رواية اميرة الصعيد الفصل الرابع عشر 14 - بقلم سما حسين

فيروز: طب قوله يا بابا إن أنا موافقة. الحاج سعيد: أنا طبعًا مش هعترض على قرارك، بس أنا عايز أعرف إيه اللي غير رأيك كده. فيروز: عادي يا بابا، أنا الأول ما كنتش أعرفه، إنما دلوقتي خلاص عرفته. الحاج سعيد: يعني أوافق؟ فيروز: وحدد معاد الخطوبة كمان. الحاج سعيد بفرحة: ربنا يفرحك يا بنتي. وباس رأسها وخرج. الحاج سعيد نزل ونادى على زين. الحاج سعيد: زين. زين: نعم يا عمي. الحاج سعيد بصوت عالٍ وفرحة: حدد معاد الخطوبة.

زين بفرحة مزيفة: إيه ده بجد؟ الحاج إبراهيم: مبروك يا ابني. زين: الله يبارك فيك يا بابا. الحاج سعيد: أنا خلاص قررت. زين: قررت إيه يا عمي؟ الحاج سعيد: معاد الخطوبة آخر الأسبوع ده. زين: بالسرعة دي؟ الحاج سعيد: لو عايز تاخد خطيبتك وأمك وأمها النهاردة وتنزل تشتري الدهب مفيش مشكلة. زين: النهاردة؟ الحاج سعيد: ودلوقتي لو عايز. زين: أنا هشوف أمي وحماتي وخطيبتي عشان ننزل. الحاج سعيد: خلاص بقت حماتي وخطيبتي.

زين بضحك: مش خلاص الخطوبة آخر الأسبوع تبقى حماتي وخطيبتي. الحاج سعيد: ماشي يا عم، انبسط... فيروز... فيروز... فيروز خرجت: نعم يا بابا. الحاج سعيد: ادخلي شوفي أمك وخليها تلبس وألبسي. فيروز: خير يا بابا، فيه حاجة؟ الحاج سعيد: لا يا حبيبتي مفيش حاجة. فيروز: أومال ألبس ليه؟ الحاج سعيد: أصل إنتي هتنزلي تشتري الدهب النهاردة. فيروز: النهاردة؟ بالسرعة دي؟ الحاج سعيد: أصل إنتي خطوبتك آخر الأسبوع، هتجيبها إمتى يعني.

فيروز: آخر إيه؟ زين: آخر الأسبوع يا فيروز. الحاج سعيد: يلا ادخلي البسي عشان ماتتأخروش. فيروز: حاضر يا بابا. زين: طب أنا هقول لماما هي كمان عشان تيجي معانا. الحاج سعيد: ماشي يا ابني. زين راح وقال لمامته. في غرفة فيروز. فيروز: الو. هند: نعم يا فيروز، عملتي إيه؟ فيروز بخيبة أمل: وافقت، هعمل إيه يعني، لازم أسجنها. هند: طب والمطلوب مني؟ فيروز: أنا نازلة دلوقتي عشان أجيب الدهب بتاعي. هند: طب والمطلوب؟

فيروز: عايز اكي تيجي معايا. هند: ليه؟ عشان ذوقي حلو ولا إيه؟ فيروز: لا يا خفة. هند: أومال عايزة إيه؟ فيروز: أصل أنا بصراحة... برتاح أوي وإنتي معايا. هند: أعمل إيه يعني؟ فيروز: تيجي معايا. هند: ماشي، أنا هاجيلك دلوقتي. فيروز: تمام. هند: باي. زين كان واقف تحت وبينادي على فيروز. زين: فيروز... فيروز... فيروز: إيه، إيه؟ زين: يلا، إحنا كلنا جاهزين. فيروز: تمام، أنا نازلة أهو. زين: طب إحنا هنسبقك على العربية. فيروز: تمام.

في عربية زين. زين: هي فيروز اتأخرت كده ليه؟ هالة: مش عروسة يا ابني. زين: آه عروسة. فيروز فتحت باب العربية. فيروز لزين: خلي بالك، إحنا هنقابل هند الأول عشان هتيجي معايا. زين: ماشي. شرين: مالك يا حبيبتي متعصبة كده ليه؟ فيروز: أنا متعصبة؟ أنا مش متعصبة ولا حاجة. شرين: لا متعصبة، وأنا عارفاكي لما بتبقي متعصبة بتبقي عاملة إزاي. هالة: مالك يا حبيبتي؟ إنتي زعلانة إن إنتي نازلة تجيبي شبكتك ولا إيه؟

فيروز: لا، بس كل حاجة اتعملت بسرعة أوي، حتى كان يستنى للصبح. شرين: يا بنتي أبوكي فرحان بيكي. كل الوقت ده وهم لسة ما اتحركوش بالعربية. وفجأة شافوا... فيروز: إنتي بتعملي إيه؟ هند: أصل أنا سمعت أبوكي وهو بيقولك شوفي أمك وخليها تنزل معاكي. فيروز: أنا أمي أهي، وإنتي واحدة كدابة. ليلى: أنا أمك يا قليلة الأدب، وإنتي مش هتروحي من غيري، وبعدين ده اليوم اللي كل أم نفسها تشوف بنتها فيه وتشاركها معاها.

فيروز: مش هتروحي، وأمي مش هتتحرك من هنا. ليلى: فيروز، أنا قوللتلك ألف مرة أنا أمك. فيروز: إزاي تبقي أمي وإنتي ماتعرفيش عني أي حاجة؟ إمتى كل اللي تعرفيه عني إن اسمي فيروز؟ زين في سره: ياما عليها. شرين: خلاص يا جماعة، أنا همشي أنا، وكفاية خناق، فيروز دي أمك، احترميها شوية، وبعدين هي نفسها تشوفك وإنتي عروسة. فيروز: إنتي مش هتنزلي ولا هتتحركي من هنا، وأنا مش رايحة من غيرك.

شرين: خلاص يا فيروز، ماتعمليش مشكلة عشان حاجة تافهة. فيروز: دي مش حاجة تافهة، وهي مش رايحة، ولا أنا كمان رايحة. وفجأة فيروز سمعت صوت حد بينادي عليها. فيروز: ...