رواية انا وظابط الفصل الخامس 5 - بقلم دعاء تهامي

أصل أصل مبتعرفش تغير على الجرح. شادي: لا والله. رولان: آه، أمال عشان إيه مثلاً؟ شادي: غيرانة مثلاً. رولان: هغير من إيه؟ شادي: يعني عشان البنت هتغير لي؟ رولان: لا مفيش الكلام ده. اتعدل عشان أعرف أغير على الجرح. عدلت وضعية جسمه وابتدت تغير على الجرح. شالت الشاش والقطن وعقمت مكانه، وابتدا تحط الجديد. رولان: بيوجعك؟ شادي: شوية. رولان: سلامتك. شادي: الله يسلمك. رولان: أنا خلصت. تقدر تستريح شوية.

شادي: أنا هخرج إمتى من هنا؟ رولان: لسه كام يوم. شادي: بس أنا عايز أخرج النهارده. مش بحب المستشفيات. رولان: مهو مينفعش تطلع عشان إصابتك كبيرة. لسه كان هيرد، باب الأوضة اتفتح ودخل أبوه وإسلام، وكمان مامت رولان كانت معاهم. محمد: أنت كويس دلوقتي؟ في حاجة بتوجعك؟ شادي: متخافش أنا كويس. إسلام: ألف سلامة عليك يا ابني. شادي: الله يسلمك يا عمي. مامت رولان: سلامتك يا حبيبي. شادي: الله يسلمك يا طنط.

رولان: يا عالم أنا موجودة في الأوضة، محدش سأل عليا. إسلام: هههه. البيت كان هادي امبارح وعرفنا ننام. رولان: والله يا سمسم. شادي: سمسم؟ رولان: آه، بابا وبدلعه. عندك مانع؟ شادي: آه. رولان: نعم؟ إسلام: إيه؟ انتوا هتتخانقوا ولا إيه؟ شادي: بابا، أنا عايز أخرج النهارده. محمد: الدكتور قال إيه؟ رولان: مينفعش عشان إصابته. محمد: طب هروح أتكلم مع الدكتور وأشوف.

راح محمد عند الدكتور. وبعد إلحاح منه وافق إنه يخرج، بس لازم يكون معاه ممرضة في البيت. ومحمد اقترح على رولان تيجي تقعد معاهم في البيت لحد ما شادي يخف، وأهلها وافقوا بكده. وخرج من المستشفى. راحوا البيت ورولان كانت معاهم. فات أسبوع، اتقربوا من بعض. ورولان اعترفت لنفسها إنها حبته، بس مقالتش ليه. وشادي كمان وقع في حبها، بس مش عارف إذا هي بتحبه أو لا. رولان: طب أنا همشي دلوقتي. شادي: هتروحي فين؟

رولان: هرجع بيتنا. أنت بقيت كويس دلوقتي. شادي: آه، صح. بقيت كويس. رولان: الأيام فاتت بسرعة. شادي: عشان انتي موجودة. رولان: شكراً. شادي: طب هاجي أوصلك. رولان: خليك. هطلب تاكسي. شادي: قولت هوصلك. رولان: تمام. هجيب الشنطة وأجي. دخلت جابت الشنطة، وهو أخدها، حطها في العربية، ومشيوا. طول الطريق ساكتين، بيبصوا لبعض من وقت للتاني. وصلوا البيت. رولان نزلت، وشادي اعتذر منها عشان يروح يشوف شغله.

طلعت الشقة، وخبطت على الباب. فتحت مامتها ودخلت. رولان: ازيك يا ست ماما؟ كنتي مرتاحة مني؟ مامت رولان: البيت ملهوش طعم من غيرك. رولان: 😇 أيوه ما أنا عارفة 😹🥺. عايزة آكل من إيدك، وحشني أكلك أوي. مامت رولان: مفيش غير الأكل في دماغك. رولان: 😋😋 ده العشق يا نبع الحنان. مامت رولان: صحيح أبوكي كان بيقول جهزوا بالليل عشان شادي هيروح يخطب، وطلبوا مننا إننا نكون معاه. رولان: الخبر نزل عليها زي الصاعقة.

مامت رولان: بت يا رولان، أنتِ سامعاني؟ رولان: ها؟ مقاليش. مامت رولان: يمكن نسي. رولان: طيب يا ماما، أنا هدخل أنام عشان تعبانة شوية. مامت رولان: مش هتاكلي؟ رولان: لا. هنام. مامت رولان: طيب يا بنتي. دخلت أوضتها، ومقدرتش تمسك دموعها أكتر من كده. رمت نفسها على السرير وكتمت صوت عياطها في المخدة. 🥺 آه يـا وجع قلبي، ليه حبيته طالما مش هيكون من نصيبي؟ ليه اتعلقت بحاجة مش من حقي؟

💔🥹😭. نامت مكانها من كتر العياط. فاقت على صوت مامتها وهي بتصحيها عشان تجهز. قامت ودموعها لسه منشفتش من على خدها، بس قررت إنها تحاول تنسى. دخلت أخدت شاور، ولبست فستان أسود وعليه طرحة حمراء وهيلز أحمر، ووضعت بعض لمسات الميكب السمبل لتصبح أجمل مما عليه. طلعت من أوضتها بتحاول تتعامل عادي. رولان: يا ست ماما، أنا جهزت. مامت رولان: لابسة أسود ليه؟ رولان: ما لابسة طرحة حمراء أهي. مامت رولان: لا، غيري الأسود.

رولان: لا يا ماما، كده هنتأخر وبابا هيزقني. يلا. مامت رولان: ماشي يا رولان. مشيوا، وهما في الطريق، رولان أخدت بالها إنهم مش رايحين من طريق بيت شادي. رولان: هو إحنا رايحين فين؟ مش المفروض نروح بيت شادي الأول؟ إسلام: هاا. م هو اداني العنوان وهيستنونا هناك. رولان: آه، فهمت. بعد شوية، وقفوا قدام أوتيل خمس نجوم. رولان: إحنا فين؟ أنا مش فاهمة حاجة. إسلام: انزلي وهتفهمي كل حاجة. رولان: ماشي.

نزلوا، دخلوا الأوتيل، واتجهوا للطابق اللي فيه القاعة. كل ده ورولان مش فاهمة أي اللي بيحصل، لحد أول ما دخلوا القاعة والورد نزل عليها من فوق، ولقيت شادي جاي ناحيتها ومد إيده ليها. بصت لباباها، هز رأسه بأنها تروح معاه. حطت إيدها في إيده، وأخده، وطلعوا على الـ Stage. طلع خاتم من جيبه وركع على ركبته.

شادي: أنا معرفش شعورك إيه ناحيتي، بس أنا حبيتك من أول ما كنت هخبطك بالعربية. قلبي دق ليكي، ومشاعري زادت ناحيتك لما اتصوبتي، وإنتي اللي كنتي بتهتمي بيا. أنا كلمت باباكِ، وهو قالي إنه حاسس إنك بتحبيني. فـ أنا حبيت أعملك مفاجأة، وطلبت محدش يقولك. رولا، تقبلي تتجوزيني وتكوني شريكة حياتي ونصي التاني؟ رولان: هزت رأسها بـ آه، ودموعها نزلت. شادي لبسها الخاتم 🤭، وقام شالها ولف بيها مع تصفيق حار من الموجودين 👏👏👏.

رولان: وأنا كمان بحبك. شادي: قولتي إيه؟ رولان: بحببببك. 🫶 نلتقي في الجديد بإذن الله. 🫶 مكنتش عايزة أسيبهم بالسرعة دي، بس مرتباها على خمس فصول. دمتم يا فنزاتي. ✌🫶