رواية اميري المنقذ الفصل التاسع عشر 19 - بقلم جهاد صلاح

ملك: بصي يا ستي، أنا وهو اتقابلنا في الشغل، وكان كل اللي بينا شغل وبس، لحد ما بدأنا نتشد لبعض ولاقينا إننا شبه بعض في حاجات كتير. جه واعترف لي بحبه وأنا كمان. المهم قعدنا فترة وهو قرر إنه يسافر، بس وقتها أنا كنت رافضة ده وقولت له لو سافرت اعتبر كل اللي بينا انتهى. ثم أكملت ودموع تتساقط من عينيها، ومع ذلك عرفت إنه سافر ولما رن عليا عملت له بلوك ومبقناش نتكلم. وحاليًا هو يعتبر كمل سنتين في الغربة، بس أكيد اتجوز هناك.

حور: الله أعلم، يمكن يراجع لك وتعيشوا حياة سعيدة. ملك: مظنش، وبعدين إحنا قلبناه نكد كده ليه. حور: مش عارفة. ملك: طب أنا بقول كفاينا لف كده، علشان نقدر ننام ونروح الشركة بكرة. آه صح، ومتنسيش تجيبي ورقك علشان البشمهندس يقدم لك في المدرسة. حور: حاضر، أنا ماشية من الشارع ده، وإنتي؟ ملك: أنا ماشية من الشارع التاني. حور: خلاص، يلا سلام. ملك: سلام. عادت حور إلى منزلها وهي في غاية السرور، وذهبت إلى غرفتها ونامت في سبات.

سماح: بقولك يا حاج، إيه اللي جايب بنتك متأخر كده. محمد: ساعات بيتأخروا في الشغل، وبعدين خليكي في حالك. سماح: طيب يا أخويا. وفي اليوم التالي استيقظت حور مبكرًا وظلت تبحث عن أوراقها حتى وجدتها. محمد: حور، يلا هنتاخر. بتعملي إيه كل ده؟ حور بارتباك: دخلت الورق في شنطتي، أيوه جاية أهو. محمد: انجزي. حور: بس أنا خلصت، يلا بينا. وعلى الجانب الآخر في بيت أمير. حسام: أمير، يلا يا ابني فوق، اتاخرنا على الشركة.

أمير: إيه الساعة كام دلوقتي؟ حسام: الساعة 8 إلا ربع. أمير: يا نهار أبيض. حسام: يلا يا ابني اخلص. أمير فزع من مكانه وغسل وجهه ولبس بدلته، وهو مش واخد باله خالص من حسام. حسام: انجززززز. أمير بيبص كده لقى حسام لابس ومتشيك على الآخر وفي إيديه بوكيه ورد، قعد يبصله من تحت لفوق. حسام: يلا يا ابني، مالك بتبص لي كده ليه؟ أمير: هو أنت رايح فين؟ حسام: جاي معاك الشركة. أمير: طب وبوكيه الورد ده لمين؟

حسام: هو إحنا لسه هنرغي، يلا وهحكيلك واحنا في الطريق. حور: إيه اللي واخد عقلك يا ست ملك؟ ملك: الله يخرب بيتك، خضتني. عادي، كنت سرحانة شوية. حور: أوكي. ملك: جبتي الورق اللي طلبه البشمهندس؟ حور: آه، معايا في الشنطة. هو جه ولا لسه؟ ملك: لسه مجاش. بس غريب إنه يتأخر. حور: معلش، تلاقيه راحت عليه نومة. ملك: ممكن. شوية والنور بتاع الشركة كلها فصل. ملك: إيه ده، النور أول مرة يقطع. وبعدين في مولدات كهربا أصلاً.

حور: أنا بدأت أخاف. طب إيه، سكينة الكهربا فين؟ ملك: في الدور الأرضي، ومش هنعرف ننزل. حور: طب معاكي رقم أي حد من تحت نشوف فيه إيه. ملك لسه هترن سمعت صوت بيقول لها استني، وكانت الصوت ده بالنسبالها صدمة.