رواية أنت حلمي الفصل الحادي عشر 11 - بقلم صباح سامي

حنان: قومي يا حياة، قومي يا بنتي عشان شغلك. حياة: حمزة لأ، أرجوك. متقتلنيش، أنا بحبك. ابني لأ. حنان: يوة، بسم الله الرحمن الرحيم. ما تقومي يا حياة. حياة: ماما، إحنا في بيتنا إزاي؟ حنان: انتي اتعكستي ولا إيه؟ حياة: إحنا في بيتنا! طب وحمزة وابني وكريم! والفندق والحادثة. حنان: في إيه يا حياة؟ شكلك امبارح لما جيتي من الشغل كنتي تعبانة ولا حاجة عشان كده حلمتي حلم وحش.

حياة: لأ، أنا مش مجنونة. وبعدين بدأت تستوعب، وعشان أهلها ميلاحظوش، قامت حياة غسلت وشها. حنان: الراجل عاوز الإيجار يا حياة، وإلا هيمشينا برا. حياة: أيوه، ما هو ده حصل. وبعدين هتقوليلي تعالي نقعد عند ميرفت هانم. حنان باستغراب: ما أنا قلتلك كده قبل كده ونتي رفضتي. حياة: بس لأ، أنا هصلح كل حاجة. حنان باستغراب: مالك يا بنتي؟ انتي اتجننتي.

حياة طلعت تجري على الشغل، فضلت مستنية قدوم حمزة عشان تتأكد إنها صح. أول ما دخل قلبها دق جامد. حمزة دخل المحل: نقل لي أغلى برفان هنا في المحل. حياة: وطبعًا هتقولي خد هدية ليكي. حمزة: إيه العبط ده؟ في بنت محترمة تقول كده. حياة استغربت واتحرجت: أنا آسفة، بس أنا... أنا حلمت بيك امبارح. حمزة: انتي مجنونة؟ انتي مين؟ حياة: مش مهم أنا مين. ممكن نقعد شوية. حمزة: وأقعد مع واحدة معرفهاش ليه!

حياة لاحظت إن حمزة جد شوية ومحترم غير الحلم. وبعدين رجعت تقول: هتقابلني ساعة في كافيه! وهحكيلك حاجات كتير عنك. هستناك سواء صدقتني أو لأ، بس أنا عارفاك وحلمت بيك. حمزة باستغراب: مش هاجي. حياة: هتيجي وهستناك بكرة الساعة 7. *** جه تاني يوم. حياة قاعدة في الكافيه بتبص على الساعة بتاعتها. الساعة جت 7 وخمسة، وحمزة لسه مجاش. حمزة دخل الكافيه بهيبته، حياة قلبها بيدق. حياة: كنت متأكدة إنك هتيجي. حمزة ساكت.

حياة: أنا أعرفك يا حمزة. أنا حلمت بيك من قبل ما أشوفك، بس كنت شخصية وحشة. كان في حياتك بنت اسمها زينب، وكنت السبب في قتلها. ليك ابن عم كمان اسمه كريم، واتجوزنا أنا وانت من وراهم شهر كامل. حمزة بضحك: عاوزاني بقى أصدق كل ده؟ ما ممكن جمعتي معلومات عني. وبعدين زينب دي بنت كنا بنحب بعض وسبنا بعض وهي عايشة عادي! حياة باستغراب: حلمي كان مختلف. وبعدين رجعت تكلم بسرعة: أختك! حمزة: مالها؟

حياة: أختك يا حمزة، في واحد تعرفه اسمه هيثم بيحاول يضحك عليها. يبقى أخو زينب. الحقها قبل ما يضحك عليها. المفروض إنه بيحاول يجر رجليها عشان يتجوزها عرفي عشان معاه فلوس يتقدم. حمزة بعصبية: وانتي عاوزاني أصدقك وإيه اللي بتقوليه على أختي ده؟ أنا همشي قبل ما أرتكب جريمة فيكي. وجاي بيدور ويمشي. حياة بصوت عالي: ميرفت مبتبقاش والدتك صح. حمزة وقف وقرب: عرفتي منين.

حياة: صدقني يا حمزة، أنا مش كدابة. في حاجات مختلفة عن الحلم آه، بس أنا ربنا بعتني ليك عشان تغير كل حاجة، وبعدين هبعد. حمزة بدأ يقعد: أقدر أوصل لهيثم إزاي. حياة: ليلي المفروض هتروح له بكرة في الشقة اللي عاوز يجوزها فيها. ارجوك متأذيهاش. أنا هروح معاك وهوريك المكان وتبعدوا عنها وتنقدها. حمزة بعصبية: هحاول أصدق. *** جه تاني يوم. حياة: الو يا حمزة، تعالي ف... أنا واقفة في الشارع مستنياك.

حمزة جه وبعدين وقف مع حياة ربع ساعة بيتكلموا ومستنيين قدوم ليلي. حمزة بدأ يبص لحياة وسرح فيها. حياة بضحكة جميلة: مالك. حمزة: مش عارف. وبعدين حياة لاحظت ليلي جت وطالعة. حياة: يلا نطلع وراها. حمزة مش قادر يمسك أعصابه. حياة قربت ومسكت إيده: أنا معاك، كل حاجة هتتحل. صدقني. حمزة بهدوء: تمام. وبدأوا يطلعوا وراها لحد ما هيثم فتح الباب ودخلها وقفلوا. هيثم: يلا امضي بقى. ليلي بعياط: مش عاوزة أعمل كده. ولقت الباب هبد هبد.

هيثم فتح الباب وأول ما فتحه، حمزة اتهجم عليه بالضرب وقال لليلي: انزلي انتي يا ليلي. ليلي بعياط نزلت مع حياة. حياة: متقلقيش، ربنا أنقذك. وبعدين حياة لقت هيثم نازل يجري. حياة طلعت تجري فوق، لقت حمزة غرقان بدمه. حياة: حمزة.