رواية انقذتني الفصل السابع والعشرون 27 - بقلم يارا احمد

اول ما ينزلوا بتيجي بنت جاريه على غسان وبتحضنه. هو وكيان انصدموا. غسان بيبعدها عنه بسرعة وبص عليها. البنت بدلع: غسان حبيبي وحشتني أوي. غسان بجمود: انتي إزاي بتقربي من راجل كدا؟ هو أنا من محارمك وأنا مش عارف؟ البنت: بس إحنا هنتجوز. غسان برفعة حاجب: والله مين قال كدا؟ وبعدين يا بنت عمتي أنا متجوز. البنت بصدمة: إيه!! غسان بيمسك إيد كيان وبيجرها على حضنه: وأنا بحب مراتي أوي يا ريت تلتزمي حدودك لأنها مبتحبش حد يقرب مني.

البنت بتبص على كيان بضيق. صوت كبير من ورا البنت: إزاي يعني اتجوزت يا ابن أخويا؟ غسان ببرود: إيه المش فهمتيه يا عمتو؟ وبعدين أكيد مش هتجوز بنتك كل يومين مع راجل يعني. كيان لسه مصدومة من كلامه ومن طريقة كلامه. غسان بيبص على كيان وبيبتسم: يلا يا حبيبتي. بيتحركوا. بيسحب لكيان الكرسي وبيعدها تحت أنظار عمته وبنتها اللي هيموتوا من الغيظ. بيعد جنبها وبياخد نفس. وبيقرب من ودنها وهمس: ممكن متستغبيش؟ أصلي مبحبهاش هي وأمها.

كيان بهمس: ما طبعًا أنت قولت إنك بتحبني، أكيد هفهم إنك بتكرههم أوي لدرجة تقول كدا. غسان بيبص عليها بس مبردش. غرام بتنزل مع عشق. بتشوف عمتها وبنتها وبتنصدم. غرام بهمس: يخربيت إيه داااا! منين طلعولنا؟ عشق جاريتها: غرام أنا مش حبيتهم. غرام بتضحك بصوت منخفض: وهتأكدي شعورك دا؟ تعالي بروحوا. عمتو وميرا عندنا إيه الصباح المنور دا! غسان بهمس: قصدك المنيل يا غرام. عمتها: هو إيه دا اللي بيحصل؟ إمتى غسان اتجوز؟

فين عمك جاسر يا غرام؟ غسان بيبص عليها بغضب. غرام بتحاول تهديه بنظراتها: معرفش بابا فين. وغسان اتجوز من يومين، هو كرت الدعوة موصلش لحضرتك يا عمتو؟ عمتها: آه موصلش. غرام: علشان كدا مش جيتي، فكرتك زعلانة على موضوع ميرا وغسان وإنه مفيش نصيب بينهم. غسان بضحك بصوت منخفض وبهمس: عسل يا غرامي عسل. عمتها بغيظ: لا عادي، أكيد مش هزعل من ابن أخويا. غسان: عشق اتفضلي. اقعدوا علشان نأكل يا جماعة. ميرا بضيق: هي دي مين؟

غسان كان هيسحب مسدسه بس بيحاول يهدي نفسه. غرام: دي صحبتي، يا ريت تبقي تتكلمي أحسن يا ميرا. عمتها: هي ليه موجودة هنا؟ غرام: أفتكر دي حاجة تخصنا إحنا. أظن الفيلا دي بتاعة بابا، يبقى بمزاجنا نجيب أي حد عايزينه. غسان بيبص عليها بصدمة لأنها دايما بتكون عاقلة ومش بترضى تتكلم كدا، بس بوجود عشق الموضوع مختلف، هي لازم تحميها. عشق بهمس: غرام كفاية مش عايزين مشاكل، سيبنا نأكل. غرام: اتفضلوا. بيقعوا. رعد بينزل من السلم.

غسان بيبص عليه: رعد. ميرا بتجري على رعد وتحضنه: رعودي حبيبي، شوف غسان وغرام بيعاملونا أنا وماما إزاي. رعد بصدمة: إمتى جيتوا؟ غسان وغرام بيضحكوا على تعابيره. رعد بيبص عليهم بغيظ بس بيبتسم لما يشوف غرام تضحك. رعد بيبعد عنه ميرا: ميرا مينفعش كدا، أنا ابن خالك بس دا مش بسيبك تحضنيني كدا. بيبعد عنها وبيروح يسلم على عمته وبيقع وبياكل. عمتو: رعد هو عمك فين؟ رعد: معرفش يا عمتو.

عمتو: يجوز ابنه في السر ويهرب، والله أعلم مين اللي جايبها لينا المرادي. كيان بتتضايق من إهانتها. غسان بصوت عالي: يا ريت تلتزمي حدودك مع مراتي. ولا اتفضلي انتي وبنتك، الباب بفوت جمل. كلهم بينصدموا منه. غرام ورعد بيبصوا لبعض بابتسامة إن غسان أخيراً مشاعره تجاه كيان بدأت تظهر. عمتو بتقوم بعصبية: هي إيه قلة الاحترام دي! أنا ساكتالك من الصبح.

غسان بيبص عليها بضيق: والله يا عمتو، افتكر انتي اللي بدئتي قلة الاحترام دي، وانتِ عارفة نهاية كلامك إيه. أنا مجنون وانتِ عارفة. يعني عادي أرجعكم في أول طيارة نازلة أمريكا بسبب كلامك ده. عمتو بعصبية: غسان انت ناسي إنك بتكلم عمتك. غسان بكره: وهنسى إزاي إنك كنتي بتعاملي ماما وحش أوي؟ اطمني أنا أنسى أي حد وما أنساكي. بيكمل بسخرية: يا عمتو. بيقع. انتم متخلونيش لنفسي آكل أصلاً. بيخرج. كيان بتأخد سندويتش وتلحقه.

غسان: عايزة حاجة؟ كيان بتمد السندويتش: خد دا. غسان: بس أنا مليش نفس، خديه انتي وروحي الغرفة وبلاش تطلعي منها عشان العقربة وبنتها دول ميقربوش منك. كيان بتقرب منه وتمسك إيده وتحط السندويتش: أنا بهتم بنفسي كويس، وانت خد دا وانت ساكت. غسان بيتنهد بيأس: ماشى. كيان بترفع إيدها وتلعب بشعره وتخربه له وهو بيبص عليها بصدمة. كيان بابتسامة وحب: على فكرة كدا خالتو غرام كانت بتحبك أوي وهتفضل تحبك أوي، متسبش حد يقلل منها.

غسان عيونه بتلمع. وكيان بتروح بسرعة. غسان بيروح العربية وبيحط راسه على الدركسون وبيتذكر كلامها وحركتها. هي في الأصل حركة مامته. غسان بوجع: ماما انتي سبتيني لوحدي ليهه! بيسوق وبيروح البحر وبيأكل السندويتش ويهدي نفسه. وبيروح الشغل بيشوف رعد. رعد: وصلت، عشق متخفش عليها. غسان بيهز راسه: عمري مختفش على إخواتي وانت موجود يا رعد. رعد بيبتسم بهدوء: إحنا سند بعض يا غسان.

غسان بيبتسم: أكيد. ربنا يعينا على الأيام المنيلة الجاية دي! رعد بشرود: آمين. المساء. غسان بيرجع البيت وبيكون تعبان وبيروح غرفته. غسان بيفتح الباب وبيقع على كيان. بيشوفها بتضحك وهي ماسكة الفون وحاطة السماعات. كيان بتضحك: والله كدا يا شريف! ربنا يجوزك ونتريق عليك كدا. عدي بضحك: كيان شريرة أوي، بس الشر إنك تدعي عليه. كيان بتضحك: ماشي يا عدي، بدعي عليك كمان نتخلص منك يا زعيم. عدي: أنا! حرام عليكي يا كيان.

شريف وكيان بيضحكوا. كيان وهي بتضحك: طب خلاص هعفو عنكم المرادي، تصبحوا على خير بقا. دا أنا لازم أرجع الشركة. شريف: أكيد هي وحشة بدونك يا أميرتنا. كيان بتبتسم بحزن: آه عارفة. تصبحوا على خير. شريف وعدي: وانتي من أهلوا. بتقفل معهم. بيبان عليها الحزن والشرود. كيان بحزن: أنا لازم أكدب وأتصنع السعادة الأيام دي. بتنفخ بضيق وتلتفت وبتشوف غسان واقف في الباب وبقفله. غسان بهدوء: اتحسنتي؟ كيان بتبتسم: أنا كويسة شكراً.

بتقرب منه: انت كويس؟ غسان: كويس. ليه بتسألي؟ كيان: الحصل الصباح، انت كنت مضايق، أكلت؟ غسان: لا ومش عايز. أنا هنام لأني تعبان. نامي على السرير وخذي الدوا. كيان: لاا تعال نام على السرير. غسان بينام على الكنبة: كيان أنا تعبان مش قادر عايز أنام. كيان بتبص عليه بزعل: غسان انت كويس؟ بهز راسه. ماشي متنمنش، أنا هروح تحت وأرجع. بهز راسه. بتروح تحت تعمل أكل وتعمل عصير وتطلع بتشوفه نايم. انت مش سمعت كلامي في حياتك.

بتقرب منه وتفوقه. غسان غسان. غسان بيفوق: مالك يا كيان؟ كيان بتساعده يعدل جلسته: يلا الأكل. غسان بنوم وتعب: أنا مش قولت مش عايز. كيان: انت بس افتح بقك. بفتح بقه وبتاكله وبتشربه العصير. برافو عليك يا شطور، أهو كمل يلا نام. غسان ابتسم على كلامها ونام. وهي أخدت الصينية ورجعتها المطبخ. وكانت هتطلع تاني بس بيوقفها صوت ميرا. ميرا بسخرية: أنا وغسان لبعض مهما عملتي، غسان المالكي هيفضل ملكي أنا وبس. كيان

بتبص عليها وبتضحك بسخرية: مش شايفة إنك رخيصة أوي لدرجة جارية ورا راجل متجوز عشان فلوسهم. ميرا بعصبية: أنا بحب غسان. كيان بتنزل من السلم وتقرب منها وتقول باستفزاز: وهو واضح إنه مبحبكيش ولا بطيقك، يبقى يا ريت تسيبي جوزي في حاله. عشق بتدخل وبتشوفهم بيكلموا بعض. ميرا بزعيق: اسمعني يا روح ماما، أنا معنديش وقت. وفجأة بتسكت لما كيان أدتها قلم. كيان بعصبية: أمي لو جبتي سيرتها على لسانك بقطعهولك، سامعة! ميرا مسكت

مكان الضربة واتعصبت جامد: تضربيني أنا قلم! عمره محدش ضربني قلم، جاية تضربيني انتي! مامااااا. بزعيق أكتر. ماماااا. مامتها وغرام بيجوا على صوتها العالي. مامتها بخوف: في إيه يا حبيبتي مالك؟ ميرا بتعيط وبتجري تحضن أمها: ماما البنت دي ضربتني قلم. مامتها بصدمة: إيههه! بتبص على كيان بغضب: انتي إزاي تتجرأي. غرام بتقرب من كيان: كيان حبيبتي انتي كويسة! إيهه اللي حصل؟ عشق: غرام.

بتقرب منهم: كيان مش غلطانة وعلى فكرة كدا البنت دي تستاهل أكتر من القلم. كيان بتتفاجأ من كلامها. وميرا وأمها بيعصبوا جامد. عمتها بزعيق: وانتي إيه دخلك؟ افتكر إنك ضيفة. وبس. عشق بلا مبالاة: وأنا افتكر إنكم ضيوف وبس. فـ أحسن تلزموا حدودكم مع مرات غسان، لأنه لو عرف بالبنت دي اللي قالته هيفرغ فيها المسدس، صدقيني. بتكمل بسخرية: أصلاً هو كان عايز يعمل دا من الصباح بس ربنا أنقذ بنتك بغرام.

ميرا بضيق: انتي إزاي بتكلمي ماما كدا! تربية شوا! غرام بعصبية: ميرا لمي لسانك أو هندمك. رعد بيدخل وبيسمع صوتهم العالي: في إيه يا جماعة؟ عمتو بعصبية: في إن بنت عمك وابن جاسر اتجننوا على الآخر! رعد: اهدئي يا عمتو. عشق اطلعي فوق وخذي غرام وكيان معاك، ماشي. عشق بتهز راسها وبتخدهم لفوق. رعد بيفضل سامع كلام عمته وبيمتص كل غضبها. عشق بزعل: كيان متخفيش، أنا هكلم غسان وهسيبه ياخد حقك من البنت دي تالت ومتلت.

كيان لسه مصدومة، هي فكرت عشق بتكرهها عشان جوازهم هي وغسان، بس عشق بتتصرف عكس كدا. كيان دماغها بتوجعها وبتهز راسها وبتروح غرفتها وهي مش فاهمة حاجة. عشق بضيق: يووه نغم مش هتيجي اليوم كمان. غرام بتضحك: أول يوم تناموا من غير بعض، أنا فكرتكم هتموتوا! عشق بتضحك: لا كله بفضل الفون، أصل اتكلمنا لحد ما روحنا في النوم. أنا هروح أكلمها، تصبحي على خير. غرام بحب: تصبحي على خير يا حبيبتي. بيروحوا.

كيان بتدخل الغرفة وتروح تغطي غسان وتروح تنام. الصباح. في فيلا الكيلاني في مكتب أسير. نغم: جدو دا انت بجد مش هتسيبني أروح لعشق! أسير: نغم افهميني، لو رحتي لعشق هي مش هتقرب من أهلها، سيبها تقرب من أهلها وبعدها ارجعوا زي ما كنتوا. نغم بضيق: ماشي يا جدو. أسير بضحك: نغم بلاش صباحك يقلب، أصل عندك امتحانات الأيام الجاية دي. نغم: هاه، أديك بتهتم ي سيدي! أسير بابتسامة: آه مش أوي يعنى.

نغم بتضحك: مش قولت لك إننا هنحب بعض أوي المرادي يا جدو. يلا باي، هروح أشوف البت رهف دي بتعمل إيه. بتروح. في الفيلا المالكي. غسان بيفتح عيونه وبيقول بنوم: هي الساعة كام؟ بيشوف الساعة وبتنفض من مكانه: الساعة 10! إزاي أنا نمت كل دا! الاجتماع ال.. كيان بتدخل وهي بتعيط، بنصدم وبتخاف عليها أوي. كيان بعياط: غ.. غسان. غسان بيقرب منها بسرعة وبخوف: مالك يا كيان!

كيان بترمي في حضنه: غ.. غسان هي قالت.. هي قالت إنو ماما مكنتش بتحبني.. غ.. غسان م.. ماما. أنقذتني🤍 بقلمي _يارا _احمد