني ظلمتك وإني عبء عليكوا كلكم؟ ليه مت مت مع أبويا بدل الكسرة دي؟ أسـر: بعد الشر عنك، وأنا أعيش لمين؟ شهد: تتجوز واحدة مش سلعة وترفع رأسك قدام الكل، مش أنا. أنا مش هعرف أبص في وشي حد بعد كده. أنت استحملتني إزاي كل السنين دي؟ أسـر: بطلي هبل واهدي، أنتِ حياتي وأنا عمري ما فكرت في غيرك. شهد: بس أنا ظلمتك كتير.

أسـر: يا ستي، بحب العند ولسانك. شهد ببكاء: أنت طيب قوي يا أسر، وأنا مستحقش طيبتك دي. أسـر: شهد، أنتِ مالكيش ذنب في حاجة، مش ذنبك إن أمك عايزة الحرق. لتُغمى عليها وهي بين أحضانه. أسـر بخوف: شهد. حاول إفاقتها لكن لا تستجيب، حتى لم تستجب لميراث. ميـراث بخوف: مفيش فايدة. أسـر بخوف: شهد، فوّقي، أنا معنديش غيرك. فتـحيـة: خدي يا بتي، البصلة. تضع ميراث البصلة تحت أنف شهد، ولكن لم تستجب. يحملها أسر. فتـحيـة: رايح فين؟

أسـر: هاخدها على المستشفى. ياسين: جاي معاك يا ولدي. وفي المستشفى وبالتحديد في العناية. تخرج الطبيبة بعد نصف ساعة. أسـر بخوف: خير يا دكتورة؟ الطبيبة: الحمد لله، فاقت. بس في حاجة. ياسين: خير؟ الطبيبة: اتعرضت لصدمة كبيرة فأثرت على مركز الذاكرة. يعني هي ممكن مش هتكون فاكرة حدث معين في حياتها، أو مش هتكون فاكراكوا. أسـر: نعم؟

الطبيبة: ده اللي حصل، وهنتأكد أكتر لما تتدخلوا عليها. بس لو مش فاكراكوا، يا ريت محدش يضغط عليها، عشان أي ضغط هيبقى فيه عواقب تانية. ياسين: طب ممكن نشوفها؟ الطبيبة: آه، ممكن. يدخل أسر وياسين إلى الغرفة. أسـر: شهد. لم تجيب عليه. أسـر بقلق: شهد. لم تجيب. أمسك بذراعها وأدار وجهها إليه. أسـر: شهد، أنتِ مش سامعاني؟ شهد: أنت مين وماسك دراعي ليه كده؟ وشهد مين؟ أنا مبسميش شهد. ياسين بحزن: يا بتي.

أسـر: أنتِ اسمك شهد، وإحنا عيلتك، وأنا بكون... ياسين: ابن عمك. نظر أسر للجد وفهم ما يريد. شهد: يعني أنتوا عيلتي؟ طب أنا ليه مش فاكراكوا؟ ياسين: عشان اتخبطي في راسك. شهد: آه. وفي خاطرها: شكلهم نصابين وعايزين يخطفوني، أخلع منهم إزاي بقى؟ أسـر: يلا قومي، هنروح. شهد: كدب، ريح انفدك. إيه اللي يضمن لي إنكم مش بتضحكوا عليا؟ أسـر بحدة: نعم يا ختي؟ شهد: كدب. خوته. وفي منزل حاتم. راجي: الحقيني يا ست نهال. نهال بخضة: في إيه؟

راجي: البيه. نهال بخضة: ...