رواية اميرة الصعيد الفصل الثامن عشر 18 - بقلم سما حسين

فيروز نزلت من غرفتها الصبح ولقت زين والحاج إبراهيم وأبوها بيتكلموا. فيروز راحت عندهم بعد ما والدها نداها. الحاج سعيد: تعالي يا فيروز. فيروز: نعم يا بابا. الحاج سعيد: الأستاذ مسافر بعد بكرة. فيروز: طب وفين المشكلة يا بابا. الحاج سعيد: يعني إيه فين المشكلة، إنتوا خطوبتكم كانت امبارح. زين: والله يا عمي عندي شغل، ما تقول له يا بابا.

الحاج إبراهيم: ما خلاص يا سعيد، ماتكبرش الموضوع. الواد قالك إنه هيخلص شغله ويرجع، هو رايح يتفسح. الحاج سعيد: هتقعد قد إيه هنا؟ زين: أسبوعين. الحاج سعيد: ماشي. فيروز. فيروز: نعم يا بابا. الحاج سعيد: إنتي رايحة فين؟ طبعًا هو سألها عشان هي كانت لابسة لبس خروج. فيروز: أصل أنا كنت رايحة الجامعة عشان بقالي كتير قوي ماروحتش. الحاج سعيد: إيه رايحة فين؟ فيروز بتوتر: رايحة الجامعة يا بابا. الحاج سعيد: إنتوا عايزين تجلطوني.

فيروز: بعيد الشر عليك يا بابا. الحاج سعيد: شر إيه وخير إيه، هو يقولي مسافر وإنتي تقوليلي رايحة الجامعة. فيروز: معلش يا بابا، أنا مش هوقف حياتي عشان اتخطبت امبارح. الحاج سعيد: أنا ماقولتش توقفي حياتك، أنا قولت إنك لسه مخطوبة امبارح. فيروز: معلش بقا يا بابا. الحاج سعيد: معلش إيه. فيروز: أنا بقالي كتير قوي ماروحتش. الحاج سعيد: بقالك كتير ماروحتيش، مفرقتش النهاردة يعني. فيروز: معلش يا بابا، نتكلم لما آجي. عن إذنكم.

مشت فيروز راحت الجامعة وقضت يومها الدراسي في الجامعة، وبعدين قابلت هند، وبعدين روحت. في بيت الحاج سعيد، بعد ما فيروز روحت. فيروز كانت طالعة أوضتها. شرين: أجيب لك حاجة تاكليها؟ فيروز: شكرًا، مش جعانة. شرين: طب تعالي اقعدي معايا شوية. فيروز: معلش يا ماما، أنا تعبانة شوية، هنام شوية عشان نمت متأخر امبارح. شرين: براحتك. بس إنتي نمتي ليه متأخر؟ والخطوبة وكل حاجة كانت بالنهار أصلًا. فيروز: أصلي كنت بذاكر.

شرين: طب خلاص، ريحي شوية وتبقي نتكلم بعدين. فيروز: تمام. وطلعت فيروز نامت لحد الساعة 5 بليل. وبعد ما صحت نزلت فيروز من أوضتها بعد ما أمها نادتها عشان الغدا. على السفرة. فيروز: أنا آسفة يا بابا على طريقتي الصبح بس... الحاج سعيد قاطعها: أنا ماكنتش مستني إنك تتاسفي. فيروز: قصدك إيه؟ الحاج سعيد: قصدي إن من وإنتي صغيرة بتغلطي وتتاسفي وبسامحك، وأنا مارضتش أبوظ فرحتك عشان كده مازعلتش منك.

فيروز في نفسها: فرحتي فرحة مين، أنا أحزن إنسانة في الدنيا، بس مش مشكلة. واصلًا دي الطريقة الوحيدة اللي هقدر أطلعها من حياتنا. الحاج سعيد: إيه سرحانة في إيه؟ فيروز: إيه، لا حاجة. أنا آسفة. الحاج سعيد: خلاص يا حبيبتي، الموضوع خلص واعتبري إنه ماحصلش حاجة. فيروز سكتت. بعد شوية. فيروز: بابا ممكن أطلب منك طلب. الحاج سعيد: اتفضلي. فيروز: بس ارجوك افهم وجهة نظري. الحاج سعيد: اتفضلي.

فيروز: بما إن زين مسافر وهند كمان مسافرة وهما الاتنين رايحين القاهرة، فممكن أروح معاهم. الحاج سعيد: وهند هتسافر مع زين ليه؟ فيروز: لا، دا هند ماتعرفش أصلًا إن هو مسافر، بس هي كانت رايحة تغير جو. الحاج سعيد: رايحة تغير جو. وأهلها كدا موافقين عادي تسافر مع نفسها؟

فيروز: أصل هي قالت لي إن هي مش هتسافر غير لو أنا سافرت معاها. واهي فرصة أطلع بيها من المود اللي أنا فيه، وكمان أنا عايزة أشوف الدنيا برا عاملة إزاي. وكمان زين هيودينا وهو هيروح شغله واحنا هنروح منين مانروح ونجيب اللي احنا عايزينه، وهو لما يخلص شغله وييجي مروح هنروح معاه. الحاج سعيد: بما إن هتغيري جو ومش مع حد غريب، يبقي... فيروز: يبقي إيه؟ الحاج سعيد: يبقي ليه لأ. فيروز فرحت: بجد؟ الحاج سعيد: أيوا بجد.

فيروز: شكرًا يا بابا. عدا اليوم التاني زي اليوم اللي قبله. راحت الجامعة ورجعت ذاكرت، بس الفرق كلام أمها ومرات عمها معاها. فيروز لما رجعت من الجامعة. شرين: فيروز غيري هدومك وتعالي اقعدي معانا شوية، وماتقوليش تعبانة ومتعمليش زي امبارح. فيروز: حاضر يا ماما. فيروز طلعت غرفتها وغيرت ونزلت قعدت معاهم. فيروز: نعم يا ماما، كنتي عايزاني في إيه؟

شرين: بصي بقا، أنا عارفة كل حاجة وإنتي بتعملي دا كله ليه، بس ماتخربيش حياتك عشان العقربة دي. فيروز بصت لمرات عمها عشان هي كانت عارفة كل حاجة: عارفة كل حاجة؟ هالة: أنا معرفش حاجة. فيروز بصت تاني لامها: ماتخافيش عليا يا ماما، أنا عارفة أنا بعمل إيه. شرين: أهم حاجة إنك تخلي بالك على نفسك وتكوني واثقة في نفسك وفي قراراتك. فيروز: إن شاء الله يا ماما. شرين: ويا تري بقا الخطوبة دي هي كمان في خطتك؟

فيروز: ماتخافيش يا ماما، أنا ماعملتش كده غير لما هو وافق وبعد ما فكرت كويس أوي. شرين: ماشي يا بنتي، يلا قومي ريحي. أنا بس كنت عايزة أقولك الكلمتين دول. فيروز: بجد، أنا محتاجة أرتاح أوي، بس هاكل حاجة قبل ما أنام عشان ما تصحنيش على الغدا. شرين: ماشي، طب يلا اطلعي نامي. فيروز طلعت نامت وصحت على وقت العشا. فيروز نزلت عشان العشا. أكلت وخلصت أكل، ولقت زين بيقولها:

زين: فيروز جهزي حاجتك عشان هننزل بكرة بدري عشان نلحق نعدي على هند. فيروز: ماشي، أنا طالعة أجهزها أصلًا. فيروز جهزت حاجتها وزاكرت شوية ونامت. صبح زين حط الشنط في العربية وسلموا على أهلهم ومشوا. راحوا عند هند واتفاجئوا لما لقوا...