رواية امتلكني السلطان الفصل العاشر 10 - بقلم دنيا ثروت

سلطان فتح الباب لاقى زهره واقعة على الأرض وماسكة رجليها بتوجع. سلطان راح ليها على طول: إيه اللي حصل؟ انتي كويسة؟ زهره بعياط هستيري: مش عارفة مش عارفة.. أنا كنت داخلة آخدت دش واتزحلقت كأنه فيه صابون على الأرض. سلطان شالها وقعدتها على السرير ودهن ليها مرهم: انتي أحسن دلوقتي. زهره حضنته: أحسن طول ما أنت جنبي.. ربنا يخليك ليا. سلطان وبيطبطب على شعرها: ويخليكي ليا يا روحي.

وشالها من حضنه ونيمها برقة على السرير بحيث رجليها تاخد راحة تامة. زهره: مالك يا سلطان؟ سلطان: مفيش. زهره مسكت إيديه: لأ فيه.. بعدين أنا عارفاك أكتر من روحك. سلطان: اتخانقت مع أبويا. زهره: ليه بس كده؟ سلطان: عايزني أحضر الفرح. زهره: هو فرح وهيخلص وبعدين أنا معاك ومفيش حاجة. سلطان: بس أنا خايف عليكي يا زهره. زهره: خايفة من إيه؟ سلطان: مش عارف.. بس حاسس إن الفرح ده هيفرقنا.

زهره حضنته على طول: بطل هبل.. أنا مش هسيبك.. ومفيش حاجة غير الموت هو اللي هيفرقنا. زهره ارتاحت وتحسنت رجليها شوية وهي وسلطان اتجهزوا للفرح ونزلوا الفرح وكان كل حاجة حلوة والعروسة نزلت (أميرة) وأميرة في الكوشة. بدأ ضرب نار وفجأة دخلت عصابة مسلحة. وسلطان حاول يخلي رجاله بتوعه يدافعوا بس برضه كانت العصابة المسلحة كأنها جيش. مدير العصابة شد أميرة

ووجه المسدس في رأسها: أنا هاخد العروسة الحلوة دي وانتوا اهدوا أحسن ما أقتلها وأدفنها قدامكم. عبد العزيز كان راجل مصوب المسدس ناحيته: إياك تتحرك. عبد العزيز بصوت مبحوح: سلطان. سلطان ماسك زهره بتحكم بس أول لما سمع صراخ أمه التفت لها وفي اللحظة دي الرصاصة صابت زهره. سلطان أول لما سمع ضرب النار بص لزهره: زهرةهههههههههههههه.