رواية انا لست ضعيفة الفصل الثالث 3 - بقلم هبة أحمد

شهد: عاوزة شنطتي والفون بتاعي وعباية وطرحة. جاسر: حاضر، هاروح أجيبهم بسرعة وجاي. أمين الشرطة: ممكن أتكلم مع المجني عليها يا دكتور؟ الدكتور ناصر: لأ، هي لازم ترتاح النهارده عشان ميحصلش ليها مضاعفات. أمين الشرطة: وهنقدر نتكلم معاها إمتى؟ دكتور ناصر: بكرة إن شاء الله. سناء، الزيارات ممنوعة، فاهمة؟ سناء: تحت أمرك يا دكتور. *** سهام: خالد، هو جاسر فين؟ مش باين من يومين. خالد: معرفش. اتصلي بيه.

سهام: إنت تعرف حاجة أنا معرفهاش؟ خالد: لأ. أنا أصلاً اتخانقت مع جاسر وقطعت علاقتي بيه، وبدور على شغل تاني عشان أسيب الشغل معاه. سهام: وليه كل ده؟ ده أنتم طول عمركم صحاب، إيه اللي جد يعني؟ خالد: مفيش حاجة. أنا ماشي. سهام: في واحد قريبي عنده مكتب محاماة لو تحب تشتغل معاه. بس أهم حاجة المواعيد والأمانة. خالد: الحقيني بيه ربنا يكرمك. سهام: خد الكارت بتاعه، وأنا هاكلمه دلوقتي.

خالد: وأنا هاخد تاكسي وأروحله دلوقتي. شكراً يا سهام. سهام: إحنا أخوات، ملهوش لزوم الشكر. جاسر: جه وداخل عند شهد. سناء: ممنوع الزيارة يا أستاذ. جاسر: لازم أطمن عليها. سناء: طب دقيقة وأطلع على طول. جاسر: أنا هاقعد جنبها. سناء: بالله عليك متجبليش خصم ومشاكل مع الدكتور ناصر. جاسر: خلاص، هاخرج على طول. سناء: ماشية. جاسر: إنتي كويسة؟ شهد: هزت دماغها بالنفي. جاسر: أنا رايح مشوار وجاي. عاوزة حاجة؟ شهد: هزت دماغها بالنفي.

سناء: أنا قاعدة معاكي. عاوزة حاجة؟ شهد: هاتِ الكيس ده. سناء: اتفضلي يا قمر. شهد: طلعت الطرحة وقالت: خدي دي بدل بتاعتك. سناء: والله ما يحصل، ده إنتي أختي وعلى فكرة دمي بيجري في عروقك، وأنا دمي خفيف يعني أوعك تبوزي. شهد: هو إنت عطيتني دم؟ ده أنا كنت تعبانة جامد للدرجة دي؟ سناء: إنتي بنت حلال، ربنا كان كريم معاكي. شهد: الحمد لله. أشكرك. سناء: ممكن أسألك سؤال؟ لو مش عاوزة تجاوبي براحتك. شهد: اتفضلي.

سناء: متخفيش مني. أنا عندي بنت وولد متزوجين، يعني مش صغيرة. شهد: مش باين عليكي. سناء: بطلي بكش وقولي إيه اللي حصل. شهد: تصدقي اللي قدامك دي عروسة، كان فرحها أول امبارح. سناء: خبطت على صدرها وقالت: يالهووووووي يا قلب أمك يا بنتي. شهد: أنا دلوقتي عاوزة أقعد مع نفسي وأرتب حياتي، وإزاي ها أقدر أعيش لوحدي. سناء: طب وأهلك؟

شهد: ماما ميتة الله يرحمها، وسبتني أنا وأختي وبابا اتجوز واتبدل حاله، وبقت مراته هي الرجل وهو معدش له أي كلمة أو رأي في حاجة. سناء: وهتعملي إيه يا بنتي؟ شهد: ربنا كبير وكريم. سبيها على الله. بصي، خدي هاتِ أكل وعلبة مناديل وعصير، وكمان... معلش هاتعبك معايا، وأنا هنام شوية. سناء: طب خلي، وأنا هاجيب على حسابي. شهد: لا. اسمعي الكلام. سناء: حاضر يا حبيبتي. جاسر: خبط ودخل. أنا جبت أكل. خدي كلي، هتعرفي ولا أؤكلك بنفسي؟

شهد: بصت ناحية الحيطة وسكتت. جاسر: حط الأكل جنبها وسابها وخرج. جاسر: الووو؟ أيوه يا سهام، فيه حاجة؟ سهام: فينك؟ مش باين. هو إنت مسافر ولا حاجة؟ جاسر: عندي شوية شغل بخلصهم. إنتي كويسة؟ سهام: لأ. طول ما إنت بعيد عني بكون مش كويسة. جاسر: هاقفل دلوقتي. سلام. سهام: مع السلامة. ابقى طمني عليك. جاسر: حاضر. عند والد شهد:

فريدة: عاوزين نحط للولاد، كل عيل 15000 جنيه في دفتر توفير، والخمسة الباقين هاتهم أجيب بيهم حاجات ليا وللبيت. حسين: فلوس إيه اللي بتتكلمي عليهم؟ فريدة: نععععممم يا أخويا. الفلوس اللي دفعها المحروس جوز بنتك مهر. حسين: مهر يعني؟ الفلوس بتاعة شهد. فريدة: على جثتي. ده أنا أولع فيك وفى البيت. اخلص. إنت عارف أنا أقدر أعمل إيه. حسين: حرام عليكي تاكلي حق ولية. فريدة: نعم يا عنيا؟ دي واقعة على واحد معاه شيئ وشويات، مش زينا.

حسين: بصوت واطي: يخرب بيتك، ست مفجوعة. فريدة: تقولي حاجة يا سبعي؟ حسين: لأ. بس مش المفروض مشيرة تاخد هي كمان نصيب من الفلوس؟ فريدة: لأ، يعني ملهاش كفاية إني مستحملها وهي مبتجبش مليم. حسين: حرام عليكي. البنت غلبانة. فريدة: مليش في. إنت تنزل بكرة تعمل لكل عيل دفتر توفير. حسين: طب علشان خاطر ربنا، نعمل دفتر لمشيرة حتى بـ 5000 جنيه. فريدة: والنبي ولا مليم. ده حق عيالي. حسين: أمري لله. حاضر يا ستي.

فريدة: أحبك لما تسمع الكلام. حسين: تصبح على خير. نرجع لشهد: الدكتور ناصر: عاملة إيه دلوقتي؟ شهد: الحمد لله بخير. الدكتور ناصر: طب هتعملي إيه؟ شهد: لو قولت لحضرتك إني هاشوف مكان أقعد فيه، وهاشتغل وأكمل حياتي مع نفسي، بس خايفة من نظرة المجتمع ليا، بس هاتصرف. دكتور ناصر: إنتِ بنت قوية وجدعة. شهد: ده الظاهر، إنما جوه ضعيفة زي ريشة اللي في مهب الريح. دكتور ناصر: هتعملي إيه مع الأخ اللي برة ده؟ هتقولي إيه في المحضر؟

شهد: ها أقول إني وقعت من على السلم، وهو مجاش ناحيتي. دكتور ناصر: طب ليه؟ افهم. شهد: عشان أعرف أرحل بسلام من غير ما يعرف إني هاختفي من حياته. دكتور ناصر: ممكن الفون بتاعك؟ شهد: اتفضل. دكتور ناصر: أدي رقمي، سيفتُه، والاكونت بتاعي ورقم الواتس كمان. في أي وقت عاوزة حاجة تحت أمرك. شهد: ربنا يخليك. أشكرك. كده هتتعب معايا. أنا بغلس على كل اللي أعرفه. دكتور ناصر: وأنا تحت أمرك. أنا عندي بنتين، فمتخفيش مني.

شهد: ربنا يكفيهم شر غدر الزمن. جاسر: فتح الحجرة ودخل. إنتوا بتعملوا إيه مع بعض؟ دكتور ناصر: الزم حدودك واخرج برة. جاسر: مش أنا اللي يتقال له الكلام. إنت متعرفش أنا مين. دكتور ناصر: طز. جاسر: أنا هعرفك إزاي تتعامل مع...