رواية انانية حب الفصل الرابع 4 - بقلم ريتال احمد

مراد: عمنا إيه يا اسطا، فينك امبارح؟ مردتش على حد فينا ليه؟ كنا عاوزين نعدي عليك ونخرج. بس أيهم بيقول كلمك وانت قلت مش قادر عاوز تنام. أدهم بص عليه وهوا مش قادر أصلًا: امم، ماليش مزاج للخروج ومش فاضي أصلًا. مراد باستغراب: أدهم ملوش مزاج للخروج إزاي ده حضرتك؟ أدهم ببرود: عندي شغل، مش فاضي. مراد باستغراب: مالك يا أدهم؟ طب الخميس؟ أدهم

بهدوء وبيحاول يكون طبيعي: ماليش والله، كل الموضوع إني كنت مهمل في الشغل حبتين، فعشان كده فيه ضغط شغل شوية، بس يعدي على خير ونرجع نخرج، ولا يهمك. مراد باستغراب: يعني متعرفش تخرج الخميس خالص يا أدهم؟ أدهم: لا مش هقدر، يدوب بكون خلصت شغل في المواقع وأتابع الشغل مع العمال وأرجع مقتول، يدوب أنام. مراد: طيب يا حبيبي، ربنا معاك ويوفقك. اممم، طب بقولك إحنا هنعزم نفسنا عندك يوم الجمعة. أدهم

كان عاوز يرفض بس مرفضش: ومالو، تعالوا ونتغدى عندي في البيت كلنا. مراد بضحك: يا عم بقول كده عشان أرخم عليك. أدهم: لا بتكلم جد، كلم أيهم وكلم سليم وتعالوا كلكم يوم الجمعة ونتغدى سوا. يوم الجمعة مش هروح الموقع، هروح الشركة بس أظبط كام حاجة وأرجع. مراد بابتسامة: تمام يا حبيبي، هنظبط على الجروب بقى. اخلع أنا بقى وكمل شغل إنت، سلام. أدهم: سلام يا صاحبي. مشي مراد. أدهم حط وشه بين كفوفه

ودعك عيونه وقال بتعب: آه، مش قادر. طب أنعزل عن الدنيا؟ هبقى خسرتها وخسرت سنين من عمري؟ أدهم سكت وكمل بقوة وعيون بتلمع بغضب وكسرة في نفس الوقت مش هيحس بيها غير اللي مر باللي أدهم مر بيه. قصدي هيا اللي خسرتني واختارت ده. مش أنا خالص اللي خسران. طالما مبقتش على بينا واختارت نفسها من غير ما تبص عليا ولا على حبي ليها، يبقى دي واحدة طماعة وأنانية، مش هاممها غير نفسها. أدهم بدأ يكمل شغل.

وبعدها طلع على البيت. دخل الفيلا وغير هدومه. وبعدين حس إنه عاوز يعمل الأكل. هوا أدهم بيحب يطبخ جدًا. ونزل المطبخ. شغل أغاني وبدأ يطبخ. وهوا بيغني مع الأغنية وبيحاول يفك وميعيطش. فجأة مسك السكينة وبدأ يلفها ويقطع بيها الخضار وهوا بيغني: "كان كل حاجة، أغلى حاجة، كان الاسم حبيبي". أدهم بضحك: حبيبي؟