رواية اميرة الرعد الفصل السادس والعشرون 26 - بقلم ندى الشرقاوي

أكرم بعصبية: أميرة، رعد فين؟ أميرة قعدت وكملت فطار: اتفضلوا افطروا معانا. يوسف: إيه كمية البرود دي؟ أميرة للمربية: أمل، خدي جنة وفردوس وأنس ومالك واطلعي الجناح. أمل: حاضر يا فندم. طلعت أمل واستعانت باثنين من الخدم علشان الأطفال. أميرة: عايزين تعرفوا مكان رعد؟ أكرم ويوسف: يا ريت! أميرة: رعد معايا ومش هيظهر، وحدش هيعرف هو فين غير لما يفوق من الغيبوبة ويقدر إنه يظهر تاني. غير كده رعد مش هيظهر.

يوسف: أميرة، أنتي بتستهبلي! ده في غيبوبة يعني مش عارفين هيصحى إمتى. أميرة: اللي عندي يا يوسف، وأنا ما بقيتش أخاف غير على عيالي وجوزي اللي ماليش غيره، فـ سيبونا نعيش براحتنا. أكرم مقدر اللي هي فيه وقال: ماشي يا أميرة، رعد معاكي، إحنا حابين نطمن، وابقي طمنينا إحنا عارفين إنك مش هتأذيه. أميرة بشبه ابتسامة: أأذي روحي! يوسف: نستأذن إحنا. أميرة: شرفتوا يا أبيه. طلعوا بره. أكرم: صعبانة عليا.

يوسف: وأنا كمان، بس اللي بتعمله غلط. أميرة معاها أربع أطفال، كتير إنها تشيل المسؤولية بدري، دي ما كملتش 21 سنة حتى. غير رعد، تقدري تقولي خدته من المستشفى ودته فين؟ ولا هي هتعمل إيه؟ ولا بتفكر في إيه؟ أكرم: ما أعرفش، حتى بتبعد عن العيلة وعن كل الناس، حتى الضحك مفيش ضحك. يوسف: ربنا يهديها ويهديه. أكرم: يا رب، بس عمي لما يروح المستشفى هقوله إيه؟ مرات ابنك خطفت ابنك من المستشفى؟ يوسف: ما أعرفش، يلا نروح الشركة.

عند أميرة، دخلت وطلعت الجناح. أميرة لأمل: أمل، خليكي مع الولاد شوية ما تسيبيهمش لو سمحتِ. تفضلي في الجناح. أمل: حاضر يا فندم. جنة: مامي هتروحي فين؟ أميرة: مش هروح يا جنتي، بس هعمل حاجة للشغل وهاجي علشان عاملة لك مفاجأة كبيرة خالص. جنة: بجد يا مامي؟ أميرة: بجد يا روح مامي. طلعت أميرة ودخلت جناح تاني بعيد عن القصر أصلاً، بس جوه القصر، لكن محدش يعرف عنه حاجة.

دخلت كان رعد نايم على السرير الملكي، ابتسمت ابتسامة جذابة وجريت قعدت قدامه وبدأت تكلمه. أميرة: أميرة تعبت يا رعد، أميرة تعبت من أولها يا حبيبي. كل الدنيا عليا، معايا أربع أطفال غير الشغل اللي هنزله والجامعة. أنا تعبت، أنا مش قد الثقة والحمل الكبير ده. أنت شلت كتير قوي ومحدش حس بيك. أنت وحشتني قوي وحضنك وحشني قوي، حضنك الحاجة الوحيدة اللي اشتقت له كتير يا رعد. بس أنا دلوقتي هدخل جوه حضنك.

قامت أميرة دخلت غرفة الملابس، لبست قميص أبيض من قمصان رعد وخلخال، وأطلقت سراح شعرها الأحمر الناري وبعض المساحيق التجميل، وكانت في قمة الأنوثة والجمال والإثارة. وطلعت على السرير وقربت من رعد وشالت دراعه ودخلت جوه حضنه ومسكت في التيشيرت بتاعه جامد، كأنها بنت محتاجة لحضن أبوها، كأنها محتاجة لملجأ ليها، كأنها واقفة على منحدر جبلي مستنية المنقذ بتاعها.

أميرة نامت في حضن رعد وأحست بإحساس جميل كانت محرومة منه. فضلت نايمة ومش حاسة بالوقت، لكن فاقت على رنة الفون. أميرة بنوم: رعد اقفل الفون. أميرة: يا رعد اقفل، عايزة أنام. أميرة: أوف! لكن قامت مرة واحدة وافتكرت إن رعد مش هيصحى أصلاً. أميرة بصت بحزن وافتكرت إن كل ده بتكلم نفسها، لكن ابتسمت وقالت: مش ناوي تصحى بقى ولا عجبك العالم التاني؟ أوعى تكون متجوز ومش معرفني. أنا هروح الشركة دلوقتي، أنا ما روحتش بقالي 4 شهور ونص.

قبلته قبلة رقيقة على لحيته التي كبرت بمرور الوقت. وقامت دخلت غرفة الملابس غيرت قميص رعد إلى بنطلون أسود وجاكت أسود وحذاء بنفس اللون، وكان ذو كعب عالي وكان يوجد بعض اللون الذهبي على هيئة ورق شجر. ورفعت شعرها لأعلى وحطت ماسك للشعر (توكة) وطلعت من غرفة الملابس. أميرة: بابي، أنا هروح وهرجع تاني على هنا. بااااااي. كانت بتكلم رعد كأنه شايفها وسامعها. طلعت أميرة ودخلت الجناح. أميرة: أنس ومالك ناموا؟ أمل: آه يا فندم.

أميرة: طيب هاتي فردوس ولبسي جنة. أمل: حاضر. خدت أميرة فردوس وأمل خدت جنة تلبسها. أميرة لفردوس: حبيبة مامي، تعرفي بابي كان نفسه يشوفك أول واحد وكان نفسه يشوفك وأنتِ بتكبري في بطني شوية شوية. بس أنتِ قمورة خالص خالص، حاسة إنك هتخدي رعد مني بجمالك ده. عيون زرق وبيضا وخدود مقلبظة كده، آكلك! هروح أنا وجنة مشوار صغنون خالص وهرجع أوديكي لبابي من غير ما حد يعرف خالص. بعد ربع ساعة دخلت أمل وجنة. جنة: مامي إيه رأيك؟

أميرة: قمر يا عيون مامي، يلا تعالي معايا بقى. أمل: هو أنا ممكن أسألك سؤال؟ أميرة بابتسامة: اتفضلي. أمل: هو حضرتك لسه والدة من أسبوع، إزاي هتخرجي وكمان شايلة حمل كبير؟

أميرة: أقولك إيه بس، تحسي إني ما عدتش بحس بوجع، بس أنا عايزة أرجع اسم جوزي تاني. هتقولي لي معاه شركاء، هقولك أنا عايزة أدير الشغل وأعرف مين ورا الحادثة. أما بقى عيالي، فمحدش يعرف يدخل القصر حتى لو نملة، ولو دخل مش هيعرف يخرج على رجليه سليم علشان هخلص عليه في وقتها من غير ما يطلع عليه صبح حتى. أمل: أنتي هتخوفيني منك ليه؟

أميرة: كنتِ تعالي شوفيني من سنة، كنت بخاف من الصوت العالي، كنت بخاف من أي حاجة، أقل حاجة بتخوفني، بس الزمن بيعلم. سلام بقى علشان مش عايزة أتأخر. أمل بابتسامة: في رعاية الله. مسكت أميرة بإيد جنة ونزلوا وطلعوا بره. جنة: مامي هنروح فين؟ أميرة: هنروح الشركة بتاعت بابي. جنة: وبابي هيكون هناك؟ أميرة بابتسامة: لا يا روحي، بس أوعدك هخليكي تشوفي بابي النهاردة بس ما تقوليش لحد. جنة: Promise. أميرة: Promise.

أميرة نادت على رئيس الحرس. أميرة: جهز العربيات هنطلع على الشركة الأم. جمال رئيس الحرس: حاضر يا فندم. أميرة: مش عايزة سواق، أنا هطلع بعربيتي. جمال: حاضر يا فندم، اتفضلي هطلع العربية حالاً. طلع جمال العربية وركبت أميرة وجنة جنبها وعملت لـ جنة حزام الأمان. وطلعت أميرة ووراها جيش من عربيات الحراسة. وقفت أمام الشركة الأم وهي الشركة الأولى لرعد للمباني. نزلت أميرة بثقة ورأسها مرفوعة وراحت فتحت الباب لـ جنة. أميرة لـ

جنة: يلا سنيوريتا. جنة: يلا يا أميرتي. ضحكت أميرة على لقبها من جنة. دخلت أميرة واتفاجأ الجميع بدخولها وسط الحرس، لكن أمرت الحرس أنهم يفضلوا وهي هتكمل. لكن سمعت كلام من الموظفين. الموظفة: عندها قوة يا أختي! لسه والدة 3 عيال ونزلت بعد أسبوع، وإحنا الواحدة بتقعد على السرير بالأسبوعين. موظفة تانية: أكيد يا أختي، وهي دي بتشوف تعب؟ دي عندهم فلوس زي الرز. أميرة بصوت جمهوري: في إيه؟

كل واحدة ووحدة على شغلها، مش فاتحينها كافيه ولا سوق للكلام. اتفضلوا يااااالا! والتفتت للموظفين وشاورت على البنتين وقالت: أميرة: أنتوا الاثنين مخصوم 10 أيام. الموظفة: ليه إن شاء الله؟ أميرة: إحنا في سوق ولا إيه؟ الموظفة التانية: آسفين يا فندم. أميرة: علشان تتكلموا تاني واعرفوا بتكلموا مين، وكلمة تانية هيكون رفد، سااامعين؟ الموظفين: سامعين يا فندم. جنة: مامي. أميرة: قلبها. جنة: يلا بقى رجلي وجعتني.

أميرة: حالاً يا جنتي. استغرب الجميع أن أميرة غيرت طريقتها في دقيقة. كملت أميرة وجنة. وقبل ما تدخل المكتب سمعت صوت عالي في غرفة الاجتماعات. أميرة السكرتيرة الجديدة، لأن حلا مشيت ومرام سابت الشغل. أميرة السكرتيرة: في إيه؟ السكرتيرة: ولا حاجة يا فندم، حضرتك عندك معاد مع أكرم بيه. أميرة: أنتي هنا من إمتى؟ السكرتيرة: بقالي 3 شهور، ليه خير في حاجة؟ أميرة: أنا أميرة المنشاوي مرات رعد. السكرتيرة: آسفة يا فندم ما كنتش أعرف.

أميرة: ولا يهمك يا قمر، ممكن تاخدي جنة تدخليها المكتب بتاع رعد وأنا هدخل غرفة الاجتماعات. السكرتيرة: حاضر يا فندم. فتحت أميرة باب الغرفة ودخلت فجأة. أكرم ويوسف وسليم: أميرررره! أميرة بعصبية: صوت حضرتك عالي ليه؟ إحنا مش في مدرسة، إحنا في شركة محترمة. معتصم بعصبية: أنتي مين وإزاي تدخلي كده وأنا أعلي صوتي براحتي، ما كانش غير الأطفال اللي يتكلموا. يوسف: ما كانش يومك يا غالي. أكرم: المشروع باظ.

أميرة: أنا أدخل زي ما أنا عايزة وأعلي صوتي براحتي، والطفل اللي قدامك بتكون مرات رعد المنشاوي. معتصم بسخرية: وأنتي عايزة إيه يعني؟ أميرة: مشروع حضرتك مرفوض. معتصم بعصبية: نعم! أنتي إزاي ترفضي المشروع؟ أنتي ما تعرفيش أنا مين، أنا... أميرة: أنت اللي متعرفش بتتعامل مع مين، لما تعرف تعال اتعامل معانا. وأنا بقولك شركات المنشاوي مش هتتعامل معاك. معتصم: ما عادش غير الحريم اتكلم معاها في الرجالة.

أميرة: وراك 3 رجالة لو سبتهم عليك هيكلوك، وعندك بره 50 راجل لو سألتهم "إنتوا تبع مين؟ " هيقولولك "أميرة المنشاوي." يبقى تقعد عدل وتقول طلبك بالذوق وإحنا هننفذ، غير كده تاخد مشروعك وتتفضل. أحس معتصم بقوة أميرة، وأن لو مشروعه اترفض من شركات المنشاوي بالذات، مش هيتقبل تاني. معتصم: نقعد نتفاهم. أميرة بابتسامة: اتفضل. يوسف غمز لأميرة: يا جامد. قام سليم علشان أميرة تقعد مكان رعد.

أميرة: اتفضل مكانك يا بابا، أنا عاجبني المكان جنب "جو"، ولا مش عاجبك يا أبيه؟ يوسف: عاجبني يا روحي اقعدي. جلست أميرة. أميرة: اتفضل. معتصم: أنا مقدم على المشروع بقالي كتير، ولسه لحد دلوقتي ما اتعملش فيه أي حاجة. أميرة: حضرتك عارف ظروف الشركة، وأكيد الشباب عرفوك وقالوا لحضرتك إن الشركة اتقفلت شهر ونص، وكانوا الموظفين بياخدوا المرتب بدون شغل، فأكيد وقفنا كل المشاريع. حضرتك المفروض المشروع تستلمه إمتى؟ معتصم: بعد شهر.

أميرة: المشروع لو سمحت. أخذت أميرة المشروع من معتصم وقالت: اتشرفنا يا فندم، المشروع هيكون جاهز بعد 30 يوم. معتصم: إزاي؟ لسه ما بدأتوش. أميرة بنفاذ صبر وصوت واطي: اللهم ما طولك يا روح. وأكملت: يا فندم أنت أخذت كلمة، بعد شهر استلم المشروع. معتصم: ماشي. وجاء ليسلم عليها، مد أكرم يده وسلم بدل أميرة وقال: معلش يا معتصم بيه، ما بتسلمش، صعايدة بقى. معتصم: ولا يهمك، باي. مشي معتصم.

أميرة: أووف، إيه الخنقة دي، ربنا يكون في عونك يا رعد. عامل إيه يا بابا؟ سليم: بخير يا بنتي، بس زعلان منك. أميرة مسرعة: ليه؟ سليم: بتتصرفي من غير ما تقولي لحد، وطلعتي رعد من المستشفى، إيه، الكبير مات؟ أميرة مسرعة: لا يا بابا مش قصدي، أنا آسفة بس أنا جوزي حياته في خطر ولازم أحميه. سليم فهمها وقال: ماشي يا أميرة، ومش هسألك عن مكان رعد علشان هو في أمان معاكي. أميرة: حبيبي. يوسف: بس إيه الدخلة دي؟ ولا رئيس الجمهورية معدي.

أميرة بغرور مصطنع: هو أنا أي حد يا ابني؟ أكرم: تباً لتواضعك يا شيخة. أميرة: بس بس، يا خرااابي! سليم: إيه؟ أميرة: نسيت أقولك إنك قمر في البدلة، بس قمرين في الجلباب. سليم بضحك: حرام عليكي، خصتيني. أميرة: جنة؟! أكرم: مالها؟ أميرة: في المكتب هتنفخني، يلا. خرجوا من غرفة الاجتماعات ودخلوا المكتب. جنة: لسه بدري يا هانم. أميرة: بدري من عمرك سنيوريتا، شويه جدو سليم هنا أهو. جنة جرت عليه: سلومي. سليم: قلبه.

جنة: هتيجي عندنا النهارده؟ سليم: آه يا روحي. أميرة: سوري يعني في سؤالي، هيا ليه مرات عمو مش شفتها من يوم الحادثة؟ أكرم: علشان مش عاوزين مشاكل، إنتي فيكي اللي مكفيكي وأنا عارف أمي. أميرة: أبيه ممكن سؤال؟ يوسف: قولي يا ميرو. أميرة: ممكن مرام تنزل الشغل فترة بس، ولو علشان الحمل مش هتشتغل كتير، بس علشان نخلص المشروع. يوسف بابتسامة: حاضر يا أميرتي. أكرم: في بقى شوية ورق عاوزة إمضتك، بما إنك معاكي توكيل من رعد صح؟

أميرة: صح. أكرم: هجيب الورق وأجي. يوسف: وأنا هروح المكتب. سليم: وأنا هاخد جنة وهروح على الفيلا، بعد إذن أميرة طبعًا. أميرة: براحتك يا بابا. جنة: إنتي بتوزعيني يا ميرو؟ أميرة بضحك: بس يا لمضة. جنة: ماشي يا ميرو، يا بيه يا سلومي. خرجوا وفضلت أميرة لوحدها في المكتب. وافتكرت مشهد ليها هي ورعد. **Back** رعد بضحك: اقعدي عدل، قعدة كده ليه؟ أميرة: ماله يعني؟ هتفرق قعدة المكتب من قعدة الكرسي؟

وبعدين بقراها كتير في الروايات قولت أجرب. رعد ضحك على طفولتها: ماشي يا ميرو، بس أقولك في مكان تاني أحلى من المكتب وبرده بيحصل في الروايات. أميرة بانتباه: إيه؟ شدها رعد على رجليه وأحاط بيديه خصرها بتملُّك وقال: إيه رأيك بقى في المكان دا؟ أميرة تتلاعب في القميص بتاعه: والمكان دا بتاع مين بقى؟ ولا بتاع الكل؟ رعد بيقرب أكتر: والله هو لحد الآن لاتنين بس، وممكن بعد كده يكون لـ 3 أو 5 أو 6. أميرة برفع حاجب: إيه هو؟

تعدد ولا هتتجوز عليا؟ رعد بضحك: لا أنتي وجنة وبعدين ولادنا. أميرة: أنا بس وبعدين ولادنا مين؟ هو أنا أرنبة هتجيب كل دا؟ رعد: علشان أكون عادل، أنا عاوز أربعة منك وجنة يبقوا خمسة. أميرة نزلت من على رجله وجرت في المكتب: لا أنا مش أرنبة أنا. رعد بيجري وراها: خدي يا بت! لو حد دخل علينا دلوقتي يقول إيه؟ هيبتي هتروح. أميرة: والله أطلع أجري بره وشوف بقى شكل الموظفين وهما بيضحكوا عليك يا رعّود.

رعد: يا بنتي اقفي بقى، ما عادش فيا حيل أجري. أميرة: أيوه اعترف، أنت عجزت. رعد: أنا عجزت؟ ماشي! وفي دقيقة كانت أميرة تحت رعد، ووقعوا على الكنبة. أميرة: رعد قوم. رعد: لا هنا عاجبني أوي. وقبل خدها. أميرة: يا رعد قوم، حد يدخل علينا. رعد ويقبل خدها التاني: عادي، مراتي وأنا حر. أميرة بتوتر: يا رعد. رعد قرب من شفايفها ولسه هيقبلها، سمع صوت الباب. أميرة: يا خراابي! رعد: والله ما أنا قايم. أميرة: يا رعد اللي بره هيفتح ويدخل.

رعد: طب هقوم بس بينا حساب تاني يا جميل. أميرة: ماشي. **Fact** فاقت أميرة على خبط الباب وقالت: ادخل. دخل أكرم وقال: إيه يا بنتي؟ بقالي كتير بخبط. أميرة: معلش يا أكرم، سرحت شوية. أكرم بتفهم: ولا يهمك. الورق أهو اقريه براحتك وامضي. أميرة: حاضر. بدأت أميرة تقرأ الورق ومضت عليه وسلمت الورق لأكرم وقالت إنهم كلهم هيتجمعوا على العشا عندها في البيت.

طلعت أميرة من الشركة وركبت عربيتها واتجهت إلى القصر، وعند وصولها فتحت أبواب القصر ودخلت أميرة وطلعت غيرت ملابسها لفستان مريح وشوز خفيف. ودخلت الجناح. أمل: حمد الله على السلامة يا فندم. أميرة: الله يسلمك. أمل: أمال جنة فين؟ أميرة: جنة في الفيلا مع جدها وهييجوا بليل كلهم. أمل: ماشي يا فندم. أميرة: ماشي أنا هقعد مع الأولاد وأنتي روحي. أمل: أوكيه. طلعت أمل وفضلت أميرة. أميرة: يا عيال يا ولاد رعد، هو أنتُم مش بتعيطوا ليه؟

أنتُم ساكتين على طول. وأنت يا واد يا أبو عيون خضر، عندي واحدة عيون زرق وواحد عيون خضر. وأنت يا مالك شبه رعد، عيونك زيتوني. أنتُم مزز أوي! نهار أبيض أنا بكلم نفسي. حل الليل وجاءت العيلة كلها اتجمعت عند أميرة في القصر. أميرة: لا بجد حلوة القعدة دي، وأنتي يا ياسمين لسه بتاكلي؟ ياسمين: فكرتيني، أنا سبت عندي من أسبوع شوكولاتة، هيا فين؟ أميرة: عاوزة الحق ولا ابن عمه؟ ياسمين بخبث: الحق. أميرة: شوفتي مش أنا لوحدي.

هدى: بس كفاية، سيبوها تاكل. ياسمين: خلاص نفسي اتسدت. مرام: طب هاتي بقى أنا جعانة. جنة: بااااس عرفت هناكل إيه! ياسمين: إيه يا قلب عمتك أنتي؟ جنة: بيتزا، وكمان من المطعم، وعلي حساب مامي. كلهم ضحكوا عليها. أميرة: جاية عليا بخسارة. جنة: الفلوس فين يا ميرو؟ أميرة: أنتي الوحيدة اللي عارفة الفلوس فين. جنة: أقولهم فين؟ يوسف: فين يا جنة؟ جنة: لا عيب وحرام. أكرم: هجيبلك بوكس لعب وشوكولاتة.

جنة: هيا عاينة شوية في البدلة بتاعت بابي فلوس عادية، وفي بقى بتاعة كده زي الكارت بس في منها كتير في الخزنة اللي جوه. أميرة: عوضي عليا يا رب، بنتي باعتني علشان بوكس. ياسمين: هتجيبي بيتزا ولا لأ؟ أميرة: هجيب حد يطلب عقبال ما أعمل مكالمة. *** طلعت أميرة تعمل مكالمة. **الحوار مترجم** أميرة: أهلًا دكتور جان. جان: مرحبًا أميرة هانم. أميرة: متى تصل إلى مصر؟ أريدك ضروري. جان: قريبًا سأصل إلى مصر وأعالج رعد بيه.

أميرة: إنه موضوع لا يجب على أي أحد أن يعرفه، سيد جان، ونبّه على جميع الممرضين أن رعد المنشاوي ليس له مكان، وإذا أحد عرف سوف أقطع رؤوسكم جميعًا. جان بخوف: أمرك سيدتي. أميرة: حسنًا، سوف أقفل، في ظرف يومين تكون في مصر دكتور جان. جان: أمرك سيدتي. دخلت أميرة جوه. أكرم: مكالمة شغل؟ أميرة: أحم، لا. يوسف: أشطا، البيتزا في الطريق، إيدك على الفلوس. أميرة: كام؟ يوسف: 1000 جنيه بس، وبالمشروبات الـ 1100. أميرة: ليه؟ طلبوا إيه؟

يوسف: ياسمين لوحدها بـ 300 جنيه. أميرة: ماشي بالهنا. قضوا يوم جميل واتعشوا وهزروا، ودا كان اليوم الوحيد اللي أميرة بتتعامل فيه عادي. خلص اليوم وطلعت أميرة علشان تحكي لرعد كل حاجة عن يومها. أميرة لرعد: رعدي أنا روحت الشركة وجيت، قعدت أكلمك مع أنس ومالك وفردوس، وكمان ماما وبابا ومرام ويوسف وأكرم وياسمين جم هنا، وقضينا يوم حلو. عارفة إنك زعلان علشان مش قولت لهم إنك في القصر، بس دا لمصلحة الكل والله. طلعت

جنبه ونامت جنبه وقالت: عارف أنا كل يوم بحمد ربنا إنك معايا، نفسي تضمني زي زمان يا رعد، نفسي أدخل في حضنك تقولي مش هطلعك منه، بحبك أوي، لا بعشقك، بقيت إدمان ليا. حست أميرة بحاجة غريبة واستغربت، لكن انصدمت. أميرة بصدمة: ..