رواية انا والاوحش الفصل الثالث 3 - بقلم علاوي لقاء

خلاص موافق، شوفوا هتعملوا إيه وقولولي. وتركهم وذهب. فاروق: لازم نشوف رد فعل ملاك مع الأولاد الأول. سهر: طيب إيه رأيك نعزمها بكرة على الغدا، بكرة الأولاد إجازة ويشوفوا بعض. فاروق: ماشي. اتفق الجميع، وذهبت سهر لتدعوها. وبعد إلحاح وافقت ملاك وذهبت في الساعة الثانية، لأن الغداء في الساعة الرابعة. كانت جالسة مع السيدة صباح وسهر يتكلمن في مواضيع شتى، لتدخل عليهن طفلة وهي تبكي. سهر: مالك يا رهف ليه البكاء ده؟

رهف بطفولة ودموع: الدادة مش بتعرف تسرح شعري، كل يوم نفس الشكل، حتى في المدرسة بقوا يتريقوا عليّ. ملاك بحنان: تعالي يا حبيبتي، إيه رأيك أعمل لك تسريحة. نظرت الطفلة لجدتها لتومئ لها سهر، فتذهب الطفلة لملاك. ملاك: يا دادة ممكن أغراض التسريح بتاعتها؟ لتذهب الدادة لتحضرهم، وتبدأ ملاك بتسريحة بشكل جميل وهي تحدثها. ملاك: اسمك حلو يا رهف، عندك كام سنة؟ رهف: عندي 9 سنين. ملاك: العمر كله يا رب، وشاطرة في الدروس؟

رهف: أيوه ودرجاتي حلوة، بس المدرسين رخيمين أوي. لتنتهي ملاك وقد سرحته بطريقة جذابة وأنيقة. رهف وهي تشاهده في المرايا: الله، جميل أوي، مرسي يا طنط. ملاك: لأ بلاش طنط، قولي لي ملاك بس. لتقبلها رهف بسعادة وتجلس معهم. لتحضر المربية الأطفال الصغار، لتبدأ ملاك ملاعبتهم، حتى أنها سهت عن الجالسين وهم ينظرون لها بترقب واندهاش لطريقتها السلسة في التعامل مع الجميع، فهي خفيفة ظل ورزينة في ذات الوقت.

ليدخل إلى الغرفة 3 أطفال، اثنين ذكور وبنت بعمر رهف أو أختها. لتنظر لهم ملاك بدهشة، وهم يلقون السلام ويجلسون. سهر: بصوا يا ولاد، دي ملاك جارتنا الجديدة، وزي بنتي بالظبط. لينظروا لها. ل تنهض ملاك وهي تقترب منهم وتجلس بينهم. ملاك: إيه، مش هتعرفوني؟ عليكم زي رهف.