رواية اميري المنقذ الفصل الرابع 4 - بقلم جهاد صلاح

واستيقظت حور في الصباح الباكر على صياح سماح. سماح: قومي يختي علشان تنضفي الشقة دي وبعدين اشتريلك فستانين تروح بيهم الشغل الجديد، على الله ينفع. حور: حاضر حاضر، قايمة أهو. وقامت حور بتحضير الفطار لوالدها وجهزت الأطباق وتناولوا الفطار.

محمد: جهزي نفسك يا حور علشان بكرة هوديك الشركة اللي بشتغل فيها علشان ابن مهران باشا محتاج سكرتيرة تساعده، وأنا كلمته عليك بس شرط أن ابنه يتناقش معاكي ويشوفك هتنفعي ولا لأ. أوعي يا حور تضيعي الشغل ده من إيديك. حور: حاضر يا بابا، ربنا يستر. سماح: والنبي بنتك دي وش فقر وهتضيعها. محمد: يا ست اسكتي شوية، امال فين ابنك؟ سماح: ابني مع أصحابه من امبارح لسه مرجعش. محمد: لسه مرجعش لحد دلوقتي!!! والنبي دلعك ده هيفسده.

سماح: يسيدي ملكش دعوة، سيبه يفك عن نفسه. محمد: براحتك، أنا قولتلك وانتي حرة. سماح: قومي يابت شيلي الطباق دي واخلصي ونضفي الشقة. حور: حاضر حاضر. وقامت حور بلم الأطباق وتنضيف الشقة، وبعد ذلك ارتدت ثيابها لتخرج مع سماح لتشتري لها ملابس جديدة تروح بيها شغلها الجديد. حور: ممكن اشتري الفستان ده. سماح: ده غالي يابت، اخرسي. حور بحزن: حاضر. سماح لصاحب المحل: والنبي ياخويا شوفلنا فستان كده يكون رخيص شوية.

صاحب المحل: فيه الفستان ده بـ 200 جنيه، وده أرخص حاجة في المحل. سماح: طيب هاتوه، بس مفيش لون غير الأبيض ده علشان ميوسخش بسرعة، عايزين حاجة تستحمل. صاحب المحل: مفيش غير لون بنفسجي. سماح: هاتوه ياخويا. صاحب المحل: اتفضل. سماح: يلا يختي علشان نروح. عادت حور وسماح إلى البيت وكان محمد في انتظارهم. محمد: أهلاً، جبتيلها لبس ولا أي؟ سماح: ياخويا ما هيا عندها طقمين والفستان اللي جبناه وتمشي حالها. محمد: صبرني يارب.

بينما حور كانت في غرفتها تبدل ثيابها حتى تنام من كثرة الإرهاق وغرقت في نومها. واستيقظت حور في الساعة السابعة صباحًا لتجهز نفسها لتذهب مع أبوها إلى شركة مهران بيه، وارتدت فستانها البنفسجي، وبالرغم من رداتها إلا أنها كانت في غاية الجمال. وتناولت الفطار مع أبوها وخرجت معه إلى شركة مهران بيه. مهران بيه: رجل لديه 60 عامًا ولكنه قوي الشخصية، رجل عطوف، يحب ابنه بشدة، يمتلك شركة ومصنع لتصميم موديلات ملابس وصناعتها.