رواية أنت حلمي الفصل الثالث 3 - بقلم صباح سامي

حمزة قرب وشه من وشها وحط إيده على وسطها: متأكدة. حياة بارتباك: ابعد لو سمحت. حمزة: ولو مبعدتش! حياة بارتباك: انت، انت واحد مش محترم. حمزة: طب مانا عارف. حياة زقته: أنا هوريك. مسكت كوباية العصير وحدفتها على وشه. حمزة بضحك: يعني دا آخرك. حياة طلعت تجري وسابته. حمزة في نفسه: ياترى إنتي عملتيلي إيه يا حياة، ليه دايماً صورتك قدامي، أنا مش هقدر أتوجع تاني. حياة راحت تنام وقلبها كان

بيدق جامد وبتكلم نفسها: إيه العبط اللي بتعمليه ده، إزاي تسمحيله يقربلك، أنا هوريك يا حمزة. ودخلت في ثبات عميق. *** يوم جديد على أبطالنا. حنان: يا حياة. حياة: إيه يا ماما. حنان: كريم بيه عايزك. حياة قامت تجري غسلت وشها وبعدين لبست فستان من اللون الكشمير الهادي وسابت شعرها لورا وحطت برفان بتاعها. حياة: أيوا يا أستاذ كريم. كريم: أنا قدرت أجيب لك شغل معانا في الشركة. حياة بفرحة: بجد.

كريم: أيوا يا ستي، تقدري تيجي من بكرة الشغل. حياة: شكراً أوي أوي يا أستاذ كريم. حمزة: أجيب لكوا ليمون. كريم: إيه يا عم، انت على طول واقفلي كده، أومال لو كنا زيك بقي كل شوية مع واحدة. حياة بضيق: الله دا حمزة معروف بقي بكده. حمزة بزعل وبص لكريم: يلا يا كريم نمشي. حياة طلعت فوق مع ليلي. حياة: ممكن أدخل. ليلي: طبعاً اتفضلي. حياة: احكيلي بقى يا ستي مالك مضايقة ليه. ليلي: مضايقة عشان حمزة.

حياة: ليه ماله حمزة، ما هو زي القرد أهو. ليلي: بيتهيألك يا حياة. حياة: ماله! ليلي بدأت تحكيلها. ليلي: حمزة كان بيحب واحدة جدا زمان وهي كمان كانت بتحبه لحد ما اتقتلت قدامه. حياة بذهول: اتقتلت!! ومين عمل كدا وليه. ليلي لسه بتكمل كلامها. عبير (مامت كريم) : إنتي قاعدة بتعملي إيه هنا. حياة: قاعدة مع ليلي. عبير: اسمها ليلي هانم، ومعندناش شغالة تقعد مع بناتنا، فاهمة. حياة بدموع: أنا مش شغالة، ولا يمكن أقعد هنا ثانية واحدة.

ليلي: استني يا حياة، ليه عملتي كدا يا مرات عمي، متدخليش فيا تاني إنتي فاهمة. حياة طلعت تجري بتعيط ودخلت أوضتها قفلت على نفسها. محمد: حياة افتحي، مالك يا حياة. حياة فتحتله وترمت في حضنه: إحنا اتمرمطنا أوي يا محمد، أنا عايزة أمشي من هنا. محمد: متخفيش يا أختي، هنمشي قريب. حياة: أنا عايزة أمشي دلوقتي بعد إذنك. محمد: هنروح فين بس يا حياة، اعقلي كدا واهدي، وأكيد في يوم. جهة الليل وحمزة رجع من الشغل. حنان كانت بتحضر العشا.

ميرفت: أومال حياة فين يا حنان مشفتنهاش من الصبح. حنان بضيق: قافلة على نفسها من الصبح يا ميرفت هانم. ميرفت: ليه، إيه اللي حصل. حنان لسه هتحكي. محمد: ماما الحقيني، أنا مش لاقي حياة في أي حتة وبرن على تليفونها مقفول. حمزة كان لسه داخل البيت وسمعوا. حمزة: يعني إيه مش لاقيها. جات في دماغه أفكار كتير وحشة وبعدين رجع قال: حالا هبعت البودي جارد يقلبوا عليها الدنيا وأنا هدور عليها في كل مكان. حمزة طلع يجري بيدور هو ومحمد.

حياة قاعدة في مكان فاضي وهادي. حياة: ليه كدة يا رب، خليت عيشتنا كدة، ليه بابا مات وسابنا متبهدلين، ليه خلتنا من غير بيت، أنا كان نفسي في أحلام كتير أوي، كان نفسي أبقى حاجة تانية، مفيش أي حاجة اتحققت، مين هيجوز واحدة خدامة هي وأهلها، أكيد خدام شبهها. ورجعت بعياط: بس أنا مش معترضة يا رب، أنا راضية بكل حاجة كتبتها، بس طالبة منك تريحني وتخفف عني. حياة لقت اللي بيحط إيده على كتفها. حياة: مين.

المجهول: بقي الحلوة دي تقعد لوحدها هنا. حياة: ابعد عني يا مجنون إنت. المجهول: تعالي بس وإنتي حلوة كدة. وبدأ يقرب منها بعنف. حياة: الحقونييي، الحقونيي، ابعد عني يا حيوانن. والمجهول كتف حياة وبييقرب أكتر. حياة بعياط: أرجوك لاااا، أرجوك، متاخدش مني آخر حاجة فاضلالي، يا رب لا. المجهول متغيب عن عقله وبدأ يقرب ويطبع قبلات بالعنف. حياة بعياط وصريخ وبتقاومه وبعدين لقيته فجأة بعد عنها. حياة: .....