رواية أنت حلمي الفصل العاشر 10 - بقلم صباح سامي

حمزة اتجنن عالآخر، وبعدين بدأ ينزل فيه ضرب. حياة بعياط: حمزة كفاية. حمزة اتوتر: انتي ازاي جيتي هنا؟ حياة: كريم جابني. حمزة: وإيه علاقتك بيه؟ انتي اتجننتي؟ حياة: كنت خايفة تعمل حاجة وهو ساعدني والموضوع اللي بيني وبينه انتهى وهو زي أخويا. هيثم: انتي جيتي أخيراً. حمزة: اخرس مش عايز أسمع صوتك. هيثم: حتى لو معرفتش دلوقتي مصيرها هتعرف. حياة: أعرف إيه؟

حمزة: امشي يا حياة، وأنت حضّر نفسك عشان ساعتين وهتيجي تكتب على أختي، فاهم؟ *** الصياد: أنا مش فاهم، يعني إيه بنتي تتجوز كمان ساعتين؟ أنت اتجننت؟ حمزة: اللي بقوله هو اللي هيتنفذ. الصياد: أنت اتجننت. حمزة: ولا تحب أوريك لمراتك فيديوهاتك المتسجلة. الصياد: مراتك! آخرتها بعد ما ربتك كل السنين دي تقول عليها مراتك.

حمزة: أنت عارف كويس إنها مش أمي، وأنا عارف الكلام ده، يبقى كلامي هيتسمع. أختي هتتجوز وإلا كل حاجة هتوصلها، فاهم؟ حمزة مشي من المكتب وراح جهّز المأذون والشهود. *** ليلي: أنا خايفة يا حياة، أنا حاسة إن حمزة بيتصرف غلط. حياة: متقلقيش، كل حاجة لمصلحتك وهتبقي كويسة وهتتجوزي وهتعيشي حياتك. ليلي: مش عاجوز واحدة عاهرة شبهي!

حياة: بس متقوليش كده يا ليلي، انتي أجمل البنات، الشيطان بس انتصر عليكي وحبك لي عماكي، ولكن كل حاجة هتتصلح، تأكدي من ده. ليلي حضنت حياة وبدأت تنزل على السلم. ليلي فضلت طول ما بيكتب الكتاب حاطة وشها في الأرض. حمزة: حلو أوي يا شيخ، زي ما كتبت الكتاب، أسبوع بالظبط وهتيجي تطلقهم، فاهم. الشيخ باستغراب: تمام. *** عدى 6 أيام وقبل يوم الطلاق. حياة: الو، مين. كريم: أنا كريم يا حياة. حياة: نعم يا كريم.

كريم: مش عارف أقولك إيه بس لازم تيجي حالاً في فندق... حياة: فيه إيه. كريم: لازم يا حياة، موضوع يخص حمزة. حياة: دقايق وهاجي. بعد نص ساعة. حياة وكريم وصلوا الفندق. كريم: فيه حجز باسم فادي سعيد، هو في الأوضة رقم كام. السكرتيرة: أقدر أفهم ليه يا فندم. كريم اداها مبلغ: أظن كده مش محتاجة تفهمي. السكرتيرة: تمام، هو في الأوضة 112. حياة طالعة مع كريم. حياة: كريم، أنا مش فاهمة حاجة، مين ده. كريم: دلوقتي تفهمي.

وطلع يخبط، بنت فتحت. البنت: مين أنتو. كريم دخل وشد حياة وفتح الباب. لقيت حمزة لابس بيجامة وقاعد بيتفرج على التلفزيون. حمزة: مين بيخبط يا حبيبتي. حياة: حبيبتك! وحمزة يبقى فادي! حمزة بفزع: حياة، انتي ازاي هنا. كريم: بان على أصلك يا حمزة. حمزة: انت اتجننت! انت إيه يا أخي عايز إيه مني.

كريم: بان على حقيقتك، هو السبب يا حياة في قتل زينب، كان مجوزها عرفي ولعب بيها وخلى أهلها يعرفوا لما مرضتش تنزل البيبي، وكل شوية مع واحدة باسم مختلف ويتجوزها ويضحك عليها. رؤى متدخلة: يعني إيه الكلام ده؟ مين حمزة؟ دا فادي! كريم بضحك: مش حرام عليك يا أخي. حمزة: حياة، صدقيني اسمعي. حياة بعياط وبدأت تصرخ: انت إييييي شيطااان إبليسسس! أنا بكرهك يا حمزة بكرهك!

انت مريض ولازم تتعالج، بس بعد إيييي، بعد ما حبيتك وفي بطني ابني منك، مش عارفة أكرهك، مش عارفة أصدق كل ده عنك، أنا بحبك وحبيتك فاهم يعني إيه، بس للأسف أنا كل ده كنت لعبة من ألعابك القذرة. طلقني يا حمزة طلقني وابعد عني أنا وابني اللي في بطني. وطلعت تجري. وركبت تاكسي. وللأسف في نص الطريق حمزة كان بيجري وراها بسرعة جنونية لحد ما خبط عربيتها بكل عنف. حمزة في نفسه: يا تكوني ليا تموتي يا حياة. ***

حنان: قومي يا حياة، قومي يا بنتي عشان شغلك. حياة: حمزة لااا، أرجوك، متتنيش، أنا بحبك، ابني لا. حنان: يوم بسم الله الرحمن الرحيم، قومي يا حياة. حياة: ماما، إحنا في بيتنا إزاي. حنان: ...