رواية اميرة الرعد الفصل السابع والعشرون 27 - بقلم ندى الشرقاوي

حسّت أميرة بحاجة غريبة واستغربت، لكن انصدمت. أميرة بصدمة: رعد! أنت إيدك اتحركت؟ أنا حسيت صح مش تهيؤات؟ أميرة بفرحة: أنا حسيت والله، أيوه مش بتخيل! دكتور جان! قامت بسرعة واتصلت بدكتور جان. أميرة: دكتور جان، أعتذر بسبب هاتفي في الوقت المتأخر. جان: لا يهم سيدتي. أميرة: دكتور، رعد إيده تحركت، حسيت إن إيده بدأت تتحرك. جان: جيد سيدتي، رعد بيه بدأ يرجع للواقع، في ظرف 12 ساعة بكون في مصر. أميرة: أوكي دكتور جان، إلى اللقاء.

جان: إلى اللقاء. قفلت أميرة وراحت على السرير وهي مبسوطة وقالت: حبيبي اللي هيرجعلي تاني، أنت سامعني صح؟ قريب أوي هتكون معانا وتشوف أنس ومالك وفردوس وجنتي، مالك شبهك خالص يا رعدي. أنا هروح أنام بقى علشان أروح الشركة الصبح. قَبّلت خده وغادرت الجناح، وراحت الجناح بتاعها، غيرت ملابسها لبجامة مكونة من شورت قصير وتي شيرت لأعلى بطنها، ونامت سريعًا من كتر المجهود.

في يوم جديد، صحيت أميرة من النوم وبدأت يومها بنشاط، وصلت فرضها واتجهت إلى غرفة الملابس ولبست بنطلون باللون اللبني وتي شيرت أبيض وجاكت باللون اللبني وصندل ذو كعب عالٍ. سمعت صوت فردوس بتعيط، طلعت بسرعة وشالتها وعاوزة تسكتها مش عارفة. أميرة: فردوس بس يا روحي، دُوسَة مالك بس! وحطت إيديها على وشها، كانت فردوس سخنة أوي. أميرة بصراخ: آااااامل! دخلت أمل بسرعة: في إيه يا فندم؟

أميرة: فردوس سخنة أوي، خليكي مع مالك وأنس وجنة، أنا أروح المستشفى. أمل: طب أجي مع حضرتك؟ أميرة مسرعة: لا لا، أنا هروح. خدت أميرة فردوس ونزلت بسرعة. أميرة بصوت عالٍ: افتحوا البوابات بسرعة! ركبت أميرة مع السواق واتجهوا إلى المستشفى ومعاها الحرس. وقفت أمام مستشفى خاصة ودخلت بسرعة. أميرة: دكتورة! جت دكتورة وممرضة وخدوا فردوس وكشفوا عليها وكانت سخنة شوية، وأميرة كانت قلقانة أوي وخايفة، أول مرة تتحط في موقف زي كده.

الدكتورة بابتسامة: خير يا فندم، مفيش داعي لكل ده، الطفلة كويسة. أميرة براحة: الحمد لله. الدكتورة: هي بس هكتبلها على شوية فيتامينات وهتكون كويسة. أميرة: ماشي شكرًا، نستأذن إحنا. طلعت أميرة ومعاها الحرس ورجعت القصر. في العربية رن فون أميرة. أميرة: ألوو؟ سليم: أميرة عاملة إيه؟ أميرة: بخير يا بابا وحضرتك؟ سليم: بخير يا حبيبتي، بصي هو في حاجة عاوز أقولهالك. أميرة: اتفضل.

سليم: عمة رعد وبشرى عاوزين يجوا يزوروكي، هما دلوقتي عندي في الفيلا ومصممين يجوا. أميرة: يشرفوا، أنا راجعة القصر دلوقتي. سليم باستغراب: كنتي فين؟ أميرة: مفيش حاجة خفيفة كده، فردوس سخنة شوية. سليم بخوف: وهي عاملة إيه دلوقتي؟ أميرة: كويسة الحمد لله. سليم: ماشي يا بنتي، إحنا هنيجي كمان ساعة. أميرة بابتسامة مرهقة: تشرفوا. قفلت أميرة وضمت فردوس لحضنها، مين كان يتخيل إن أميرة تتغير حياتها لكده؟

بس فجأة سمعت أميرة صوت ضرب نار. وبدأت فردوس في الصراخ بصوت عالٍ، نزلت أميرة بسرعة حطت فردوس تحت الكرسي، وكان في عربيات الحراسة بتحمي العربية اللي متواجدة فيها أميرة. وقف ضرب النار فجأة، العربيات وقفت ونزلوا يطمنوا على أميرة. أميرة: مفيش حاجة، هما مش عاوزين يموتوني، هما عاوزين يخوفوني، الله في سماها لأجيبهم تحت رجلي! اتحركوا على العربيات يالا! دخلت شالت فردوس وحضنتها: باس حبيبة مامي مفيش حاجة. توقفت فردوس عن البكاء.

أميرة بسرحان: يا ترى عاوزين إيه ولا مين دول؟ لازم أعرف، وعمة رعد جاية ليه؟ أكيد جاية تعمل مشكلة ولا بشرى، يا ترى بيخططوا لإيه؟ وصلت أميرة للقصر ونزلت هي وفردوس ودخلت، كانت جنة بتفطر. جرت عليها جنة: مامي كنتي فين؟ أميرة: فردوس تعبت شوية، ودتها للدكتورة ورجعت. جنة: طب أنزل لي شوية كده علشان أشوفها. نزلت أميرة وخلت جنة تشوفها وباستها. جنة: ألف سلامة عليكي يا جنة الفردوس. أميرة ابتسمت على لقب جنة لفردوس.

أميرة: يالا نفطر بقى علشان جدو سليم وتيتا هدى هيجوا كمان شوية ومعاهم ضيوف. جنة: ماشي يالا بينا، جه مالك وأنس طنط أمل نزلتهم نفطر سوا. أميرة: ماشي يالا بينا. قعدوا فطروا سوا، وجه اتصال لأميرة إنهم على بوابة القصر. قامت أميرة وقالت لأمل تطلع أنس ومالك وفردوس الجناح وتنزلهم كمان شوية، ونفذت أمل الكلام. طلعت أميرة لتكون في استقبالهم. أميرة بابتسامة: نورتونا والله.

دخلت بشرى وسلوى وانبهروا من فخامة القصر وجماله ومن لبس أميرة. سلوى: نورك يا بنت البندر. أميرة في سرها: يا فتاح يا عليم يا رزاق يا كريم، صبرني يا رب. أميرة: نورتي يا عمة. بشرى: وه، أنتِ عايشة في البيت دي كله لحالك؟ أميرة بسخرية: أنتِ جاية تقري عليا ولا تزوريني؟ سليم: مش قصدها يا ميرو. أميرة بضحك: عارفة يا بابا اتفضلوا. دخلوا جوه وقعدوا. أميرة: عاملة إيه يا عمة؟ سلوى: نحمده الحمد لله.

أميرة: إيه يا بشرى مش ناوية تفرحينا بقى؟ أنا اتجوزت وخلفت وأنتِ لسه ولا عجزتي. بشرى بغيظ: لسه مجاش اللي في بالي. أميرة: ربنا معاكي بقى. هدى: فين الولاد يا أميرة؟ أميرة: فوق يا ماما وجنة بتلعب، جنة جنة! جت جنة وسلمت عليهم. جنة لسلوى وبشرى: هاي أنا جنة. سلوى: تعالي يا بنت الغالي وحضنتها، شبه أمك مي بالظبط. غمضت أميرة عينيها بعصبية وبتحاول تبان طبيعية. جنة: آه فيا شبه من ماما مي وماما أميرة. اتصدم الجميع من إجابة جنة.

بشرى: أنتِ تعرفي مي؟ جنة بتلقائية: آه مامي ورتهملي، كانت حلوة. أميرة: تعالي يا جنتي. جرت جنة لحضن أميرة. سلوى: وأنتِ ليه مشيتي من الفيلا وجيتي القصر ده؟ أميرة: ترفيه معلش، فلوس جوزي كتير فبصرفها. أميرة: الفيلا صغرت علينا، وأنا حابة العيشة في القصر أحلى، والفيلا راحت فين ما هي موجودة. بشرى: بس خلجاتك... أميرة: مالها هدومي إن شاء الله؟ والله أنا حرة ألبس أقلع ده شيء ليا أنا وبس. سلوى: إيه الحديث ده؟ أميرة: بسمة بسمة!

بسمة: أيوه يا فندم. أميرة: هاتي عصير للهانم. بسمة: حاضر يا فندم. سلوى: والقصر ده رعد اللي جابه قبل ما يعمل الحادثة؟ أميرة: لا أنا اللي اشتريته. بشرى: جبتي الفلوس منين إياك؟ أميرة: خير يا عمة، أنتِ جاية تعملي معايا تحقيق ولا تطمني عليا علشان أعرف؟ سليم: خلاص يا سلوى. سلوى بلوي فمها: وأنتِ قلت إيه؟ مش بطمن على فلوس ولد أخويا؟ أميرة: فلوس ابن أخوكي معايا مش مع حد غريب، مع أم ولاده. بشرى: آه فين الأولاد إياك؟

أميرة: جنتي اطلعي لأمل قوليلها تنزل أنس ومالك وفردوس. جنة: حاضر يا مامي. طلعت جنة وجه تلفون لأميرة. أميرة: مرحبًا جان بيك. جان: نحن في مصر سيدتي. أميرة بفرحة: حقًا؟ جان: حقًا سيدتي. أميرة: سوف أرسل لك اللوكيشن. جان: أمرك سيدتي. أميرة: إلى اللقاء. قفلت أميرة ونادت على الحرس. أميرة: كمان ساعة هيجي ناس دخلهم الجناح الغربي. الحرس: حاضر يا فندم. سليم: ناس مين يا أميرة وكنتي بتكلمي مين؟

سلوى: إيه اللي عم تتكلميه دوت وكيف تجرؤي تتحدثي مع راجل لحالك؟ أميرة: شغل يا بابا، شغل مهم أوي، هعرفك بيه كمان شوية في المكتب. سليم: ماشي يا بنتي. نزلت أمل بالأولاد. سلوى: وه وه ولاد مين كل دول؟ أميرة: ولاد رعد المنشاوي يا عمة سمي. شالت سلوى مالك. سلوى: شبه رعد قوي قوي. بشرى بغيظ: ده مين بقى؟ أميرة: ده مالك يا بشرى. بشرى: ثلاثة في بطن واحدة؟ هدى بعصبية: كفاياكي يا بشرى، كفاياكي. بشرى: وأنا قلت إيه عاد؟

أميرة: هاتي فردوس يا أمل. شالت أميرة فردوس وسليم شايل أنس. وبسمة قدمت العصير وبعد ساعة جه الحرس. الحرس: أميرة هانم، جان بيه وصل. أميرة: حاضر جاية، عن إذنكوا دقيقة، بابا تعالى معايا. سليم: يالا. أميرة: دخله الجناح الغربي وأنا هاجي كمان عشر دقايق. جمال: حاضر يا فندم. في المكتب. أميرة: بابا، رعد معايا هنا في القصر. سليم بصدمة: معايا إزاي؟ أميرة: رعد طلع من المستشفى على القصر ومحدش يعرف ده، حتى الحرس. سليم: وليه كل ده؟

أميرة: هنا أمان ليه. سليم: وجان مين؟ أميرة: دكتور جاي من باريس هيعالج رعد، ورعد بدأ يستوعب ويرجع للواقع. سليم: بجد يا أميرة؟ أميرة: بجد بس محدش يعرف ولا حتى أكرم ويوسف. سليم: طب ليه؟ أميرة: معلش، وكمان في عربية ضربت عليا نار النهاردة. سليم: ليه؟ إمتى؟ وإيه اللي حصل؟ أميرة: مش مقصود موتي، مقصود تخويفي بس. سليم: في حاجات كتير بتحصل يا أميرة، أنتِ مش قدها. أميرة: قدها بإذن الله، يالا علشان نقابل جان.

طلعوا بره وراحوا عند جان. أميرة: مرحبًا دكتور جان. جان سرح في جمال أميرة وأنوثتها وجمالها الجذاب. أميرة لاحظت نظراته وقالت: دكتور جان؟ جان فاق: إيه سنيوريتا؟ أميرة: أميرة المنشاوي زوجة رعد. جان: تشرفنا. أميرة: سليم بيه والد رعد. أميرة: حالة رعد إيه دكتور؟ جان: مستر رعد بدأ يستوعب ويرجع للواقع، وده قريبًا إن شاء الله. أميرة: دكتور جان هتقيم في القصر. جان: أمرك سيدتي.

أميرة: لا أعيد كلامي مرة أخرى، إذا أحد عرف إن رعد المنشاوي في القصر سوف أقطع رؤوسكم جميعًا. جان: أمرك سيدتي. أميرة: يالا يا بابا. سليم: يالا بس دقيقة هو فين رعد؟ أميرة خدت سليم وهي في الجناح الغربي ومشيت في ممر طويل وفتحت باب دخلها على جناح تاني خالص. أميرة: أهو يا عم حبيبي نايم وسايبني بره مع 4 قرود. راح سليم على رعد وفضل قاعد جنبه.

سليم: معاك زوجة بـ 100 راجل، كنت بتقولي هوريها أيام سودة وهعمل وأسوي فيها، معاك زوجة جميلة وهتكون سيدة أعمال ناجحة، ربنا يباركلك فيها و4 أولاد، ربنا يخليهملك وتقوم بالسلامة يا حبيبي، يالا يا ميرو. أميرة بابتسامة: يالا يا بابا. طلعوا من الجناح ونزلوا رجعوا القصر تاني. (ملحوظة: الجناح بعيد عن القصر نفسه وده طلب أميرة إنه يكون بعيد) سلوى: كنتوا فين عاد؟ أميرة: حوار تبع الشغل. بشرى بدون نفس: على خير. جنة: مامي.

أميرة: قلبها يا جنتي. جنة: عاوزة أنزل الـ pool. أميرة: بس كده عيوني، أمل لو سمحت لبسيها المايوه بتاعها وخلي جمال ينزلها وأربع رجالة حوالين الـ pool وخلي بالك. أمل: حاضر من عيوني. بشرى: إيه الـ pool دوت؟ أميرة: البسين أو حمام السباحة. بشرى: لحالها كده؟ أميرة: آه. أميرة: هطلع ألبس حاجة مريحة بدل اللي أنا لابساه ده، البيت بيتكوا عن إذنكوا.

طلعت أميرة غيرت ملابسها لترنج بيتي باللون الأسود وشعرها على هيئة كعكة وشوز أبيض ونزلت. كانوا يوسف ومرام وياسمين وأكرم جم. أميرة: لسه هرن عليكوا. ياسمين: بكاشة. أميرة: بس يا اللي حامل بقالك سنة. ووجهت كلامها لمرام: أنتِ لسه بدري عليكي. أكرم: لا بس حلو الترنج. أميرة: طبعًا يا ابني أنا ميرو. بشرى: هتولدي إمتى يا ياسمين؟ ياسمين: الأسبوع ده. سلوى: على خير، وأنتِ مين يا حلوة؟ مرام: أنا مرات يوسف. سلوى: اتشرفنا.

أميرة: أنا عاوزة أكل الصراحة علشان فرحانة شوية. هدى: تؤمري عاوزة تاكلي إيه؟ أميرة: عاوزة أكل نجرسكو. ياسمين: حلاوتك. أميرة: طبعًا أنتُوا عارفين أنا مش بعمل أي أكل ومش بعرف، رعد كان بيساعدني. بشرى: وه، رعد كان بيدخل المطبخ؟ أميرة: آه فيها إيه يعني؟ ومطبخ سوا، هقولك تاني رعد اللي معايا غير اللي تعرفوه. أميرة: وأغاني. مرام: أغاني اشطا. يوسف: أنتِ كويسة يا ميرو؟ أميرة: فلة، فرحانة شوية. نزلت جنة وهي لابسة المايوه.

ياسمين: أيوه يا جامد. جنة: حلوة أنا؟ أميرة: قمر يا روحي، يالا العبي وتعالي بس بسرعة، حاسبي تقعي. جنة: ماشي يا مامي. بشرى بخبث: أنا عاوزة أقول حاجة. انتبه ليها الجميع. بشرى: أنا كنت متجوزة رعد وحامل منه. أميرة بضحك: حلوة النكتة دي. سلوى: يا حُزني، ليه يا بنتي كده في الدار يا بنتي؟ بشرى: أهو اللي حصل يا ماما، وأنا مراته. ياسمين بعصبية: أنتِ اتهبلتي يا بت ولا إيه؟ سليم بعصبية: أنتِ بتجيبي العيب على نفسك وهتبوظي سمعتك.

أميرة بصوت عالٍ: كله يسكت! وراحت على بشرى مسكتها من شعرها: بقى أنتِ يا زبالة متجوزة جوزي اللي هو في غيبوبة بقاله 5 شهور؟ يا قليلة التربية كنتي متجوزة آه صح؟ بشرى بقوة: آه وليا فيه وفي فلوسه يعني العز ده كله ليا فيه. أميرة: جمااااال جمااال! جمال: أمرك يا هانم. أميرة: في العقد لو متجوزة؟ طلعت بشرى ورقة فيها عقد جواز عرفي. أميرة بسخرية: عرفي؟ عرفتي إن مقامك واطي؟ متكتبش عليكي ليه على رخامة؟ بس أنا هوريكي إزاي تفكري.

أميرة: خد السنيورة على المخزن. سلوى: إيه اللي بتقوليه ده عاد؟ أميرة بصوت كالأفعى: استحملت كتير، كلمة كمان وتروحي المخزن معاها، بنتك غلطت ولازم تتربى. سليم: والعمل؟ أميرة: ابعت هات دكتورة. بشرى بخوف: دكتورة ليه؟ أميرة بسخرية: أطمن على ابن جوزي اللي نزل، يمكن يكون مستخبي، يالا. جمال خد بشرى على المخزن. أميرة: بنتك لعبت في عداد عمرها يا عالم، بقى إيه اللي هيحصل؟ الله في سماها لو طلعت غلط لأمحيها من وش الأرض. Back:

بشرى: اسمعي مني يا ماما، إيه رأيك بقى؟ سلوى بتفكير: فكرة زينة، وناخد اللي عاوزينه، ويا عالم رعد هيرجع إمتى؟ بشرى: وأنا ظبطت كل حاجة وأميرة هبلة وهتصدق. سلوى: عفارم عليكي. Fact: أميرة: عارفة يا عمة لو كان كدب وأنا متأكدة إنه كدب، بنتك الشريفة هتزعل مني. أميرة: فين النجرسكو؟ البت دي زهقتني بلا نيلة. ياسمين: آه فين الأكل؟ بت رخمة، طب لو طلع كلامها صح؟ أميرة: غلط غلط، رعد عمره ما يعمل كده. مرام: أنا نزلت أغاني كتير.

أكرم: وأنا طلعت كل حاجة الجنينة بره. هدى: وأنا هعمل النجرسكو. مرور الوقت جاءت دكتورة وكشفت على بشرى. الدكتورة: يا مدام، الآنسة كويسة. أميرة بخبث: يعني آنسة مش مدام؟ الدكتورة: آه آنسة وأنا متأكدة. أميرة: اتفضلي أنتِ يا دكتورة. طلعت الدكتورة والرجالة جابوا بشرى من المخزن. أميرة: فين الجواز يا آنسة؟ بشرى: الدكتورة دي ما بتفهمش. أميرة ضربتها بالقلم وقالت: ده علشان جبتي سيرة جوزي.

وضربتها تاني: وده علشان بتكدبي. هتمشي من هنا سليمة علشان خاطر جوزي وخالك بس غوري. جاءت عربية وخدت سلوى وبشرى. سليم: معلش يا بنتي حقك عليا. أميرة بهدوء: ولا يهمك يا بابا. قضوا اليوم سوا مع بعض، وأميرة طلعت علشان تنام وكان يوم جميل. بعد مرور أسبوع، نزلت أميرة هتروح الشركة ولبست فستان صيفي يصل لحد الركبة باللون الأسود ويوجد بعض اللون الأبيض.

أميرة: أنا عندي اجتماع مهم جداً، أمل خلي بالك من الولاد وجنة هتروح الحضانة وترجع على هنا. أمل: ماشي يا فندم. اتجهت أميرة إلى الشركة، وصلت ودخلت وطلعت على غرفة الاجتماعات. أميرة: صباح الخير. الجميع: صباح النور. وبدأوا الاجتماع واشتغلوا في مشروع معتصم. أميرة: المشروع هيخلص بدري معلش لازم نسرع شوية والشركة هتصرف مكافأة لو المشروع تم في ميعاده ودلوقتي هنبدأ ونزود ساعات العمل ساعة ونص زيادة. رن فون أميرة.

أميرة: دقيقة واحدة. أميرة طلعت من غرفة الاجتماعات. أميرة: مرحباً دكتور جان. جان: خبر مفرح. أميرة: حقاً، قل سريعاً. جان: مستر رعد فاق. أميرة بفرحة: حقاً رعد فاق؟ جان: حقاً سيدتي، لكن يوجد خبر حزين. أميرة: لا يهم، أهم شيء أن رعد فاق. جان: ... أميرة بصدمة: أييييييه!