رواية امرأة في عصمة صعيدي الفصل السادس عشر 16 - بقلم سلسبيل

وفجأة بدون مقدمات صوت رصاصة دوت في المكان. كل البنات اتخضوا وخالد وقف عريبته بسرعة. حازم: إيه ده؟ جاسر: الكل ينزل لتحت. دعاء ودنيا وفيروز وطوا رأسهم، وديما بتعيط. جاسر: انزلي رأسك. جاسر (بصوت عالي) : اركب يا خالد. جاسر مشي بعربيته بسرعة وكان فاضل مسافة صغيرة على البيت. فتحية: الطف بينا يا رب. الكل نزل من العربيات. ديما (بصريخ وعياط) : أنت أنت متصاب. الكل خد باله من كلام ديما، وديما قربت من جاسر بسرعة. ديما (بعياط)

: أنت أنت كويس؟ جاسر (بتعب وهو بيغمض عينه) : آه متقلقيش. خالد: لازم نروح المستشفى. تعالي. خالد ركب جاسر وديما ركبت جنبه، وحازم ركب قدام. خالد (بزعيق) : كل الستات تدخل على جوا يلا. فتحية (بدموع) : ابني... جملات: اهدي يا فتحية تعالي بس ندخل دلوقتي. وكل الستات دخلوا، ودعاء وفيروز وفتحية بيعيطوا، وأسماء وجملات ودنيا بيحاولوا يواسيهم. عبير (بشماتة) : إيه مات حد؟ فتحية (بزعيق) : اخرسي يا عبير. وامشي من قدامي.

عبير خافت وطلعت أوضتها تاني. عند جاسر. ديما (بدموع) : جاسر جاسر أنت سامعني. حازم: هيبقي بخير يا ديما متخافيش. خالد: انزلوا. خالد وحازم سندوا جاسر ودخلوه المستشفى. ديما (بعياط) : لو سمحت عايزين دكتور بسرعة. ممرض: حاضر. الممرض نادى دكتور والدكتور جه وخدوا جاسر لأوضة العمليات فوراً. حازم: اقعد يا ابني و اهدي. خالد (بعصبية) : ما تخرس انت شوية. حازم راح وقرب من ديما وحضنها وديما قعدت تعيط. وبعد فترة بسيطة خرج الدكتور.

ديما (بعياط) : اخباره إيه؟ الدكتور (بابتسامة) : متخافوش هو بخير الرصاصة كانت طايشة يعنى الإصابة مكنتش عميقة وهو بخير الحمد لله. خالد: الحمد لله. الدكتور: بس لازم نعمل محضر. حازم: اكيد. خالد: لا انت طبعاً عارف الأصول عندنا يا دكتور. الدكتور: براحتك يا خالد بيه. الدكتور: هيتنقل أوضة عادية حالا. ديما: شكراً يا دكتور. حازم: يعنى إيه مش هتعملوا محضر. خالد: ياض ما تخلنيش أتعامل معاك بغباء. ديما: بس بس.

ديما: جاسر هو اللي يقرر خلاص. خرجوا جاسر على نقالة ونقلوه أوضة عادية. ديما طلعت تليفونها واتصلت بدنيا. الخط اتفتح. دنيا: طمنيني يا ديما. ديما: بخير الحمد لله. دنيا: طب الحمد لله. نيجي؟ ديما: لا لا. لما يفوق هشوف إيه اللي هيحصل. دنيا: تمام. أسماء: ها يا بنتي؟ دنيا: الحمد لله بخير. دعاء: الحمد لله. فتحية: تعالوا نقوم نصلي كلنا نشكر ربنا. جملات: يلا يا دنيا. دنيا (باحراج) : مش عندي حاجة طويلة ألبسها.

فيروز: هوديكي الأستال بتاعي. دنيا: تمام شكراً. عند ديما. خالد: هروح أدفع الفلوس وأعمل كام حاجة كدة. ديما: تمام أنا هفضل معاه. خالد: تعالي معايا. حازم: أنا. خالد: في غيرك هنا. حازم: يا ابني احترمني شوية الله. ديما: خلاص يا خالد معلش يا حازم. خالد وحازم مشيوا. وديما قعدت على الكرسي اللي في الأوضة. وبعد ساعتين جاسر بدأ يفتح عيونه ببطء. جاسر (بخفوت) : ماية. ديما قامت بسرعة وقربت منه. ديما: أنت فوقت أنت كويس حاسس بوجع؟

جاسر (بخفوت) : عايز مايه. ديما: حاضر ثانية. ديما خرجت ونادت على الدكتور. الدكتور: بخير الحمد لله. حالته كويسة. ديما: شكراً. الدكتور: عن إذنكم. جاسر (بخفوت) : هي دي الماية؟ ديما: لا لا آسفة كنت بس بطمن عليك. ديما صبت لجاسر كوباية مايه وبدأت تعدله قعدته وساعدته يقعد نص قعدة وبدأت تشربه مايه. جاسر: شكراً. فين خالد؟ ديما: قال هيخلص كام حاجة كدة وجاي. جاسر: طب يلا عايز أخرج. ديما: نعم لا طبعاً. أنت لسة متصاب.

جاسر: عايز أخرج يا ديما. ديما: أبدًا. جاسر مسك ايديها جامد. جاسر (بحدة) : لما جوزك يقولك حاجة تنفذيها من غير أي كلمة. فاهمة؟ ديما (بدموع) : سيب إيدي. جاسر ساب ايديها وديما خرجت بسرعة من الأوضة. ديما: لو سمحت يا دكتور ينفع يتكتب ليه على خروج؟ الدكتور: طب ما الأول امسحي دموعك يا قمر. ديما (بعصبية) : أفندم؟ الدكتور (بابتسامة) : آسف بحاول أخفف عنك.

الدكتور: هو ممكن يخرج لأن الإصابة مش عميقة ولا بالغة يعنى. بس لازم تغير على الجرح ومراعاته وميعملش مجهود يعنى. ديما: تمام شكراً. وأسفة إني زعقت لحضرتك. الدكتور: ولا يهمك. ديما دخلت تاني عند جاسر. جاسر: هخرج؟ ديما: آه. ديما طلعت تليفونها واتصلت بخالد. الخط اتفتح. خالد: ألو يا ديما في حاجة؟ ديما: جاسر فاق وعايز يخرج والدكتور وافق. خالد: طيب ربع ساعة وجاي. ديما: ماشي. جاسر: آسف يا ديما. ديما: ولا يهمك.

جاسر: أنا مبحبش المستشفيات. ديما: أنا متعودة كتير أوي كنت بروح المستشفيات. جاسر: بجد؟ ديما: آه. كنت كل شوية كمان بروح القسم. جاسر (بصدمة) : نعم يا أختي؟ ديما (بضحك) : هفهمك. بلاش رفعة الحاجب دي.

ديما: بص يا ابني أنا كنت لما أروح مكان كافتيريا بار مول أي مكان كان بيبقى دايماً في شلة الولاد الفاسدين دول. لما حد يعترض طريقي كنت بمسك أي حاجة قدامي مرة مسكت مكنسة والله وبضرب على الدماغ. وبتحصل حاجة من الاتنين، إما أجري وأروح البيت وألاقي محضر معمول ليا. أو الأمن ييجوا ويودونا على القسم. جاسر: لا والله لا تصدقي حاجة مشرفة. ده انتي على كده ليكي بطولات. ديما: متعدش يا جيمي. جاسر (بحدة) : طب اتعدلي واحتشمي نفسك.

الباب خبط. جاسر: ادخل. خالد: حمد لله على السلامة يا صاحبي. جاسر: الله يسلمك. حازم: ألف سلامة عليك. جاسر: شكراً. خالد: خدي يا ديما هدوم لجاسر لبسيها ليه واحنا هنستناكي بره. ديما خدت منه الهدوم بصدمة وهي فاتحة بوقها. خالد وحازم خرجوا بره وقفلوا الباب. جاسر: قوميني. ديما: إيه؟ جاسر: مسمعتيش قوميني. ديما مسكت إيد جاسر وقومته. جاسر: هاتي العباية. ديما: تمام.

جاسر بدأ يقلع عبايته اللي اتقطعت أثناء العملية. وديما ساعدته ولبسته العباية التانية. ديما: جاهز؟ جاسر: تمام. ديما وجاسر خرجوا وخالد وحازم وكلهم روحوا على البيت. في البيت. فتحية: ابني. فتحية حضنت جاسر وجاسر حضنها. دنيا: ألف سلامة. دعاء (بدموع) : بيه أنت بخير؟ حازم (بمرح) : زي الحصان أهو ده واخد رصاصة وخارج في نفس اليوم. خالد: ليه مفكرة مش راجل زيك؟ حازم معالم المرح راحت من عنده وسابهم وراح على أوضته.

ديما: انتوا أغبية. دنيا: مش بتعرفوا تتعاملوا. ديما ودنيا راحوا لحازم. سارة: سابت جوزها وراحت للي متربية معاه. أسماء: مش هنخلص في اليوم الأسود ده. جملات: لما حد يدخلك في الكلام يا سارة ابقي اتكلمي. جاسر: خلاص خلاص معلش يا سارة. فيروز: اوف هموت. حمد لله بالسلامة يا جاسر. ديما: آسفين والله يا حازم. حازم: أنا غلطان إني نزلت مصر أساساً. دنيا: خلاص والنبي متزعلش احنا ما صدقنا إنك جيت.

حازم: لا ما ديما متجوزة أهو مش محتاجاني. دنيا: بس أنا محتاجالك يا حازم أنا لسه متجوزتش. حازم: برضه لا أنا غلطان إني أصرت على دادة ناصرة تقولي العنوان فين. ديما: بليز يا حازم. حازم مسك شنطته وسابهم ومشي. ديما (بدموع) : وحياتي عندك طيب. دنيا: طب طب علشان خاطر عمو محسن اللي رباك اللي يعتبر والدك متسبناش. حازم: أنا مش هرضى أقعد في بيت محدش فيه طايقني. ديما: أنا ودنيا بنحبك أنت أخونا.

جملات: يا ابني هو بس انت لازم تراعي إن ديما متجوزة صعيدي والصعيدي دمه حامي ومش هيقبل على مراته إنها تحضن أي حد وانت مش أخوها بالدم ولا بالرضاعة انتوا بس متربيين مع بعض والكلام ده من سنين. حازم: فاهم. بس ييجي يقولي مش يتكلم بالأسلوب البارد والمستفز ده. خالد: اديك عرفت. وكمان جاسر تعبان مش عايزين مشاكل بقى. دنيا: يلا بقى علشان خاطري والنبي. ديما: بليز يلا بقى يا حزومة. حازم: ماشي يا ديما. روحي لجوزك انتي.

ديما: طيب بس مش هتمشي. حازم: لا. دعاء: والله هتنبسط معانا أوي. فتحية: تعالي يا ديما. ديما: حاضر. فتحية وديما طلعوا على أوضة جاسر. فتحية: ها يا ابني هتعمل إيه؟ جاسر: الحاج راجع بكرة المفروض يرجع يلاقي كل حاجة زي ما هي. يعنى كأن محصلش حاجة. فتحية: متأكد؟ جاسر: آه. ديما: طب والجرح؟ جاسر: الدكتور قال إنه بسيط. ديما: بس برضو قال متحملش عليها. جاسر: دي إيدي وأنا أدري. ديما: براحتك إيه ده. جاسر: ما هو براحتي أساساً.

ديما: مغرور. جاسر: احترمي نفسك. فتحية (بصوت عالي نسبياً) : بس إيه ناقر ونقير. ديما: هو اللي بيستفزني وكمان أكيد ربنا عمل كده بسبب الذل اللي ورتهولي الصبح. جاسر: ولما أقولك لازم أشوف اللي هتلبسيه الأول كده يبقى ذل. هبلة. ديما: شايفة يا طنط بيغلط فيا. فتحية: أنا قايمة بس. جاسر: فكرتي يا فيلسوفة في طريقة عشان الحمل. ديما: بص في فكرة بس معرفش أعمل إيه. جاسر: قولي. ديما قربت من جاسر وقعدت جنبه. ديما (بهمس)

: هنروح للدكتور ونيجي نقولهم إنك مش بتخلف وأنا هبقى قليلة الأصل وهسيبك. جاسر (بزعيق) : نعم يا أختي واشمعنى أنا. روحي شوفي غيرها قال مبخلفش قال. ديما: ليه بس يا ابني؟ جاسر: قلت اللي عندي. جاسر سابها ومشي. ديما: اوف طب أعمل إيه؟

وبعدين ديما غمضت عينيها ورجعت رأسها لورا وقعدت تفتكر لما كانت راكبة على الخيل ومبسوطة وافتكرت لما اعتذر ليها ولما جاب ليها مارشميلو وافتكرت لما شالها بين إيديه لما كانت بتعيط وافتكرت لما خدها في حضنه وافتكرت لما شالها بإيد واحدة في الاستراحة. وافتكرت لما كان راكب على الحصان ليلة الفرح. وافتكرت لما دخل بعد كتب الكتاب وباس رأسها ولما لبسها دبلته. وآخر حاجة افتكرتها لما قرب منها.

ديما قعدت تضحك على كل الذكريات وهي مغمضة عينيها ومبسوطة. في الجنينة. دعاء (بدموع) : طب أعمل إيه بقى؟ مش فاهمة أي حاجة. حازم كان بيتمشى ولقاها بتكلم نفسها. حازم: بتكلمي نفسك؟ دعاء (بدموع) : سيبني في حالي مش قادرة أتكلم بس. حازم: اهدي بس حصل إيه؟ دعاء (بدموع) : مش فاهمة الحتة دي و لازم أفهمها عشان أحل عليها عشان الواجب عشان الأستاذ ميضربنيش. حازم: بسيطة خالص. متزعليش نفسك. دعاء: إزاي بس؟

حازم طلع تليفونه ومسك الكتاب ودخل على النت. حازم: خدي يا ستي دول مدرسين أونلاين هيشرحوا ليكي اللي انتي مش فهماه. دعاء: بس إزاي؟ حازم: خدي شوفي. دعاء مسكت منه التليفون وسمعت الفيديو وكانت مبسوطة. حازم: فهمتي؟ دعاء: آه شكراً ليك جداً. دعاء بدأت تحل المسائل وخلصت بعد فترة. دعاء (بفرحة) : أخيرا. شكراً ليك أوي. حازم: على إيه أنا موجود في الخدمة على طول. دعاء: تسلم معلش تعبتك. حازم: لا عادي. عن إذنك.

حازم قام يتمشى ودعاء باصة ليه. فيروز: قفشتك. دعاء (بصدمة) : في إيه؟ فيروز: بتعملي إيه يا قطة؟ دعاء: كنت بحل المسائل. فيروز: والله؟ دعاء: بت مش فاضيالك. فيروز: ماشي بكرة تندمي يا جميل. دعاء: لما ييجي بكرة. البنات قاموا. وحازم كمل تمشية في الجنينة. جملات: يا بنات يلا الرجالة قربت توصل عشان بكرة فرح سعاد. سارة: مش عارفة عمي مكلف نفسه ليه. أسماء: ثواب يا سارة ويلا روحي مع البنات. سارة: لا بتخنق مليش فيه.

فتحية: من امتى بقى إن شاء الله؟ سارة: بقيت أتخنق. خالد وجاسر كانوا ماشيين. وديما نازلة على السلم. خالد: طيب يا جاسر أنت متأكد إنه مش هيحصل حاجة. جاسر: معرفش بس الأمر زاد عن حده. سارة (بصريخ) : الحقني يا جاسر. سارة وقعت على الأرض وجاسر جري عليها بسرعة. جاسر (بقلق) : مالك؟ دنيا (بهمس) : البت دي مش سالكة. فيروز (بهمس) : طول عمرها أنانية. دعاء (بهمس) : مش بعيد تاخد جوزك منك. ديما (بحدة وصوت واطي) : بس.

سارة: آه الحقني يا جاسر رجلي. فتحية: نضربك بقى بالشبشب أربعين مرة هتخفي يا روحي. سارة: لا يا جاسر بليز. ديما (بعصبية وهمس) : دي اتعلمت البليز. جاسر: إيه التخاريف دي يا أمي. جاسر: أوديكي المستشفى؟ سارة: لا لا. ساعدني بس. جاسر قوم سارة وأول ما سارة وقفت. سارة (بصريخ) : آه رجلي مش قادرة. جاسر بسرعة شالها بين إيديه. ديما (بغيظ) : إيه دلوقتي أحسن يا سارة؟ سارة: شوية يا ديما.

جاسر شال سارة وطلع على السلالم جنب ديما ودخل على أوضة سارة وقعدها على سريرها. سارة: آسفة يا حبيبي قلقتك عليا. جاسر: ولا يهمك. المهم ارتاحي انتي دلوقتي. سارة: تسلم. جاسر: حاسة بوجع؟ ديما فتحت الباب بغيظ وربعت إيديها. ديما: جاسر ممكن تيجي ثانية. جاسر: تمام. ارتاحي يا سارة. أسماء: دي بت مايصة. دعاء: مشفتوش النار اللي كانت بتطلع من عيون ديما. خالد: سارة كانت بتستعبط أساساً. عند ديما وجاسر.

جاسر دخل وديما وراه وقفلوا الباب. جاسر (باستغراب) : في إيه؟ ديما بصتله بصة هو مفهمهاش. وودته ضرها. جاسر: ده لعب عيال ده ولا إيه؟ وفي أقل من لحظة لقى على رقبته سكينة. جاسر بص لديما بصدمة اللي ماسكة بإيديها السكينة وحطاها على رقبته وإيديها التانية حطاها على صدره. جاسر (بصدمة) : في إيه يا مجنونة؟ ديما (بغيظ)

: بص بقى يا جاسر انت مش تفضل تقول متكلميش ده متهزريش مع ده متحضنيش ده متقعديش مع ده. أنا صعيدي انتي مراتي المفروض تحترميني وشكلك من شكلي. احترامك من احترامي والكلام الهبد بتاعك ده. أنا بلتزم بيه صح؟ ديما: صح.

ديما: مش بقي لما أكون ملتزمة بالكلام ومخلية صورتك حلوة وسط الناس ومحافظة على سمعتك. تروح جنابك تلمس بنت تانية وتشيلها وهي تمسك رقبتك. الكلام ده ميلزمنيش، أينعم مش بنحب بعض ومتجوزين بعض غصب بس برضو شكلي قدام العائلة مهم. في أقل من لحظة ديما لقت نفسها على الحيطة وجاسر قدامها ورافع إيديها الاثنين لفوق بإيده. والسكينة وقعت على الأرض. جاسر: شكلك لسه متعرفيش جاسر القاضي يا ديما.

جاسر: مفيش حد اتجرأ ورفع عليه سكينة. ومش على آخر الزمن واحدة ست هي اللي هترفع عليا السكينة. فاهمة؟ جاسر: واللي جنابك متعرفوش إن أنا وسارة متربيين مع بعض ويعتبر إحنا أخوات. يعني اللي عملته واجبي كأخ ناحية أخته. ديما: طب ما أنا وحا. ديما قبل ما تكمل كلامها لقت جاسر مقرب عليها. ولخيالكوا. وجاسر كان عارف هي هتقول إيه وإنها هتقارن بينه وبين حازم. الباب اتفتح فجأة.

جاسر بعد عن ديما بسرعة وديما استخبت ورا ضهره ووطت رأسها بإحراج. جاسر: خير في إيه؟ فتحية: مفيش كنت عايزة ديما. ديما (باحراج وعنيها في الأرض) : حاضر يا طنط. فتحية: بعد ما تخلصي انزلي لتحت. ديما (باحراج) : لا أنا مش ورايا حاجة. ديما سابتهم وجرت على تحت. فتحية بصت لجاسر وجاسر بص لها باستغراب. جاسر: خير في إيه تاني؟ فتحية: اللي انت عملته تحت ده غلط. جاسر: طب ما أنا شلت ديما قبل كده لما وقعت في الترعة واغمي عليها.

فتحية: برضو ديما غير سارة. أديني بقولهالك ديما أحسن يا جاسر اسمع مني أنا عارفة مصلحتك فين. جاسر (بملل) : حاضر يا أمي. ديما نزلت جري على السلالم وراحت للمطبخ وهي بتاخد نفسها. جملات: مالك يا جميل؟ ديما (بخضة) : طنط انتي هنا؟ جملات: مالك يا بنتي وشك أحمر كده ليه؟ ديما (بتوتر) : مفيش حاجة أنا بخير. دنيا: انتي وشك مش بيحمر إلا لما تكوني في موقف محرج أو تكوني عيطتي وانت مش باين إنك عيطتي محرجة ليه؟ ديما: بس بقى رزلة.

تهاني: ستي يا ستي الشيخ مزروق هنا. جملات وأسماء (بصدمة) : يا لهوووووووووووي.