رواية امرأة في عصمة صعيدي الفصل السادس 6 - بقلم سلسبيل

آخر حاجة وقفنا عندها في الفصل الخامس، إن ديما قربت من جاسر وكانت بتعمله الزرار، وفجأة الباب اتفتح. جاسر زق ديما بعيد عنه بسرعة. وديما اتصدمت. جاسر: إزاي تخشي من غير ما تخبطي؟ الموظفة: آسفة يا جاسر بيه، بس أنا خبطت كتير، شكل حضرتك اللي مكنتش مركز. جاسر: طب غوري من وشي. الموظفة خرجت. وجاسر بص لديما بغضب. ديما: في إيه؟ بتبص كدة ليه؟ جاسر: مش عايز ألمحك قريبة مني بعد كدة، فاهمة؟ ديما: أنا عملت إيه؟

جاسر: تخيلي بقى البنت دي هتروح تقول لكام بنت على اللي شافته. ديما: إحنا مكناش بنعمل حاجة غلط، وكمان إنت ابن عمي، يعني زي أخويا. جاسر: قدامي. ديما: هنمشي؟ جاسر: اومال إيه؟ غوري يلا. ديما: مش عايزة حاجة منك، بكرهك. ديما خدت شنطتها وطلعت تجري وهي بتمسح دموعها. جاسر: غبية، غوري في داهية. جاسر قعد كمل شغل. أما عند الموظفة، طلعت تليفونها واتصلت بسارة. سارة: ها، عملتي إيه؟

الموظفة: دخلت عليهم فجأة زي ما قولتيلي، لقيت البت قريبة منه أوي وماسكة قميصه. سارة: أنتي متأكدة؟ الموظفة: آه. سارة: خلاص ماشي. الموظفة: متنسيش نسبتي. سارة: متقلقيش. سارة: وربي لا أوريكي يا ديما، جاسر خط أحمر. عند ديما، ديما خرجت جري وهي مش طايقة نفسها. ديما: أنا معملتش حاجة لكل ده، أنا بكرهه. خالد: ديما. ديما مسحت دموعها بسرعة وبصتله. ديما: أهلاً، أخبارك؟ دنيا: مالك؟ ديما: مالي، أهو أنا في قمة الانبساط، إنتي انبسطتي؟

دنيا: آه أوي أوي. خالد: أنتي كنتي بتعملي إيه هنا؟ ديما: طنط فتحية خلت جاسر يوريني البلد وجينا المصنع، وبعدين أنا مليت فقولت أمشي. خالد: طب وجاسر ميحوصلكيش ليه؟ أو يبعت أي حد معاكي؟ ديما: لا، أنا اللي مشيت، اتخانقت فجأة. خالد: طب تعالي، هنعدي عليه ناخده واحنا كدة كدة رايحين نتغدى. ديما: بس... خالد: يلا. خالد خد ديما ودنيا ودخلوا المصنع وراحوا لجاسر. خالد: أخبارك؟ جاسر: تمام، وإنت؟ خالد: بخير.

دنيا: طب يلا، أنا جعانة، انجزوا. ديما: يلا يا خالد. خالد: يلا يا ابني. جاسر: تمام، يلا بينا. والكل مشي جنب بعضه ورايحين للبيت. تليفون ديما رن. ديما: الو، أهلاً أستاذ شاكر. شاكر: أهلاً يا بنتي، عاملة إيه؟ ديما: بخير، هو في حاجة؟ شاكر: ديما، اللي أنا عايز أقوله لك حاجة صعبة أوي. ديما: لا، قول حضرتك. شاكر: .................................................... دنيا: ديما، ديما، ديمااااااااا. ديما: نعم. خالد: مالك؟

ديما: مفيش، عايزة أروح. جاسر: تافهة. دنيا: مين أستاذ شاكر ده؟ ديما: مش حد، وبطلي أسئلة. وبعد فترة صغيرة وصلوا للبيت ودخلوا. فتحية: حمد الله بالسلامة. الكل: الله يسلمك. أسماء: اطلعوا غيروا عقبال ما نحط الأكل. دعاء: أنا استويت وأنا بعمل صينية البطاطس اللي الهانم بتحبها. ديما: شكراً يا دعاء. دعاء: ولا يهمك. دنيا: هنطلع إحنا يا طنط. دنيا وديما طلعوا، وكل واحدة غيرت هدومها. حسن: أومال فين البنات؟

فتحية: طلعوا يغيروا ونازلين. دنيا: السلام عليكم. محسن: يا بت بطلي طريقتك دي. دنيا: No. تسنيم: طب يلا تعالوا كلوا. سارة: آه، يلا تعالوا. فيروز: مالك يا ديما ساكتة ليه؟ ديما: no thing. دنيا: دول صعايدة يا هبلة. ديما: ماليش فيه، سيبيني في حالي. محسن: مالك يا حبيبتي؟ ديما: مفيش، ومحدش يسألني عن أي حاجة، تمام. عبير: مدلعة زيادة عن اللزوم. ديما: تمام، شكراً. علاء: ليه بس يا ديما القمر مينفعش يعيط؟

حسن: كل وانت ساكت يا علاء. ديما: عن إذنكم. ديما طلعت جري على أوضتها. دنيا: هي خمس دقايق وهتنزل، ده أنا حافظاها. والكل قام من على الأكل، وبدأوا يقعدوا. ديما: احم، طنط أسماء. أسماء: نعم يا حبيبتي. ديما: هو في لسة أكل؟ أسماء: آه يا حبيبتي، تعالي معايا. دنيا: امسك حرامي. ديما: عايزة إيه؟ دنيا: كان مالك يا أسطا؟ ديما: مفيش، بعتذر لأني انـفعلت. جملات: خلاص بقى، نجيب لك تأكلي. ديما: لو مكنتيش حلفتي بس. تسنيم: يا لمضة.

ديما: قلبي يا رب. حسن: أنا مشفتش أسرع منك في التقلب. ديما: لا، ده أنا واخدة بطولات. والكل قعد يضحك على لطافة ديما، وبدأت تأكل. وبعدين تليفونها رن. ديما: مين؟ دنيا: رقم بره البلد. ديما: إحنا نعرف حد بره البلد؟ هاتي. ديما: الو. شخص: ياااااه، صوتك بقى رزين كدة إمتى؟ طول عمرك طفلة. ديما: أفندم؟ مين حضرتك؟ شخص: أنا! للدرجة دي مش عارفة صوتي؟ دنيا: ما تنجز يا عم، لاحسن نقفل في وشك. شخص: آه يا دنيا، ليه بتيجي عليا كدة؟

إنتي دنيا وحشة وزبالة. ديما بصت لدنيا بسرعة وبدأت ضحكتهم توسع وصوت ضحكهم يعلى. والكل مستغرب، وخالد وجاسر مضايقين. ديما ودنيا: علاء الدين الأيوبي بنى إيه؟ الشخص: بنى القلعة. ديما ودنيا: بنى إيه؟ الشخص: بنى القلعة. ديما ودنيا: شُيدت القلعة في العصور؟ الشخص: الوسطى. ديما ودنيا: أي عصور؟ الشخص: الوسطى. ديما: وحشتني يا أعز شخص على حياتي. الشخص: لا، أنا بأتـحرج. دنيا: أنا دنيا وحشة وزبالة يا حقير يا واطي.

الشخص: يعععع، بيئة، ليه متبقيش بسكوتة كيوتة زي ديما؟ ديما: فين ك؟ أنا بعت لك كتير وأنت مكنتش بترد. الشخص: حصلت ظروف، أينعم عدى 15 سنة، بس مستحيل أنساكي يا عمري. ديما: لا، أنا اللي بأتـحرج كدة. دنيا: أنت موحشتنيش خالص. الشخص: مش مهم إنتي، المهم البت العسل اللي جمبك. ديما: حازم، بطل إحراج. حازم: مكسوفة؟ حازم: أومال فين محسن وتسـنيم؟ محسن: محسن حاف يا زفت. حازم: قلبي يا رب. حازم: آه يا جذمة، فاتحة الاسبيكر وبتبيعيني.

ديما: وحشتني أوي ونفسي أحضنك، أنت فين؟ حازم: آه يا قلب أخوكي، لا صعبتي عليا، مش جاي. ديما: رزل ومش عايزك تيجي، وغور في ستين داهية تاخدك أنت وكل اللي بيكرهوك. حازم: يرضيكي يا بطتي؟ دنيا: احم احم، نحن هنا. حازم: لا، أنا بحب ديما بس. حازم: أنا راجع مصر بعد شهر ونص يا دودو. ديما: الله، والله العظيم بحبك. حازم: يا بت، بأتـحرج. دنيا: المصاريف إيه أخبارها؟ حازم: آه فهمتك يا دنيا يا وحشة. لا يا بيبي، أنا بقيت رجل أعمال.

ديما: بجد؟ ألف مبروك يا روحي، ده كان حلم حياتك. حازم: ما هو من 15 سنة في بنوتة رقيقة جميلة بحبها أوي قالت لي: اسعي ورا حلمك حتى لو على حساب أي شخص، حتى لو على حساب فقدانك لأعز أحبائك، حدد هدفك وحلمك وحققهم. ديما: ده كلامي اللي أنا قولته لك. حازم: مخرجش من عقلي. حازم: بصي يا ديما، سجلي الرقم عقبال ما أرجع مصر عشان ورايا اجتماع. ديما: تمام يا معلمي. حازم: بحبكوا، بحبك يا بطتي، بحبك يا دنيا يا وحشة. دنيا: غور.

حازم: غاير. ديما: باي، خلي بالك من نفسك. بحبك. خالد: يا خسارة، قفلتوا بدري أوي، كنتوا تكملوا كلام. دنيا: ده حازم. جاسر: حازم؟ يعني عادي نكلمه؟ الحق يا خالد، ده طلع حازم. حسن: خالد، جاسر، خلاص. مين ده يا ديما؟ ديما: أخويا أنا ودنيا. محسن: يعني متربيين مع بعض؟ تسنيم: آه، وكانوا بيناموا مع بعض وهما صغيرين.

ديما: آه، هو أكبر مني بأربع سنين، ولما اتولدت، هو كان بيحبني ويهتم بيا، وهو كان بيهتم بيا أنا ودنيا، ولما كبرنا لقيناه قدامنا أخونا اللي بيحمينا، اللي بيقف جنبنا، بس عائلته توفت وجه عاش معانا كام سنة، وبعديها سافر لخاله، بس مرضيش يقول لي سافر فين. عبير: آه، عشان كدة واخدين على بعض أوي. ديما: آه، عادي، ده يعتبر أخويا. حسن: بس لازم يبقى في حدود في التعامل يا ديما. دنيا: لا، حازم محترم أوي وبيخاف علينا أوي أوي كمان.

جاسر: لا، ده طلع محترم يا خالد، كنا ظالمينه. ديما: وأنت مضايق ليه؟ جاسر: أنا مش مضايق. ديما: بأمارة النار اللي هتطلع من رأسه. دنيا: رجالة كدابة. خالد: يلا، كله على النوم. فيروز: لا، خلينا قاعدين شوية. ديما: تعالوا نلعب أي حاجة. دعاء: لا، أنا ورايا مذاكرة وحاجات فوق رأسي مش فاهماها. ديما: وريني كدة. دعاء: هطلع أذاكر فوق. دنيا: تمام. حسن: يلا، بكرة في قعدة عرب من الصبح لغاية بليل. ديما: ممكن نيجي؟

محسن: لا يا ديما، مينفعش، دي قعدة رجالة. دنيا: حرام، طب نلبس لبس رجالة ونيجي. فيروز: مستحيل يوافقوا. حسن: تصبحوا على خير. فتحية: يلا يا بنات، السهر غلط، يلا. ومين هيساعدنا بكرة؟ اليوم صعب، يلا. ديما: طيب، تصبحوا على خير. كل واحد راح لأوضته ونام. وبعدين جاسر حس بحد جنبه، فتح عينه. جاسر: سارة. سارة: أنا بكرهك يا جاسر. جاسر: ليه بس يا حبيبتي؟ سارة: لأنك شخص استغلالي وحقير ومستمتع مع البت المصريـة دي. جاسر: أبداً.

سارة: أومال كانت بتعمل إيه في أوضة مكتبك وقريبة منك؟ جاسر: شكل في جواسيس عندي في المصنع. سارة: متـغيرش الموضوع. جاسر: يا ستي، زرار قميصي وقع وهي أصرت تعمله لي عشان أجرب. سارة: والمفروض أصدقك؟ جاسر: سارة، إنتي عارفة إني مش بكذب. سارة: أنا بخاف عليك يا حبيبي وبغير. جاسر: خلاص، آسف، بس أنا بحبك ومستحيل أبص لواحدة غيرك. سارة: طب الحق امشي، باي، بحبك.

سارة باستـه جنب شفايفه بسرعة وقامت خرجت من الأوضة. وجاسر كان مصدوم منها. جاسر: لا، هي عفوية، بس عادي، غصب عنها. جاسر: آهدي ونام، سارة شريفة. في الصباح الباكر، الساعة خمسة ونص. دنيا: يا زفتة إنتي يا بت. ديما: عايزة إيه؟ دنيا: مصحين كل ستات البيت، انجزي قومي. ديما: طب ما أنا مش ست بيت. دنيا: وحياتك، أنا نفسي أنام، بس قومي، ده أمر. طنط فتحية متـغيرة وبتتعامل بحدة مع الكل. ديما: طب أنا مالي.

فتحية: إنك بنت عائلة القاضي، قومي. ديما: لا. فتحية: هتضربي؟ قومي. دنيا: يا بت قومي، دي عينيها بتطلع نار. ديما: حاضر، حاضر. ديما قامت وخدت دوش وبدأت تفوق. ديما لبست شورت قصير أسود وتي شيرت أبيض بحمالة رفيعة ومبين جزء بسيط من بطنها، ولبست كوتشي ورفعت شعرها على شكل كـحكة. دنيا لبست بنطلون ضيق باللون الجينز وتي شيرت باللون الأسود بنص كم وكوتشي أبيض وعملت شعرها ديل حصان.

ديما: أنا بكره الدنيا دي، آه، أصحى ليه أنا الساعة خمسة. أسماء: متتكلميش وروحي لفتحية تقـول لك هتعملي إيه. ديما: طنط فتحية، المفروض أعمل إيه؟ فتحية: إنتي ودنيا ودعاء وفيروز وسارة تنضفوا كل البيت والجنينة. ديما: والله حرام، البيت واسع أوي. تسنيم: ديما، يلا. دعاء: تعالوا، تعالوا. دنيا: طب نأكل طب. جملات: تعالوا يا حبايبي. البنات قعدت تأكل وبعدين بدأت تقوم تنضف البيت. دعاء: إيه يا سارة، ما تقومي اعملي معانا.

ديما: يا غبي. جاسر: في إيه؟ ديما: بكرهك، بهدلت الحتة اللي أنا مسحتها. جاسر: مكنش قصدي. فيروز: يا بيه، سارة مش عايزة تقوم تعمل معانا. سارة: لا أبداً، كنت بس بريح عشان تعبانة. ديما: اتفضل امسحها بقى. جاسر: أفندم؟ ديما: امسح اللي وسخته. جاسر: انسي. وأنتي يا سارة قومي اشتغلي معاهم. سارة: حاضر. ديما: طب وربي لأربيك يا جاسر. جاسر: مستني أشوف ردة فعلك يا طفلة. جاسر سابها ومشي. وديما رمت المكنسة والمساحة من إيديها.

ديما: شخص غليظ، حقير، حيوان، مش متربي. فتحية: أنا شايفة مسخرة هنا. وأنتي يا سارة اطلعي نضفي الجنينة مع دنيا بره. ديما: يا طنط، ابنك الرزل بهدل اللي أنا مسحته. فتحية: خلاص، نضفوه تاني. تسنيم: بنات، يلا انجزوا. حد يروح يحلب الجاموسة. عبير: يلا يا ديما. ديما: نعم! عبير: يلا يا ديما. فتحية: هي متعرفش، خلي سارة. عبير: تتعلم. ديما: خلاص، هروح. فين؟ سارة: تعالي أوريكي. سارة ودت ديما مكان الزريبة وبصت ليها بشماتة.

سارة: باي باي يا بسكوتة. سارة سابت ديما ومشيت. وديما فضلت واقفة مكانها بتفكر. دنيا: ناولني البتاعة دي. دنيا: يا زفت، انجز. خالد: أفندم. دنيا: إيه ده؟ هو إنت؟ آسفة، كنت أقصد العامل، لأني مبحبش حد يطنشني. خالد: طيب، عايزة إيه؟ دنيا: مقص الشجر. خالد: بتعرفي؟ دنيا: آه. خالد: بس في عامل مخصص لكده. دنيا: لا، أنا قولتلـه أنا هعمل. خالد: خدي. دنيا بدأت تظبط الشجر باحتراف وخالد معجب بيها وبطريقة تصرفها. خالد: براڤو عليكي.

دنيا: شكراً. في الزريبة عند ديما. ديما: ما أنا مفهمتش حاجة من النت، أعمل إيه؟ ديما: أنا شوفتها في التلفزيون. ديما حاولت تقرب من الجاموسة وهي خلاص هترجع. ديما: لا، لا، مستحيل. ديما: بس لازم أعمل كدة. ديما: لا، أنا هموت، لا. ديما: يا ربي، أعمل إيه؟ ده إيه القرف ده؟ ديما وهي ماشية اتعـكبلت وصرخت جامد وقعدت تعيط. وكان جاسر قريب من المكان اللي هي فيه. جاسر دخل بسرعة على الصوت، وأول ما دخل مقدرش يتمالك نفسه من الضحك.

جاسر: وربي لازم أصورك وأذلك بالصورة دي. ديما: بتضحك عليا، عيل رزل. ديما: ريحتي بقت مقرفة، عااااااااااااااا. جاسر: ده عطر يا بنتي. ديما: هتفضل تتفرج عليا كتير؟ قومني. جاسر: طب ما تقومي نفسك. ديما: عااااااااااااااااااااااااااااا. جاسر: خلاص، خلاص. جاسر قرب من ديما ومسك إيديها. جاسر: لا، حقيقي بقيتي جموسة. ديما ضربته على صدره كتير وهي بتعيط. ديما: حرام عليك، ربنا يسامحك. جاسر: طيب، تعالي أروحك.

ديما: لا، لازم أمسح القرف اللي على رجلي ده. جاسر: ده لوحة فنية يا ديما، حرام تمسحيه. ديما زقته وضربته تاني على صدره، وهي بتزقه هما الاتنين اتزحلقوا تاني وجاسر مسك ديما من خصرها، وقع هو على ضهره وهي فوقه. سارة: الله الله. ديما: شوفتي إيه اللي حصل ليا؟ جاسر قوم ديما بسرعة من عليه وقومها وقام واقف. سارة: لا، شوفت اللي إنتي بتحاولي تعمليه. ديما: أنا عملت إيه؟ أنا وقعت واتزحلقت. سارة: والله. ديما: في إيه؟

أنا عملت لك حاجة؟ سارة ضربتها قلم على وشها. جاسر اتصدم. ديما: إنتي إزاي تمدي إيدك عليا؟ سارة: زي ما إنتي بتمدي إيدك على ممتلكاتي. جاسر: سارة، ديما، خلاص، محصلش حاجة. ديما: فعلاً، لسه محصلش حاجة، بس هيحصل. ديما ضربت سارة قلم وزقتها على الأرض. هي كمان اتبهدلت. ديما سابتهم ومشيت. جاسر: إنتي كويسة؟ سارة: بنت الـ..... جاسر: سارة، إنتي اللي غلطانة وفهمتي غلط. سارة: إنت مبقتش تحبني.

جاسر: متقوليش كدة. هي وقعت وأنا كنت بمسكها، روحنا وقعنا بس. جاسر وسارة رجعوا على البيت. تسنيم: إيه ده يا ديما؟ دنيا: مش شايفة إنه فضلات الجموسة ولا البقرة. دعاء: لا، لا، بموت، مش قادرة، حد يلحقني. فتحية: إنتوا لسه مخلصتوش. وبعدين بصت على ديما اتصدمت من منظرها. فتحية: هو إنتي بدل ما تجيبي لبن من الجاموسة جبتي فضلاتها. فيروز: معلش، تعيشي وتتعودي. ديما: أخرسوا، محدش يتكلم. خالد: فين.....

خالد لسه هيكمل كلامه شاف ديما اتصدم من منظرها. خالد: مين اللي عمل فيكي كدة؟ دنيا: واضحة، الجموسة. خالد: وإيه اللي عمل كدة في جاسر وسارة؟ كانوا جاسر وسارة لسه داخلين من باب البيت والكل شافهم، الكل قعد يضحك. جاسر: بطلوا زرافة، اختك السبب. عبير: يا ترى السنيورة حلبت الجاموسة؟ عبير: إيه اللي غرقكوا إنتوا التلاتة كدة؟ ديما: أنا طالعة أغير، مش طايقة نفسي. دنيا: أكيد يا روحي، دي فضلات. ديما: وربي لأنفخك لما أفوق.

ديما طلعت جري خدت دوش، وجاسر وسارة عملوا زيها. وبعدين نزلوا. حسن: حد يفهمني، إيه اللي دعاء قالته ده؟ ديما: مفيش يا عمو، طنط عبير قالت أروح أحلب الجاموسة وأنا معرفش، فجبت الطريقة من على النت وحاولت بس اتزحلقت ولقيت جاسر دخل، كان بيقومني اتزحلق، وسارة كانت جاية تشوفني بس مخدتش بالها واتزحلقت. حسن: خلاص، حصل خير. ديما: أخبارك يا بابا؟ محسن: بخير يا حبيبتي. حسن: طب كل حاجة جهزت؟

فتحية: أيوه يا حاج، الجنينة والبيت اتنضفوا والأكل جهز، ناقص بس الرجالة تيجي. حسن: تمام. حسن: فين الزفت علاء؟ عبير: نايم يا حاج. حسن: صحيه يا أم علاء، راجل اسم بس. عبير: حاضر يا حاج. عبير طلعت لعلاء أوضته. عبير: إنت يا زفت، يا زفت. علاء: خير؟ عبير: قوم انجز. علاء: ليه؟ عبير: عشان خاطر عمك، مش قولتل لك لازم تبقى أنت الكل في الكل يا حيوان إنت. علاء: طب ما أنا بعمل كدة. عبير: إزاي يا زفت؟ علاء: ديما.

عبير: آه يا خسارة تربيتي فيك. علاء: اصبري بس. عبير: إيه؟ علاء: عم محسن معاه فلوس على قلبه في القاهرة وشركات وعنده هنا ورث بعد ما يموت، مين هيورث بنته؟ أنا لو اتجوزت بنته هاخد كل ده. علاء: يبقى أنا أضحك على البت بكلمتين وأتجوزها وأخد كل فلوسها. وفجأة الباب اتفتح.