رواية انا لست ضعيفة الفصل الحادي عشر 11 - بقلم هبة أحمد

جاسر: شهد سبتني ومشيت. خالد: إزاي يعني مش فاهم؟ جاسر: سبتني ورحت الشركة وتركت كل حاجة، شبكتها وهدومها والجواب ده ومش لاقيها خالص. خالد: مسك الجواب وقعد يقرأ فيه وفزع مما قرأ. جاسر: شفت، هي سابتني وأنا لازم ألاقيها. خالد: يا نهار أسود، معقول؟ أنت عملت كده؟ أنت يا متعلم بره سبت إيه للجاهل؟ جاسر: هعمل إيه، هي عصبتني والغضب عماني. خالد: تقوم تعمل كده، حرام عليك. دي مهما كان ست ضعيفة، كانت محتاجة الأمان.

جاسر: أهو اللي حصل. وبصراحة طلعت جدعة، رفضت تعمل لي محضر. خالد: طب هي فين؟ أكيد عند أهلها. جاسر: لأ، ما راحتش لأهلها. دي حتى سايبة جواب لأبوها بتقول له إنه باعها وقبض التمن وهي هتختفي. خالد: هو ومراته بنت التييييت فعلاً باعوها وظلموها. جاسر: أنا عايزها بأي طريقة. خالد: حبيتها يابو ص؟ جاسر: بصراحة أيوه، بس يا خسارة بعد ما ضاعت مني. خالد: ما تروح عند أهلها، يمكن تكون هناك.

جاسر: معتقدش، علشان أبوها طول اليوم بيلف على المستشفيات وأقسام الشرطة. خالد: لا حول ولا قوة إلا بالله العلي العظيم، ربنا يرجعها بالسلامة. جاسر: يارب. أم خالد: افتح خد الأكل يا خالد. عامل إيه يا جاسر يابني؟ جاسر: الحمد لله يا أمي بخير. أم خالد: ديما يارب. خالد: اشطاااااا يا حاجة، أنتِ ظبطي المسائل. أم خالد: وأنا عندي أغلى من جاسر. جاسر: تسلمي يا أمي.

خالد: اخلص ياض، عايزين ننزل تحلق وتنسى كل همومك. الليلة عندي شبكة واحد صحابي في قاعدة آخر حاجة. جاسر: صدقني مش هقدر، أنا جوايا تعبان. خالد: بكرة نبدأ ندور عليها ونشوف هي راحت فين. يلا بسم الله. نرجع للحاجة نبيلة. الحاجة نبيلة: تعالي يا أم محمد (جارة الحاجة نبيلة) ، ادخلي يا أختي، هو انتي غريبة. أم محمد: يزيد فضلك يا حبيبتي، مين الشابة دي؟

الحاجة نبيلة: دي بنت أختي، اللي اشترت نصيب دعاء في البيت. متزوجة وزوجها مسافر وبيتها وقع، مات أمها وأبوها وهي كانت بين الحياة والموت، بس ربنا ستر. أم محمد: يا ساتر يارب، بركة اللي أنتِ بخير يا بنتي، والباقية في حياتك. شهد: تسلمي يا طنط أم محمد، ربنا يخليكي. أم محمد: شكلك فعلاً متبهدل يابتي. شهد: الحمد لله. رحمة: جت. إزيك يا طنط أم محمد؟ عاملة إيه؟ أم محمد: بخير يابنتي، وأنتي كويسة؟

رحمة: الحمد لله. بقولك يا طنط، إحنا هنفتح حضانة لو حد من البنات عايزة تجيب ولادها. أم محمد: ما تاخدي البت شيماء بنت زهيرة بنتي معاكي، ولكي عليا أخلي الكل يجيب ولاده. قولتي إيه؟ الحاجة نبيلة: وماله يا أختي، ياريح. رحمة: طيب خليها تيجي دلوقتي نتفق على المرتب وتنضف معانا المكان، وبكرة تنزل معانا نجيب الألعاب ونتفق مع النجار. أم محمد: ماشي، دي هتفرح قوي. أنا هروح أبعتها على طول. عايزة حاجة يا أم دعاء؟

الحاجة نبيلة: ربنا يخليكي، تسلمي، ابقي تعالي. شهد: إيه كلامك ده يا ماما؟ الحاجة نبيلة: كان لازم أقول كده علشان الكل يعرف إنك عايشة في ملكك. شهد: اللي أنتِ شايفاه أعمليه يا ماما. أنا عايزة أنام، حاسة إني دايخة. رحمة: تعالي نكشف عليكي. البسي. شهد: لأ، الظاهر عندي برد. طق طق طق. الحاجة نبيلة: افتحي يا رحمة. رحمة: حاضر. تعالي يا شيماء، ادخلي. شيماء: السلام عليكم. شهد: وعليكم السلام. شيماء: مين الشابة المزة دي؟

رحمة: دي بنت خالتي، وليها نص البيت. شيماء: ومالو يا أختي، مش عيب. رحمة: اشطاااااا، ده إحنا هنرجع أيام زمان يا موكوسة. شهد: هطلع أنام شوية. وطلعت لنص السلم. شيماء: بصريخ، حاسبي ياشابة هتقعي. وطلعت تجري سندتها. الحاجة نبيلة: إيه؟ فيه إيه؟ شيماء: مش عارفة، كانت هتقع. انزلي براحة. نزلت شهد ونامت على الكنبة. رحمة: أنا هنزل أجيب ليها دكتور فوزي. شهد: لأ بالله عليكي، أنا أما أفوق ها أتصل بدكتور ناصر وأشوف هيقول لي إيه.

شيماء: طب هاجيب ليكي شوية نعناع من عند ستي أعملهولك. الحاجة نبيلة: ماشي، بسرعة ياشيماء. رحمة: يابنتي تعالي أكشف عليكي، ولا أجيب لكِ الدكتور هنا؟ شهد: هنام شوية وهبقى كويسة. الحاجة نبيلة: يمكن تكوني حامل يابنتي. شهد: إيه؟ معقول؟ لأ لأ لا مش ممكن. هاتِ الفون اللي جنبك يارحمة. رحمة: اتفضلي يا حبيبتي. شهد: طلبت دكتور ناصر. دكتور: أهلاً، أكيد وحشتك، أنا عارف إنك حبتيني.

شهد: أكيد يا دكتور، مش أخويا. بقولك أنا حاسة إني دايخة ومعدتي بتوجعني وبارجع. أعمل إيه؟ دكتور: اوبااااااااااا، 90٪ أنتِ حامل ياهانم. شهد: طب إزاي؟ والنزيف اللي كان عندي؟ دكتور: ما أنا كنت متوقع يحصل كده. أنا مردتش أعمل ليكي تنضيف للرحم. شهد: أنت متأكد من كلامك ده؟ دكتور: شووور، كان ميعاد التبويض وحصل الحمل عادي. ياهانم، حاولي ترجعي لزوجك ولمي الدور بقى. شهد: مستحيل أرجع له، دول هيكونوا ولادي أنا وبس.

دكتور: ليه ياماما؟ هو انت حامل في سبعة؟ ههههه. شهد: مهما كان، هو صفحة واتقفلت. دكتور: اعملي تحليل وابعتهولي وتابعي مع دكتور وخليه يكلمني علشان أبقى أتابع معاه، لأنك بجد بنتي. ربنا يقدم اللي فيه الخير. شهد: يارب، أشكرك، تعباك معايا. دكتور: اقفلي يابت، أنا مشغول. شهد: مع ألف سلامة. الحاجة نبيلة: ها، قال لك إيه؟ شهد: زي كلامك يا ماما. رحمة: ألف مبروك ياحبيبتي. الحاجة نبيلة: هو انتي هتحتفظي بالجنين؟ شهد: لا.