رواية انت حمايتي الفصل الثالث 3 - بقلم ملك ياسر

جاسر دخل الأوضة لأيه. جاسر: عامله إيه دلوقتي يا آنسة؟ أيه بهمس: الحمد لله، وحضرتك عامل إيه؟ جاسر: أنا الحمد لله، المهم إنتي. أيه بابتسامة خلفها حزن على حالها: شكراً بجد لحضرتك، مش عارفة من غيرك كنت عملت إيه؟ الحمد لله يا رب إنك بعتهولي عشان ينقذني. جاسر بابتسامة هادئة وسيمة: لا شكر على واجب يا آنسة، ده واجبي. أيه بابتسامة جذبته: والله يا ريت كل الناس زيك.

أيه: أنا عايزة أمشي من هنا، مش بحب المستشفيات، بتفكرني بحاجات وحشة. جاسر باستغراب: بس مش هينفع تطلعي دلوقتي، لسه حالتك خطيرة، ولسه هنشوف الدكتور هيقول إيه. أيه بزفير: طب هو فين الدكتور؟ ممكن تناديه لي؟ جاسر: آه ممكن، بس إنتي تعبانة؟ حاجة بتوجعك؟ أيه: لا، بس عايزاه يكتب لي على خروج، أنا مش هقدر أقعد هنا لوحدي كل ده. جاسر: ومين قال لك إنك هتكوني لوحدك؟ أنا معاكي أهو، ما تخافيش. أيه: لا، لو سمحت ناديه لي.

وبتحاول تقوم، ولكن دون جدوى، أيه صوتت. أيه بصويت: آآآآه. جاسر جرى عليها ومسكها. جاسر بزعيق: كده ينفع برضو؟ ليه قمتي؟ هيحصل حاجة يعني لو فضلتِ هنا يومين على الأقل؟ وبعدين فين أهلك؟ زمانهم قلقانين عليكي دلوقتي. أيه حاولت أن تمسك دموعها وقالت بجمود: أنا ماليش أهل من النهارده. جاسر باستغراب: وإزاي ده؟ فين يا بنتي أهلك؟ أطمّنهم عليكي. أيه بزعيق: قلت ماليش أهل! وبعدين انت مالك؟ فين أهلي ولا إزاي؟ يعني انت مالك؟

واتفضل اطلع ناد لي الدكتور، عايزة أطلع من هنا. جاسر بمحاولة أن يمسك أعصابه حتى لا يفقد السيطرة عليها: بصي يا بنت الناس، أنا ليا الحق أعرف انتي مين ومنين ومين عيلتك و... أيه بمقاطعة: وده إزاي؟ يعني انت مالكش حق عليا! وخليك شكراً، أنا هنادي للدكتور. وحاولت أن تقوم، وبالفعل قامت وقفت على الأرض، ولكن دون جدوى، فقدت أعصابها و... جاسر: أوبااا! مش قلت لكِ ما تقومييش كده؟ غلط عليكي. إنتي شكلك كده عنيدة و هتعبيني معاكي.

وشالها ونيمها على السرير. أيه بعصبية: انت إزاي تمسكني كده؟ ابعد عني. الدكتور دخل. جاسر بعد عنها فورًا. الدكتور: إزي حضرتك يا آنسة؟ أيه: تمام الحمد لله، ممكن حضرتك تكتب لي على خروج؟ الدكتور باستغراب: لا طبعاً ما ينفعش، انتي لسه تعبانة جداً ولازم ترتاحي على الأقل 5 أيام هنا. أيه بصدمة: لا طبعاً، أنا بقيت كويسة ولازم أطلع دلوقتي. وما تخافش، هعرف أهتم بنفسي كويس أوي وأحسن من هنا كمان، بس من فضلك اكتب لي خروج.

الدكتور: ده شيء مستحيل. وسابها وطلع. أيه بزفير: أوووف بقاااا! أعمل إيه أنا دلوقتي يا ربي. جاسر طلع ورا الدكتور. جاسر بنداء: دكتور دكتور. الدكتور: نعم يا فندم. جاسر: هي حالتها عاملة إيه دلوقتي؟ الدكتور: بص، هي كويسة يعني، بس لازم تقعد تحت العناية وتاخد اهتمام عشان تبقى كويسة أكتر، لأن من شكلها كده هي متعرضة لضرب قوي جداً من حد. فأنا خوفتها عشان تفضل موجودة هنا تحت عينينا عشان ممكن يحصل مضاعفات.

جاسر بتفهم: آه، فهمت حضرتك، بس أنا ممكن آخدها لبيت جدي وهنهتم فيها هناك. الدكتور: هو حضرتك تعرفها أو قريبة؟ جاسر بتوتر: لا، بس هي مش مرتاحة هنا ومصرة إنها تطلع، وممكن تهرب في أي وقت من هنا، فقلت آخدها لعيلتي وهما يهتموا بيها عشان هي شكلها كده سابت أهلها. الدكتور بتفكير: طب سيبني أفكر وهرد عليك بليل إن شاء الله، وخليك معاها متابعها. جاسر: حاضر. جاسر

دخلها وسمعها وهي بتقول: لازم أهرب من هنا، لازم، أنا مش هقدر أقعد هنا في المكان اللي أمي... وسكتت فجأة. أسر استغرب ودخل عليها لقاها... بتنزف. أيه في حالة صدمة ومش عارفة تعمل إيه. جاسر جرى عليها. جاسر بنداء: دكتوووور دكتوووور. الدكتور والممرضات جم بسرعة. الدكتور: غيرولها الجرح بسرعة وأدوها حقنة مهدئة. وبالفعل الممرضة عملت اللازم. الممرضة: هي هتنام كمان ساعة ولا ساعتين وهتفوق وتكون كويسة إن شاء الله.

الدكتور بعصبية: هي قامت وضغطت على الجرح؟ جاسر: آه، بس أنا حاولت أوقفها، هي عنيدة أوي، بس أنا بعرف أتعامل مع الصنف ده، ما تقلقش يا دكتور. الدكتور طلع والممرضة كمان. جاسر قاعد قصادها يتأملها. قطع سرحانه صوت دقات تليفونه. جاسر طلع بره ورد. جاسر: الوو يا مصطفى. مصطفى: ما جتش ليه لحد دلوقتي يابني؟ ولا حتى طمنتني تاني على البنت؟ قلقتني. جاسر بدأ يشرح له اللي حصل. مصطفى: والله فكرة يابني، هاتها وتعالوا وإحنا هنهتم بيها.

جاسر: بس الدكتور قال هيفكر، لأن دي مسؤلية عليه، وهيرد بليل. مصطفى: ماشي يا جاسر، ابقى رن طمني يا بني، ماشي. جاسر: حاضر، سلام. جاسر: آه يا دماغي... لازم أشرب قهوة عشان أقدر أفوق للبنت دي بدل ما تهرب ولا تعمل حاجة. نزل وشرب قهوة وقام بعد نص ساعة. جاسر طلع لأيه الأوضة. جاسر بصدمة: ......... إييييييه.........