رواية انا واختي الفصل الثاني 2 - بقلم نور عصام

وليد. تتجوزيني؟ ملك. عرفي ولا رسمي؟ وليد. فتح عيونه ومش مصدق إنها فاهمة كل حاجة، برغم إنها صغيرة وملهاش تجارب في أي حاجة زي ما مروة قالتله. ملك. ها يا أستاذ وليد؟ وليد. تفتكري أنا عاوز أتجاوزك عرفي ولا رسمي؟ ملك. بغرور وكبرياء قالت: من خلال معرفتك بيا الكام دقيقة دول، هيكون رسمي لأنك فهمتني. وليد. قام وقف وراح قعد قصادها وقال: وأنا فعلاً عاوز أتجاوزك رسمي عند مأذون. ملك. مأذون تبعك ولا تبعي؟

وليد. هههههههه، لا لا، دي أنتِ مصيبة. ملك. ولا مصيبة ولا حاجة، بس زي ما قولتلك أنا فاهمة الدنيا كويس. وليد. طيب قولتي إيه؟ ملك. أنا متجوزش واحد صاحب كباريه، صاحب كاس، أو بمعني أصح خمورجي. أنا آسفة في التعبير، بس هي كده. أنا متجوزش واحد كل يوم في حضن واحدة غيري. أنا متجوزش واحد فلوسه كلها حرام من عرق ستات، ولا أنا غلطانة؟

وليد. بس ده شغلي، وزي ما هما بيجيبوا الفلوس، كمان بياخدوا حقهم. وكمان أنتِ جاية هنا وعارفة كده كويس، وأعتقد إنك هتاخدي فلوس؟ مش هتكون حرام وقتها. ملك. أكيد حرام، بس زي ما قولتلك إنها تجربة عجبتني وهجربها. وبعدين حد قالك إني معصومة من الخطأ؟ أنا بشر وأكيد بغلط، لكن مش أي غلط. وده طبعًا مش مبرر إني أغلط، لا أكيد غلطي كبير، بس أهو. وليد. طيب أنا عاوز أتجاوزك بالطريقة اللي تعجبك، واللي تقولي عليه هنفذه، أياً كان.

ملك. مهما كان. وليد. مهما كان. ملك. تقفل الكباريه أو تبيعه وتلاقي شغل نضيف، وبعدها أفكر. وليد. نعم! بعد ده كله ولسه هتفكري؟ ملك. حقي، هو أنت فاكر نفسك أول واحد اتقدم لي ولا إيه؟ وليد. لا أكيد فيه كتير طبعًا يا قمر. ملك. وكلهم ناس كويسة، ومع ذلك موافقتش، يبقى مش بسهولة أوافق عليك يا أستاذ وليد بكل عيوبك دي. وليد. طيب لو قولتلك إن مش بسهولة أسيب الملهى كده؟ ملك. خلاص، خلينا لوقت تضبط أمورك، هو إحنا هنروح من بعض فين؟

وليد. مزهول من تصرفاتها وثقتها بنفسها. ملك. ها، بينا نتفق على الشغل. وليد. ماشي كلامك يا قمر. ملك. قامت وف نفسها قالت: ابن الذين، فاكر إنه هيضحك عليا. وليد. ف نفسه: مش سهلة أبدًا البت دي، ده أنا عمري ما عرضت الجواز على حد، تيجي حتة عيلة وتعمل كده فيا. ماشي. ملك. أستاذ وليد. وليد. نعمين. ملك. ابتسمت وقالت: أنا هشتغل على اتفاقنا. وليد. أوك يا قمر. وأخدها وعرفها على كام بنت كده وخلّيهم يعرفوها الشغل إزاي، وبص

لأحد رجال الأعمال وقالها: شايفه ده؟ ملك. ماله الحلو؟ وليد. غني قوي ومن أشهر رجال الأعمال. ملك. اممم، والمطلوب؟ وليد. جيبه يا عنيا. ملك. أوك، بس بطريقتي. وبصت لوليد. وليد. قالها: تمام، شوفي شغلك. ملك. راحت وعدت من جنبه وبصتله بتعالي، وراحت ترقص على الأغنية اللي كانت شغالة، وما عطتهوش أي اهتمام. ساهر. بص لها وقال: مين القمر الجديد ده؟ ماهي. دي بنت جديدة لسه واصلة. ساهر. امممم، أوكي.

ملك. كانت بترقص، وكل ما حد يقرب منها تبعده عنها وتكمل رقص. الكل هيتجنن من تصرفها وغرورها. ساهر. ملاحظ حركاتها وبعدها عن الكل، وف نفسه قال: بترقص بإرادتها، يبقى ليه تبعدهم كده؟ شكلها مش خايفة. وبص لواحد من الشباب اللي معاه إنه يقوم ويرقص معاها، عاوز يشوف رد فعلها. يوسف. راح لعندها وقرب منها وقال: ممكن أرقص مع القمر؟ ملك. بـأرف قالت: لأ. يوسف. ليه بس يا جميل؟ ملك. مليش مزاج أرقص معاك. يوسف. أنتِ ناسيه أنتِ هنا ليه؟

ملك. لا مش ناسيه، وبرضه بمزاجي. وزقته عنها وشاورت بصوباعها وقالت: إياك تقرب مني مرة تانية، فاهم؟ يوسف. اتجنن وراح عليها. ساهر. شاور له. يوسف. راح لعند ساهر وقال: بنت مغرورة، فاكرة نفسها بنت الساهر. ساهر. خلاص. وبص لها. ملك. الغنوة خلصت، نزلت وراحت علشان تقعد. ساهر. بس عدت من جنبه، مد إيده ومسك إيدها. ملك. بصت لإيده وقالت: دي أول مرة، وعشان كده أنا هقولك بالذوق، شيلها وإلا تندم، ومش أي ندم. ساهر. عاوز أعرف هتعملي إيه.

ملك. قربت منه وبإيدها التانية مسكت إيده ورزعتها على الترابيزة جنب كاس الويسكي، فالكاس اهتز ووقع بهدل لبسه كله، وبصت بكبرياء وقالت: دي بس عشان اتجرأت ولمستني، لكن صدقني لو اتكررت تاني. ساهر. مصدوم من جرأتها وتصرفها. أحد الموجودين معاه قال: انتي اتجننتي يا بت؟ إزاي تعملي كده؟ انتي مش عارفة مين ده؟ ملك. قالت: قول لكلابك يسكتوا، وإلا تصرفي مش هيعجبهم. يوسف. كلاب مين يا بنت الـ... ملك. طيب انطقها وشوف أنا هعمل فيك إيه.

ساهر. بص ليوسف عشان يسكت، وبعدين قالها: ممكن تهدي؟ ملك. أنا مش متعصبة، ولا حد يقدر يعصبني. والتفتت تمشي. ساهر. طيب ممكن نتكلم شوية؟ ملك. مليش مزاج. ومشيت. ساهر. هيتجنن لأن كل البنات تتمنى قربه. يوسف. إنت ليه ساكت لها دي عايزة تتربى. ساهر. روح هات لبس تاني من العربية وتعالى عالحمام، لازم أغير. وبص لبسه وابتسم، وف نفسه قال: ماشي يا قطة.

ملك. راحت قعدت بعيد، وكانت بتتفرج على الكل وعلى العالم الجديد اللي طول عمرها تسمع عنه أو تشوفه في TV، لكن أول مرة تشوفه عن قرب، حقيقة وهي جواه. ساهر. بعد دقائق راح لعندها وقال: القمر شارد، فـ إيه؟ ملك. فـ الدنيا اللي مش عاجباني دي. ساهر. ولما هي مش عاجباكِ جيتي ليه؟ ملك. بصت له وقالت: شاور للبنت اللي هناك دي عشان تيجي. ساهر. استغرب، وبعدين قالها: ليه؟ ملك. بس خليها تيجي. وبصت للكاميرا عشان عارفة إن وليد شايفها.

ساهر. شاور للبنت، وراحت فعلاً عندها وقالت: أؤمر يا باشا. ملك. اديها فلوس. ساهر. بص لها. ملك. مش إنت عاوز تتكلم معايا شوية؟ ساهر. أيوا، بس... ملك. من غير بس، اديها مبلغ كبير. ماهي. انتي عايزاه يديني فلوس؟ انتي مين؟ ملك. بصت لها بنظرة صاخبة وقالت: خدي الفلوس وشوفي وشك، فاهمة؟ وأعتقد إنك عارفة هتوديها فين. وبصت للكاميرا. ساهر. بص لملك ومستغرب قوتها دي، وبعدين طلع مبلغ كبير وقال للبنت: اتفضلي يا جميل.

ماهي. أخدت الفلوس وهي متغاظة من ملك ومشيت. ساهر. ليه عملتي كده؟ ملك. عادي يعني. ساهر. أنا اللي أعرفه إن البنات هنا بتكون هي اللي عاوزة الفلوس بنفسها عشان تاخد جزء منها والباقي لصاحب المكان. انتي غريبة قوي. ملك. زي ما قولت، اللي عاوزة الفلوس عشانها وعشان المكان اللي شغالة فيه، لكن أنا ميهمنيش. ساهر. مش فاهم. ملك. طبعًا إنت عارف إن قعادك معايا ده لازم يكون فيه مقابل، وخصوصًا لصاحب المكان. ساهر. قصدك قعادك انتي معايا؟

ملك. لا يا حلو. ساهر. ابتسم وبص لها. ملك. أنا مش في احتياج فلوس، ولا أنا من النوع اللي بحب أقعد مع واحد زيك ولا غيرك. ساهر. هنغلط؟ ملك. لا لا خالص، أنا بس بتكلم وبـرد عليك. ساهر. تقوم تغلطي فيا؟ ياريت تفوقي كده وتعرفي بتتكلمي مع مين. ملك. مع مين يعني؟ واحد صايع معاه شوية فلوس جاي يسكر ويفعل ما حرم الله ويضيع صحته وتعب أهله عليه. ساهر. بصوت عالي قالها: ذلتني. ملك. أهدي كده، هي الحقيقة دايمًا بتزعل.

ساهر. صدقيني، قطع عيشك من هنا على إيدي. ملك. ههههههه، ما قولتلك أنا مش محتاجة الشغل، ولا فارق معايا. أنا بس بجرب حاجة عجبتني. ساهر. حاجة عجبتك؟ ملك. طبعًا. ساهر. يعني عاوزة تفهميني إنك أول مرة تعملي كده؟ ملك. أكيد. ساهر. بص لها. ملك. تصدق ما تصدق، مش فارق معايا لا أنت ولا غيرك. ساهر. طيب قومي ارقصي معايا. ملك. مليش مزاج. ساهر. نعم يا روح أمك.

ملك. أمك مش أحسن من أمي عشان اسمحلك تغلط فيها. ومن السهل جدًا أغلط في أمك ومش أي غلط. ساهر. انتي اتجننتي ولا إيه؟ ملك. أكيد لا. ساهر. فوقي. ملك. أعتقد إني فايقة. ساهر. أنا دافع فلوس ولازم أتبسط، قومي معايا. ملك. أنا أخدت منك فلوس. ساهر. يعني إيه؟ ملك. يعني لما تحب تتبسط، تروح للي أخدت منك فلوسك، وتعمل ما بدالك مادام برضاها. لكن أنا لأ. ساهر. بس انتي اللي... ملك.

قاطعته وقالت: أنا ما أجبرتكش، وغير كده أنت طلبت تقعد معايا. وعشان المكان اللي إحنا فيه، قعادك معايا مش ببلاش. وبصت له بحدة. ساهر. شرب الكاس اللي كان في إيده ومسكها من دراعها وقالها: قومي معايا، أنا الكلام ده ميحولش معايا. ملك. زقته عنها وقالت: أنا حذرتك مرة، ولكن المرة التانية مش هسمحلك. وفـ لحظة كانت إيدها على خده. رجال ساهر اتجمعوا والمكان حصل فيه حالة من الهرج والمرج. ساهر.

راح عليها وقالها: مش هعدي اللي عملتيه ده بالساهل. ورفع إيده يضربها عشان ينتقم منها ويكسر عينها وينتقم لكرامته. ملك. مسكت إيده وقالت: أنا اللي يتجرأ عليا يندم، وانت اللي ابتديت. وليد. جه يجري وقال: خير يا جماعة، اهدوا كده. وبص لملك.

ملك. أنا حذرته وهو أصر، يبقى يستاهل. ويا ريت تفهمه إني مش من إياهم، ولا بحاجة للشغل، ولا حد في الدنيا يقدر يكسر عيني مهما كان هو مين. وأنا هنا بمزاجي. ولو هييجي هنا تاني، ممنوع يتكلم معايا إلا بمزاجي. ساهر. ولييييد! مين البت دي وازاي أنت ساكت لها كده؟ إيه ماسكة عليك ذلة ولا إيه؟ وبصلها وقال: انتي حتة جربوعة متسواش، بس عاملة نفسك شريفة؟ فوقي يا بت، انتي مش واخدة بالك انتي فين يا روح أمك.

ملك. أبو أمك على أبوك أنت شخصيًا. قولتلك أمك مش أحسن من أمي عشان تجيب سيرتها. بالعكس، نور عصام أمي ربت، لكن أمك طلعت شاب فاشل، سكري، خمورجي، فاكر إنه يقدر يشتري الدنيا بفلوسه. وليد. ملك مينفعش كده. ساهر. البت دي متقعدش فيها ولا ثانية. ملك. ههههههه. برقة. ساهر ووليد بصوا لها، وضحكتها اللي خلعت قلوبهم من مكانه، إزاي ضحكتها رقيقة كده، وإزاي عندها القوة دي كلها مع جمالها.

يوسف. البت دي لازم تتربى، وإحنا بقى اللي هنربيها. وبص للشباب اللي معاه عشان يقربوا منها. ملك. بتحدي قالت: أوعى تكون فاكر إنك بتكلم أختك في البيت وخايفة من أخوها اللي يعلي صوته عليها، أو هددها باللي تخاف منه. يوسف. اختي يا حقيرة. ملك. الحقيرة دي تبقى أختك، أومال إنت فاكر واحد زيك تربيته هتكون إيه؟ ملاك؟

ياريت تبصوا لنفسكم شوية وتعرفوا حجمكم، وتقتنعوا باللي بتحاولوا تتجاهلوه وتقولوا لنفسكم إنه مفيش حد زيكم ولا زي أهلكم. لا يا أستاذ، إنت وهو أهم شيء المنبع نفسه، وإذا كنت كويس هما كمان. يوسف. بجد انتي زودتيها. وراح قرب منها. ملك. اعملها لو راجل، ومد إيدك والمسني. وليد. للحظة فكر إنها ممكن تكون شغالة مع الشرطة، بس فـ نفسه قال: مروة حكت له كل حاجة عنها. بس إيه سر قوتها دي؟ ساهر. أعجب بشراستها وردها، لكن عاوز ينتقم منها.

ملك. لقت أغنية اشتغلت، هي بتحبها، سابتهم وراحت ترقص. ساهر. كان يستشيط من الغيظ. يوسف. بيتوعد لها. وليد. معجب بتصرفها، طبعًا هو كل اللي يهمه الفلوس وهي جابت وزيادة كمان، لكن برضه مش عاوز يخسر حد زي ساهر. قال: آسف جدًا يا ساهر باشا، لسه جديدة ومش عارفة حاجة، وانت عارف فـ الأول كلهم بيكونوا كده، عاملين فيها. ساهر. قاطعه وقال: البت دي تلزمني. وليد. حس بالغيرة عليها، وبعدين قال: طيب ممكن أي واحدة تانية؟

ساهر. لا، هي بعينها. وليد. بس تهدي وتاخد عالجو، والي حضرتك عاوزه هيتنفذ. ساهر. قولت هي، وعلى طول. والمبلغ اللي تطلبه. وليد. أمرك يا باشا. ساهر. طلع شيك وكتب مبلغ كبير وأداه لوليد. يوسف. دي خسارة فيها دي، متستاهلش دا كله. ساهر. بص له وسكت. وليد. شاور لبنت من اللي بتشتغل معاه. ناني. أؤمر يا باشا. وبصت لـ ساهر. وليد. أعطاها كاس وحط فيه منوم وقالها: ده ملك لازم تشربه. ناني. من عيوني. وأخدته وراحت لها. ملك. بترقص.

ناني. لوكه، خدي اشربي ده عشان تفوقي. قدامك. ملك. ابتسمت وبعدين قالت: مش بشرب. ناني. يا بت ده عصير، مش ويسكي. وبعدين إيه هتشمتيه فيكي ده؟ أنا مبسوطة قوي من اللي عملتيه، إيه هما فاكرين إننا خلاص معندناش كرامة؟ حسبي الله ونعم الوكيل. ملك. كانت فاهمها وعارفة إنها بتوقعها. أخدت منها العصير. ناني. ابتسمت. ساهر. فرح جواه، ويوسف قال: ماشي يا قطة. وليد. استغرب، وبعدين قال: خسارة يا قطة.

ملك. معاها الكاسة، نزلت بيها وراحت لحد عندهم ورفعتها على بوقها، وبعدين نزلتها وقلبتها قدامهم وقالت: مش ملك اللي يضحك عليها. أنا قولت مش هشرب، يعني مش هشرب. سواء بقى ويسكي، عصير، حتى الميه مش هشربها هنا. بس يظهر كده إنك نسيت يا أستاذ وليد. ساهر ووليد ويوسف، الكل مصدوم. ملك. بصت لهم بأرف وقالت: أنا همشي بقى، كفاية كده الليلة. وليد. لسه بدري. ملك. معلش، عندي جامعة الصبح ولازم أحضر، يرضيك أسقط؟ وليد. بص لها.

ملك. متقلقش، هاجي تاني، بس بمزاجي. والتفتت تمشي، وبعدين رجعت وقالت: آه، حسابي يوصلني مع مروة، أعتقد عملت اللي عليا الليلة. يوسف. بص لها بغيظ. ملك. براحة على نفسك أحسن يجرالك حاجة. واللي زيك اليومين دول محدش بيعبرهم، أما يموتوا عادي، كلب. وراح والتفتت ومشيت. يوسف. بنت الكلب، وربي ما هسيبك. ساهر. قاطعه وقال: مكانك، واوعي تتحرك. يوسف. عجبك كده يعني؟ وليد. أنا آسف. ساهر. قاله: عاوز أعرف كل حاجة عنها.

وليد. قاله إنها بنت يتيمة بتدرس في كلية تجارة، وحكى كلامها معاه أول ما دخلت عليه. ساهر. ههههههههه، هي عملت كده؟ وليد. للأسف. ساهر. وانت ليه ساكت عليها كده؟ وليد. زي ما حضرتَك شايف، الكل هيموت عليها. ساهر. اها، وانت يهمك الفلوس، وعلشان كده مستحملها؟ وليد. يا باشا، انت عارف شغلنا كويس. ساهر. ممكن أسألك سؤال؟ وليد. اتفضل يا باشا. ساهر. انت لما طلبت تتجوزها، كنت بتتكلم بجد ولا كنت بتطمعها؟

وليد. كنت بتكلم بجد، وخصوصًا وهي لسه نضيفة. وحبيت فيها قوتها وثقتها بنفسها. حسيت إن دي اللي تخرج وتلف الدنيا وهي محافظة عليك وعلي اسمك وشرفك وعيالك معاها فـ أمان. ساهر. فـ نفسه قال: ...... ياترى إيه اللي هيحصل؟ وهل ملك هتفضل على براءتها وطهارتها أم لا؟