رواية انا مجنونه الفصل الثالث 3 - بقلم الغنيمي

ياسين: اللي عملته ده صح ولا إيه؟ (يصرخ ياسين) ياسين: عااااااااااااااا تعبت تعبت من كل ده. (يلتفت ياسين خلفه ليجد... ياسين: انتي إيه اللي صحّاكِ؟ (تقول أسيل وهي تفكر) أسيل: ع... عايزة أشرب. ياسين: هجبلك ميه. (يجلس ياسين ويحضر لها الماء، ثم يجلس بجانبها وتشرب أسيل) أسيل: انت كنت بتزعق ليه؟ ياسين (بزهق) : مفيش. أسيل: ياسين. ياسين (بزهق) : يقطع ياسين، عايزة إيه؟ أسيل: طلقني يا ياسين. ياسين (بصدمة) : إيه اللي بتقوليه ده؟

أسيل: انت مش عارف تعيش معايا، عرف أنا حالتي صعبة، أنا مجنونة يا ياسين، أنا مجنونة. (تبدأ الدموع تنزل من عيني أسيل) ياسين: بطلي عياط بقى، بطلي عشان خاطري. أسيل (بعياط) : ع... عايزة ايدك. ياسين: طب نطلع فوق الأول. (تهز أسيل رأسها، ولكنها تنام بمجرد أن يحملها ياسين، وتذهب في النوم ودموعها تنزل على وجهها) ياسين: بحبك جداً وعمري ما هسيبك، وهتخفي وهيشوفوا، كلهم هيشوفوا هتخفي إن شاء الله.

(يحملها ياسين ويصعد بها إلى الأعلى، ثم يضعها على السرير وينام بجانبها واضعاً يده على شعرها) ياسين: اللي عملته صح ولا إيه؟ طب حبي لها بس بسبب اللي عملته، أنا مبقتش فاهم حاجة خالص، تعبت تعبت من التفكير. (ينام بجانبها) (في الصباح، يستيقظ ياسين ولا يجد أسيل بجانبه، فيتخض) ياسين: أسيل، أسيل، انتي فين؟ (يسمع صوتاً قادماً من الأسفل، فينزل ليجد أسيل في المطبخ) ياسين (وهو يدخل) : بتعملي إيه؟

أسيل: جوعت، فمرضتش أصحيك، فنزلت أعمل لنفسي أكل. ياسين: انتي على طول جعانة كده، بس سبحان الله مش باين عليكي إنك بتاكلي أصلاً. أسيل: تأكل معايا؟ ياسين: أومال. (يدخل ياسين، ويتبادل هو وأسيل النظرات، ثم يجلسان لتناول الإفطار) أسيل (باحراج) : انت بتبصلي ليه كده؟ ياسين: بقالي سنة بفطر لوحدي ومش مصدق إنك معايا. أسيل: وأنا فرحانة إني معاك. ياسين: بجد، يعني مش عايزة تطلقي؟ أسيل: يوووه، انتي بتقولي ليه كده؟

ياسين: الناس بتبص لك بطريقة غريبة إنك متجوز واحدة مجنونة. ياسين: وانتي مالك ومالهم؟ أسيل: ومامتك مش بتحبني. ياسين: ملكيش دعوة بيها، سيبوها تقول اللي بتقوله وكبري دماغك. أسيل (بعبث) : منا لو كبرت دماغي مش هعرف أخلع هدومي. (يسكت ياسين ولا يعرف ماذا يقول) ياسين: خلاص، متكبريش دماغك، سيبها زي ما هي. أسيل: حاضر. ياسين: يلا عشان تاخدي الدواء. أسيل: لأ، مش عايزة آخد الدواء. ياسين: مش انتي قولتي هتسمعي كلامي؟ أسيل: بس...

(لم تكمل جملتها حتى وجد من يحملها) أسيل: ياسين، نزلني. ياسين: لأ، يلا نطلع فوق. (وهو طالع، تضع أسيل يديها حول رقبته، وهو كان طالع ببطء، كان يتمنى أن تدوم هذه اللحظة طويلاً جداً) (يصعدان إلى الغرفة) ياسين: أه، انزلي بقى. أسيل: توء. ياسين: مش كنتي عايزة تنزلي من شوية؟ أسيل: توء، مكنتش عايزة. ياسين: بنت غريبة والله. أسيل: بحبك. ياسين: وأنا أكتر والله... طب دراعي وجعني. أسيل: مليش دعوة. ياسين (بحزن مصطنع) : عايزني أتعب؟

أسيل: لأ طبعاً، خلاص نزلني. (ياسين يتجه نحو البلكونة وما زال يحمل أسيل) ياسين: حاضر، هنزلك. أسيل (بخضة) : انت هتنزلني فين؟ ياسين: مش انتي عايزة تنزلي، هنزلك. (يدخلان البلكونة، ويقرب ياسين من السور) أسيل (وهي تحضنه جامد) : مترمينيش يا ياسين. ياسين: ومين قال إني هعمل كده؟ أسيل: يعني مش هترمني؟ ياسين: لأ. (يجلسها على السور) ياسين: لحظة أجيب الدواء وأجي. أسيل: ماشي. (يدخل ياسين ويجلب الدواء وكوب ماء ويأتي)

ياسين: يلا اشربي. أسيل: اممم، بل الله عليكِ، مش عايزة. ياسين: يلا بقى. أسيل: حاضر. (تأخذ أسيل الدواء وتشرب الماء) أسيل: يع، طعمه مر. ياسين: معلشي عشان تخفي. أسيل: أتصدق على القفا؟ ياسين: قصدك إيه؟ أسيل: "معلشي عشان تخفي" لائق مع بعض؟ ياسين: بطلي تفاهة. أسيل (بحزن) : أنا تفاهة؟ أنا مش تافهة، أنا مجنونة. ياسين: بطلي تقولي على نفسك كده. أسيل: مش دي الحقيقة. ياسين: لأ، مش حقيقة. أسيل: طيب، نزلني بقى.

(كانت ما زالت جالسة على السور وهو أمامها) ياسين: يعني أنا بقالي سنة مشوفتش مراتي وعايزني أبعد عنك؟ أسيل: أنا مقولتش ابعد عني، أنا قولت نزلني. ياسين (وهو يضع يده حول خصرها) : أنا مستريح كده. أسيل: أنا مش مستريحة كده. ياسين (وهو يدفن وجهه في عنقها) : انتي حلوة كده ليه؟ أسيل (باحراج) : ياسين، احنا نعتبر في الشارع. ياسين (وهو يتنفس رائحتها بكل حب) : بجد، مش مهم. أسيل: سينو، يلا نزلني. ياسين: قوليها تاني كده. أسيل: ن...

نزلني الأول. ياسين: طب مش هنزلك إلا لما تقوليها. أسيل (باحراج) : س... سينو، يلا بقى. ياسين (وهو يحملها) : أحلى دلع سمعته من أحلى بنت. (يجلسان أمام التلفزيون وهي على رجله ويحضنها) ياسين: أسيل. أسيل: اممم. ياسين: وحشتني. أسيل: انت كمان وحشتني. ياسين: آسف على كل حاجة حصلتلك بسببي. أسيل: انت مش غلطان، وكمان انت طلعتني من هناك. ياسين: مسامحاني؟ أسيل: طبعاً. (ساعتها الباب خبط) أسيل: انت مستني حد؟ ياسين: لأ.

(يقوم ياسين ليفتح الباب، وتنظر أسيل وراءه، يفتح الباب ويتصدم كان...