رواية امتلكني كبير الصعيد الفصل الثامن والعشرون 28 - بقلم الكاتبة الصغيرة

حازم نازل بحماس وهو مبتسم والكل كان متجمع تحت بيشربوا شاي. حازم قرب من سليمان وميل يبوس إيده. حازم بابتسامة: صباح الخير يا بوي. سليمان بابتسامة وحنية: صاحي مبسوط النهارده؟ حازم: أوي يا بوي. سليمان: طب أبسطني معاك. حازم: خديجة حامل. سليمان بفرح: الحمد لله. الحمد والشكر لله. وكمل بصوت عالي: سباعي يا سباعي، ادبح ووزع على أهل البلد، ووزع بطاطين كمان. ما أنا حفيدي جاي. سليم قام وهو بيحضن حازم: مبروك يا أبو السبع.

حازم بابتسامة وهو بيحط إيده على رقبته: إن شاء الله. زين بغمز: عملتها يا نمس. حازم بقرف: أنا بعمل مش بقول. زين بيضحك: أقنعتني. في المطبخ عند خديجة. بيلا بتتنطط من الفرحة: هبقى خالة يا ناس، هبقى خالة. خديجة بضحك: اهدي يا مجنونة. مريم بفرحة: ألف مبروك يا خديجة. خديجة: الله يبارك فيكي. عقبالك يا بطل. قطع خديجة سليمان اللي نده عليها. خديجة طلعت بكسوف وهي باصة في الأرض وشايلة صينية فيه حاجة حلوة.

خديجة قدمتها وقفت قدام عمها بتواضع وميلت باست إيده. سليمان: ليكي عندي هدية، اطلبي بقى. خديجة: والله يا عمي رضاك عليا أحلى هدية. سليمان طبطب على راسها بحب: أنا راضي عنك يا بنتي، بس اطلبي برضو. خديجة: أي حاجة منك يا عمي هتعجبني والله. سليمان ابتسم: هجيب لك حاجة على ذوقي. جيجي رايحة جاية في الأوضة بغضب: الهانم بنتك حامل. إسماعيل قاعد على السرير ببرود: عادي. جيجي بغضب: يعني إيه عادي؟

إسماعيل: حازم راح، خلينا في زين. هو كدا كدا بصباص وعينه زيغة. جيجي: وأنت عايز تساوي حازم اللي معاه قد فلوس أبوه مرتين؟ لا لا يا حازم يا مفيش. إسماعيل وهو قايم: عملتي إيه مع زين امبارح؟ جيجي: قالي هجيبهولك. إسماعيل: خدي بالك عشان دول مش سهلين. سليم دخل الأوضة بتاعته ولسه هينده على بيلا بس اتصدم من اللي شافه. كانت بيلا واقفة قدام المراية لابسة القميص بتاعه وبتحاول تشيل شعرها اللي شابك في الزرار.

سليم قرب منها وقف وراها مد إيده وفك لها شعره. بيلا لفت بخضة. بيلا بتوتر: سليم أنا... سليم حط إيده على فمها: هشششش. سليم رفع وشها بصباعه لأنها كانت بتبص لتحت من الكسوف. سليم كان كل تركيزه على شفايفها. وبكل هدوء سليم ميل وباسها. سليم بعد وحط جبينه على جبينها وهو بياخد نفسه. سليم بتوهان: إيه ده؟ بيلا زي ما هي باصة لتحت بكسوف: أنا أنا والله كنت هغيره بس هدومي وقع عليها أكل و...

وملقتش هدوم نضيفة. أنا كنت متعودة خديجة اللي تغسلهم لي والله ونسيت. سليم بصوت واطي: ومين اللي هيغسل هدومي وهدومك دلوقتي؟ بيلا بتوتر: أنا تقريباً. سليم حرك إيده على الجزء الظاهر من جسمها ولسه مقرب جبينه من جبينها: بتعرفي تعملي أكل؟ بيلا بتوتر: مش أوي. سليم: هروح مع حازم نشوف الأرض، أرجع ألاقي العشاء جاهز والجناح ده متنضف وكمان الهدوم مغسولة. بيلا رفعت عيونها ليه بخضة: ليه دا كله؟ سليم باسها برقة وبعد: كدا يا بنوتي.

حازم رجع بليل ودخل الأوضة كانت خديجة نايمة على السرير وساندة على إيديها بتطبطب على ليليان عشان تنام. حازم دخل بهدوء وحط العباية على الكرسي وراح بهدوء باس خديجة. خديجة بخضة: بسم الله. حازم ضحك ونام جنبها من الناحية التانية حط إيده على بطنها: أخبار الباشا إيه؟ خديجة بضحك: ليليان كدا تزعل. حازم ميل باس ليليان اللي نايمة: ليليان دي زينة البيت. حازم لقي ليليان بتشهق وهي نايمة. حازم: هي نايمة معيطة؟

خديجة: أيوه فضلت مستنياك وبتعيط، الحمد لله هديت ونامت. حازم شال ليليان وهو بيخبط على وشها بخفة عشان تصحى. حازم: ليليان، حبيبتي اصحي. ليليان فتحت عيونها بنعاس وبصتله واترمت في حضنه. حازم طلع حاجة من جيبه. حازم: ليليان حبيبتي اصحي خدي الشيكولاتة دي. خديجة: خلاص سيبها نايمة. حازم: مش عايزها تنام زعلانه. خديجة: معلش بكرة صالحها وكمان هي شافتك أكيد مش زعلانه. حازم: خلاص خدي شيليها لبكرة، وأنا هروح أنيمها. خديجة: ماشي.

حازم مشي شوية ورجع وطلع حاجة من جيبه تاني: ودي لكِ. خديجة بابتسامة: شكراً. حازم أخد ليليان ودخل أوضتها. شوية وحازم كان طالع وشياطين الدنيا كلها بتتنطط قدامه وماسك مسدس في إيده. خديجة بخضة: في إيه يا حازم؟ حازم زاحها بغضب: أوعي من وشي دلوقتي.