رواية امتلكني كبير الصعيد الفصل الثامن والأربعون 48 - بقلم الكاتبة الصغيرة

دياب قام وهو ماسك إيد فيروز: بعد إذنكم يا جماعة. حازم: رايح فين؟ لسه السهرة في أولها والكل متجمع. دياب: معلش يا بوي تعبان شوية. دياب أخد فيروز وطلع. فيروز بعد ما دخلت الأوضة: طلعتنا علشان جوز ليليان صح؟ دياب سكت ومش راضي يرد. فيروز: دياب أنا والله ما في دماغي غيرك، وحتى هو مكانش بيرفع نظره من الأرض ولا يقدر يبصلي. دياب اتنهد: عارف. فيروز: أمال إيه؟ دياب حط إيده على بطنها وهو بيحور بعيد عن الموضوع:

محتاجين نعبي علشان شكلي بقى وحش قدام الحج. فيروز بخجل: سافل، أقسم بالله. دياب بخبث: هو انتي شفتي حاجة؟ دياب شالها و... فاطمة دخلت الأوضة وهي بتقلع الحجاب بضيق والعباية اللي كانت لابساها. بصت على التليفون لقيته بيرن. نفخت بضيق لما شافت اسم يوسف. فاطمة بضيق: نعم؟ يوسف: ردي عدل، بروح أمك. فاطمة اتنهدت: معاك. يوسف: افتحي الكاميرا. فاطمة بهدوء: لا، خلينا صوت أحسن. يوسف: افتحي يا فاطمة، متجننيش.

فاطمة فتحت بضيق. كان يوسف ساند راسه على دراعه على المكتب والتليفون قدامه. يوسف: مالك؟ فاطمة: مفيش. يوسف: مين مزعلك؟ فاطمة اتنهدت: هو أنا وحشة يا يوسف؟ يوسف: لا. فاطمة بدموع: أمال ليه مفيش حد بيحبني؟ ماما بتحب رويدا أكتر مني، والنهاردة كلهم متجمعين في المطبخ ومحدش فكر يقولي... كملت بشهقات... أنا وحشة أوي. يوسف عدل من قعدته: هاجي بكرة أو بعده ونتكلم في الموضوع ده. المهم ارفعي الكاميرا. فاطمة باستغراب: ليه؟

يوسف: ارفعي بس. فاطمة رفعت التليفون باستغراب. يوسف بخبث: يا دين أمي، اللون الأحمر هياخدك منك حتة. فاطمة بصدمة: أنت سافل وقليل الأدب. يوسف ضحك: خلاص خلاص، متزعليش. فاطمة: بتعمل إيه؟ يوسف: متنيل قاعد أهو، مستني أي أخبار عن القضية اللي شغال عليها. فاطمة: قضية إيه؟ يوسف: قتل يا ستي. فاطمة ويوسف فضلوا يتكلموا. تحت كانت تقريبًا السهرة خلصت. إبراهيم وليليان مشيوا. زينب في حضن يحيي وهو بيتكلم مع أبوه وعمامه.

زينب بصوت هامس: يحيي. يحيي بص لها. زينب: عايزة أنام. يحيي ابتسم على طفولتها وأخدها وطلع. ورويدا اللي نامت وهي جنب يونس وشالها وطلع، والباقي طلعوا على أوضهم. رحيم اللي أخد شهد من بدري ونيمهم لأنه كانت خايفة منهم. عند حازم. حازم حاضن خديجة. حازم: يااااه، تفتكري إن خلاص هعيش مبسوط وإن كل مشاكلي خلصت؟ خديجة: مفضلش غير فاطمة بس، ربنا يهديها. وحاسة إن علاقة ليليان وإبراهيم فيها شوية مشاكل، بس أنا قولته على كام نصيحة كدا.

حازم ضحك: فاطمة يوسف هيعرف يلمها، وليليان أنا عارف مجوزها مين كويس. خديجة: يبقى هتعيش مرتاح يا سيدي، أهو كله تمام والعيال وفرحت بيه. حازم: خايف يا خديجة، خايف أوي. حاسس إن في حاجة من الماضي مخلصتش. خديجة قلبها اتقبض، بس حبت تهون عليه: طب ما تيجي أنسيك الخوف ده. حازم ضحك بصوته الرجولي: وماله، أجي. تاني يوم. فيروز بتتحرك في الفرشة بتعب. فتحت عينيها لقيت دياب ساند على الوسادة وبيبص لها. فيروز بتعب: صباح الخير.

دياب ميل باسها: صباح النور. كل دا نوم؟ فيروز: حاسة إني تعبانة شوية مش أكتر. دياب: مالك؟ تحبي نروح عند دكتورة؟ فيروز: لا، أنا هقوم آخد دش دلوقتي وهبقى كويسة. دياب باسها وقام من على السرير: ماشي، قومي خودي دش وأنا هنزل أشوف أبويا. فيروز واقفة في المطبخ ومعاها خديجة. فجأة حست بدوخة وحطت إيدها على بطنها وحست إنها عايزة تستفرغ. جريت على الحوض. خديجة: مالك يا حبيبتي؟ انتي كويسة؟ فيروز بعد ما غسلت وشها، وساندة على الحوض:

مش عارفة يا مرات عمي، حاسة نفسي تعبانة ودايخة أوي. خديجة ابتسمت: وحاسة نفسك غامة عليكي؟ فيروز: أيوه. خديجة: اممم، طب آخر مرة الـ... كانت إمتى؟ فيروز باحراج: من شهر ونص تقريبًا. خديجة: يبقى اللي بفكر فيه صح. دقيقة هطلع أشوف أي حد رايح مشوار يجبلك اختبار. فيروز بصت لها باستغراب. وخديجة طلعت لقيت دياب. خديجة: دياب، خارج؟ دياب: أيوه يا ست الكل، عايزة حاجة؟ خديجة: أيوه، هاتي اختبار حمل معاك.

دياب باستغراب: هو الحج عملها ولا إيه؟ حازم قاعد على الكنبة قدام التليفزيون متابع. بص له بطرف عينه: وليه متعملهاش انت يا روح أمك؟ ولا مش راجل؟ خديجة: لا يا حبيبي، لمراتك. دياب بصدمة: فيروز؟ خديجة: أيوه، متحننلناش كدا واتفضل روح شغلك ولما تيجي هنعرف. فتحية: بس دي يا يا هانم، هي فلوس قليلة على المعلومات اللي جبتها لك. : هديكي كل اللي انتي عايزاه بس تعملي اللي بقولك عليه.

محمد: عنينا ليكي يا هانم، بس نشوف الفلوس في الأول. طلعت كمية فلوس كتيرة. محمد بطمع لما شاف الفلوس: أمري يا هانم، أمري. : حازم سليمان الهواري. فتحية بتعد الفلوس: من عنينا. بس هو صحيح اسمك إيه يا مدام؟ : جيجي، اسمي جيجي.