رواية أنت حلمي الفصل الثامن 8 - بقلم صباح سامي

حمزة : حياة اتجوزيني. حياة : ياحمزة ارجوك اعقل. حمزة صوب المسدس عليه : ياتيطي دلوقتي معايا نتجوز يا اما هموت نفسي و ارتاح. حياة جريت عليه ومستحملتش: هتجوزك يحمزة بس نزل المسدس الزفت دا. حمزة : اطلعي اركبي العربيه. حياة : ازاي يحمزة! حمزة : اسمعي الكلام ياحياة. كريم : انت اتجننت يحمزة، وانا هوريك جنانك دا اخرو ايه. حنان : بنتي ياحمزة بنتي. حمزة : متخافيش. ********* حياة : انت ليه جبتني هنا. حمزة : هحكيلك.

حياة : مش عاوزة اسمع، انت واحد زبالة يحمزة و هتفضل طول عمرك بتاع بنات. حمزة اتكلم

علي طول و مدهاش فرصة : كانت بتشتغل عندي سكرتيرة و اتعرفنا انا وهي و كنت نفسي فيها بس للاسف هي كانت محترمه و مجتش معايا سكة فبدأت احبها بجد و اهلها صعيدة و عرفو ان هي مرتبطه بيا، اخدها و هربت و اتجوزنا و اعدنا مع بعض 5 شهور و كانت حامل و للاسف لما عرفو مكانها قتلوها و قتلو ابني، انا السبب عمري ما هسامح نفسي بس انا الفهمته فالأخر اني محبتهاش، انا حبيتك انتي يحياة، اول يوم عجبتيني زيك زي اي بنت، لكن فيه حاجة كانت شداني ليكي و كل مرا كنت بشوفك فيها بحس بمشاعر متلخبطة، اكن بيحصل هجوم مشاعر فجأه، مش عارف اوصف، مش عارف.

اتنهد و بدأ يكلم تاني : انا عمري ما هغصبك يا حياة، عاوزة تكملي مع كريم كملي وانا هبعد و هختفي من حياتك، لكن انا بحبك و هفضل احبك. حياة : مش عارفه يحمزة، مش هقدر افضل معاك بعد ما عرفت عنك، مش هعرف انسي كل حاجة بتعملها، اللي فيه طبع مش بيغيرو، سبني ف حالي يحمزة و ارجع بيتك و اتعامل عادي و انساني و انا وقت و هتجوز و هبعد. حياة جايه تمشي، حمزة مسكها بعنف و حضنها : لااا يحياة متعمليش كدا مش هستحمل.

حياة حضنته اكتر و فضلت تعيط. حمزة : تعالي نتجوز. حياة : هتكرر تاني، نفس الحصل! حمزة : نتجوز بجد ياحياة، انا بحبك و مش هستحمل تبقي لحد تاني و دا الحاجه الوحيدة اللي هتبعدو عنك و هنصلح كل حاجة سوا. ********* ميرفت عماله تتصل بحمزة. كريم : ها رد. حنان : بنتي يميرفت هانم وداها فين. ميرفت : متقلقيش خير خير. ********* عدي شهر و كريم بيحاول يوصل لحياة بكل طريقة و حنان و تلفوناتهم مقفولة و دورو عليهم ف كل مكان مش موجودين.

***** حياة : صباح الخير ياحبيبي. حمزة طبع قبله : صباح النور يقلب حبيبك. حياة : يلا بقي وحشتني قوم. حمزة : لحقت اوحشك، مانا كل يوم معاكي. حياة : انت علي طول بتوحشني ياحمزة وانت عارف كدا. حمزة : طب تعالي بقي. حياة : لا كفاية قوم بقي. و نزلو من الفندق و بدأو يفطرو. حياة : هنرجع و نواجهم امتي يحمزة. حمزة : لازم هنرجع بكرة يحياة. حياة بخوف : هيتقبلو الحصل! حمزة : ولو متقبلوش انا معاكي و هنخليهم يقبلو. ******** ليلي بترجع.

ميرفت : مالك بس، هطلب الدكتور. ليلي بخوف : لا يماما ارجوكي انا هبقى كويسه. ميرفت : انتي بقالك اربع تيام علي كدا ومش بتاكلي. ليلي : انا تمام متطلبيش حاجة. و قامت و دخلت اوضتها و بانهيار مسكت تلفونها و قعدت ترن علي هيثم للمرة الستين: رد بقي ارجوك، انا بموت. ******** يوم جديد علي ابطالنا باحداث جديدة. جرس الفيلا بيخبط. حنان : حاضر حاضر و بتفتح الباب : حياااة. حياة حضنتها : ماما وحشتيني. حنان زقتها : كنتي فين يحياة.

حمزة : هتفهمي كل حاجة يطنط. و دخلو الفيلا. ميرفت و ليلي جريو علي حمزة : كدا بردو يحمزة، ليه كدا يبني كنت فين وجعت قلبي عليك. حمزة : انا كويس يامي متقلقيش. ميرفت : كنت فين اي الحصلك. حمزة : انا و حياة اتجوزنا. الكلام نزل صعقة علي الكل. الصياد : و الكلام دا من دماغك يابن الصياد، تجوز بمزاجك و كمان مين بت الخدامة عال عال. حمزة : يبابا بعد اذنك متغلطش و لسه بيكمل، الصياد

ضربه بالقلم علي وشو : اظاهر اني دلعتك و قولت كبرت و بقيت راجل، و لكن مفيش فايدة. ميرفت : متمدش ايدك علي ابني فاهم. الصياد : كله بسبب دلعك لي. حمزة : خلصتو!

، حياة بقيت مراتي و العندكو اعملو، و البيت دا انا ليا فيه و ليا ف كل حاجة و جدي كاتبلي حاجات بأسمي و مراتي هتقعد هنا معززة مكرمة و من بكرة تدورو علي خدامة جديدة مامت حياة و اخوها هيروحو شقتهم اللي كانت بتجهز بقالها شهر، و اياكو ثم اياكو حد يحاول يضايق مراتي، فاهمين. حنان : بيتنا فين. حياة : اسمعي الكلام يماما، روحي لمي هدومك انتي و محمد و السواق هيوصلكو. حنان مش بأيديها حاجة تعملها : انا اسفه يميرفت هانم.

حمزة : متتاسفيش، انا الاسف علي اي حاجة اتعرضلها، اسف يا حنان، و باس ايديها، عاوزك تكوني راضين عني انا و حياة. حنان ضمته : انت زي ابني و انا مطمنه علي بتي وهي معاك. ليلي وقعت من طولها فجاه. حمزة : ليلي. شالها و طلع بيها و طلب الدكتور. بعد نص ساعه. حمزة : طمني يدكتور. الدكتور : مبروك مدام ليلي حامل. حمزة : .....