رواية انت منزلي الفصل السابع 7 - بقلم بسملة محمد

الجد: أنا خلاص كبرت ومحدش ضامن عمره، عشان كده أنا فكرت كتير وكلمت المحامي وكتبت ثروتي وأملاكي كلها ليوسف. منال: إزاي الكلام ده يحصل؟ انتوا كده بتاكلوا حقنا. الجد بعصبية: مناااال.. ماتنسيش نفسك وأوعى صوتك يعلي كده تاني، وبعدين حق إيه اللي بتتكلمي عليه؟ هو إنتي تعرفي يعني إيه حق؟ انتي مالكيش حاجة عندي خالص، جوزك الله يرحمه مكانش يملك أي شيء، وبعدين ده مالي وأنا حر فيه، وأنا بقى شايف إن يوسف أكتر واحد هيحافظ عليه.

منال بغضب: ماشي يا عمي براحتكوا. طلعت منال أوضتها بعصبية وطلع وراها مريم بسرعة. بعد شوية خرجت ملك من المطبخ بسرعة. يوسف: تفتكر صدقوا؟ الجد: عيب عليك يا ولا، جدك ممثل عبقري. يوسف: أنا متشكر جدا يا جدي، أنا مش عارف كنا هنعمل إيه من غيرك. الجد بص لملك بحب وقال: إنت بتشكرني على إيه يا ابني؟ ده أنا اللي بشكرك عشان فقتني من اللي كنت فيه واديتني فرصة تانية أصلح اللي دمرته...

يلا يا ملك روحي مكانك واجهزوا بقى عشان أهم جزء في الخطة بكرا. دخلت ملك أوضتها وهي بتفتكر اتفاقه مع يوسف وكلامها مع جدها. يوسف: أنا عارف إنك مصدوم وممكن متصدقناش بس د... قاطعه الجد وقام حضن ملك وهو بيعيط وبيقول: أنا كنت حاسس... شبهه والدتك في كل حاجة، تعالي هفرجك على ألبوم العيلة ومن النهاردة مش هتفارقيني ثانية واحدة. يوسف: بس قبل كل ده لازم تعرف إحنا اتفقنا على إيه. في أوضة منال:

كانت بتلف في الأوضة بعصبية وهي بتفكر هتتصرف إزاي. مريم: أنا مش فاهمة انتي معصبة نفسك كده ليه يا مامي، اهدي شوية وهنلاقي حل. منال بغضب: طبعاً ما انتي مفيش حاجة على بالك ولا همك حاجة. مريم: عايزاني أعمل إيه يعني يا ماما؟ منال: مش عايزة أسمع صوتك لحد ما ألاقي حل للمصيبة دي. سكتت شوية وهي بتفكر وبعدين ابتسمت بخبث وقالت: منال: لسه عايزة تتجوزي يوسف؟ مريم بفرحة: أكيد طبعاً يا مامي.

منال: خلاص يبقى تسمعي كلامي وتركزي معايا عشان مفيش حد غيري هيساعدك. مريم: موافقة. تاني يوم: الجد: صباح الخير يا مريم. مريم: صباح الخير يا جدو، أومال فين يوسف؟ الجد: معرفش، أكيد لسه نايم.. هو الفطار لسه مجهز ولا إيه؟ مريم: مش عارفة.. أنا هروح أشوف يوسف وبعدين أشوف الفطار اتأخر ليه.

راحت مريم لأوضة يوسف وخبطت الباب لكن محدش رد، فضلت تخبط على الباب وبعدين دخلت مالقتش يوسف في الأوضة، دورت عليه في كل مكان مكانش ليه أثر، حتى هدومه واخد معظمها وشنطة السفر مش موجودة. نزلت جري وهي بتنادي على جدها. مريم: الحقني يا جدو يوسف مش موجود. الجد: مش موجود إزاي يعني؟ مريم: معرفش، دخلت الأوضة مالقيتهوش وواخد معظم هدومه وشنطة السفر. الجد: هيكون راح فين يعني؟

منال: شوفت، ادي آخرتها، أخد كل حاجة وهرب، استغل إنك بتثق فيه وخد كل حاجة وهرب، مبسوط دلوقتي؟ الجد: إنتي تخرسي خالص لحد ما نعرف الولد راح فين. فجأة دخل يوسف الفيلا ومعاه ملك وماسك إيدها ومبتسمين وقال: يوسف: إيه يا جماعة فيه إيه؟ منال: كنت فين يا أستاذ؟ يوسف بص لملك وقال: مفيش، مبروك أنا وملك اتجوزنا.