رواية امتلكني كبير الصعيد الفصل السابع والأربعون 47 - بقلم الكاتبة الصغيرة

زين بصدمة: بنت علي. رحيم موطي راسه ومش راضي يتكلم. حازم اتنهد: روح هاتها. رحيم رفع راسه: بس يا عمي انت قولت... حازم: روح هاتها يا رحيم. رحيم: حاضر يا عمي. رحيم مشي، وزين بص لحازم. زين: انت كنت عارف صح؟ حازم: أيوه. زين: وليه مقولتليش؟ وملقتش غير بنت علي وتجوزها لابني؟ حازم: مكنش قدامي حل. زين: ما قدامك دياب ويحيي ويونس، اشمعنى ابني؟ حازم بصله بعتاب. دياب بحده: عمي. زين: إيه ماتيجي تاخدني قلمين أحسن.

سليم: زين، مش عيالي اللي هيعلموك إنك مترفعش صوتك على أخوك الكبير. زين: لا هرفعه لما يبقى مستقبل ابني. أنا إيش عرفني، يمكن جاية تنتقم ولا ناوية على نية سودة، ماهي بنت علي. حازم: البنت أصلاً مريضة، مرض ذهني. زين بذهول: إيه؟ حازم يتنهد: بعد موت علي بكام شهر دورت وراه، ليكون عاطي في حاجة. وفعلاً طلع متجوز واحدة من كباريه ومعاه بنت. شهد، رحت للمرة دي وفهمتها إن علي يبقى ابن عمي وإني مش هسيب لحمي ودمي ليهم كدا.

قالتلي: "لا أنا هربي بنتي". قولت: معلش، خليها معاها أمها، هيبقى ولا أم ولا أب. عدت سنين والبنت كبرت وأنا كنت ببعتلها فلوس علطول، لحد ما جت في يوم وعرفت إنها عملت حادثة. قعدت سنة في غيبوبة، كنت معاها علطول.

جت أمها في يوم قالتلي: "لو عايز بنت ابن عمك خدها، أنا مش هقضي حياتي جنبها، أنا جالي عرض شغل برا وهسافر". من اليوم دا سافرت ومعرفش عنها حاجة. بعديها بكام أسبوع فاقت، خوفت أجيبها البيت، الكل هيكرهها ويشك فيها زي ما حضرتك عملت كدا. اتنهد وكمل: مجوزتهاش لعيالي لأن دياب كان متجوز فيروز ساعتها، ويحيي ويونس أنا مستحيل أكسر بخاطرهم وأنا عارف إن في واحدة في قلوبهم. وأنا مغصبتش رحيم وسألته مرة واتنين وهو وافق. زين حس بذنب.

زين بضيق: أنا آسف. حازم بزعل وهو طالع: محصلش حاجة. خديجة طلعت وراه وهي بتبص لزين بعتاب. الكل بدأ يطلع على أوضهم. مرات محمد ورا الباب: الحق، الدنيا والعة بره. محمد: حصل إيه؟ : البيه الصغير بيزعق في البيه الكبير عشان جوز ولده من غير إذنه. محمد: يوووه، وإحنا مالنا يا فتحية. فتحية وهي بتلوي بوقها: أنت كل حاجة مالك يا خوي، متعرفش إن دبة النملة بتفيد. محمد: وإحنا هنستفاد إيه من الموضوع ده إن شاء الله.

فتحية: بكرة تعرف يا خوي. رحيم فتح الباب ودخل بحزن. حس شهد بتتعلق في رقبته. شهد بفرحة: جيت؟ كنت مستنياك. جبتلي شوكولاتة معاك؟ رحيم ابتسم رغم إنه كان زعلان ورفع إيديه يحاوط وسطها، وهي كانت لافة رجليها على وسطه ومتعلقة في رقبته. طلع حاجة من جيبه: أهو يا ستي. دخل بيه وقفل الباب. كنتي بتتصلي ليه بقى؟ شهد منشغلة بالأكل: عشان عايزة حد يلعب معايا.

رحيم زاح شعرها لورا وهو مركز معاها، قرب منها بهدوء وباسها. بعد شوية بعد وهو ساند راسه على راسها وبينْهج وتمتم: شكلي هحب الشوكولاتة. روحي البسي خلينا نمشي بدل ما يولع أبويا وعمي ومش هطلعك من هنا غير بعد أسبوع. شهد سابته ونزلت بسرعة. وهو ابتسم عليها. دياب قاعد على ترابيزة في المطبخ وفيروز بتحضرله طبق البسبوسة. فيروز: مش فاهمة يعني البت دي تبقى لكم إيه؟ دياب: بنت ابن عم أبوي. فيروز قعدت وحطت الطبق قدامه: اممم.

دياب: فين طبقك؟ فيروز: لا أنا مش بحب البسبوسة. دياب: افتحي بوقك. فيروز باستغراب: ليه؟ دياب: افتحي. فيروز فتحت بوقها ودياب ملأ المعلقة بسبوسة وأكلها. دياب بخبث: وأنا عايز آكل أنا كمان. فيروز قالت وهي بتْبلع بضيق: أهو قدامك أكل. دياب: لا أنا طمعان في البسبوسة اللي في بقك. فيروز شهقت وفضلت تكح جامد. دياب وهو بيحرك إيده على ضهرها: الله يخربيتك، ما كنتيش هتبقي بوسة اللي هتموتك. دخل عليهم يحيي ومعاه زينب.

: أقسم بالله كنت عارف إنكم هتخونونا وتاكلوها لوحدكم. يحيي سحب كرسي لزينب تقعد وواحد ليه. دياب بضيق: تعالي يا خوي، هخونق في الدايرة. فيروز وهي قايمة: هحضرلك طبق أنت وزينب. يحيي: وحضرلي كمان ليونس ورويدة عشان أنا رنيت عليهم ونزلوا. يونس نزل وهو ورويدا، وفيروز حضرتلهم أطباق بسبوسة وعملت عصير والكل قعد ياكل. يحيي: القعدة دي ناقصها الواد رحيم، أقسم بالله. الكل سمع صوت رحيم على الباب: طب بخ بخ أنا جيت.

يحيي: حماتك بتحبك يا اسطى، تعالي. رحيم بص لشهد اللي ماسكة في ضهره بخوف منهم. رحيم بص لها وهمس: متخافيش. شهد هزت راسها بخوف وخبت نفسها فيه أكتر. فيروز بهدوء: تعالي يا حبيبتي، بصي عاملين بسبوسة هتعجبك. فيروز سحبت شهد من ورا ضهر رحيم، وشهد كانت بتبص لرحيم بمعنى: أروح؟ رحيم هز راسه عشان متخافيش. فيروز حضرت طبق لرحيم وشهد. شويه من الضحك ودخلت فاطمة. : إيه، هو أنا مش تبعكم؟

فيروز بضيق: لا يا حبيبتي، نقدر. تحبي أحطلك زفت قصدي طبق؟ فاطمة بقرف: لا شكراً، ما بحبهاش. فيروز قعدت جنب دياب وهو حاطط إيده على وسطها وشدها ليه. دياب: تسلم إيدك على البسبوسة. فيروز ابتسمتله. حازم كان ساند على السرير ومغمض عينيه. حس بحد بينط جنبه. فتح عينيه وكانت خديجة. خديجة بمرح: الحلو زعلان ليه؟ حازم: لا مش زعلان. خديجة: لا زعلان. حازم ابتسم: طب صلحيني يلا.

خديجة: البت فيروز عاملة صنية بسبوسة والعيال هاجمين عليها تحت. حازم قام وهو بيلبس التيشيرت بسرعة: ولاد الكلاب هيخلصوا عليها. حازم نزل وخديجة ضحكت عليه ونزلت وراه. حازم دخل المطبخ: يا ولاد الكلب، ده أنا لو جايبكم من الشارع مش هتاكلوا بسبوسة من غيري. دياب ضحك وقام من على الكرسي لأبوه: اتفضل يا حج، دقيقة ويكون عندك أحلى طبق بسبوسة أنت وست الكل. فيروز: هقوم أحضر... دياب: لا خليكي، هعمل أنا.

خديجة عيونها دمعت لما شافت عيالها ملمومين حواليها كدا: ربنا يبارك لي فيكم. يونس قام وهو بيحط إيده على كتفها: طب ليه الدموع يا ست الكل. خديجة: دي دموع الفرحة بولادي الرجالة. حازم: هما لو رجالة ياكلواها من غير أبوهم. دياب ضحك وتكلم وهو بعيد عنهم شوية: غلطة ومش هتتكرر يا باشا. دياب حط الطبق قدام أبوه وأمه وباس إيده. ربنا يخليك لينا يا حج. حازم ابتسم على ولاده بفرحة.

على الباب كان واقف زين وحاطط إيده على رقبته بحرج ومريم معاه. زين قرب من حازم: متزعلش مني. حازم عدل وشه الناحية التانية. زين: اعتبرني دياب ولا يونس وغلط. دياب: خلاص يا حج، قلبك كبير، سامحه. حازم اتنهد: خلاص مسامح. زين حضنه بفرحة: ربنا يخليك لينا. حازم: خليك فاهم يا زين، عمري ما أختار حاجة تأذيكم. زين بص لشهد اللي مستخبية في رحيم أوي. زين: هي دي؟ رحيم بص لشهد وهمس: سلمي على بابا. شهد هزت راسها واستخبت أكتر فيه.

زين ابتسم: سيبها، بكرة تتعود علينا. يحيي بص لزينب اللي قاعدة جنبه: بنوتي قومي هاتي لأبوكي وأمك طبق. زينب قامت وزين ابتسم على جوز بنته إنه بيعلمها تحترم أهلها. مريم وزين جابوا كراسي وقعدوا معاهم، وشوية ونزل سليم وبيلا والمطبخ اتملا. حازم: يااااه، عارفين يا ولاد القعدة دي ناقصة مين؟ : ليليان. الكل بص على الباب وكانت ليليان وإبراهيم. دياب قرب فيروز منه بضيق من وجود إبراهيم. ليليان

جريت على أبوها وحضنته: حبيبي يا بابا، وحشتني. حازم باس راسه: وأنتي أكتر يا قلب أبوكي. إبراهيم قرب وباس إيده: أخبارك إيه يا حازم بيه؟ حازم: الحمد لله بخير يا ابني. إبراهيم: أنا قلت بدل ما إحنا قاعدين لوحدينا نيجي نغلس عليكم شوية. خديجة: يا حبيبي براحتك، تنور في أي وقت. الكل طلع في الجنينة برا وتجمع وضحك وهزار. حازم كان بيبصلهم بفرحة ولمتهم حواليه كانت بنسباله دنيته. بس مكملتش بسبب دياب.

دياب قاعد وكان ملاحظ نظرات إبراهيم. دياب قام بغضب و...