رواية اميرتي الصغيره الفصل الخامس عشر 15 - بقلم طمطم

صحيت ريم وأول ما صحيت مصدقتش اللي شافته. دعكت في عيونها وانصدمت، وشوية واستوعبت اللي شافته. ريم بدموع وصراخ هستيري: أعاااااا لا! هي! هي! كنان قام مفزوع: إيه؟ في إيه؟ مالك؟ ريم مش بترد وساكتة في العياط وبتتخبط على السرير. كنان حضنها وقال: مالك بس؟ في إيه؟ حاجة وجعاكي؟ طيب ردي، في إيه؟ كنان بص ما كانت بتبص وبتعيط وانصدم. لقى السمك ميت وكلّه عايم على الوش.

طبعاً سارة صحيت هي كمان على صوت عياط ريم، وكانت فرحانة فيها وفي زعلها. كنان أخدها على رجله وحضنها أكتر وقال: بس ياروحي، معلش. هو السمك كده بيموت بسرعة. ريم ولسه بتعيط: هي! هي! هي اللي ق*تلتهم كلهم! هي المتوحشة! واللهي! كنان باستغراب: مين دي اللي ق*تلتهم؟ ريم بدموع: اللي... اللي كانت بتنضف امبارح، هي اللي ق*تلتهم. واللهي!

كنان باستغراب: أكيد محدش من الخدم هيعمل كده. ثم إنتي قبل ما تنامي امبارح كنتي بتلعبي معاهم. وإلا إنتي أكلتيهم كتير، يام الميّة كانت عايزة تتغير. ريم بعياط أكتر: واللهي هي كـ... كانت كل شوية بتحاول توقعهم. حياة ربنا! كنان بيطبّط عليها وبيقبّل جبينها. كنان: خلاص معلشي يا روحي. ريم مش بترد وزعلانة جداً عليهم. كنان: وهي إيه اللي هيخليها تعمل كده ياريم؟ وامتى يعني موتتهم؟

مانتي آخر مرة كنتي معاهم. وإذا كان عليهم هجبلك أحسن منهم. بس متزعليش عليهم. هما كده بيقعدوا يومين ويموتوا. ريم بزعل: هحكيلك أنا عشان مش مصدقني. وقعدت تحكيله على سارة عملته. كنان: أكيد غصب عنها. هي مش هتقتلهم يعني. وإيه غرضها من كده؟ ريم بدموع: خلاص براحتك. متصدقنيش. أنا كدابة. كنان حضنها وقال بحب: ماعاش ولا كان اللي يقول عليكي كده. إنتي بس بيتهيالك كده عشان إنتي زعلانة عليهم. أنا هجبلك غيرهم وأحسن منهم كمان.

ريم بدموع: لا مدجبش تاني عشان هيموتوا تاني وأنا هزعل عليهم تاني. كنان بحب: حاضر يا حبيبتي. بس متعيطيش تاني. ريم مسحت دموعها وبصتله: آه صح. كنان: إيه؟ ريم بفرحة: إنت قولت هتروحني انهاردة. كنان بتمثيل: مين أنا! أنا مقالتش حاجة. فين ده؟ ريم بزعل: واللهي قولتلي امبارح. كنان مقدرش يكذب عليها: إنتي اتجوزتي خلاص. مفيش مرواح. ده خلاص بقا بيتك. ريم بصدمة: ااايه؟

كنان ببرود: اللي سمعتيه. ثم أخوكي قال إنه هيقول لمامتك إنك متي ومش عايزينك تاني. ولا إنتي نسيتي؟ ريم بدموع: بس بس هو قال كده عشان كان زعلان مني ساعتها. بس أكيد عمره ما هيقول حاجة زي كده. كنان بصّلها وبدأ يكرهها في إسلام: طب إذا كان كلامك ده صح، إسلام مجاش ليه وسأل عليكي حتى؟ هما نسوكي أصلاً. ريم مستحملتش كلامه وحست إن كل كلامه صح وانفجرت في العياط.

كنان أخدها في حضنه. وزعلان وفي نفس الوقت فرحان. زعلان عليها وعلى حالتها، وفرحان إنه خلاها تكره إسلام. ومع الوقت هتصدق إنهم فعلاً نسيوها وتبقى ملكه. *** عند إسلام ونرمين. نرمين صحيت لقت إسلام قاعد وحاطط إيده على دماغه وسرحان. نرمين قربت منه وقالت: مالك؟ اللي مصحيك بدري؟ في إيه؟ إسلام بحزم: أنا هروح لكنان. نرمين: طب وهتعمل إيه؟ إسلام: هقوله إن مامتها عايزة تشوفها. وساعتها هاخدها منه. وهي بنفسها هتفهمنا كل حاجة.

نرمين: طب وهتروح امتى؟ وإزاي هتاخدها يعني؟ إسلام: امتى دي أكيد مش دلوقتي. أنا مخطط لحاجة وهعملها. نرمين بقلق: أوعى أوعى يا إسلام تتخانق معاه. أوعى. إسلام: أكيد مش هتخانق. أنا هاخد أختي وبس. *** عند حنان وأحمد.