رواية انقذتني الفصل السابع 7 - بقلم يارا احمد

جاسر بص على عيونها العسلية الشبه عيونه. جاسر: أنا مش فاهم هم بيتريقوا على إيه، انتي ما فيكيش عيب علشان يتريقوا عليكي.. حتى عيونك حلوة. عشق بصت على عيونه وضحكت: يعني علشان هما نفس لون عيون حضرتك يبقوا حلوين؟؟ انتبهت على نفسها وقالت بارتباك: ا... آسفة حضرتك، أنا بجد مش قصدي أقلل منك بس اتكلمت تلقائيًا. جاسر بحب وحنية: بلاش رسميات.. ممكن تعامليني عادي أوي زي أي حد كبير بتعرفيه؟ زي أبو يمنى مثلاً.

عشق بفرحة: بجد ممكن أعاملك عادي بدون رسميات؟؟ صراحة أنا مش عارفة ليه حاسة إني بعرفك وإنك قريب مني أوي، بس بجد مش هخذلك في الشغل. جاسر انبسط لما كلمته كده وابتسم: أنا مبسوط لشعورك ده يا عشق.. آه صح، اسمي جاسر.. جاسر المالكي.. وأنا متمني إنك تبقي معانا، أصلي مرة شفتك وإنتي بتشتغلي وعجبني شغلك ساعتها. عشق بابتسامة: اتشرفت بحضرتك.. وأنا بجد مش عارفة أقولك إيه، شكرًا أوي. جاسر: لا عادي، وبلاش شكرًا دي، نحن من اليوم أصحاب.

عشق: أصحاب؟؟ جاسر بضحك: متفهمنيش غلط، أصل مش هحب أسمع كلمة عمو منك صدقني. كفاية عليا نغم هترجع وتصدعني بيها.. صح، هي نغم هتكون مضايقة مني ومن موضوع العملية وموضوع العمية ده؟ أنا إزاي نسيت أكلمها.. لا لا يا جاسر بقا أربع أيام سيبها تعرف ساعتها أحسن. عشق: أستاذ جاسر.. بتكمل بضيق: أنت بجد بتفصل زي نغم.

جاسر لما سمع اسمها من عشق اتذكر وهي بتقول له أختي سندريلا، واتذكر كلامه معاها، وكل ما يقول لها إنه هيموت بيتذكر إجاباتها، وغرق في موجة ضحك. جاسر وهو بيحاول يوقف ضحك: مش قادر. دي نغم مصيبة، إزاي اتحملتيها 11 سنة وأنا كنت هتجنن وهي معايا ليوم قبل ما أجيبها لك!! بس هي نغم بنت طيبة أوي وذكية، بس مش بتحب تبان شخصيتها الذكية دي قدام حد، وبتفكر كويس.. والحاجة الأهم إنكم قدرتوا تساعدوا بعض يا عشق وكنتوا سند لبعض.

عشق: معلش، أصل نغم دي أختي الصغيرة. مصيبتك الصغيرة عارف. جاسر: بجد؟؟ عندها كام؟ عشق: هتبقى 18 بعد أربع أيام. جاسر بيعمل نفسه بيفكر بحاجة: هااه، صدفة غريبة.. متهتميش بكلامي، ربنا يحفظها لك. عشق: آمين.. وانت عندك ولاد؟ جاسر مش اتوقع سؤالها بس جاوب بابتسامة: آه، عندي ولد وبنتين. عشق بحب: يبقى ربنا يحفظهم لك.. وكده نحن متعادلين، أصل مش بحب الديون، وخصوصًا لو الموضوع يخص نغم.

جاسر بضحك بخفة: ماشي يا ستي.. عطلتك عن شغلك، اتفضلي. هو أنا لو بإيدي مش هسيبك ترفعي ورقة من الأرض، بس إنتي عنيدة أوي وهتتعبينا أنا ونغم جامد. عشق: عن إذنك.. بتكون عايزة تطلع بس بتفتكر القلم. بتقرب من مكتبه. عشق: هو القلم ده المدير القديم قالي أحطه في المكتب وهو مهم. جاسر: آه، هو القلم ده بتاعي، خديه معاكي يمكن تحتاجيه. وأنا هحتاجه علشان أطمئن عليكي إنتي ونغم. وأسمع صوت الشقية دي من قريب، أصلها وحشاني. عشق: ماشي..

بتطلع بتروح شغلها. جاسر كان متابعها لحد ما راحت من قدامه. جاسر بتنهد: الأربع أيام دي تخلص إمتى بقا ونرتاح كلنا يارب. خلصنا من العذاب ده، كفاية التحملوه نغم وعشق لحد اللحظة دي.. بكمل بنبرة جدية وهدوء: أنا بعد أربع أيام هقلب كل حاجة، وهيرجع كل واحد لمكانه الطبيعي. اليوم بيعدي وعشق بتنبسط أوي بسبب تعامل زملائها الجدد. بتخرج. جاسر: عشق تعالي أوصلك. عشق: لا يا أستاذ جاسر، بلاش تتعب نفسك. جاسر: مفيش تعب، يلا.

عشق: آسفة بجد مش قصدي أضايقك، بس بجد مش هعرف أركب معاك العربية لوحدنا.. أنا مش بحب الأجواء اللي زي دي، وأنا واثقة فيك وكل حاجة، بس مش بقدر. جاسر بتنهد بحزن لأنها مفكرة إنه ممكن يأذيها، فاهم إنها مش بتقدر تتأقلم على البشر اللي زيه وبتشوفهم بمكانة أعلى منها. جاسر: لا عادي.. طب ماشي، أنا هروح. تصبحي على خير. عشق: أتمنى متكونش زعلت مني. جاسر بلبس نظارته الشمسية: لا مزعلتش ولا حاجة، المهم عندي راحتك..

ببص على جزمتها وبشوف واحدة مش مربوطة. بنزل وأربطها لها وهي بتتصدم أوي منه. عشق بصدمة: أنت بتعمل إيه حضرتك؟ يا ريت تقوم قبل ما حد يشوفك. جاسر بيبص عليها بعدم فهم: ويعني إيه إذا شافني حد؟ إنتي كنتي هتقعي لو مش ربطتهالك، شكلك مش بتعرفي تربطيه لوحدك. عشق: إزاي مش فاهم؟ إزاي يعني إيه؟ هو إنت ناسى إنك مدير المكان؟ جاسر: برضه مش فاهم، فيها إيه لما أساعدك يعني؟

هو علشان أنا مدير المكان أبقى زي الحمار اللي قبلي وأزعق فيك وأهينك؟ أنا مش زي غيري يا عشق.. المال وكل حاجة ده كله مش بيهمني، قد ما يهمني إني أكون حد عابر في حياة شخص بس مش بسمح له ينساني من الذكرى الحلوة اللي بينا.. العالم كبير وإنتي عارفة أنواع البشر، بس مش كلهم سيئين، أنا مش زيهم، فاهمة يا عشق؟ عشق: فاهمة، بس برضه ممكن تقوم بقا.. أنا خايفة على صورتك قدام موظفينك. جاسر بتنهد بيأس وببص على عيونها وبقوم: آه، اهو قمت.

عشق: شكرًا. جاسر بضيق: عفواً، أنا همشي.. بروح. عشق بزعل: هو اتضايق مني؟ فونها بيرن. بتبص بتلاقيها يمنى. بتبتسم تلقائيًا بترد. عشق: حبيبتي، عايزة إيه؟ لو عايزة شوكولاتة قولي، مزاجي حلو وهجبلك من غير ما أنكد عليكي. نغم بتضحك: صدمة، اعترفتي إنك نكدية؟ إيه؟ في إيه؟ عشقي مبسوطة أوي.. متكونيش بتستبدليني في الشغل؟ هقتلك ساعتها. عشق: نغم، أنا يوم هتبرى منك بسبب غبائك، صدقيني. نغم بتضحك. عشق بتستغرب. في العادة نغم بترد.

عشق: نغم، إنتي كويسة؟ حصل معاك حاجة؟ نغم: هااه، عرفتي إزاي؟ عشق: الحاسّة السادسة.. ما تنطقي وتقولي إيه فيه يا هبلة!!! نغم بألم: أنا جرحت إيدي. عشق بخوف: إيه؟ بجد؟ جرح كبير؟ عقمتي الجرح؟ نغم بألم: آه، كبير أوي. عقمتُه بس هو بيوجعني أوي يا عشق، حاسة إيدي اتشلت.. هي فكرك ممكن تتشل من الجرح؟ عشق: لا مش هتشل، طب دقائق وأكون عندك، ماشي.. بتقفل. عشق: إزاي هشتغل مع البنت العيلة دي؟ يوووووه، هي مش بتقدر تهتم بنفسها حتى؟

قال عشق أنا كبرت قال. بتجري وتروح البيت وتتصل بسرعة. بتدخل وتروح الغرفة فوراً. بتلقى يمنى مع نغم. عشق بتقرب من نغم: فين الجرح ده؟ هاتي أشوفه.. نغم بتمد إيدها. عشق بتشوفه جرح صغير. عشق: وحياتك يا نغم، إنتي عايزة تجنيني؟ هو ده جرح كبير؟ لا وايدي هتشل يا عشق! نغم، محدش هينشل غيري من تصرفاتك. اعقلي بقا.. أنا هرجع الشغل.

يمنى بتقوم: أنا هروح أتخانقوا براحتكم، تصبحوا على خير.. على فكرة، كده هي جرحت نفسها وهي قاصدة علشان ما تروحيش الشغل وتتعبي زي أمس. بتروح. عشق: خربيتك يا يمنى، إنتي أطلقتي سراح الوحش وسيبتيني معاه. عشق بعصبية: أنا بجد عايزة أفهم، مالك إنتي؟ اتجننتي؟ إزاي بتعملي كده؟ تأذي نفسك علشان ما أروحش الشغل؟ إنتي أكيد حصل لدماغك حاجة يا نغم، إمتى هتعقلي بقا.. أنا بكلمك على فكرة. نغم عيونها بتتملي دموع وبتعيط.

عشق بضيق من عياط نغم: بتعيطي ليه؟ نغم بعياط: إنتي بتزعقي فيا يا عشق!! عشق: لأنك واحدة هبلة وأنا لسه مبدأتِش أزعق فيكِ، فأحسن تبطلي عياط وإلا هرميك لكلاب. رجعنااااا. نغم بعياط: وشفتي؟ بتهدديني كمان. عشق: نغم، هتبطلي عياط وإلا أعملها بجد. نغم: أنا مش هنصدم لو عملتيها. نغم بتغطي نفسها بالغطا وبتعيط. عشق بتقرب

منها وتبعد عن نغم الغطا: نغم، أنا آسفة خلاص، بطلي عياط وهسيب الشغل الإضافي كمان، بس خلاص متعيطيش أرجوك يا نغم، أنا مفيش حاجة بتوجعني أكتر من إني أشوف دموعك.. بتكمل بمرح: قومي يلا، هخرجك ونروح ناكل آيس كريم ونبرد أعصابنا شوية. نغم: مش عايزة آكل ومش عايزة أكلمك. عشق: دي طريقة، والطريقة التانية هي.. بتقرب من نغم ودغدغها ونغم بتضحك أوي وعشق بتضحك لما تشوفها كده. عشق بتكمل بحب وهي بتقرب راسها من راس نغم: هاه؟

كده بقدر أتنفس وقلبي بينبض، إنما لما أشوف دموعك دي بحس دمي وقف ونبض قلبي وقف معاه، يا نغم. نغم بابتسامة: بتحبيني للدرجة دي يعني؟ عشق: أكتر ما تتخيلي يا نغم. نغم بتفرح أوي وتحضن عشق: وأنا بموت فيكِ يا عشق. عشق بتبادل نغم الحضن وهي مبسوطة لأنها قدرت توقف عياط نغم. جاسر بيبتسم وهو بيسمع كلامهم. جاسر: شكله حبيبته بعض أكتر ما أتخيل. عشق: هاه؟ يلا نروح ناكل الآيس كريم؟ نغم: لا مش عايزة، سيبنا كدا..

بتمسك إيد عشق: عايزة أفضل جنبك على طول. عشق بتضحك: وإنتي هتروحي فين يعني؟ ما أكيد هتبقي معايا وتجلطيني لحد ما أموت. نغم بحزن: آه، أنا مش عايزة أسيبك أبداً يا عشق.. بس أنا خايفة إنتي اللي هتبعدي عني. هو أنا لو كذبت عليكِ في حاجة هتسيبني ساعتها؟ عشق بتبص على نغم وتقول بهدوء: أنا مبحبش الكذب، فممكن أعمل كده. الإجابة صدمت نغم وجاسر أوي. عشق بتضحك على تعبير وش نغم: بهزر يا هبلة، هو أنا مقدرش أعيش من غيرك ثانية؟

هلحقلك فين ما تروحي؟ نغم قلبها كان هيوقف بس بتطمئن بعد كلام عشق: إنتي خضيتيني أوي على فكرة. عشق: وإنتي هبلة، إزاي مش واثقة فيني للدرجة دي؟ أنا مش بقدر أبعد عنك يا نغم. نغم بتستغل الفرصة وتقول ببراءة: بتحبيني قد إيه؟ عشق: هممم.. بتمسك إيد نغم المساكة إيدها: اتخيلي إيدك دي قلبي، ومساحة حبي ليكِ هي المكانة المغطية بإيد. نغم مش بتقدر تبص على إيدها بس بتحس إن إيدها كلها متغطية بإيد عشق. نغم: بس دي كلها متغطية؟

عشق بحب: يبقى كله ليكِ وحدك. نغم بفرحة: هيهيء، عشق بتحبني أوي يا سلام.. طب خففي تنمرك وتريقتك عليا شوية. عشق: ااه صح، هو أغلب المساحة دي حب في التنمر والتريقه عليك، والباقي علشان جمال عيونك. نغم بتقلب وشها: والله!!! عشق بتضحك: لا.. بتقرب راسها من راس نغم وتبوسها: يلا على النوم، تصبحي على خير.. بنام. بعد 3 أيام.

عشق ونغم بيفوقوا وبيتجهزوا وبيروحوا مدرسة. نغم وعشق بيروحوا على شغلها بعدها. في الـ 3 أيام دول حبت جاسر أوي وحسّت إنه ملاك مش إنسان، وبقت تحب تشوفه دائمًا قدامها وبتحس بوجوده بأمان، وبقت تحب الشغل أوي وزملائها الجدد واحترامهم لبعض. بتوصل المطعم بتروح مكتب جاسر بتدخل. عشق بمرح: صباح الخير يا معلم. جاسر بابتسامة حزينة: صباح الخير يا عشق. عشق: مالك زعلان؟ حصل حاجة؟

جاسر بتنهد بتعب: ابني عايز ينزل مصر، وده هيسبب مشاكل في الوقت الحالي.. بغمض عيونه: هو عاقل وكل حاجة، بس المرادي فيه أسباب تنسيه ده وهتخليه مجنون، ويمكن يقتل واحد، وأنا مش ناقص مشاكل الفترة دي بالذات. عشق: بس هو أكيد وحشك. جاسر: آه، بجد عيالي وحشوني أوي. عشق: البنات مش عايشين معاك يعني؟ جاسر: بنتي الكبيرة متجوزة، والصغيرة مش معايا حالياً. عشق: هااه، أكيد بتحس بالوحدة جامد.