رواية انا من احببته الفصل الثالث 3 - بقلم آيات

قم من جنب هايدي ووقف ف البلكونه يشرب سجاير ويفكر فالي جاي. هايدي فاقت ملقتش صلاح جنبه. راحت تشوفه ف البلكونه. هايدي قربت عل صلاح: متيجي ننسى الي فات. صلاح بيبص لهايدي وبيسيبها ويمشي. هايدي بتتنهد: مسيرك تعرف. هايدي راحت خدت شور وخرجت. لبست دريس أسود، طرحه أوف وايت، وحطت ميكب خفيف. نزلت. أدهم أول ما شافها نازله ابتسم. هايدي راحت قعدت جنب أدهم وبدأوا يتكلموا. كل ده تحت نظرات صلاح اللي عينه متشلتش من عليهم. أدهم:

صحبتك شكلها هيولع. هايدي بدأت صوت ضحكتها يعلى: بس يا أدهم والله مش قادرة من الضحك. صلاح راح قعد جنب هايدي وجواه بركان من الغضب. هايدي ابتسمت وطلعت أوضتها. غيرت لبسها. لبست تيشرت أسود وبنطلون جينز أبيض وسابت شعرها. كانت واقفة بتسرح شعرها. فجأة حست بحد حضنها من ضهرها. بتبص ف المراية لقيت صلاح. صلاح: وحشتيني. تصدقي أول مرة أعرف إن مراتي حلوة كده. هايدي لفت وشها له وابتسمت وحطت إيديها على خده. هايدي:

مالك يا صلاح فيك إيه متغير؟ صلاح بيحط إيده على كتفها: حاسس إني محتاجلك يا هايدي. هايدي حطت إيديها حوالين كتفه وقالت: وأنا جنبك طول الوقت. صلاح خرج من حضنها وقال: اوعديني يا هايدي إنك متعمليش حاجة تضايقيني وتبعدي عن أدهم. هايدي ابتسمت وقالت: حاضر. هعمل اللي يريحك. صلاح بص لها وابتسم وقال: ينفع تقوليلي أنا بمثلك إيه؟ هايدي اتكسفت وحاولت تبعد عنه بس صلاح محوطها بإيده. صلاح بص في عنيها: توتو مش هتخرجي غير لما تقوليلي.

هايدي اتكسفت. صلاح خدها جوه حضنه أكتر. هايدي كانت حاسة نفسها طايرة من الفرحة. هايدي بكل حنان: بحبك يا صلاح. صلاح خرجها جوه حضنه: إنتي قلتي إيه؟ هايدي اتكسفت وبصت في الأرض: قولت بحبك يا صلاح. صلاح رفع هايدي من الأرض وشالها جوه حضنه وقعد يلف بيها. صلاح نزل هايدي وقال لها: ممكن تجهزي انهاردة بليل عشان خلاص جوازنا لازم يتم. هايدي اتكسفت وحطت وشها في الأرض. صلاح قرب منها وبدأ يقبلها في خدها بكل حنية. بعد شوية

صلاح بعد عن هايدي وقالت: هستناكي انهاردة الساعة عشرة هنتم جوازنا وبعد كده هاخدك ونسافر نقضي شهر العسل بتاعنا في دبي. خلاص يا هايدي انسي اللي فات أنا مقدرش أستغنى عنك. هايدي ابتسمت. صلاح: انهاردة بعد ما العريس والعروسة يطلعوا ونطلع احنا كمان تكوني مجهزة شنطتك عشان هنسافر الساعة 2. غمزلها عشان نكمل بقيت كلامنا هناك. صلاح باس دماغ هايدي وسابها ونزل. هايدي مش مصدقة نفسها. خلاص خلاص هننسى اللي فات وحلم عمري هيتحقق.

هايدي والفرحة بينا في عنيها راحت تلم شنطتها وخرجت من هدومها قميص لونه أبيض قصير وطلعت الميكب بتاعها وحطتهم لوحدهم على جنب وقفلت بقيت شنطتها. هايدي خلصت ونزلت على السلم تجري. هايدي: يا أدهم يا أدهم. أدهم بلهفة على أسلوبها: إيه يا هايدي فيكي حاجة؟ هايدي مسكت إيد أدهم وقالت: مبسوطة. مبسوطة يا أدهم خلاص حلمي هيتحقق وأنا وصلاح هنعيش مع بعض. أدهم اتنهد وقال: طيب هو قالك كده؟ هايدي بفرح:

أمم هو قالي كده وخلاص هننسى اللي فات من غير ما نفتح في الماضي. أدهم رسم ابتسامة على وشه لكن من جواه حزن الدنيا كله: طيب يا حبيبتي ربنا يوفقك. أنا مفيش حاجة فارقة معايا غير إنك تكوني مبسوطة. هايدي بمرح: أنا أوعدك أول ما أرجع من شهر العسل هخطبلك أحسن واحدة فيكي يا مصر. أدهم بابتسامة مزيفة: إن شاء الله. بس طالما إنتي خلاص حياتك هتستقر. أنا كمان هرجع أكمل شغلي في إسبانية بس هستقر هناك. هايدي وعلامات الحزن بانت في وشها:

لأ يا أدهم إنت سندي مش بعرف أعمل حاجة من غيرك. متسبنيش لوحدي. أدهم بحزن: إنتي مش لوحدك إنتي معاكي جوزك وهو هيعرف يحميكي. اتعودي أحكيله كل مشاكلك وهو عشان بيحبك هيسعدك ويحلهالك. هايدي بحزن: طب وإنت مش هشوفك تاني. أنا مليش غيرك بتكلم معاه وبيشيل حزني. لو اتخانقت مع صلاح مين هتكلم معاه؟ أدهم: صلاح لو بيحبك مش هيخليكي حزينة. أنا عارف اللي بيحب حد مش بيهون عليه. أدهم ساب هايدي قبل ما تتكلم عشان دموعه متفضحهوش.

هايدي حزينة عشان أدهم هيبعد عنها. هو صاحبها من وهيا طفلة وكان شاهد على حبها لصلاح وكن دايماً جنبها. اليوم عدى والساعة قربت تيجي عشرة. هايدي طلعت أوضتها وجهزت نفسها عشان صلاح. بعد شوية الباب اتفتح وكان صلاح. صلاح أول ما دخل لقى هايدي شبه الملاك وشعرها مفرود وشفيفها لونها أحمر. صلاح قرب على هايدي وشالها وقعد يضحك. بعد ساعتين. هايدي كانت بتخبي وشها في الملاية. صلاح ابتسم على كسوفها وقام لبس هدومه وقال لها:

قومي بقا يا حبيبتي عايزين نلحق نسلم على الناس ونمشي. هايدي: أنا مش قادرة. صلاح بضحك: معلش عشان خاطري. هايدي قامت وخدت شور ولابست ولفحت حجابها. وكانت مجهزة شنطهم هي وصلاح. نزلوا لقوا الناس لسه ما مشيوش والفرح لسه شغال. صلاح مسك إيد هايدي وقال لها: تعالي نعد مع الناس. هايدي ابتسمت وفضلت ماسكة في إيده. صلاح قعدها وسط مجموعة من البنات والستات. وراح وقف على المسرح ومسك الميكروفون. صلاح: أنا عايز أقولكم على حاجة.

كان بيبص ل هايدي ومبتسم. أنا عايز أقول ل هايدي مراتي حاجة مهمة أوي ولازم كلكم تعرفوها. هايدي كانت قاعدة وسط البنات وبتضحك مستنية صلاح هيقول إيه. صلاح: و بص ل هايدي: إنتي طالق. طالق بـ تلاتة.