رواية اميرتي الصغيره الفصل الثالث والعشرون 23 - بقلم طمطم

كنان: يا لدرجة دي إنتي غيبوبة. ريم بضحك: ههههه أه، وإنت خليتني أنام بدري وأصحى بدري. إنتي خليتني جود جرل ههههههه. كنان قرب منها وحضنها، فدرعه جه على شعرها. كنان: إيه ده! ريم: إيه في إيه؟ كنان: تعالي. ريم راحت معاه. كنان قعدها قدامه على السرير وجاب السشوار وبينشف لها شعرها، وبعدها أخده في حضنه وقال: "كده أحسن بدل ما تاخدي برد وإنتي شعرك مبلول كده."

وسابها ودخل ياخد شاور تاني عشان الجري اللي جري وشوية وخرج، وكان لابس تشيرت كحولي وبنطلون أسود. ومسك إيد ريم ونزل سوا وقعدوا في الجنينة. سما كانت جاية بالفطار، حطته ومشيت. كنان: إيه رأيك نفطر هنا كل يوم؟ ريم: إيه رأيك نقعد هنا على طول ومنطلعش تاني؟ كنان: ههههه أه، صح. كانت عايز أقولك على حاجة مهمة جداً. ريم: إيه؟

كنان: النهاردة هروح أجيب عمي وعياله. هيقعدوا هنا كام يوم، وأنا عايزك متطلعيش من الجناح خالص. ومش عايزك تتطلعي خالص، تقعدي في الجناح والي عايزة تطلبيه من سما. ريم بغضب طفولي: لا، أنا هنزل وبرحتي. أنا مش هتحبس، أنا هنزل كل يوم عادي. كنان بغضب: متعليش صوتك، والي أقوله يتنفذ. ولو مسمعتيش الكلام يا ريم هزعل منك. ريم بضحك: ههههه لا عادي، إتفقنا. كنان كتم ضحكته وحاول يتكلم بجدية: ريم، لو شفتك برا الجناح مش هيحصلك طيب.

ريم بطفولة: Nooooo يا كئيب يا عدو الفرحة. كنان بضحك: هههههه طب متعنديش يا ريم، أحسنلك. إنتي مش قدي. ريم بضحك: هههه هدي هدي، مانك قديم. كنان بغضب: ررريم. ريم بضحك: نينينين. كنان بضحك: يابت اسكوتي بقى، اتكلمي جد يا ريم. ريم: خلاص، مش هطلع من الجناح خالص مالص. كنان بحب: شطورة يا ريم. هما قربوا يجوا، هاخد إجازة النهاردة أجيبهم من المطار وأجي أقعد معاكي اليوم كله. ريم: ماشي.

كنان فطر مع ريم، وبعدها طلع لبس هدومه ونزل تاني وركب عربيته وراح للمطار. بعد ربع ساعة. كنان وصل المطار ووقف قدامه، وشوية وطائرة فرنسا وصلت. وعم كنان وصل هو وعيلته. عم مصطفي: إزيك يا كنان، عامل إيه؟ كنان: الحمد لله. يارا بسهوكة ودلع: وأنا مش هتسلمي عليا يا كنان؟ كنان: إزيك يا يارا. يارا بدلع: بخير. خالد بغضب: ما تيلا ولا هنفضل نقضيها سلامات. مدام نسرين: خالد مش كده، الله... إزيك يا كنان يا حبيبي، وحشتنا والله.

كنان: الحمد لله. اركبوا في العربية دي، أنا هركب في عربيتي. يارا بسرعة: هركب معاك يا كنان. كنان بيتكلم من تحت ضرسه: ماشي. خالد بغضب: هو الي ماشي... تعالي اركبي معانا. مدام نسرين بغيظ: بس يا خالد، ملكش دعوة إنت. يارا ركبت مع كنان والباقي في العربية التانية. ووصلوا القصر ودخلوا كلهم وقعدوا شوية مع بعض وبيتكلموا. (تعرف الشخصيات الجداد)

مصطفي ده يبقى عم كنان، وجه مصر عشان شركته اللي في فرنسا أعلنت الإفلاس، فا رجع مصر تاني عشان شركته اللي في مصر، وهيعمل صفقة هو وكنان عشان شركته ترجع تاني زي ما كانت. مدام نسرين دي زوجة عم مصطفي، عايزة تجوز يارا لكنان عشان فلوسه وثروته. يارا عندها 25 سنة، شعرها أسود قصير وعينيها زتوني وطويلة، وبتحب كنان جداً ومعجبة بشكله ونفسها تتجوزه. خالد 22، شاب مفتون بالعضلات وطويل بعيون عسلية وشعر أسود، بيكره كنان وبيغير منه.

(نرجع للرواية) عند ريم، كانت هتموت وتنزل ومقدرتش تستحمل تقعد أكتر من كده. لبست بنطلون جينز كحولي وتيشرت أبيض وعملت شعرها ديل حصان ونزلت. ريم: هااااي. كنان بغضب وغيرة قام ومسك ريم من درعها وقال: إيه اللي نزلك يا مصيبة؟ مش قولت متنزليش؟ ريم: أسلم عليهم بس وأطلع. كنان بغضب جحيمي: تسلمي على مين يا روح أمك، غوري اطلعي على فوق. يارا بغيرة: مين دي يا كنان؟ كنان خبى ريم ورا ضهره وقال ببرود: ملكيش دعوة. ريم خرجت

من ورا ضهر كنان وقالت: أنا ريم يا عسل إنتي، ميني. يارا الغيرة كانت هتموتها بس قالت بخبث: ما تخليها تقعد معانا يا كنان، في إيه؟ مش هنكلها. كنان شد ريم وبيجرها وراه: معلش، هي عايزة تنام دلوقتي. ريم: كد... كنان حط إيده على بوقها وبيطلعها بالعافية قدامه. كلهم كانوا بيتفرجوا ومستغربين، ما عدا خالد مكنش واخد باله أصلاً وكان باصص في الفون بتاعه. يارا قاعدة جنب أمها وهتطق من الغيظ: شوفتي يا مامي اللي حصل؟

مدام نسرين بغيظ: شوفت يا ختي... أنا طالعة أستريح لحسن أتشلفط. الجناح بتاع ريم وكنان. كنان زق ريم جواه وقفل الباب وقال بشر وغضب جحيمي: تعالي بقى. ريم جريت وكنان وراها. ريم وهي بتجري: بس يا كنان، استهدي بالله، مش كده الله. كنان بيجري وراها ومتغاظ منها: تعالي بقولك. ريم: لا يا خويا، أنا عايزة أعيش، أنا لسه صغيرة. كنان تعب ومعرفش يمسكها، راح قعد على الأرض وقال بتمثيل: ااه، اه يا ريم. ريم وقفت وقالت بخوف: مالك يا كنان؟

كنان بتمثيل: اه، مش قادر. ضهري اااه. ريم جريت عليه وقالت بخوف عليه: ماله ضهرك؟ كنان مسكها من وسطها وقال بغضب جحيمي: مسكتك، تعاليلي بقى. ريم بصدمة: إيه ده.