رواية أنت حلمي الفصل الخامس 5 - بقلم صباح سامي

كريم : هخطب. ثناء بفرحه: بجد؟ مين دي؟ كريم: إيه رأيك في حياة. ثناء: مستحيل ماما توافق، مستحيل يا كريم. كريم: انتي عارفة إني باخد قراراتي لوحدي. ثناء: إنت كده هتهدها فوق دماغنا. كريم: إنتي هتفرحي ولا تنكدي؟ ثناء: لو بتفكر فيه دا، هيبقى نكد. عند ليلي. ليلي: الو، هيثم متقفلش، أنا موافقة وهاجي بكرة بس متسبنيش. حياة دخلت عليها: بخ. ليلي بزعيق: إنتي إزاي تدخلي مرة واحدة كده. حياة: أنا آسفة، و جاية أمشي.

ليلي بعياط: استني بس يا حياة، أنا آسفة والله مخنوقة شوية. حياة قربت منها: مالك يا ليلي؟ إنتي كويسة؟ ليلي: آه كويسة، بس ضغط الامتحانات. حياة: متقلقيش يا حبيبتي، هتعدي، إن شاء الله. حمزة معدي من قدام الغرفة و دخل: ليلي وحياة مرة واحدة، أعوذ بالله! حياة: يا ساتر، هو إنت. ليلي بضحك: حمزة جه يقرفنا بقي. حمزة بغمزة لحياة: طب بذمتك أنا أرف؟ حياة ارتبكت: طب أنا هقوم أمشي بقي. حياة قامت من الأوضة وحمزة جه وراها.

حمزة: حياة استني. حياة: نعم. حمزة: ينفع أشوفك بليل؟ حياة: مينفعش يا حمزة، إنت لسه تعبان. حمزة: هستناكي بليل في الجنينة، هنتكلم شوية. حياة سكتت ومشيت. حنان: بت يا حياة، روحي السوق هاتي الطلبات. حياة: يووه يا ماما، مفيش غيري. حنان: يلا يا بنتي، محتاجين حاجات عشان الغدا. حياة لبست بنطلون جينز وعليه أوف شولدر من اللون الرصاصي، ولمت شعرها لفوق مع قليل من الشعر المبعثر، كانت قمة في الجمال. حمزة: بس بس، رايحة فين؟

حياة: السوق. حمزة: لوحدك؟ حياة: فيها إيه يعني. حمزة: هروح معاكي. حياة: قولتلك إنت تعبان. حمزة: هنروح بالعربية. حمزة وحياة ركبوا ونزلوا السوق اشتروا الطلبات. حياة: حمزة، وقفت هنا ليه. حمزة: ناخد نفسنا. حياة: المكان دا فاضي، أنا خايفة أوي. حمزة مد إيده: واثقة فيا. حياة اترددت وبعدين مدت إيديها بدون وعي: واثقة. نزلت معاه من العربية وراحت لمكان مرتفع أوي، بس شايفه منه النيل وكل حاجة حواليها.

حياة بفرحه: الله، المكان دا حلو أوي. حمزة: دا مكاني المفضل، عمر ما جبت حد هنا. حياة: حتى هي. حمزة بتفهم وحزن: حتى هي. حياة: مش هتحكي. حمزة: مع الوقت هتعرفي كل حاجة. حياة روحت وحمزة، وبدأوا يجهزوا الأكل، وكان كريم وثناء وعبير مامتهم جم، وعز أخو الصياد والدهم. حياة كانت بتحضر الأكل. كريم: عاملة إيه. حياة: كويسة، ومشيت على طول. بعد الأكل. كريم: أنا عاوز أكلمكم في موضوع مهم. حمزة: خير يا عم. كريم: أنا هخطب.

عبير بفرحه: مين دي المحظوظة يا ابني. كريم: حياة. الكلام نزل صعقة على حمزة. عبير: مين دي تتجوزها؟ بت الخدامة؟ إنت اتجننت ولا إيه. عز: إيه الكلام دا يا كريم. كريم: أنا قولت قراري، حياة يا حياة. حياة جت: أيوا أيوا. كريم: تتجوزيني. حياة بارتباك: إيه البتقولوا دا. كريم: زي ما قولت، تتجوزيني. عبير: إنت اتجننت يا كريم، إنت بتعصي أمك!!! حمزة بكل

برود وزعيق أخرس الجميع: حياة روحي دلوقتي على المطبخ، وإنت يا كريم اتفضل روح، لما تبقوا تتفقوا تبقي تيجي تتكلم وقتها، متجبش إهانة لغيرك. كريم: أنا قولت اللي عندي، وإنتي فكري يا حياة، وهستنى ردك. حياة قاعدة بليل في الجنينة مستنية حمزة. حمزة جه وقعد. حمزة: هتجوزي؟ حياة: مش عارفة. حمزة عاد كلمته تاني: هتجوزي يا حياة؟

حياة: هو شكله بيحبني، وممكن أشتغل وقتها معاه وأنا وأهلي منبقاش خدامين، وكمان مش عارفة، منكرش إني معجبة بيه. حمزة: معجبة بيه. حياة بخوف وارتباك: آه، لما شفته أول مرة في الشركة. حمزة اتعصب ومسك حياة قربها من نفسه: حاسة بإيه. حياة: ابعد يا حمزة، مالك، وسيب إيدي، وجعتني. حمزة: انطقي!!! مش حاسة بيا؟ حياة: حمزة ارجوك ابعد، إيدي وجعتني. حمزة بجنان قرب أكتر وباسها من خدها: مش حاسة بحب حتى، بشوية إعجاب؟ لسه معجبة بيه.

حياة بصدمة: خلاص يا حمزة، عاوز تسمع إيه. حمزة: عاوز أسمع الصراحة. حياة: .....