رواية أنت حلمي الفصل السادس 6 - بقلم صباح سامي

حمزة اقترب منها وقبّلها على خدها: مش حاسة بحب، حتى بشوية إعجاب؟ لسه معجبة بيه؟ حياة بصدمة: خلاص يا حمزة، عايز تسمع إيه؟ حمزة: عايز الصراحة. حياة: مش هينفع يا حمزة، ارجوك. حمزة اقترب أكثر: عشان خاطري يا حياة، اتكلمي، وأنا مستعد أعمل عشانك أي حاجة. حياة: مشاعري متلخبطة، أنا مبقتش فاهمة نفسي. *** جاء يوم جديد وليلى نازلة من التاكسي. ليلى: أنا قدام العمارة، الدور الكام؟ هيثم: الرابع. ليلى طلعت ودخلت. هيثم: وحشتيني.

ليلى: أنت مش كنت تعبان؟ هيثم: تعبان عشان وحشاني. ليلى: طب ابعد كدا. هيثم: امضي طب. ليلى: حاضر. ومضت على ورقة جواز عرفي. هيثم يقترب منها: بحبك. ليلى: بلاش يا هيثم، أنا خايفة. هيثم: انتي مراتي. ليلى استسلمت للأسف. عند حياة. جاءت لتفوق وجدت نفسها على كتف حمزة. حياة بفزع: ينهار أسود، هو أنا نمت هنا؟ حمزة بنعاس: سبيني أنام شوية. حياة: قوم نامت عليك حيطة، لو حد شافنا هتبقى مصيبة. حمزة: إيه ده، أنا نمت بجد؟

حياة: هو الساعة كام؟ حمزة: الساعة 8. حياة: طب الحمد لله، ماما لسه ما صحيتش. حمزة: أحلى يوم في عمري. حياة: ونبي يا أخويا، ما وقته محن، قوم على أوضك كمل نوم. حمزة بغمزة: أحبك وأنتِ عنيفة. حياة مشيت وبدأت تبرطم. حمزة بصوت عالٍ: سامعاك يا اللي في بالي. حياة ضحكت. *** في المساء. حمزة: كنتي فين يا ليلى كل دا؟ ليلى بتوتر: كنت في امتحان وبعدين عندي كورسات. حمزة: ومال شكلك عامل كدا ليه؟ ليلى: مالي. حمزة: أنتِ تعبانة.

وقرب وضع يده على رأسها: فيكِ إيه؟ ليلى: أنا تمام يا حمزة والله، سبني أطلع تعبانة. حمزة: طيب. وأول ما طلعت أوضتها فضلت تعيط لحد ما نامت. تليفون حمزة يرن. حمزة: الو. نرمين بدلع: فينك يا حموزة؟ أنا تحت البيت. حمزة بفزع: تحت البيت إزاي؟ نرمين: جيت آخدك. حمزة: زي ما أنتِ، أنا نازل. نرمين أول ما شافت حمزة قربت منه وقبّلته من خده وحضنته: وحشتني يا حموزة. حياة بذهول: مين دي؟ حمزة: حياة، استني، أنتِ فاهمة غلط.

حياة: واضح إني فاهمة غلط. ومشيت وسابتهم. نرمين: مين المعفنة دي يا حموزة؟ حمزة: أنتِ إزاي تتجرأي تيجي بيتي؟ المرة الجاية هقطع رجلك، ومتتقربيش مني تاني. وطلع يجري ورا حياة. حمزة: حياة، اسمعيني. حياة: أنا كنت غلطانة يوم لما فكرت إنك إنسان كويس، مش عاوزة أسمعك. ومشيت. *** تاني يوم. كريم جه هو ووالدته ووالده وثناء. كريم بعد الفطار: فين حياة يا طنط حنان؟ حنان: في الجنينة. كريم: طيب ممكن تنديهالي. حنان راحت ندهتها.

كريم أمام العائلة: حياة، مقولتيش رأيك؟ حياة: أنا موافقة. حمزة بذهول وقام فجأة وقال: ...