رواية انا لست ضعيفة الفصل التاسع 9 - بقلم هبة أحمد

جاسر / مهو يستاهل علشان معلمهاش إزاي تطيع زوجها. الأستاذ محمد / طااااااااااااااخ! انت اصلا حيوان، مش حاسس بالمصيبة اللي انت فيها. يلا قدامي. جاسر / انت بتضربني يابا؟ الأستاذ محمد / ياريتني كنت ضربتك من زمان وعلمتك الصح من الغلط، كان زمانك رجل يعتمد عليه، مش إنسان مهزوز. مع الأسف، راجل بالاسم فقط. جاسر / لاحظ إنك بتغلط فيا. الأستاذ محمد / اتلهي على عينك. المفروض تتكسف من نفسك.

جاسر / والله يابا أنا هتجنن عليها، مش قادر أنسى منظرها وهي بتقولي إني اغتصبتها وكسرت فرحتها. الأستاذ محمد / قولي، هتعمل إيه دلوقتي ياراجل؟ جاسر / هقدم بلاغ باختفائها. الأستاذ محمد / اطمن، أبوها هيعمل بلاغ وهيدور عليها في كل المستشفيات. جاسر / طب والعمل يابا؟ بصراحة حاسس إنها ضاعت مني.

الأستاذ محمد / سيبني أفكر. وانت شوف رقم التاكسي وروح للأستاذ محمد رئيس الأمن بالشركة وادهوله. وهو هيجيب السواق ونسأله ونعرف هي راحت فين. جاسر / شهد أذكى من إنها تركب تاكسي واحد. الأستاذ محمد / يلا أدخل، بلاش أمك تعرف. انت عارف دي بتعشق النكد. جاسر / عارف. حاضر. الحاج حسين / ياترى انتي فين يابنتي؟ أنا السبب. الحاج حسين / وروح! فريدة / مالك ياراجل؟ انت بتكلم نفسك؟ الحاج حسين / انتي السبب، منك لله.

فريدة / انت هترمى بلاويك عليا؟ الحاج حسين / دخل وقفل على نفسه الأوضة. بعد كذا يوم نروح لشهد شهد مسكت الفون واتصلت بدكتور ناصر. شهد / السلام عليكم. الدكتور ناصر / وعليكم السلام. أنا قولت إني ود مز. وعلشان كده كل البنات معجبة بيه. شهد / هههههه ضحكتني يادكتور. حضرتك كويس؟ الدكتور ناصر / بخير والله. انتي اللي عاملة إيه؟ حصل نزيف تاني؟ شهد / لا بس حاسة دايما بصداع وعايزة أنام على طول.

دكتور ناصر / والزفت جوزك عامل معاكي إيه؟ شهد / أنا متصلة بحضرتك علشان أقولك إني سبته و عايشة مع واحدة أعرفها هي وأمها. المهم اكتبلي حاجة للصداع. دكتور ناصر / حاضر. هابعت ليكى اسمه على الواتس. وابقي طمنيني عليكي، ماشي؟ شهد / حاضر يادكتور. مع السلامة. الحاجة نبيلة / خدي اشربي العصير ده ياشهد. شهد / هي رحمة بتيجي من الحضانة إمتى ياتيتة؟ الحاجة نبيلة / على الساعة تلاتة ولا تلاتة ونص. أصلها بتركب وصليتين رايح وزيهم جاي.

شهد / ربنا يقويها. الحاجة نبيلة / مش عايزة تحكي إيه اللي حصل وبهدلك كده؟ شهد / هاقول ليكى. ولو مش عايزاني أقعد عندكم عادي، أشوف مكان تاني. الحاجة نبيلة / انتي مليتي الدنيا علينا. وأوعي تقولي أمشي تاني. وقولي زي رحمة ياما. شهد / حكت ليها على اللي حصل. وبكت كتير هي والحاجة نبيلة. الحاجة نبيلة / بصي ياحبيبتي، أنا باخد معاشي. أنا ورحمة مكفينا وزيادة. هنخلي رحمة تشوفلك شغلانة في الحضانة معاها. إيه رأيك؟

شهد / هي فكرة. بس أنا بفكر في حاجة أحسن. الحاجة نبيلة / أما رحمة تيجي، شوفوا هتعملوا إيه. نروح عند الحاج حسين الحاج حسين ونزل راح القسم سأل إذا كان فيه جديد. الحاج حسين / لامين الشرطة، هو مفيش جديد يابني؟ أمين الشرطة / لا والله ياحاج. لسة. الحاج حسين / طيب لو ظهر حاجة. أمين الشرطة / بسرعة، رقمك متسيف على فوني. هاتصل بيك. الحاج حسين / سلامو عليكم. أمين الشرطة / بالسلامة. فريدة / بت يامشيرة فوقي يااختي. ورانا شغل.

مشيرة / حاضر ياخالتي. عايزاني أعمل إيه؟ فريدة / على المطبخ. اعملي الأكل والمواعين واغسلي هدوم ياسر (ابن فريدة الصغير) مشيرة / حاضر ياخالتي. فريدة / أنا رايحة عند أمي أفُك شوية. أبقى غدي أبوكي. مشيرة / حاضر ياخالتي. سلمي عليها. قعدت مشيرة تطبخ وتغسل، خلصت ودخلت تكمل مذاكرة. فونها رن. مشيرة / الووو. ازيك ياحبيبتي. عاملة إيه؟ شهد / الحمد لله بخير. هو حد معاكي؟ مشيرة / لا. خالتي راحت لأهلها. هتيجي أخر النهار.

شهد / أنا بطمن عليكي بس. أوعي تقولي لحد إني كلمتك. وكمان تمسحي المكالمة دي. مشيرة / حاضر. أبقي تعالي. عايزة أشوفك. شهد / مش دلوقتي. لما أرتب نفسي. أنا سبت جاسر على فكرة. مشيرة / طب ليه؟ أفهم. شهد / هاقفل دلوقتي وهابقى أطمن عليكي. امسحي المكالمة. وماتقوليش لحد إني كلمتك ولا حتى باباك. مشيرة / حاضر ياحبيبتي. مع السلامة. رحمة / ازيك ياشهود؟ وحشتيني. شهد / الحمد لله. انتي وحشتيني أكتر. حمد الله على السلامة.

رحمة / تسلمي ياقلبي. هاطلع أغير وجاية. شهد / ماشي ياحبيبتي. الحاجة نبيلة / حمد الله على السلامة. غيري بسرعة. الغدا جاهز. رحمة / الله يسلمك ياماما. حاضر. شهد / هاجي أحضر معاكي ياماما. الحاجة نبيلة / لا ارتاحي انتي يابنتي. أنا خلصت كل شيئ. رحمة / يلا ياشهود ناكل. أنا جعانة. الحاجة نبيلة / نتغدى ونشوف شهد هتعمل إيه. رحمة / هتعمل إيه في إيه؟ أوعك تفكري تمشي ياشهود. أنا مصدقت لقيتك. شهد / اطمني. مليش مكان غير هنا.

الحاجة نبيلة / كلوا الأول. ماشي. شهد & رحمة / ماشي ياماما. الحاجة نبيلة / الشاي يابنات. رحمة / شهد سيبى المواعين وتعالى اشربي الشاى. أنا هابقى أكمل. شهد / خلصت يامزتي. الحاجة نبيلة / هتعملي إيه ياشهد مع جوزك؟ نواياك على إيه؟ رحمة / مالك ياماما؟ هو انتي مش عايزة اه تفضل معانا ولا إيه؟ الحاجة نبيلة / لا والله. أنا عايزة أعرف هي هتعمل إيه في حياتها.

شهد / بصي ياماما، أنا أول حاجة عايزة أغير بطاقتي وأحولها من آنسة لمتزوجة. رحمة / طب ليه؟ هو انتي عايزة ترجعي لزوجك؟ شهد / لا طبعاً. دي صفحة اتقفلت من حياتي. الحاجة نبيلة / طب ليه؟ شهد / علشان إحنا في أرياف. وأي بنت لازم تتزوج. ولما أكون متزوجة ونقول إنه مسافر، بكده محدش يتعرض ليها. رحمة / الله عليكي ياشهووود. يا جامدة انتي. الحاجة نبيلة / رحمة، ودي الورق اللازم لأبلة سميرة وهي هتخلصة ليكى.

رحمة / حاضر ياماما. وهوفين الورق ياشهوود؟ شهد / خدي ياستي بطاقتي والقسيمة وبطاقة جاسر كمان. رحمة / هاتي يا قمر. إيه ده؟ دولد مز آخر حاجة. بقى ده حد يسيبه؟ انتي متخلفة. شهد / الشكل حلو. بس اللي جو ربنا أعلم بيه. رحمة / بت جبتي بطاقته منين؟ اعترفي. شهد / ابدا. كانت معايا من ساعة كتب الكتاب ونسيت أرجعه له. رحمة / أحسن برضوه طلعنا منه بفائدة. شهد / ههههههه انتي مشكلة. الحاجة نبيلة / وهتشتغلي إيه بقى؟

شهد / عايزة أشتغل أي حاجة بس في المنطقة هنا. المهم مفهاش سفر. الحاجة نبيلة / نفتح محل بقالة في الأوضة دي. شهد / لا أنا بفكر في حاجة تانية وهتعجبكم. رحمة / اللي هي؟ انطقي بسرعة. شهد / نفتح حض...