رواية امتلكني السلطان الفصل التاسع 9 - بقلم دنيا ثروت

زهره حضنته: بحبك... سلطان: وأنا مش بحبك. زهره قامت من حضنه بصدمه وكانت هتعيط: إيه. سلطان ضحك عليها: بعشقك ياهبلة. زهره ربعت إيديها وعملت بوظ البطة: وأنا مبحبش الهزار ده. سلطان أخدها وشالها ودخل الأوضة: وأنا بقا هعرفك الهزار. ونسيبهم. وبالفعل امتلكها السلطان قولاً وفعلاً وقلباً. .... ومر اليوم على الكل بحيث إن ناس بتخطط وناس فرحانه جداً، ناس هتنام وهي راضية وناس هتنام عشان تقوم تحقق مرادها. وينتهي اليوم.

زهره صحت الأول وهي في حضنه وبتبص على وجهه بتحفظ تفاصيله. سلطان صحي وبص في عينيها وهي بتبص له. مقدرتش تتجاهله أكتر من كده: للدرجادي أنا أحلى منك. زهره: آه. سلطان وحضنها بقوه: إنتي أحلى طبعاً. ولسه هيجي يبوسها التليفون رن. سلطان بعصبيه: مش هرد. زهره: رد يمكن حاجة مهمه. سلطان بتنهيده رد: الو. عبد العزيز: سلطان لازم تيجي. سلطان: ليه. عبد العزيز: هات مراتك وتعال. سلطان اعتدل في قعدته: يابوي. قبل ما يكمل الخط قطع.

زهره: في إيه ياسلطان مالك. سلطان: عايزنا نرجع. زهره: سلطان ممكن تهدي. سلطان: لا.. حرام بجد.. إحنا لازم نرجع يعني. زهره نطت وحضنته من ضهره: ياسلطان أهدى عشان خاطري.. وبعدين الأيام قدامنا وهنسافر تاني أكيد. سلطان شدتها ليه: يعني إنتي مش زعلانة. زهره: تؤتؤ. سلطان بيمسك وشها بعشوائية: أموت أنا في الفراولة دي. زهره اتكسفت وجريت على الحمام عشان تلبس. وخلصوا ورجعوا تاني البيت. وزهره طلعت على فوق.

وسلطان راح لأبوه: رجعتي تاني لي يابوي. عبد العزيز: وإنت مش عارف إن جواز بنت عمك الليلة. سلطان: أيوه وأنا مالي. عبد العزيز: مالك كتير. سلطان: يابوي أنا مسافرتش غير يوم وذنبها إيه زهره يعني. عبد العزيز: إنت ابن عمها ولازم تبقى موجود ودي أصول البلد.. وبعدين تقدر تسافر لما يخلص الفرح. سلطان: تمام يابوي.. أنا طالع. .. وطلع سلطان. سلطان أول لما دخل رزع الباب.. ملاقاش زهره في الأوضة. سلطان وهو بينادي عليها: زهره.. زهره.

سلطان لاقي الحمام مقفول.. فتح الحمام..