رواية امنية ضائعة بقلم ديانا ماريا | كاملة
قيّم الرواية:
لا توجد تقييمات بعد
من أحداث الرواية
ده مجموع تجيبيه يا فاشلة! أمال لو مش بتاخدي دروس بأد كده وخصوصي كمان! يعني إحنا نصرف دم قلبنا عليكي وأنتِ جايبة لنا المجموع اللي زي الزفت ده! ضمت إيدها بغضب وقالت وهي بتبص حواليها بتفكير: طب هنقول للناس إيه! هنواجههم إزاي وأقولهم الحيلة الخيبة جايبة لنا مجموع زي ده! ده أنا حتى بتكبر على أم سلمى لأن بنتها دخلت كلية آداب دلوقتي هبص في وشها إزاي! كانت قاعدة باصة قدامها بتوهان في عالم لوحدها بتحاول تستوعب وتصدق اللي بيحصل. النتيجة مرمية قدامها على الترابيزة بس هي مش شايفة حاجة. مش مصدقة أنها بعد كل اللي عملته مجابتش مجموع زي ما متوقعة رغم أنها عملت كل حاجة علشان تجيب مجموع وتفرحها وترضيها بأي شكل. بعدت عن كل صحابها ومبقتش ترد حتى على أقرب صاحبة ليها. بعدت عن الكل. اختفت تمامًا. وركزت كل جهدها وحياتها لأمر واحد بس. تجيب مجموع علشان ترضي أهلها بس في الآخر فشلت! كانت آمال (والدة ود)...
