رواية امتلكت قلب صعيدي الفصل السادس والأربعون 46 - بقلم نرمين حمدي

بعد مرور عدة أسابيع. ساره لزين: على فكرة عيد ميلادي كمان كام يوم. زين: طبعاً فاكرة، وليكي عندي هدية كبيرة. ساره: هي إيه الهدية دي؟ زين: دي بتاعتي أنا، مش بتاعتك. ساره بخبث: اممم، تلاقيها حاجة عادية، مهو أنا مش غالية عندك. زين: مع إن الهدية مش بفلوسها، بس أحب أقول لك إنها بمبلغ وقدره. ساره: بس أنا كنت عايزة حاجة معينة يا زين. زين: قولي لي إيه هي وتكون عندك. ساره: بجد؟ زين: أيوه بجد.

ساره: كنت عايزة تكتب لي أي حاجة باسمي، لأحسن يا زين صباح مرات أبويا كل شوية تقول لي جوزك مش بيحبك، مهو لو بيحبك كان كتب لك أي حاجة باسمك. زين: أيوه بس... ساره مقاطعة: بس إيه يا حبيبي؟ وبعدين يعني أنا مش طالبة كتير، أنا طالبة تكتب لي حاجة واحدة بس، أسكت بيها صباح، ولا هو كتير عليا يعني. زين: مفيش حاجة تكتر عليكي، سيبيني أجيبها في دماغي كده وأشوف هكتب لك إيه بالظبط. ساره بفرحة: شكراً أوي أوي أوي يا روحي. في الأسفل.

الكل كانوا بيفطروا. وفجأة صخر بيكح، فتعطيه نعمة الماء. حتى نظر إليها صخر قليلاً، ثم أخذ منها الماء، وذهب لعمله. وعد: بقول لكم إيه، أنا عليا امتحان كمان كام يوم، والله ما فتحت المادة بسببكم. شمس: هههه، مروان كل ما يسألني بتذاكري ولا إيه، بقول له عيب عليك هقفلها، وأنا معرفش عليا امتحان في مادة إيه أصلاً. صفية قاعدة وسطهم، سرحانة في حسام، اللي كل يوم يستناها قدام باب الجامعة عشان يشوفها قبل ما يروح شغله.

وعد: ست صفية سرحانة في إيه؟ صفية: هااا. شمس: ها إيه، السرحان ده وراه إنه، واحنا لازم نعرف. صفية: اااه، سرحان إيه يا بت، منك ليها، وأنا هسرح في مين يعني. وعد: احم، قولي لنفسك بقى. صفية: أنا جاية وسيباها لكم. شمس: اقعدي يا بت واحكي بالذوق أحسن. صفية: بصراحة كده... أدهم: ها يا حنان، مش كفاية كده، انتي عايزاني يا بت الناس ولا لأ. حنان: لسه متأكدتش من حبك. أدهم: نعم ياختي، دا أنا اتغيرت 360 درجة عشانك.

حنان: لسه برضه مش حساها. أدهم: انتي صح، عايزة كسر عينك، أنا بقى هخليكي تترجيني عشان أتجوزك، وساعتها هتجوزك عشان بحبك. حنان بصدمة: هتعمل إيه يا مجنون أنت. أدهم بيفك في زرار القميص وبيقرّب لها. حنان: ابعد يا أدهم وإلا... ليقاطعها بجذبها على الحائط، ويلمس شفتيها بإصبعه. أدهم: الشفايف دي لو مجالتش بحبك وموافقة أتجوزك، أنا هخليها تقول غصب عنها. حنان وهي تجده يقترب أكثر: بحبك، بحبك وبموت فيك كمان، وموافقة أتجوزك.

لتُحتضنه وهو عاري الصدر. أدهم بضحك: كان لازم العنف يعني. حنان: يا فضيحتي، امشي من هنا. أدهم: يابت انتي مراتي، هههه. حنان: وحصل متى دي. أدهم بغزل: لو عايزاه يحصل حالا هيحصل. حنان: أنت قليل الأدب والتربية، معدتش عليك. أدهم: قليل الأدب! وانتي لسه شفتي حاجة يا مسكينة. في الشركة. حسام لصخر: بقول لك إيه يا صخر، كنت عايزك في موضوع كده. صخر: احكي.

حسام: بس مش عايزك تفهمني غلط يا صاحبي، أنا والله عمري ما أفكر إني أعمل حاجة تزعلك. صخر: في إيه بالظبط، متدخل في الموضوع يا حسام. حسام: بصراحة كده، أنا طالب يد اختك، بقى لي فترة متردد أقول لك، بس والله... ليقاطعه صخر: وانت تعرفها منين اختي. حسام: شفتها في فرح زين، ومن ساعتها وأنا مش على بعضي. صخر: اممم، ومتردد تكلمني ليه. حسام: يعني أنا فين وانتوا فين.

صخر: انت كيف هتفكر كده يا ده، أنا كل اللي يهمني إنك تكون راجل وتحافظ عليها. حسام: أفهم من كده إنك موافق. صخر: أيوه موافق، وأنا هلاقي أحسن منك فين. حسام: ياااااااااااه، ده أنا الفرحة مش سايعاني. صخر: افرح بره، ورايا شغل مش فاضيلك انت وفرحتك دي. تدخل عليهم السكرتيرة. السكرتيرة: صخر بيه، في واحدة بره وعايزة تقابلك ضروري. صخر: مين دي. السكرتيرة: بتقول إن معاها حاجات ضروري تعرفها. ليعقد صخر حاجبيه: دخليها.

السكرتيرة: اتفضلي. ليخرج حسام والسكرتيرة، وتظل تلك المرأة. صخر: ها، إيه اللي عندك. صباح: اللي عندي كتير أوي، ولازم تعرفه. صخر: متقولي وتخلصيني. صباح: أنا صباح مرات أبو ساره، مرات أخويا زين. صخر: امم، وبعدين. صباح: ساره بتلعب عليكم لعبة كبيرة. صخر: لعبة إيه دي، انطقي. صباح حكت له على كل حاجة عن ساره وليلي وعن اللي ناوين يعملوه. صخر بغضب شديد: ليلييييي، وجعتي تحت يدي. وهي فين ليلي، مكانها فين، انطقي.

صباح: هوصلك ليها، بس اضمن لي الأمان، لحسن لو عرفت إني أنا اللي قلت ممكن تقتلني. صخر: مش هتلحق، اخلصي. صباح بتقول له على مكانها وبتمشي. ليكلم صخر زين. زين وساره كانوا في طريقهم للمحامي. مكالمه من صخر. زين كان هيمسك الموبايل ويرد، لتمسكه ساره وتبعد الموبايل: مش وقته يا حبيبي، لما نرجع. ليخبط صخر بيده على المكتب بغضب: متردددددددد. ثم يتصل على مروان. ليرد مروان: إيه يا صخر. صخر: زين فين.

مروان: هو طلع هو ومراته، مش عارف على فين. صخر: طلعوووووا فينننن، اجلب عليه الدنيا يا مروووووان، في مصيبة هتحصل. مروان: فيه إيه بس فهمني. صخر: مش وقته، اسمع هات محامي دلوقتي حالا، وكل حاجة تتكتب باسم هارون بتاريخ قديم، تزوير بقى أي زفت، المهم كل حاجة يا مروان، كل حاجة. مروان: حاضر، حاضر، هكلمه أها، سلام. مروان كلم المحامي واستعجله. هارون: فيه إيه يا مروان. مروان: مش عارف، مش عارف يا هارون، صخر هيجي فيه مصيبة.

كريمة بخوف: استر يا رب، إحنا ناقصنا مصايب. ليأتي المحامي ويعمل لهم كل المطلوب، وطبعاً ده تزوير لأنه زين ممضاش على حاجة، وعمله لهم بتاريخ قديم. أما عن صخر فراح على بيت أهل ساره. في بيت أهل ساره. صباح بتدخل لليلى: كنتي فين. صباح: إيه يا ليلى، هو انتي هتتحكمي فيا، أروح فين ومروحش فين، ولا إيه. ليلى تمسكها من ذراعها: بقول لك كنتي فين، بدل ما والله أقتلك وأخلص من جرفك.

صباح: ابعدي عني كده، انتي فاكرة نفسك مين، أيامك خلاص يا ليلى بقت معدودة يا حبيبتي. ليلى: تقصدي إيه يعني. صباح: أقصد إني اتغديت بيكي قبل ما تتعشي بيا، بقى أنا عايزين تغدروا بيا وتسيبوني هنا، مش صباح اللي يتعمل فيها كده، نهايتك قربت يا ليلى، جه وقت تتحاسبي على كل عمايلك. ليلى هتتجن: انتي عملتي إيه، عملتتتتتتتي إيه. صباح: عملت اللي المفروض يتعمل من زمان، وزمانهم في طريقهم لهنا.

ليلى بتمسكها تضربها: بقى أنا تعملي فيا كده يا بت الـ****، دا أيامك معايا كلها طين.