رواية أمل عشق الزين الفصل السادس عشر 16 - بقلم أمل السيد

في أحد كان بيخبط على الأوضة. زين: ادخل. ليليان: في حد عايزك تحت. زين: ومين ده اللي جاء في الوقت ده؟ ما قالش هو مين وعاوز إيه؟ ليليان: انزل وشوف بنفسك، أنا ما أعرفش. زين: لما نشوف، يلا. زين نزل ولقى الدنيا ضلمة، مش شايف أي حاجة. نادى على أي حد بس ما حدش رد عليه. بس بعد شوية الدنيا كلها نورت وتفاجئ، لقى ناس كتير وبلالين ورود. كان متفاجئ بالمنظر، كان جميل جداً. كان بيفكر: "هم عملوا كل ده إزاي؟

" لأن لما كان جاي ما كانش في حاجة. بس اتذكر إن الدنيا كانت ضلمة والنور مطفي. وفجأة لقوا تورتة جاتوه كبيرة عليها صورته. فكر: "النهاردة عيد ميلادي". وفجأة لقى اللي بيقول:

"كل سنة وانت طيب يا أحلى أخ في الدنيا، وعقبال مليون سنة يا رب. النهاردة أخويا وحبيبي كمل 30 سنة، ويا رب السنة دي تكون أحلى سنة عليك يا رب. أنت أحلى أخ في الدنيا، وبقول له عيد ميلاد سعيد عليك. إحنا من غيرك ولا حاجة. أنت كنت واقف جنبي وسندي، لولاك ما كناش واقفين هنا دلوقتي. كنت عايزة أقول له ألف مبروك بمناسبة خطوبتك اللي هي بكرة، وبعدها إن شاء الله الفرح". "إيه ده؟ أنت هتخلص الكلام كله؟

سيب لي شوية. أنا آخر العنقود، اسمي فرح. وعايزة أقول لأخويا حبيبي عيد ميلاد سعيد، وعقبال مليون سنة يا رب، يا أحلى رجل أعمال في الدنيا. وعايزة أقول لك ألف مبروك، والسنة الجاية يكون نصفك التاني موجود معانا. أنا بحبك أوي يا زين، أنت أحلى أخ بالنسبة لي. أنا صحيح عملت حاجات كتير ضايقتك، بس أنا النهاردة بقول لك إني عمري ما أضايقك أبداً. وعايزة أقول إنك اخترت لي أحلى شريك حياة في الدنيا. أنا بحبك أوي يا مراد. من النهاردة ما عدتش أزعلك مني، وأعمل كل حاجة أنت تقول لي عليها."

مراد مصدوم: "مين اللي فرح قالت؟ فرح بجنون: "بحبك يا مراد، أنت أحلى حاجة حصلت لي في حياتي. أنا من غيرك ولا حاجة. صحيح كنت بكرهك في الأول، بس عشت معاك لقيتك إنسان مختلف خالص، بيخاف عليا من كل الناس حتى من أخواتي. بس أنا النهاردة لازم أقول لك كل اللي في قلبي قدام الناس كلها. آه، أنا كنت باخاف منك، وأخاف حتى أبصلك. وفجأة زين قالي إن هتجوزك، بس كنت رافضة. وهو أضحك عليا، وبعدين قالي إني مش هتجوزك. وفجأة

لقيتك قدامي بتقول لي: يا عروستي. عروستك إزاي؟ أنا مش فاهمة. عرفت ساعتها إن زين ضحك عليا. ساعتها كان عقلي وقلبي عكس بعض، ما كنتش عارفة أفكر. بس لما رحت بيتك وعرفتك لقيتك شخص كويس. وأنا من النهاردة بقول: أنا بحبك يا مراد، وأنت كل حياتي. أنا صحيح واحدة مش عارفة الحياة كويس، ولا عارفة اللي فيها، بس أقدر أميز الوحش من الحلو."

وفجأة دموعها نزلت: "أنا آسفة، أنا آسفة، أنا عملت حاجات كتير ضايقتك. وعارف إنك كنت بتستحملني. عارفة إنك ما كنتش بتطلع كل اللي جواك عشان ما تزعلنيش. كنت هبلة، ما كنتش بفهمك. بس أنا من النهاردة هعمل كل اللي يريحك." مراد بحب وحنان: "هش هش، خلاص ما تعيطيش. امسحي دموعك بقى. وأنا كمان بحبك، ما أقدرش أزعلك ثانية واحدة. كده باقول لك إيه يا زين؟ أنا واخد إجازة شهر. ولا أقول لك، أنا مستقيل. أنا بحبك أوي يا روحي." زين: "نعم؟

كنت بتقول إيه؟ مراد: "إنت مش معانا بقى؟ باقول لك واخد إجازة شهر." زين: "ليه بقى إن شاء الله؟ مراد: "عقبال عندك، طلع شهر العسل بتاعي مع حبيبتي. ولا في مانع؟ عمر: "أوبو، ما حدش قدك يا عم. مش محتاج مساعدة؟ أحجز لك أحلى شهر عسل." فرح: "على فكرة غليظ، ما لكش دعوة بمراد، ماشي." عمر: "بقى كده يا فرحتي؟ تزعليني منك؟ ده أنا باحبك. وطلع لك شهر عسل على حسابي، بس يلا ما لكيش نصيب."

مراد: "لا يا أخويا، خلي فلوسك في جيبك. لسه جوزها موجود، ويقدر يجيب لها الدنيا كلها. مش مستني منك حاجة." فرح بابتسامة: "ربنا يخليك لي يا حبيبي. وكل سنة وانت طيب، وعيد ميلاد سعيد عليك يا رب. وما يحرمني منك أبداً. أنا عاملة لك مفاجأة صغيرة بمناسبة عيد ميلادك." مراد: "أي حاجة تعمليها بالنسبة لي الدنيا كلها. حتى لو ما جبتيش حاجة. كلامك بالنسبة لي هدية العالم كله. أنتِ مش عارفة كلامك عمل في إيه؟

كنت فاكرك بتكرهيني، بس النهاردة عرفت إنك بتحبيني. متعرفيش الكلام ده فرحني قد إيه. من النهاردة هتغير عشانك أنتِ يا حبيبتي." فرح بنظرة حب: "ربنا يخليك لي يا رب، وما يحرمنيش منك." عمر: "احمم، اجيب لكم سجارتين ليمون؟ فرح بينها وبين عمر: "ما تخليك في حالك يا عم. اللي غيران مننا يعمل زينا، صح ولا إيه؟ عمر بغمزة: "خليني في حالي. أمال بقى لك خمس شهور بتعملوا إيه؟ بتاكلوا فشار؟

فرح: "والله العظيم إنك بارد ودمك تقيل كمان. أنا غلطانة إني تكلمت معاك أصلاً."

مراد: "احم، كنت عايز أقول لك يا زين عيد ميلاد سعيد. يا رب تكون سنة حلوة عليك. أنا مش عارف أقول إيه بصراحة، مش لاقي كلام أقوله. أنت صاحبي من زمان أوي. أتذكر أول مرة اتقابلنا فيها، ما كنتش أعرفك، بس حسيتك ساعتها إنك شخص أوي، عايز تنجح في الحياة. أنا صح ما كنتش زيك، أنا كنت ساعتها شخص ما كانش عندي قلب يحس بحد. بس من يوم ما عرفتك عندي أجمل صاحب في الدنيا. لو اتكلمت عنك ما أقدرش أوصفك بكلمة واحدة، لأنك شخص جميل."

زين: "عيد ميلاد سعيد عليك يا صاحبي ويا أخويا. ما لوش لازمة الكلام. المهم إنك جنبي، مش عاوز أكتر من كده. دي عندي بالدنيا كلها." فرح: "إيه ده؟ إيه ده؟ أنا كده هعيط. زين اطلع غير هدومك. ولا أقول لك، تعال أطلع لك هدوم على ذوقي." مراد بغيرة: "نعم يا روحي؟ هتروحي فين؟ فرح بمشاغبة: "بقول رايحة أطلع هدوم على ذوقي. في حاجة؟ وهي بتلعب في زرار قميصه: "عايز مني حاجة؟ مراد بدون وعي: "إنتي طالعة حلوة النهاردة."

فرح: "ما أنا عارفة. زين حبيبي استناني." مراد: "هي راحت فين دي؟ يخرب بيتك، جننتيني." ~~~~~~~ في غرفة زين ~~~~~~~ فرح: "زينو، إيه رأيك في الطقم ده؟ حلو صح؟ زين: "حلو يا فرح." فرح: "في إيه؟ مالك زعلان ليه؟ زين: "عادي يا فرح." فرح: "هتخبى عليا برضه؟ زين: "حاجة صعبة أوي إن الواحد يتجوز اتنين، واحدة بيحبها وواحدة مفروض عليه. عايزين نعمل إيه يعني؟ فرح: "وأنت ليه تفرض على نفسك حاجة زي كده؟

اختار اللي قلبك عايزها. متفرجتش على نفسك حاجة أو تغصب على نفسك. خد اللي يريحك، دي حياتك أنت مش حياتهم هم." زين: "مش عارف. أول مرة أحس إني عاجز بالشكل ده. مش عارف أعمل حاجة. خايف يبوظ كل حاجة." فرح بتفكير: "أنا عندي فكرة حلوة أوي، هتعجبك." زين: "فكرة إيه؟ مش فاهمك." فرح: "مش أنت خايف من دينا تبوظلك كل حاجة؟ أنا أخليها تلف تقول أنا اللي بوظت حياتي بيدي." زين: "إزاي يعني؟ مش فاهمك."

فرح: "هات ودنك وأنا أقول لك عشان ما حدش يسمع." 👂 زين بابتسامة خبيثة: "برافو عليكي يا فرح. اثبتيلي إنك أختي بجد. الخطّة دي لو نجحت، هعمل لك اللي انتي عايزاه." فرح: "المهم خد هدومك أهي. أنا نازلة ألبس، وحصلني وما تتأخرش كتير. تلاقي عمر فوق دماغك." زين: "فرح." فرح: "نعم." زين: "اللي قلتيه تحت ده من قلبك؟ فرح: "قصدك إيه؟ مش فاهماك. وضح." زين: "اللي قلتيه تحت لمراد من قلبك ولا تلعبي لعبة عليه؟

فرح: "أنا قلت لك قبل كده إني بحبه. كنت مخططة أعمله مفاجأة في عيد ميلاده. وكفاية خناق لحد كده، أنا تعبت بصراحة. نفسي أعيش زي بقيت الناس. أنا ما بكرهش غير حاجة واحدة بس، إن هو متحكم. دي الحاجة الوحيدة اللي مضايقاني. نفسي يتغير ويشوف الدنيا بشكل تاني."

زين: "تعال يا فرح، بصي. كل واحد في الدنيا دي ليه شخصية، يا وحشة يا حلوة زي مراد وعمر. وأنا مش زي بعض. بس حاولي تشوفي الجانب الحلو منه، ما تشوفييش الجانب الوحش عشان تقدري تحبيه. لو حاجة مزعلاك منه، قولي له عليها، يمكن يغير الحاجة دي عشانك. لو بيحبك هيتغير. وأنا متأكد إنه هيتغير عشانك أنتِ بس. حاولي تديله فرصة."

فرح: "هحاول أديله فرصة ونبدأ حياتنا من جديد. سيبك من الموضوع ده. قلي بقى يا معلم، سمعت إن أنت خارج بكرة مع المزة بتاعتك؟ خدني معاك بقى، نفسي أشوفها عاملة إزاي اللي خطفت قلب أخويا." زين: "إنتي شكلك اتعديتي من عمر وناوية تغلسي على صح؟ يلا قومي هويني كده عشان أغير هدومي." فرح: "من ناحية ناويه، يا غلس. أنا ها أغلس عليك. مش أنا عرفت لك الولد مراد مخبي وليد فين؟ زين: "مخبي فين بقى يا فالحة؟ فرح: "مخبيه في مخزن النبوي."

مراد من وراء: "مين الولد مراد ده اللي بتتكلموا عنه؟ زين: "اسأل مراتك." مراد: "جاوبيني يا مراتي، مين الولد مراد؟ فرح: "ها، واحد كده ما أعرفوش يا حبيبي." مراد: "ما تنسيش تقولي لي أعرفك عليه لما نروح. خمس دقايق ولاقيكي ورايا تحت، ماشي ولا مش ماشي؟ فرح: "حاضر." "هو عارف إحنا بنتكلم على مين؟ زين: "إنتي هبلة يا فرح؟ ومين غيره اسمه مراد هنا؟ ده حتى سامعك وإنتي بتقولي المخزن النبوي."

فرح: "زين حبيبي، ممكن أبات عندكم النهاردة؟ زين: "هاويني كده وشوفي جوزك بينادي عليكِ." فرح: "يا نهار أبيض، أنا اتأخرت على خمس دقايق. سلام." زين بابتسامة: "الله يخرب بيتكم، هتجننوني." ~~~~~~~ في بيت أمل ~~~~~~~ في غرفة أمل كانت بتكلم بنت عمها على الواتس. أمل: "قولي، أنا أختار لبس شكله إيه؟ نور: "أحمر، مش لونك المفضل." أمل: "مش جاي على بالي ألبس أحمر." نور: "يا بنتي، هو اللي هيشتري لك. ما تفكريش كتير."

أمل: "طب ألبس طرحة ولا أسيب شعري؟ نور: "والله إنتي حرة، اللي يريحك." أمل: "نفسي مرة تريحيني." نور: "ما هو أنا مش فاهماكي." أمل: "يعني إنتي عمرك فهمتيني؟ نور: "لا، إنتي كده بتغلطي في بريستيجي." أمل: "يا شيخة، قولي كلام غير ده." نور: "أموت وأعرف، أكيد كان أعمى لما شافك." أمل: "لا يا حبيبتي، كان صاحي أوي." نور: "لا، إحنا كده جبنا التاريخ العربي كله." أمل: "لسه الأفرنجي." نور: "لما تكبري شوية هقول لك."

أمل: "ههه، لا وحياة أبوكي، قولي لي إيه الفرق بين الأفرنجي والعربي؟ نور: "ده اسم حمام باين." أمل: "داهية تقرفك، شكلك إنتي اللي عايزة تخشي الحمام." نور: "آه والله، إنتي بتقولي فيها." أمل: "خلاص، روحي وأكلمك بعدين." نور: "ماشي، سلام." أمل: "سلام. هي الساعة كام؟ يا نهار أبيض، الساعة واحدة." ~~~~~~~~~~~~ في فيلا زين الجارحي ~~~~~~~~~~~~

كان في صحفيين كتير أوي منتظرين زين يعملوا معاه لقاء صحفي. الكل شاف زين طالع يجري عليه. كان نازل من على السلم، كان لابس بنطلون أسمر وقميص أبيض وجاكيت أسمر، وكان لابس كرافتة مخططة أبيض في أسمر. كان شكله حلو أوي. فرح شفته، راحت عليه ومسكت في ذراعه. مراد كان هيموت من الغيظ، واللي شعللها أكتر عمر. عمر: "تقول لك بحبك وتروح لأخوها؟ بعد الكلام ده كله، يا حرام. واقف لوحدك؟ ما فيش حد معبرك؟ حتى مراتك سبتك وراحت تتصور؟

وأنت ما فيش حد عبرك بصورة واحدة. معلش، ابعت كده شوية عشان البرستيج بتاعي." ليليان: "يلا يا زين عشان نقطع التورتة." فرح: "ثانية واحدة، ودي هدية مني لحبيبي." كانت تورتة عليها صورة مراد وشكلها حلو أوي، مكتوب عليها: "عيد ميلاد سعيد". مكتوب عليها: "أنا بحبك أوي". مراد: "إنتي عملتي كل ده علشاني أنا؟ فرح: "آه طبعاً، بس ما تنساش هتعمل لي واحد أحسن منها." مراد: "أنا قلت كده برضه، ما بتعمليش حاجة ببلاش."

الكل يتجمع حوالين زين ولسه هيغنوا. زين بيزهق: "ممكن نطفئ الشمع ونخلص؟ ليليان: "ما ينفعش كده يا زين، ده حتى الناس متجمعة عشانك. استحمل شوية." عمر بهزار: "ده أنا حتى اللي هغنيلك. كان اسمها إيه الأغنية؟ فرح بتضحك: "يا نهار أبيض، نسيت أغنية؟ أنا اللي أغني." عمر: "غني لجوزك يا روحي." فرح بتلوي شفتها: "وماله، أغني." انزل يا جميل في الساحة واتمختر كده بالراحة أنا أقدر عينيك مع إن نظرة عينيك دباحة مالك طالع بالعالي

يا مالي قلبي ليالي أمرك يا جميل Happy birthday to you يا وعدي على الأيام دي من غير ما نحس تعدي تاخد أكتر ما بتدي وأنا والأيام وحدي يا قمر الليل يا قمر الليل الوردي شاور للنجمة تهدي أمرك يا جميل يا ربيع الحلم الأخضر إن كان عالصبر رح أصبر هات إيديك وافتح قلبك الدنيا هتسهر جنبك يا بحر ملوش يا بحر ملوش نهاية قلبي ملاح وحكاية أمرك يا جميل عمر بتريق: "الله! شفت الأغنية الرومانسية دي؟

بتقول لك يا قمر الليل فعلاً. الأغنية يا محلاها." زين بنرفزة: "خلاص خلصتوا؟ عمر: "لسه فاضل دوري." فرح: "أما أشوف تغني إيه." عمر: "ده أنا نجم مصر الأول في الأغاني." النهاردة عيد ميلاد، عيد ميلاده أحلى عيد مين اللي أنا شايفه ده؟ دا القمر جاي من بعيد هاتوهي، يلا بقى نغنيله ونصقفله وسط الديرة هاتوهي، يلا نفرح قلبه يا كل حبايبه ونرقص كده كده سنة راحت، سنة جاية، وندر عليا لفرح قلبه ده

وكده كده أصلي بحبه، وهفضل جنبه أنا واللى يحبوه النهاردة عيد ميلاد، عيد ميلاده أحلى عيد مين اللي أنا شايفه ده؟ دا القمر جاي من بعيد هاتوهي، يلا بقى نغنيله ونصقفله وسط الديرة هاتوهي، يلا نفرح قلبه يا كل حبايبه ونرقص كده كده سنة راحت، سنة جاية، وندر عليا لفرح قلبه ده وكده كده أصلي بحبه، وهفضل جنبه أنا واللى يحبوه النهاردة عيد ميلاد، عيد ميلاده أحلى عيد كل سنة وانت جنبي وأنا وياك والسنين اللي جاية أحلى وأنا هبقى معاك

اتكلم سمعني كلامك، احكي لي وقول دنيا جنبك حتى في أحلامك وياك علطول هاتوهي، يلا بقى نغنيله ونصقفله وسط الديرة هاتوهي، يلا نفرح قلبه يا كل حبايبه ونرقص كده كده سنة راحت، سنة جاية، وندر عليا لفرح قلبه ده وكده كده أصلي بحبه، وهفضل جنبه أنا واللى يحبوه فرح: "الله على المطرب يا ناس. أتمنى أمنية يا زين، وأنت كمان يا حبيبي. يلا تمنوا."

زين طفى الشمع. هو مراد. زين هيمشي بس مامته وقفته، كانت بتقول له كلمة قدام الناس كلها، وزين بص لها.

"فرحتي وسعادتي الأولى، كل عام وأنت بخير ويجعلك في كل أمورك خير. منذ أن رأيتك وقلبي يدق بالحب ويملأه الحنان ويسكنه العشق. ابني الكبير الغالي، أنت أول لحظات فرحتي. ابني الأول، سندي وظهري وحبي. ربي يجعل كل أيامك سعادة وهناء. كل عام وأنت بخير يا ابني الغالي. كل عام وأنت الغالي، أنت الفرحة، أنت السعادة. عقبال ما تكبر وتشوف أحلامك بتتحقق وتكبر معها. يا أغلى من نور عيني، يا أقرب لي من نبضي، يا أغلى إنسان عندي. كل عام وأنت

بخير. حبيبي ابني ونور عيني، بهديلك السلامة وتهنئة بمناسبة عيد ميلادك، يا أغلى الناس، أقربهم إلى قلبي، ولا يحرمني من رؤية البهجة والفرحة في عيونك. باقة ورد وزهور عطرة إلى ابني الأكبر الغالي. كل عام وأنت سعيد ومحقق كل ما تتمناه، وكل ما هو يحمل الخير والسعادة لك. سألوني الناس، ابني حبيبي فين؟

يوم عيد ميلاده قلت لهم جوة القلب خبيته وبحميه من العين. كل سنة وأنت طيب يا غالي. ابني حبيبي، أعز ما لدي في الدنيا، زهرة عمري التي أسقيها كل يوم واحتفل بميلادها. كل عام أدعو الله لك التوفيق، وأدعو الله صلاح الدين والدنيا. حبيب قلب ماما، كل عام وأنت بخير وبسعادة وهناء وسرور. دائما تكون لي ولوالدك وأخوتك العون، يا رب أشوفك عريس قد الدنيا." 💖

زين بالدموع: "أنا مش عارف أقول إيه. الكلام ده كتير عليا أوي. كل اللي أقدر أقوله ربنا يخليك لي يا رب وما يحرمنيش منك أبداً يا ست الكل، وأفضل طول عمري جنبك وسندك. عن إذنك، مش عارف أقول حاجة تانية." مراد: "شكراً يا جماعة على حضوركم، وشرفتونا." فرح بزعل: "هو ليه زين زعلك ده يا مراد؟ مراد: "إنتي عارفة إن زين ما بيحبش يحتفل بعيد ميلاده." فرح: "يعني هو دلوقتي زعل مننا؟

مراد: "لا يا حبيبتي، ما زعلش ولا حاجة. هو شوية وهيبقى كويس. يلا بقى إحنا نمشي." فرح: "بس أنا عايزة أبقى جنبه." مراد: "أوعدك بكرة هنيجي نشوفه." فرح: "ماشي يا حبيبي، يلا." دخل شاب في قمة الأناقة والشياكة بيقول: "أوعى تكون أكلت الجاتوه من غيري." الكل بص له واستغرب. تبع الفصل السابع عشر.