رواية اميرة الرعد الفصل الثامن والعشرون 28 - بقلم ندى الشرقاوي

جان: للأسف سيدتي، مستر رعد لن يقدر يمشي على قدميه لفترة، لكن ليست فترة كبيرة، لكن مع التمارين يقدر أن يمشي على قدميه مرة ثانية، ولاكن هو الآن يريدك لأنه يعتقد أن الحادث منذ يوم. أميرة بحزن على حبيبها: حسنًا سيد جان، أنا في الطريق إلى القصر. جان: حسنًا سيدتي. دخلت أميرة. أميرة: بعتذر لازم أمشي، وسليم بيه هيكمل الاجتماع. أكرم: في حاجة؟ أميرة: لا خالص، بس همشي دلوقتي. يوسف: تحبي أوصلك؟

أميرة: لا، معايا العربية والحرس تحت. سليم بتفهم: روحي يا ميرو. أميرة: يلا سلام. نزلت أميرة وركبت العربية وبتفكر رعد هيحصل إيه لما يعرف، وفرحانة في نفس الوقت إنها هتشوف حبيبها وتحضنه، قد إيه وحشها كلامه، نظراته، لمسته على شعرها، حضنه الدافي. شغلت أغنية "وحشتني". وحشتني... عدد نجوم السما وحشتني... عدد كلام الهوى وحشتني... في كل يوم إنما... إنما... وحشتني... أكتر وأكتر... واحنا سوا تعالى نخلي الحلم حقيقة... تعالى...

تعالى تعالى نعوّض كل دقيقة... تعالى تعالى من خوفي لبكرة يفرّقنا... واحنا يا روح قلبي ما صدقنا اشتقت لي... ورجعت لي... وقلت لي... وحشتني ليالي... ليالي... ليالي... ما فارقتش ثانية حبيبي خيالي باستنى الفرحة وباستناك... وبأغني وأنا باحلم بلقاك الله على لقى الحبيب... بعد الغياب... حلاوته بتخلي الهوى... يرجع شباب... الله... الله تعالى نخلي الحلم حقيقة... تعالى... تعالى تعالى نعوّض كل دقيقة... تعالى تعالى

من خوفي لبكرة يفرّقنا... واحنا يا روح قلبي ما صدقنا اشتقت لي... ورجعت لي... وقلت لي... وحشتني يا قمر... يا سهر... يا قمر يا سهر... يا سهر يا قمر راجعين راجعين... راجعين بحنين مر الوقت، وصلت أميرة للقصر وخدت نفس طويل وبتستعد للقاء حبيبها وزوجها. دخلت أميرة، ورجل تقدم وترجع تاني لحد ما دخلت الجناح، وكانوا مقعدين رعد. أميرة بدموع تنزل بغزارة: ر... رعد. بصلها رعد باشتياق، وتقابلت عيونهم مع بعض، طلع جان والممرضة.

جرت أميرة وحضنت رعد ومسكت فيه جامد وتبكي بصوت عالي. رعد حضن أميرة جامد وفضل ماسك فيها وراسه في عنقها يستنشق رائحتها التي افتقدها، يا الله كم هو شعور جميل أن تجتمع أنت ومن تحب ويكون أمان وملجأ لك. أميرة ببكاء: آآآآه وحشتني أوي. رعد وما زال على وضعه: وحشتني يا أميرتي، وحشتني أوي، وحضنك وحشني أوي حضنك. أميرة وما زالت على وضعها: كده يا رعد تسيب أميرتك لوحدها؟ هونت عليك تسيبني لوحدي؟ رعد استغرب وضعها

وحط إيده على بطنها وقال: أميرة، ابني يا أميرة، أنتي البيبي راح صح؟ أميرة قامت من حضنه، لكن قاطعها رعد: لا خليكي في حضني علشان خاطري، حاسس إني سايبك من زمان، سامحيني لو كنت السبب في موت البيبي. أميرة حطت إيديها على شفايفه، مسك إيديها قبلها قبلة عميقة أطالت وقت كثير. أميرة: هحكيلك كل حاجة، بس أول حاجة أنت في غيبوبة بقالك 5 شهور. رعد بصدمة: 5 شهور؟ أنا فاكر الحادثة إمبارح، أميرة أنا رجلي مش عارف أحركها، تقيلة أوي.

أميرة خدت نفس طويل: هحكيلك كل حاجة. نامت جنبه على السرير ودخلت جوه حضنه. أميرة: أنت عملت الحادثة وأنا كنت مستنياك يا رعد، أنا كنت واقفة مستنية دخلتك عليا، بس جالي الخبر من الصحافة، ينفع يا رعد أقولهم أنا نفس فصيلة دمه يقولولي لا مش هينفع أنتي حامل، ساعتها كرهت الحمل. قاطعها رعد وقال: ما كنتش هسامحك لو فرطتي في ابني علشاني يا أميرة.

مسكت إيده وحضنتها: وبعدين أكرم لف مصر كلها علشان يلاقي الدم، فصيلة نادرة أنت، وبعد ما لقى الدم للأسف كنا اتأخرنا وأنت نزفت كتير أوي ودخلت في غيبوبة، من ساعتها وأنا الدنيا اسودت في وشي، كنت كل يوم عندك في المستشفى، كنت بترجاك تصحي، مشيت من الفيلا، كل حاجة في الفيلا بتفكرني بيك، ما قدرتش أقعد فيها، اشتريت القصر ونقلت العيشة كلها هنا، أهلك ما وافقوش إني أقعد لوحدي لإني كنت بتعب ومش بكلم حد ومكتفية إني أقعد في القصر وأجي على المستشفى أحكيلك وأروح تاني.

وبابا سليم وماما هدى جم القاهرة علشان يكونوا جنبي، وكمان نزلت الشغل والحمد لله شغلك زي ما هو، وعندي حرس كتير محدش يقدر يدخل هنا، واتمرنت كتير أوي ومش بطلع من البيت غير والمسدس اللي اديتهولي في العربية. بصلها رعد بذهول، بقى دي أميرة اللي يعرفها؟ أميرة: لا ما تبصليش كده، أنا اتغيرت أوي، لما أكون أنا وبنتي في العربية ويضرب علينا نار وما أخافش يبقى أنا مش أميرة اللي تعرفها. رعد بفزع: ضرب نار إمتى؟ وجنة عاملة إيه؟

حصل لكوا حاجة؟ أميرة بابتسامة: إحنا بخير، وبعدين مش جنة اللي معايا في العربية. رعد: أمال مين؟ أميرة: فردوس رعد المنشاوي. رعد بفرحة: أنتي جبتي بنوتة؟ أميرة: آه، خليني أكمل وأنا أقولك مفاجأة تانية. رعد قبل رأسها: كملي يا أميرتي.

أميرة ورأسها على صدره: للأسف وأنت في المستشفى، دخل حد عاوز يديك حقنة سامة، وأنا لحقتك قبلها، ونقلت كل حاجة تخصك للقصر من غير ما حد يعرف، واتخانقت مع أكرم ويوسف علشان المفروض إن الحراسة عليهم ومحدش عارف إنك هنا. رعد بصلها بفخر: رغم كل اللي حصل بس فرحان بيكي واللي عملتيه. أميرة: وجبتك القصر وجناح بعيد عن كل حاجة، وكل يوم باجي ألبس قميصك وأنام في حضنك، وأكون نفسي إيدك تقفل عليا الحضن.

ضمها رعد وإيده قفلت عليها كأنه هيدخلها في جسمه. أميرة بتردد: رعد أنت مؤمن بقضاء ربنا؟ رعد: آه الحمد لله، في إيه؟ أميرة: بص، هو الحادثة أثرت على حركة المشي عندك، وقالت سريعا بس والله هترجع تاني في فترة صغيرة مع التمارين. رعد بابتسامة: الحمد لله على كل شيء. أميرة بصدمة: بجد؟ أنا فاكراك هتزعق وتكسر الدنيا. رعد بابتسامة: لا الحمد لله، كفاية إني شايفك دلوقتي، وفيها إيه علشان تكوني قريبة مني أكتر وتعامليني زي الطفل.

أميرة: ربنا يخليك لينا يا حبيبي. رعد: ويخليكي يا عمري. أميرة: رعد، عاوز تشوف فردوس؟ رعد باشتياق: أوي أوي، وجنة أنتي ولدتي إمتى؟ أميرة: من أسبوعين. رعد بعتاب: وتروحي الشركة وتسوقي كل دا؟ أميرة: عادي. أميرة: هجيب الولاد وأجي استقبل الهدية. طلعت أميرة تجيب الولاد. وراحت عند دكتور جان. أميرة: أشكرك دكتور على مجهودك مع رعد. جان: لا يوجد شكر سيدتي، هذا شغلي. أميرة: متى يبدأ رعد في التمارين؟ جان: بكرة سيدتي.

أميرة: حسنًا، كنت تريد أن تنزل تتجول في مصر كفسحة، جمال سوف يأخذك. جان: حقًا؟ أميرة: حقًا، تقدر الآن تغادر. راحت أميرة الجناح وطلبت من الخدم يغادروا القصر، وقالت لأمل إنها تأخذ إجازة النهاردة. أميرة: جنتي، عاملة لك مفاجأة كتير حلوة. جنة: بجد يا مامي؟ أميرة: آه يا عيون مامي، تعالي بقى. خدت أميرة جنة وفردوس. جنة: طب وأنس ومالك؟ أميرة: تعالي بس هنروح مكان حلو وأنس ومالك نايمين شوية وأخدهم.

طلعت على الجناح بتاع رعد ودخلت. جنة بفرحة: باااااابي! رعد بشوق ولهفة: جنتي. طلعت جنة وحضنت رعد، ورعد حضنها، قد إيه كانت وحشاه كتير. رعد: قلب بابا وعيونه وعقله، وحشتيني يا جنتي، كبرتي خالص أهو. جنة: آه شوفت، وكمان بتكلم كويس بس لسه لمضة. ضحك رعد: يا لمضة. تقدمت أميرة وأعطته فردوس. رعد بانبهار: ما شاء الله الله أكبر، جميلة أوي. وقبلها على خدها قبلة كبيرة. رعد: جميلة خالص يا أميرة، بس ليه فردوس؟

جنة: علشان نكون جنة الفردوس. رعد: بتحبيها يا جنة؟ جنة بحب: أوي يا بابي. أميرة: مستعد لهدية تانية أو مفاجأة تانية؟ رعد بعدم فهم: مفاجأة إيه؟ أميرة: دقيقة. طلعت أميرة راحت جابت أنس ورجعت. رعد بذهول: مين دا؟ أميرة: أنس رعد المنشاوي. رعد: أنس مين؟ أمال اللي على إيدي مين؟ أميرة: إيه يا حبيبي عيالي. رعد: ما شاء الله هو أنا غبت كتير كده؟ وحط فردوس وشال أنس. رعد: حبيبي أبوك، ربنا يحميك. أميرة: هغير وأجي.

رعد بغمزة: تحبي أساعدك؟ أميرة بخجل من وقاحته: لا ميرسي. طلعت أميرة ودخلت بمالك. رعد: لا كتير كتير، أنتي بتجيبي منين؟ أميرة بضحك: لا كده خلاص الختمة بمالك رعد المنشاوي. رعد بذهول وصدمة: أنتي بتتكلمي جد؟ أنتي جبتي 3؟ أومأت له أميرة بنعم. رعد: يعني أنتي كنتي حامل في 3؟ أميرة: وما عرفتش غير لما ولدت لأني ما روحتش لدكتورة من ساعة ما أنت عملت الحادثة. رعد بانتباه: ليه؟ أميرة: علشان كان نفسي تكون معايا، بس إيه رأيك؟

رعد: إنتاج أجنبي فوق الفظيع، بقى العيال القمرات دول عيالي. أميرة: آه، الأسرة اللي كانت مكونة من 3 أفراد بقينا 6 أفراد. أوريك صورك معاهم أول ما اتولدوا؟ رعد: إزاي؟ أميرة: أنا صممت إني أطلع من العمليات أجي على الغرفة بتاعتك وجيت وحطيت الأولاد جنبك وجنة واتصورنا سوا. رعد: بحبك يا أميرتي. جنة: كيس جوافة أنا هنا. رعد: يا لمضة، يلا يا بت من هنا. جنة: على قلبك. رعد: زي العسل يا روحي.

أميرة: أنا مشيت الخدم وكل الناس، مش فاضل غير الحرس ودا ماقدرش أمشيه، وهنقضي اليوم كله سوا، إيه رأيك يا رعدي؟ رعد: ودي محتاجة رأي؟ موافق طبعًا. قضوا بقية اليوم مع بعض، وكان يوم جميل أوي، العيلة بدأت الفرحة ترجعلها تاني، وأميرة كانت بتحمد ربنا إن رعد رجع تاني، وأميرة عملت فشار وعصير وقعدوا جو أسري جميل. بالليل جابت أميرة سرير متحرك بتاع الأطفال ودخلته الجناح، ونيمت فيه أنس ومالك وفردوس. جنة: طب وأنا يا مامي؟

أميرة: إيه يا عيوني مامي، عاوزة إيه؟ جنة: هنام فين؟ أميرة: في حضن بابي، إيه رأيك؟ جرت جنة قبلتها وقالت: فكرة هنا مع فردوس وأنس ومالك. أميرة: لا هما صغيرين، أنتي تنامي معنا، يلا. طلعت جنة على السرير ودخلت جوه حضن رعد. رعد: تعرفي يا جنتي وحشتيني أوي أوي. جنة: وأنت كمان يا رعدي. أميرة بغضب مصطنع: بس يا بت، رعدي أنا. جنة: لا، أنا. أميرة: هغير وأجيلك يا بنت... جنة: يا بنت! إيه! أميرة: يا بنت رعد!

رعد: هههههههههههه أنتوا على طول كده؟ أميرة: آه. دخلت أميرة غيرت ولبست بيجامة بيتي عبارة عن شورت قصير وتيشيرت وأطلقت سراح شعرها الأحمر. وطلعت، انبهر رعد بجمالها الذي ازداد أكثر وأكثر. أميرة: بصي بقى يا ست جنة، علشان نكون على نور، بابي في النص وأنتي على دراع وأنا على دراعي. رعد بذهول: أنتوا بتقسموني؟ أميرة: آه. راحت أميرة ناحية السرير وبدأت تساعد رعد. رعد: هتعملي إيه؟ أميرة: هساعدك. رعد: بس أنا تقيل عليكي.

جنة: تقيل مين؟ أنت متعرفش. رعد بعدم فهم: أعرف إيه؟ جنة: ماما عاملة أوضة للجيم هنا في القصر، وكل يوم بتتمرن. رعد: أميرة بتتمرن؟ أميرة: شوفت؟ أنت مش مصدق. بدأت أميرة تساعد رعد وساعدته، واستعدوا للنوم. أميرة: كده في حاجة تانية؟ رعد بابتسامة: لا يا روحي، نامي أنتي أكيد تعبانة. نامت أميرة وحضنت رعد وجنة هكذا. رعد بصوت واطي: وحشتيني يا أميرتي.

أميرة بصت له بعيون عاشقة: أنت أكتر يا رعدي، متعرفش أنا من زمان نفسي أنام في حضنك، اشتقتلك أوي. رعد: ربنا يخليكي ليا. أميرة: ويخليك يا حبيبي. وناموا كلهم بدون أي قلق ولا توتر. ***** في صباح جديد في فيلا أكرم المنشاوي. أكرم: ياسمين، مش حاسة إنك طولتي؟ مش عاوزة تروحي تولدي ليه؟ ياسمين: لسه مفيش وجع. أكرم: هو لازم؟ ما تروحي تولدي على طول. ياسمين بلامبالاة: لا، هاتي المربى بقى لو سمحت. أكرم بغيظ: صبرني يا رب.

ياسمين: يا رب يا حبيبي. ياسمين: الله يخربيتك يا أكرم. أكرم: هو أنا قولتلك حاجة؟ ياسمين بوجع: بوووولد! أكرم: أحلفي. ياسمين: يااااغبي! أكرم: بتولدي؟ الحمد لله، أنا قولت انتفاخ مش حمل أبداً ده. ياسمين: آآآآآآه! شالها أكرم وطلع بسرعة على المستشفى. دخل المستشفى. ياسمين بصراخ: أنت السبب، أنت السبب يا أكرم! أكرم: حرام عليكي، فضحتيني. ياسمين: يا لهووووووي! المستشفى بتتفرج عليهم. أكرم: بسرعة يا ابني.

دخلوا ياسمين غرفة العمليات. أكرم: يا لهوي، مالي ومال الجواز! رن أكرم على سليم. سليم: ألو يا أكرم. أكرم: ألو يا عمي، ياسمين بتولد. سليم: الله يخربيتك! أكرم: إيه يا جدعان في إيه؟ أنا بقولك بتولد مش أطلقك. سليم: جاي، جاي. بعد مرور ساعة كان وصل سليم وهدى. سليم: هاا فين؟ أكرم: لسه طالعة من العمليات. هدى: وهي عاملة إيه؟ أكرم: كويسة الحمد لله. الممرضة: تقدروا تدخلوا. دخلوا وكانت ياسمين تحت تأثير المخدر.

ياسمين: لا ورك الفرخة ده بتاعي... يا أكرم قولتلك بلاش ترمي الشوط بتاعك في وسط الجناح... أميرة والله لأقول لرعد إنك بتضربيني... منك لله يا أكرم. أكرم: أهي شوفوا أنا مستحمل إيه. بدأت ياسمين تفوق. هدى: حمد الله على السلامة يا قلب أمك. ياسمين: حبيبتي يا ماما. راح سليم وقبلها: ألف سلامة عليكي ومبروك على البنوتة. ياسمين: الله يبارك فيك يا حبيبي. أكرم راح حضنها: ألف مبروك يا روحي، بس أبقي وطي صوتك وأنتي بتكلمي عليا الناس.

ياسمين: ليه أنا عملت إيه؟ أكرم: هبقى أقولك. دخلت الممرضة وكانت معاها البنوتة. ياسمين: الله حلوة أوي. هدى: ربنا يبارك فيها ويحفظها. ياسمين: أكرم مش هتشيلها؟ أكرم ببعض الخوف: لا، أخاف تقع مني. ياسمين بابتسامة: متخافش. قرب أكرم وشال البنوتة وحضنها. أكرم: حمد الله على السلامة يا تاجي. ياسمين: أنت قولت إيه؟ أكرم: تاجي، إيه رأيك؟ تاج أكرم المنشاوي. ياسمين: حلو أوي اسم تاج. سليم: ربنا يبارك فيها. ياسمين: أنا كلمت أميرة.

أكرم: نسيت، دي هتموتنا. ***** في قصر الرعد. صحيت أميرة وابتسمت لما لقت رعد جمبها وبدأت تتأمل ملامحه، قد إيه وحشها. ومدت إيديها على عيونه وخده ورموشه وعلى شفايفه، ونزلت طبعت قبلة رقيقة كلها رقة وحنية، جت تبعد لكن اتفاجئت بإيد خلف رأسها وكان رعد قلبها قبلة يبث فيها على شوقه واشتياقه لها، قد إيه كانت وحشته، واتقابلت عيونهم وأنفاسهم في أنفاس بعض وصدر رعد يعلو ويهبط. أميرة بخجل: صباح الخير.

رعد بحب وغزل: صباح الفل والياسمين على عيونك يا أميرتي. أميرة: رعد، أنت هتفضل في الجناح فترة محدش هيشوفك. رعد: ليه؟ أميرة: لحد ما تخلص التمارين وتمشي على رجلك تاني، علشان أنا لسه معرفتش مين المجهول اللي بيعمل كده. رعد: أميرة أنا خايف عليكي. أميرة: لا يا حبيبي، إن شاء الله خير، خليني في حضنك شوية بقى لحد ما أروح الشركة. رعد بابتسامة وفتح لها دراعه: تعالي. جت أميرة تحضنه بس الفون رن. أميرة: لو أكرم ههزأ عليه ياسمين.

رعد: والله شكله قاطع اللحظات. ردت أميرة وكان أكرم. أكرم: ميرو عندي ليكي خبر حلو. أميرة: مشروع معتصم خلص صح؟ أكرم: لا، أحلى. أميرة: ياسمين بطلت أكل؟ أكرم: ياسمين ولدت. أميرة: بجد؟ أنا هاجي حالاً. وقفلوا بس رعد كان بيبص لها بغيرة وغيظ. أميرة: إيه يا رعدي مالك؟ رعد: بيقولك ميرووو بس أما أشوفه، ميرو يا أميرة، ده كان بيقولك حرم رعد المنشاوي. أميرة: هههههههههه. رعد: اضحكي اضحكي، بس بجد ياسمين ولدت؟

أميرة: آه ولدت بنوتة، بص بقى، أمل هتيجي دلوقتي وأنا هطلع الولاد من هنا وجنة، وأنت هتفضل هنا وهبعتلك جان. رعد: طب هاتي الولاد أشوفهم قبل ما تطلعي. أميرة بابتسامة: حاضر من عيوني. دخلت أميرة علشان تلبس ولبست قميص باللون الأوف وايت وبنطلون باللون البني الفاتح وحذاء بنفس اللون ورفعت شعرها لأعلى وميكب خفيف جداً وطلعت. رعد بانبهار: يا جمالك! أنت بتطلعي كل يوم بالحلاوة دي من غيري! أميرة: آه، تحب تشوف؟ رعد بتوهان: أشوف.

طلعت أميرة الفون بتاعها وورته كل الصور بتاعتها. رعد: الله حلوين أوي، بس بلاش الفساتين القصيرة دي ماشي يا روحي. أميرة: حاضر يا حبيبي، بص دي صور الولادة. وكانت الصورة رعد نايم على فراش المستشفى وجمبه أنس ومالك وفردوس وجنة. رعد: حلوة أوي الصورة دي، كنت أتمنى أكون معاكي، كمل بخبث وغمزة وقال ملحوقة في الولادة الجاية. أميرة: نننننعم؟ أنا جايبة 3 ومعايا واحدة أربعة، كفاية كده. رعد: أنا مكملتش الدستة. أميرة: هي مشابك؟

رعد: هو كده، أنا هجيب ستة بس أقوم بس من على السرير ده. أميرة: دقيقة. قامت جابت فردوس وادتها لرعد. رعد: حبيبة قلب بابي يا دوسة، وقبلها. وأنس هكذا ومالك. أميرة: هوديهم وأجي آخد جنة تكون أنت صحتها. رعد: ماشي. طلعت أميرة بالولاد. رعد: جنتي. جنتي جنة. جنة: خمسة يا ميرووو خمسة بس. رعد بضحك: الله يخربيتكوا اتهبلتوا سوا. جنة جنة. جنة: والله خمسة بس يا ميرو، أخطف حلم وارجع على طول. رعد: جنة قولي يا جنة أنا بابي مش ميرووو جنة.

جنة فتحت عيونها وقالت: بابي. رعد: قلبه، يالا اصحي بقى. جنة بنوم: ميرووو فين؟ رعد: راحت تودي إخواتك الجناح التاني، بس عاوزك في موضوع. جنة بانتباه: إيه؟ رعد: تيجي نلعب لعبة؟ محدش يعرف إنك بتشوفيني خالص خالص ولا يعرف إني عايش في القصر هنا. جنة: ليه ده؟ نانا وجدو هيفرحوا. رعد: هعملها مفاجأة، اتفقنا؟ مش تقولي لأي حد، وأنا أوعدك هجبلك بوكس لعب كبير كبير. جنة: ماشي.

دخلت أميرة وقالت: جنتي أمل جت، هتطلعي تيجي معايا ولا هتفضلي في القصر؟ جنة: هنروح فين؟ أميرة: ياسو جابت بيبي، تيجي نروح نشوفها؟ جنة بفرح: آه يالا يالا. أميرة: اجري أمل تلبسك بسرعة، وزي ما اتفقنا لو سألتك كنتي فين قولي مع مامي وخلاص. جنة: أوكي. راحت جنة تلبس وشاور رعد لأميرة تقرب. قربت. أميرة: نعم. رعد: هتروحي مع السواق ولا لوحدك؟ أميرة: أنا لو طلعت اتنين متر بطلع بحرس وسواق. رعد: يعني هتطلعي بالحرس؟

كام شخص معاكي وكام عربية؟ أميرة: قول 50 واحد و15 عربية. رعد بذهول: ليه رئيس الجمهورية ده؟ أنا مبطلعش بكل ده. أميرة بغرور مصطنع: أنا أميرة المنشاوي. رعد: عملتي كل ده أمته يا أميرة؟ أميرة: تاني يوم الحادثة. رعد: ماشي، روحي بسواق بلاش لوحدك علشان معاكي جنة. أميرة: حاضر، هتعوز حاجة؟ قبل يداها وقال: عايز سلامتك يا أميرتي. نزلت أميرة هي وجنة واتجهوا للمستشفى. وصلوا للمستشفى ودخلوا. أميرة: أخيراً ولدتي.

ياسمين: آه يا أختي جبت بنوتة قمر. أميرة: وريني كده. شالتها أميرة. أميرة: يا خلاسي على الجمال، بصي يا جنتي. جنة: جميلة خالص. أميرة: هتسمي إيه؟ ياسمين: تاج. أميرة: حلو أوي. هدى: أميرة حساكي مختلفة النهارده. أميرة: إزاي يا ماما؟ هدى: حاسة إنك بدأتي ترجعي أميرة بتاعت زمان. أميرة: ادعيلي يا حبيبتي. سليم عرف إن رعد بيتحسن من ملامح أميرة. أكرم: أميرة أنا هاخد إجازة أسبوع. أميرة: ليه؟ أكرم: علشان آخد بالي من مراتي.

أميرة: نننننعم؟ ده أنا نزلت الشغل بعد الولادة، أنت عاوز تاخد إجازة؟ أكرم: خلاص مش عاوز، ربنا على الظالم والمفتري. جنة: مامي أكرومتي بيدعي عليكي. أكرم: اسكتي يا لمضة. دق الباب ودخل. أميرة: أنتوا...