رواية اميرة الرعد الفصل الثامن عشر 18 - بقلم ندى الشرقاوي

في يوم جديد تشرق الشمس، جمال السحاب في صبح يوم حالم. لقاء الأحبة، تغاريد الطيور، إشراقة الشمس مع نسمات الهواء تحمل أريجًا فتنْعش الروح. تستيقظ أميرة من نومها، لاكن مقيدة كالأسيرة من رعد. أميرة وهيا تنظر له: "يا الله كم وسيم! وتبدأ يداها تسير على وجهه بحنية، بداية من شعره لرموشه لجنته لدقنه الخفيف. صَحا رعد على لمسات حبيبته ومعشوقته. رعد بحب وينظر لها: "صباح الفل والياسمين على أحلى عيون." أميرة بحب: "صباح الفل."

أميرة: "رعد، عاوزة أقوم." رعد بخبث: "طب ما تقومي." أميرة بغضب طفولي: "لا والله، وانت ماسكني زي الأسيرة كده." رعد وهو يحضنها أكثر: "أعمل إيه يعني؟ حضنك بيشيل عني كل هموم الدنيا، بنسى كل حاجة في حضنك. في حضنك برجع عيل صغير محتاج لحنان وحب واحتواء." ويمشي يده على خديها التي مثل الفراولة الطازجة التي يتوق لمعرفة طعمها، هل كرز أم فراولة أم توت أم شيء آخر مزدوج من جميع الأسماء التي ذكرت.

رعد وأيده على خدها: "دول بتوعي أنا بس." وقبّل خدها. أميرة وهيا تحيط عنقه بيداها بدلال: "أنا كلي ملك الرعد." رعد وهو يتنفس راحتها التي تشبه الياسمين: "يا روح رعدي." رعد: "يالا البسي بسرعة، هنروح مشوار سوا. لو فضلنا كده مش هنطلع خالص." وغمزلها. قام رعد وأميرة وبدأوا في التجهيز. دخلت أميرة، أخذت شاور منعش لتبدأ يومها الجديد، وقضت فرضها، ودخلت غرفة الملابس لتختار الملابس بدقة عالية.

اختارت شميز طويل باللون الزيتي وبنطلون ضيق باللون الأبيض. تيشرت باللون الأسود وشوز ذات كعب عالي. ورفعت شعرها الناري على هيئة ذيل حصان. طلعت أميرة من غرفة الملابس. أميرة بسعادة: "أنا جهزت." رعد بابتسامة: "قمر يا روحي." أميرة: "هنروح فين بقى؟ رعد: "مفاجأة." نزلوا رعد وأميرة، وكان الجميع مستنيهم على الفطار. رعد: "صباح الخير." الجميع: "صباح النور." هدي: "يالا الفطار." رعد: "لا، هنفطر بره." أميرة راحت قبلت جنة.

أميرة: "قلب مامي، ياسمين خلي بالك منها." ياسمين بغمزة: "عيب عليكي، خليكي انتي بس في الراجل اللي معاكي." أميرة: "ملكيش دعوة باللي معايا، خلي بالك من جنة." أكرم بصوت عالي: "لا بقا، أنا عاوز أتجوّز." سليم ببرود: "وإحنا مالنا." سامية: "يوم المنى يا ولدي." أكرم: "أصل يا عمي، العروسة تبقى... سامية: "تبقى بشري بنت عمتك سلوى، صح؟ هنا ياسمين شرقت لأنها كانت بتشرب. أميرة: "ههههههههه، مش قادرة." بصتلها ياسمين بغيظ.

رعد بضحك: "مبارك عليك بشري يا أكرم." أكرم بصوت عالي: "بشري مين؟ أنا هتجوز ياسمين! سليم: "نننننعم يا روح ****." أكرم بخوف: "يا عمي، اسمع بس." قام سليم وبدأ يجري وراه، وأكرم يجري. أكرم: "يا عمي، اسمع بس." سليم: "اسمع إيه يا صايع." وأكرم يجري وسليم يجري. رعد مسك إيد أميرة. رعد: "طيب يا جماعة، خلصوا ورنوا عليا، باي." والجميع بيضحك ما عدا سامية. في العربية. أميرة: "هنروح فين؟ رعد بابتسامة: "شوية وهنوصل يا أميرتي."

بعد ربع ساعة وصلوا لمكان مجهول. أميرة بخوف: "رعد، إحنا هنا ليه؟ رعد وهو ماسك إيديها: "بتخافي وانتي معايا؟ أميرة هزت راسها بلا. رعد: "يبقى ندخل، وخليكي واثقة في حبيبك." دخلوا، وأميرة بتبص على كل حاجة حواليِها، وبرضه حاسة بشوية خوف. دخل رعد وجهز شوية حاجات. أميرة: "جايبني هنا ليه؟ رعد ببرود: "هنضرب نار." أميرة بخوف: "إيه؟ رعد: "هعلمك ضرب النار." أميرة بخوف ظاهر: "لا لا، بلاش. أتعلّم ليه؟ انت موجود."

رعد: "افرضي رعد مش موجود، تعملي إيه؟ أميرة وهزت راسها بلا: "معرفش، معرفش." رعد بحنان: "أميرتي، متخافيش. أنا قولتلك إيه؟ انتي قولي للجبل قوم علشان أميرة المنشاوي تقعد مكانك، هتخافي من تعلم ضرب النار؟ أميرة على وشك البكاء: "لا، مش عاوزة." قام رعد: "قومي يا أميرة." أميرة: ".... " لارد. رعد بصوت أعلى: "قومي ياااااا أميرة." قامت أميرة من شدة صوته. رعد: "تعالي." اتجهت أميرة إليه. مسك رعد المسدس وأداهولها.

مسكت أميرة المسدس وأيديها بترتعش. أميرة برجاء: "بلاش." رعد مش عاوز يبصلها علشان ميضعفش قدامها. رعد: "يالا، صوبي على الهدف اللي قدامك." رفعت أميرة المسدس وبدأت تصوّب، وغمضت عيونها وضربت أول طلقة. والمسدس وقع منها. رعد: "أميرة، انتي مش ضعيفة، انتي قوية وهتكوني أقوى." جاب رعد المسدس ومسك إيديها وحط إيده على إيديها. رعد وهو يتنفس في عنقها، وبدأت نفسها يعلو ويزداد. أميرة بتوتر: "ر... رعد." رعد: "ركزي على الهدف يا أميرتي."

بدأت أميرة تركز على الهدف وأصابت الهدف الصحيح. أميرة بقفز مثل الأطفال: "هيهيهيهي." رعد بضحك عليها: "شطورة يا أميرتي." أميرة بغرور: "طبعًا، أنا أميرة." رعد: "تباً لتواضعك. الأسبوع اللي هنقعد هنا، كل يوم هنيجي هنا، ماشي." أميرة: "أشطة." وبدأوا يكملوا تعليم. في السرايا. أكرم: "يا عمي، صدقني والله، أنا اتعلمت من خطئي." سليم: "برضه مش مأمن على بنتي معاك." أكرم برجاء: "طب اديني فرصة واحدة، فرصة أثبت نفسي." سليم بعد

ما شاف نظرة صدق في عيونه: "كتب الكتاب الأسبوع الجاي يا عريس." أكرم بتصديق: "أحلف." سليم: "وه، بتكذبي إياك." أكرم وهو فرحان ومش مصدق: "هتجوزززز." وطلع من المكتب. أكرم وهو يرقص من الفرح: "هتجوز، هتجوز، هتجوز." "زغرطي يا حماتي." بدأت الزغاريط تعلو في السرايا والفرح والسرور على الجميع. يوسف: "تدخل القفص يا أكرم." أكرم بهيام: "وأخيرًا، هييييح." هدي بفرح لابنتها: "ألف مبروك يا بتي." ياسمين بفرح: "الله يبارك فيكي يا ماما."

سليم بفرحة لابنته الوحيدة: "ألف مبروك يا عيون أبوكي." ياسمين وهيا تقبل يداه: "الله يبارك في حضرتك يا بابا." أكرم بمرح: "طب إيه، أبارك أنا كمان؟ سليم بغضب: "الأسبوع ده مشوفش وشك خالص، سامع." أكرم بغضب: "ده ظلم والله." دخل رعد وأميرة. رعد: "كلمة كمان ويكونوا أسبوعين." أكرم بمرح: "كلكوا عليا ولا إيه؟ سليم: "امشي يا ابن ****." جري أكرم بره السرايا. وضحك عليه الجميع. سامية بدون نفس: "ألف مبروك يا عروسة ولدي."

ياسمين: "الله يبارك فيكي يا مرات عمي." سليم: "كتب الكتاب وادخله الأسبوع الجاي." فرح الجميع أن يوجد فرح بعد الحزن والهموم اللي حصلوا. طلع رعد وأميرة الجناح، دخلوا نام رعد على رجل أميرة. رعد وهو ينظر لعيونها: "غنيلي يا أميرتي." أميرة وأيديها على شعره وبدأت تغني: "أنا بعشقه للدنيا، أيوه هقولها أنا متفائلة بيه، ده فرحة الدنيا وما فيها، جات لي فيه وبدعي ربنا كل يوم يخليني ليه أنا بعشقه، بكون ضعيفة بشوفه، أنا بستقوى بيه

ده حد من النوع اللي مرة بتلاقيه أنا حبة نفسي تقول ما هي ملك ليه ملّكني بكل إحساسي، فاكرني تملي مش ناسي بقالي هو ده ناسي، مليش بعديه في وقت ما يجي قدامي، بتبدأ كل أحلامي وتحضن صورته أيامي، بموت أنا فيه أنا بعشقه، معرفش لما بقابله يومها أنا ببقى مين، بياخدني من روحي وحياتي بكلمتين ده اللي زيه نفسي أعرف راحوا فين ملّكني بكل إحساسي، فاكرني تملي مش ناسي بقالي هو ده ناسي، مليش بعديه في وقت ما يجي قدامي، بتبدأ كل أحلامي

وتحضن صورته أيامي، بموت أنا فيه" خلصت أميرة، ورعد يتأمل ملامحها وشكلها. رعد: "أميرة." أميرة بابتسامة جذابة: "عيونها." رعد بحب: "تسلم عيونك. لو حصلي حاجة، خلي بالك من جنة، وخليكي قوية." أميرة: "ليه بتقول كده؟ بعد الشر عليك." رعد: "يا حبيبتي، اسمعي كلامي. مرات رعد المنشاوي لازم تكون قوية. على فكرة، أنا عملت لك توكيل بكل حاجة، تقدري تتصرفي في أي حاجة من أملاكي."

أميرة وهيا بتحضنه بلهفة: "متقولش كده، أنا مش عاوزة حاجة، انت كل حياتي." رعد: "وانتي حياتي كلها." بتغيير الموضوع: "هتلبسي إيه في الفرح بقى؟ أميرة: "مفاجأة." رعد بتحذير: "أميرة، احنا في الصعيد، بلاش الفساتين بتاعتك، أوك." أميرة ببراءة: "طبعًا يا حبيبي." رعد: "أما نشوف." أميرة: "عاوزة ألف في الصعيد." رعد: "عيوني. يالا بس بلاش الشوز العالي ده، البسي حاجة مريحة علشان تعرفي تتحركي."

أميرة: "أشطة. هلبس جنة علشان تيجي معانا." أمن رعد لها براسه بنعم. راحت أميرة لغرفة جنة. أميرة: "جنتي جنتي." جريت جنة على أميرة: "مامي." أميرة: "يالا يا روحي علشان نلبس." أخذت أميرة جنة وبدأت في تجهيزها. لبست جنة بنطلون أسود وشوز نفس اللون وتيشرت وشميز مخطط ويوجد فيه بعض النقوش. جهزت جنة وشالتها أميرة ودخلت الجناح. أميرة: "رعد، إحنا جاهزين." رعد: "ماشي يا روحي، يالا بينا."

نزلوا واستأذنوا الجميع، وبدأوا يتجولوا في البلد، وأميرة سعيدة بالحياة في البلد. في أوضة سامية. سامية: "لازم أتصرف. مي كانت غبية وحبت رعد، هي اللي خسرت ابني الأهبل. هتجوز ياسمين، بس لازم أفرقهم عن بعض. هعمل المستحيل علشان يتفرقوا، حتى لو جاب موتي. أنا رحمة كانت ذكية وكانت بتنفذ، بس ماتت ومحدش برضه عرف يكشفني. في الآخر، كله هيكون ليا أنا بس. لازم آخد حقي." ياسمين: "اتحشم يا ولد." أكرم: "أتحشم إيه؟

أبوكي بيقول أسبوع مدخلش السرايا." ياسمين: "والله العظيم لو قربت خطوة زيادة، لا أصوت ولا يكون فرح ولا حاجة." أكرم: "هو أنا حظي منيل كده؟ بس هنعوضها في الفرح." ياسمين بخبث: "آه، هنعوضها آخر تعويض." أكرم: "طب واحدة بحبك علشان أمشي، الله يخليكي." ياسمين: "ياااااااا باب... كتم أكرم صوتها بيده. أكرم: "بس، الله يخربيتك، هتفضحينا." عدا أسبوع، وجه يوم فرح ياسمين وأكرم.

في صباح يوم جديد، يوم كله سرور وفرح، فهو فرح ياسمين المنشاوي، عروس الصعيد. دخلت أميرة وهدي لأوضة ياسمين. أميرة: "ياسمين، ياسمين، قومي، عندك فرح." هدي بقلة حيلة: "مين اللي يصحى؟ والله ما هتقوم. قومي يا عروسة." أميرة: "يابنتي، يااااااسمين." ياسمين بنوم: "مش عاوزة أتجوّز، سيبوني أنام بقى." أميرة: "قومي بقا." ياسمين: "أقسم بالله لو ما سبتوني أنام، لجيب الغفر يطخوكوا عيارين." هدي بغيظ: "عيارين يا بت ****."

وهنا استخدمت هدي السلاح المصري الأصيل، أبو وردة. ياسمين: "آآآآآه، إيه يا ماما." أميرة بضحك: "مش عيب عليكي، عروسة وتضرب بالشبشب." دخل رعد: "قومي، الله يخرب بيتك، عندك فرح. أنا قلت لأبوكي إننا هنكتب الكتاب هنا ونقعد شوية وننزل على القاهرة، الفرح هناك لأن فيه رجال أعمال وكده." هدي: "كيف الدخلة؟ مش هنار... رعد: "يا أمي، يا حبيبتي، هنكتب هنا والحريم مع نفسهم. ولو عاوزة تنزلي القاهرة للفرح، انزلي."

هدي: "لا، هنكتب ونعمل كل حاجة، وروحوا مصر براحتكم." رعد: "عين العقل يا أمي. يالا يا أميرة تعالي معايا، وانتي يا ياسمين، يدوب تقومي تجهزي." بدأوا في تجهيزات الفرح وتعليق الإضاءة وتجهيز مكان لكتب الكتاب. بعد 3 ساعات، كل حاجة كانت جاهزة. دخلت أميرة لتجهز، لاكن انبهرت بلبس رعد، فكان يلبس جلباب صعيدي وعمة على رأسه، وكان جميل أوي في الصعيدي. أميرة بتوهان: "انت جميل أوي." رعد بضحك: "ههههه، انتي أجمل يا روحي."

أميرة بطفولية: "لا، مش هتنزل." رعد: "ليه؟ أميرة: "بشري هتيجي وهتبصلك، لو قالت حاجة، والله هضربها تاني." رعد: "أميرتي بقت شرسة." أميرة تحتضنه بتملك: "علشان انت ليا بس." رعد يقبل رأسها: "صح يا روحي. يالا جهزي بقا، هنخلص هنا ونطلع على القاهرة." أميرة: "أشطة، استني وننزل سوا." رعد: "أوامر أميرتي." دخلت أميرة تجهز ولبست فستان جميل باللون الأزرق محتشم. طلعت أميرة وحطت ميكب بسيط جدًا وعملت شعرها بأشياء بسيطة جدًا.

أميرة وهيا بتلف قدام رعد: "ها، إيه رأيك؟ انبهر رعد من جمال أميرة وهيئتها الخلابة. رعد: "ربنا يحميكي يا أميرتي." أميرة: "حبيبي، جنة زمانها لبست. أنا قلت لماما تلبسها." "يالا نأخدها وننزل أنا عند الحريم وانت عند الرجالة." عند ياسمين، قد استعدت لحياتها الجديدة، ولبست فستان زفافها الأبيض وتاج يزين حجابها ولمسات بسيطة من الميكب. هدي: "ما شاء الله، الله أكبر." ياسمين: "حلوة يا أمي." هدي: "قمر يا عيوني."

هدي: "يالا ننزل علشان الحريم تحت، يالا." دخلت أميرة: "واووو، قمورة أوي أوي." هدي بغرور: "طبعًا يا بنتي." دخل رعد: "قمر يا حبيبتي." وقبل رأسها. نزلوا البنات عند الحريم، ورعد نزل عند الرجالة، وكان أكرم لابس جلباب صعيدي مثل رعد تمامًا، ويوسف مثله. رعد وهو يحتضنه: "ألف مبروك." أكرم وهو بحضنه بحب: "الله يبارك فيك يا أخويا." يوسف: "أنا طلعت قمر أوي في الصعيدي." رعد بغرور: "أنا أحلى."

سليم: "الله أكبر عليكم، يالا كتب الكتاب." وبدأوا في كتب الكتاب، وحط أكرم إيده في إيد سليم، وتم كتب كتاب أكرم وياسمين وأصبحت زوجته بالقانون. وقال المأذون كلمته الشهيرة: "بارك الله لكما وبارك عليكما وجمع بينكما في خير.. بارك الله لكما وبارك عليكما وجمع بينكما في خير." وتعالت الزغاريط في الصعيد في سرايا المنشاوي. وبدأ أكرم ورعد التحطيب (مبارزة بالعصا) رعد: "اجمد يا عريس." أكرم: "معدش بيقدر عليك ولا إيه؟

رعد وهو مستمر بالعصا: "أنا الرعد، استسلم أحسن." أكرم: "أنا عريس، عيب تكسفني في ليلة زي دي." رعد وخبط عصا أكرم وقعت: "الرعد لا يهزم." وفاز رعد. "... برافو يا رعدي." ودا كان صوت أميرة، بس دخلت تاني بعد ما التفت إليها الرجالة. رعد في نفسه: "أما أشوفك بس." عند الحريم وبيغنوا، وأميرة بترقص مع جنة، وكانت لابسة فستان باللون الأحمر ويوجد بعض الإكسسوار باللون الذهبي. سلوى وهيا بتقدم لياسمين هدية،

وكانت عن طقم دهب: "ألف مبروك يا بنت الخال." ياسمين: "الله يبارك فيكي يا عمة." فوزية وقد قدمت طقم دهب برده: "مبروك يا حبيبتي." ياسمين: "الله يبارك فيكي يا عمة." بشري بخبث لأنها عاوزة تكسف أميرة: "أمال فين هدية المرة الأخ للعمتها؟ أميرة بثقة: "دقيقة واحدة." جابت أميرة علبة قطيفة وقدمتها لياسمين، وكانت عبارة عن طقم ألماس. ياسمين: "ووواو، بس دا غالي أوي يا أميرة." أميرة: "ألف مبروك يا حبيبتي." ياسمين

وهيا تفرجه على بشري: "إيه رأيك في هدية أميرة المنشاوي؟ بصت بشري ومعلقتش. وكملوا الفرح في الصعيد، وقضوا يوم جميل أوي. طلع رعد ويوسف وأكرم غيروا ملابسهم ولبسوا كل واحد بدلته. وبدأوا يتحركوا إلى القاهرة. في عربية أكرم. أكرم: "أخيرًا بقيتي مراتي، حلم وحققته." ياسمين: "آه، بقيت مراتك." أكرم بابتسامة: "ألف مبروك يا قلبي." ياسمين: "الله يبارك فيكي يا حبيبي." في عربية رعد. رعد بتقليد صوت أميرة: "برافو يا رعدي."

أميرة بخجل: "الله، أعمل إيه؟ نسيت." رعد: "ولا يهمك يا عيون رعد." أميرة افتكرت حاجة. (Back) رعد: "أميرة، هنا في الصعيد بيقدموا دهب للعروسة، يعني لازم تقدمي هدية. انتي مرات أخو العروسة." أميرة: "فهمة يا رعد، بس أنا مجبتش حاجة. هنلحق نجيب؟ رعد بابتسامة: "أنا جبت يا روحي." أميرة: "حبيبي، تسلم." (Fact) بصت أميرة لرعد بحب. بعد مرور وقت، وصلوا إلى القاهرة، وبدأ الزفاف الاستوري لأكرم وياسمين.

ونزلت ياسمين على أغنية "طلي بالأبيض" مع رعد. "طلي بالأبيض طلي يا زهرة نيسان طلي يا حلوة وهلي بهالوج الريان وأميرك ماسك إيديكي وقلوب الكل حواليكي والحب بيشتي عليكي ورد وبلسم قلبي بيدعيلك يا بنتي بهالليلة الشعلاني يا أميرة قلبي انتي سلمنا الأمانة ما تنسي أهلك يا صغيرة، بعينينا ما صرتي كبيرة ضلي معنا وطيري وطيري ع جناح الأمان شعّي متل هالطرحة يا أغلى البنات صلي تعيشوا بهالفرحة لباقي الحياة

وربي من السما يبارككن كيف ما توجهت يرافقكن بأيام الصعبة ينصركن ع كل الأحزان قالك نعم من قلبه وفرح كل الناس رديها ع قلبه حب وشعلاني إحساس ومنقولك مع السلامة روحي تحميكي الكرامة تبقى محابسكم علامة للحب والحنان." وسلمها رعد لأكرم. رعد: "حطها في عينيك." أكرم: "في قلبي." وبدأ الزفاف، وكان يحضر الزفاف الكثير من رجال الأعمال. خلص الفرح، وكان جميل. واشتغلت الكثير من الأغاني. وصل أكرم وياسمين إلى الجناح ودخلوا.

ودخلت ياسمين تغير الفستان وطلعت. توجه أكرم يقرب منها. ياسمين: "......... أكرم: "نننننننننننعم يا عينيا."