رواية امواج اورز الفصل الرابع 4 - بقلم منة مصطفى

مشيت بعربية وحسيت إن في عربية ماشية وراها. بدأت أدخل في شوارع وعربية وراها، تسرّع وعربية وراها تاني. منار: إيه العربية دي بقى؟ راحت مسرّعة، وعربية وراها. وكان علي شبه توازي، فبصت في العربية واتصدمت. سائق: حسيت إن في حاجة غريبة وإني لو وقفت مش هيبقى مصلحة ليا وممكن أنأذيني. جريت بالعربية لحد ما أخيراً توهته. ريما: وصلت عند بيتها في المهندسين. ريما: سلامو عليكو. البواب: دكتورة ريما، وعليكم السلام ورحمة الله وبركاته.

ريما: إزيك يا عم فتحي؟ البواب: في حد مستنيكي فوق. ريما: مين؟ البواب: هتشوفي يا دكتورة. طلعت ريما على السلم، وكانت نازلة بنت في سن الحادية أو الثانية عشر. ريما: عاملة إيه يا كوكي؟ كريمة: الحمد لله يا دكتور. ريما: رايحة فين متأخر كده؟ كريمة: هجيب حاجة حلوة عشان ملك بتعيط. دخلت ريما، إيديها في شنطة، وطلعت شنطة فيها شيبسي وكيكات وحاجات تانية. ريما: خدي دي يا كوكي وسلميلي على ماما. كريمة: بس...

ريما: مبسش ومتنزليش متأخر كده تاني. كريمة بفرح: شكراً لحضرتك، أنا مش عارفة من غيرك كنا هنعمل إيه. ريما: يلا يا كوكي يا قمر. طلعت ريما في الأسانسير (مصعد كهربي) وفتحت باب الشقة وبتنده: ماما يا ماما. واتصدمت. ريما: مرواااااااااان، وحشتني. مروان زايد، 25 سنة. أصغر من ريما بـ 3 سنين، ولكن أفضل أخ وصاحب ليها. كان شغال في إيطاليا. طويل وشعره أسود، عيونه سودة، ملامح عادية زي بقيت البشر. مش شرير ومش رخيم، عادي يعني.

مروان بفرح: أخيراً شوفتك. ده شوية وكنت هاخد العنوان وأجي. ريما: ماما مقولتيش ليه إنه جاي؟ سلمى (أم ريما) : والله يا بنتي، هو اللي حلف وقال لي مقولش. ريما بعناد: يا رخمممممم. مروان: أنا برضه، والله يا بنتي، أربع سنين ومش لاقي حد يقرفني في دنيتي. وهات لي ولا سوي واعملي. مروان: سيبك من كل ده، تعالي أوريكي جبت لك إيه. سلمى: يا بني اتغدوا الأول، وطول الليل وريها وأنا هخش أنام عشان أنتوا رغايين.

ريما بضحك: كده يا ماما، براحتك. سلمى: والله أنا عاوزة أنام. زي ما بنام بدري، وهو عمال يحكي، أنا حتى نسيت هو قال إيه. ريما: أيوا يا عم، احكي لي عن حكايتك بقى، كنت عامل إيه وشغال فين، وميلانو حلوة وبتُمطر تلج في الشتا، وناس عاملة إزاي، وكل كل حاجة. مروان: عنيا، يلا. ريما: نتغدى الأول عشان والله هموت وآكل. ريما: أسطة، يلا. دخلت ريما الأوضة، كانت برحانه، بروح أخوها من سفر، وسرحت شعرها وغيرت هدومها وطلعت جري.

مروان: إيه أخبار المستشفى؟ ريما: والله هما اللي هيجننوني، مش أنا اللي هعالجهم. مروان: يا سلام. ريما: والله أساساً لسه متعينة، وحالة بقالها خمس سنين مش بتتكلم، اتكلمت، واللي كان في غيبوبة صحي وبدأ ينطق، وعاوزين ينقلوني. والله يا ابني أنا خسارة في بلد دي. مروان: أومال... ريما: وإنت عامل إيه؟ واحكي لي بقى. مروان: والله يا بنتي، إيطاليا دي حاجة في منتهى الرقة، وفيه هناك بيتزا واو، ومكرونة اسباجتي واو واو واو.

ريما: هو أنت همك على بطنك؟ مروان: بس يا رخمة. ريما بضحك: إيه يا بطة، عجبك الأكل؟ سلمى: قط وفار قاعدين قدامي، والله. ريما ومروان في نفس الوقت: أومااااال. وبعد ما اتغدوا وقعدوا يحكوا ويرغوا كتير أوي أوي، وكانوا فرحانين. تاني يوم. ريما: ماما أنا نازلة، عاوزة حاجة؟ سلمى: لا يا حبيبتي، عاوزة سلامتكم. مروان: يلا يا بت من هنا. ريما وهي بتعدل البالطو: أنا دكتورة يا خوي، ده أنا اتمرمطت وتيجي تقولي يا بت. مروان: أه بت.

ريما: براحتك يا عم، أنا نازلة بقى، باي. مروان وسلمى: مع السلامة. نزلت ريما وركبت عربيتها، وجالها اتصال. ريما: ألو. أحمد: ألو يا ريما، أنتِ فين؟ ريما: أنا لسه نازلة يا فندم، وأنا متأخرتش. أحمد بضحك: لا عارف، بس كنا عاوزين... ريما: مسافة السكة، حاضر. أحمد: تمام يا دكتورة. ركبت ريما العربية وراحت المستشفى بتاعتها، وبعد زحمة الطريق ودوشة الطريق وصلت. ريما دخلت مكتب مدير المستشفى. ريما: نعم يا مستر أحمد؟

أحمد: دلوقتي سعيد بيه... ريما بتعجب: سعيد بيه مين؟ أحمد: عم سارة وسائر. ريما: أيوا. أحمد: هينقل البيت وكام طالب دكتور اللي كانت سبب في تحسين الحالة، عشان نفسه يخرجهم من جو مستشفى. ريما بتعجب: أيوا. أحمد: فأنتِ هتتنقلي في بيته، وليكي إقامة ومرتب، ومتخفيش، يعني هي عيلة ليها شأنها في بلد. ريما: أنا هفكر. أحمد: بس هو طالبك، وده تبع شغلك. ريما: من فضلك. أحمد: تمام.

في فيلا في التجمع الخامس، جنينتها تحفة وديكور رائع وحمام سباحة فاخر. سعيد: فهمت. يوسف: فاهم إيه؟ أنت هتجبهم؟ سعيد: بص يا يوسف، مهما كان دول ولاد أخويا، ولازم أراعيهم. وكمان أنا عملت حاجات في الماضي مش مسرور بيها، ومش هعيش الباقي من حياتي كده. يوسف: والدكتورة؟ سعيد: هتكون هنا تحت نظرنا، وهنعرف بتعمل إيه. ومتنساش إن سارة اللي عارفة إيه اللي حصل، وأما ناخدها تحت جناحنا هتحس بأمان، وسائر في غيبوبة من قبل الحصل ما يكون.

يوسف: الدكتور شفتني امبارح وأنا ماشي وراها. سعيد: حوّر عليها وقولها كنت عاوز أسأل على حالة أخويا، ولما لقيت حضرتك ارتبكتي مردتش أكمل وراكي. يوسف: اممممم. سعيد: هو ده حل وحيد. يوسف: تمام يا عمو، بس برضه اللي اتفقنا عليه زمان هيفضل دلوقت. سعيد: طبعاً طبعاً. سارة: يا دكتور تعالي معانا، مش هروح هناك لوحدي. ريما: بس ماما ومروان. سارة: أرجوكي، أرجووكى، أرجوووووكى. ريما: بس...

سارة: عشان خاطر سائر، ده حتى مبطّلش يسأل عليكي من ساعة ما مشيتي. التفتت ريما لسائر، لقتوه مربع إيده على سرير، ولما شافها ابتسم. ريما: هحاول. سارة: شكراً. ريما جالها تليفون من البيت. ريما: ألو يا مروان. مروان: ألو يا ريما، بقولك فاطمة تعبانة أوي وإحنا عندها. ريما بخضة: فااطمة! مروان: إحنا روحنالها المستشفى. ريما: أنا جاية. يا ترى مين فاطمة؟ إلى اللقاء في بارت قادم.