رواية انا لست ضعيفة الفصل العاشر 10 - بقلم هبة أحمد

شهد: لا أنا بفكر في حاجة بس في المنطقة هنا، المهم ميكونش فيها سفر وركوب عربيات. الحاجة نبيلة: نفتح محل بقالة في الأوضة دي. شهد: لا أنا بفكر في حاجة تانية وهتعجبكم. رحمة: اللي هي إيه، انطقي بسرعة. شهد: نفتح حضانة، إيه رأيكم؟ رحمة عندها خبرة في التعامل مع الأطفال. الحاجة نبيلة: فكرة حلوة، أنا موافقة. شهد: إيه رأيك يا رحمة؟ رحمة: فكرة جميلة، بس المكان ممكن نعملها في مصلى الستات اللي تابع المسجد.

الحاجة نبيلة: مانعملها هنا، نفضي مكان الطيور والحوش اللي جنبه. شهد: بشرط نطلع مبلغ ليكي يا ماما كإيجار وعلشان دعاء بنت حضرتك اللي مسافرة. رحمة: البيت ملكي أنا وأمي، بس دعاء أخدت نصيبها من زمان. شهد: يبقى لماما نبيلة، ماشي. رحمة: ماشي. المهم نغير ليكي البطاقة الأول وبعدين ننزل نجيب لوازام الشغل. شهد: نشوف نجار يظبط مكان جلوس الأولاد وكمان سريرين تالتة للأطفال، والألعاب نجيبها من محل جملة.

رحمة: أنا عارفة مكان سعره كويس. شهد: طيب، أنا معايا 5 آلاف جنيه ومعايا دهب زيه. الحاجة نبيلة: دهبك لا، ده ذكرى من الغالية. شهد: الله يرحمها. نروح عند الحاج حسين. *** راح عند خال شهد وخبط. رحاب: شوفوا مين بيخبط. رحاب: حاضر يا ماما، اتفضل يا عمي حسين، ادخل بابا جوه. الحاج حسين: أنا عايزك في حاجة يا بنتي. رحاب: طب اتفضل ادخل، بابا عمي حسين. الحاج مسعد: اتفضل يا حاج، ده بيتك. الحاج حسين: السلام عليكم.

الحاج مسعد: وعليكم السلام، عامل إيه. الحاج حسين: تعبان يا حاج، شهد سابت بيت زوجها ومش عارف ليها سكة، وسابت لي الورقة دي. رحاب: ممكن أشوفها يا عمي. الحاج حسين: اتفضلي يا بنتي، وأمانة عليكي لو تعرفي حاجة قولولي. رحاب: قرأت الجواب وبعدين قعدت تعيط، علشان كده مكلمنيش من يوم الصبحية. الحاج حسين: يعني إنتي متعرفيش عنها حاجة. رحاب: لا والله يا عمي معرف حاجة عنها، هي كلمتني تاني يوم فرحها واشتكت لي منه إنه بيعاملها وحش.

الحاج مسعد: أوعك تكوني بتكذبي يا رحاب. رحاب: والله معرف حاجة عنها. الحاج حسين: أمانة يا بنتي لو عرفتي قوليلي، وبلاش حد يعرف، مش شوشرة وفضايح. رحاب: حاضر يا عمي. الحاج مسعد: اقعد نتغدى مع بعض. الحاج حسين: مش هقدر، أدرب أروح أنام. مشيرة: حمد لله على السلامة يا بابا. الحاج حسين: تسلمي يا حبيبتي، أمول الجماعة فين. مشيرة: خالتي فريدة وياسر راحوا عند أهلها، وسحر وياسمين راحوا عندها بعد العصر. الحاج حسين: اتغديتي ولا لسة.

مشيرة: لسة، منتظرة أتغدى معاك. الحاج حسين: طيب حضري الغدا بسرعة. مشيرة: حاضر. الحاج حسين: هي شهد كلمتكم. مشيرة: ها ها، لا. الحاج حسين: أختك سابت بيت زوجها، محدش عارف هي فين. مشيرة: بصراحة هي كلمتني النهاردة وقالت إنها كويسة، بس مش عايزة حد يعرف إنها كلمتني. الحاج حسين: هي كويسة. مشيرة: أيوه كويسة. الحاج حسين: طب متقوليش لحد إنها بتكلمك أو إنها هربت من بيت زوجها، مش عايزين فضايح.

مشيرة: حاضر يا بابا، تحت أمرك. يلا الغدا. الحاج حسين: يلا يا حبيبتي، بقولك لو شهد كلمتك ابقي قولي ليها تكلمني، عايز أطمن عليها. مشيرة: حاضر يا بابا. نطير عند شهد. *** الحاجة نبيلة: خدوا يابنات 5 آلاف كمان علشان تجيبوا كل حاجة. رحمة: طيب، وأنا مش هادفع حاجة. شهد: لا يا ماما خليهم معاكي. الحاجة نبيلة: ماهو إنتي مش هتشيلي كل حاجة لوحدك. رحمة: كلام ماما صح يا شهووود. شهد: علشان لو المشروع فشل منحسرش كل الفلوس اللي معانا.

رحمة: لا من الناحية دي اطمني، بإذن الله هيمشي كويس. الحاجة نبيلة: وأنا هاجيب شوية بسكويت وشيكولاتات وشيبسي. رحمة: أهم حاجة تقول لعمي صابر مؤذن المسجد يقول بعد الصلاة للناس. شهد: طيب بكرة نبدأ تنضيف المكان ونعمل تاندا في الحوش علشان الشمس. الحاجة نبيلة: ربنا يوفقكم يا بنات. وفجأة فون شهد رن. رحمة: ردي يا شهووود. شهد: حاضر، الوووو، أبلة سناء وحشاني والله. سناء: عاملة إيه، إنتي وحشاني، والمز زوجك كويس معاكي.

شهد: أنا سبتله البيت وعمري ما هارجع له تاني. سناء: والله عندك حق، دمفترى وابن تييييت. شهد: المهم إنتي كويسة. سناء: الحمد لله، وخلي بالك من ممتلكاتي اللي عندك. شهد: ههههههه، ده مكنش كيس دم اللي هتزليني بيه. سناء: مش عايزاني أذلك، هاتيه ههههههههههههه. شهد: ولادك كويسين. سناء: الحمد لله، البت قاعدة عندي هي وولادها علشان على وش ولادة. شهد: ربنا يقومها بالسلامة.

سناء: فكري ترجعي تكملي حياتك، خراب البيوت مش بالساهل يا بنتي. شهد: لا ده موضوع اتقفل واتخلص، أنا كنت بموت، أكيد إنتي شفتي شكلي. سناء: خالص، روّقي وانسى. شهد: حاضر، خلي بالك، هغير الشريحة وهابقى أبعتلك رقمي الجديد. سناء: تمام يا بطتي، عايزة حاجة، ابقي طمنيني عليكي. شهد: حاضر يا حبيبتي، تسلميلي. رحمة: تعالي نكتب كل الطلبات ونشوف النظام. شهد: تمام، بس مش عايزين تكون المصاريف غالية على الناس، الناس هنا شكلها غلابة وطيبة.

رحمة: أنا عارفة المصاريف في الحضانة اللي كنت شغالة فيها وهننزل الربع، ماشي. الحاجة نبيلة: كويس كده، بس شوفوا حد يشتغل معاكم. شهد: كلامك صح يا ماما. الحاجة نبيلة: ممكن أطلب منك طلب يا شهد. شهد: عيوني يا ماما. الحاجة: كلمي أبوكي وطمنيه عليكي. شهد: لا، مهو اللي باعني وقبض التمن وحطه لأولاده من فريدة ومعطاش لأختي حاجة منه. رحمة: معلش يا شهووود، علشان خاطري زمانه حاسس بالذنب وقلقان عليكي.

شهد: مش دلوقتي، وعايزة أقول ليكم حاجة. رحمة: خير يا قلبي. شهد: بالله عليكم لو حاسين إني حمل عليكم قولولي، أنا مش هازعل منكم وهاشوف لي مكان. الحاجة نبيلة: عيب تقولى كده، ده إنتي مالياتي البيت علينا وبقيتي أخت لرحمة. شهد: تسلمي يا ماما، منحرمش منك. الحاجة نبيلة: أنا لو جرى لي حاجة هبقى مطمئنة إنك مع رحمة. شهد: ربنا يطول عمرك يا ماما. رحمة: بلاش كلامك ده يا ماما بالله عليكي. نطيييييررررررر عند جاسر.

طق طق طق عند بيت خالد. خالد: حاضر ياللي بره. جاسر: أدخل ولا أمشي بكرامتي. خالد: معاش اللي يهين كرامتك، اتفضل يا صاحبي. جاسر اترمى في حضن خالد: وحشني يا صاحبي. خالد: اتفضل، ادخل، ماما يا أمي اعملي حساب جاسر في الغدا. أم خالد: إزيك يا جاسر يابني، حاضر من عنيا. جاسر قعد على كنبة في أوضة. جاسر: محتاجك أوي يا صاحبي. خالد: أنا تحت أمرك، مالك، دقنك طويلة وشكلك تعبان، احكيلي فيك إيه. جاسر: شهد سابتني ومشيت.

خالد: إزاي يعني مش فاهم. جاسر: خلتني رحت الشركة وتركت كل حاجة، شبكتها وهدومها، والجواب ده، ومش لاقيها خالص. خالد مسك الجواب و...