رواية انت منزلي الفصل السادس 6 - بقلم بسملة محمد

فتح يوسف باب الفيلا وفجأة وقف مصدوم. "يوسف بصدمة: جدي!!! إيه اللي جابك؟ قصدي جيت امتى؟ "الجد: أنا لسه جاي من المطار دلوقتي.. أنت كنت خارج؟ يوسف بص لملك وقال في سره: ما خلاص باظت. "يوسف: لأ يا جدي أنا لسه جاي من برا.. حمدلله على السلامة." "الجد: الله يسلمك يا حبيبي... بص لملك بتركيز وصدمة وبعدين قال: سبحان الله... لو كانت ليلى عايشة كنت فكرتها أنتِ... اسمك إيه يا بنتي؟ ملك كانت هترد، لكن قاطعتها منال اللي

اتفاجأت بوجود الجد وقالت: "منال: عمي أنت رجعت.. حمدلله على السلامة." "الجد: الله يسلمك يا منال.. أومال فين مريم؟ "منال: لأ مريم نايمة في أوضتها." "الجد: طب هطلع أنا أرتاح شوية من السفر." طلع أوضته. وبعدين منال بصت لملك بحقد وطلعت أوضتها تاني. "ملك: طب أروح أنام أنا بقى." "يوسف: آه طبعًا اتفضلي روحي نامي يا ملك بس خليكي فاكرة." "ملك: الله وأنا مالي جدك اللي بوظ الخروجة." "يوسف: طب امشي من قدامي بقى."

ضحكت ملك وطلعت عشان تروح أوضتها. عدت من قدام أوضة منال وسمعتها بتكلم مريم. الفضول خلاها تسمع بيقولوا إيه. "ملك: سامحني يارب بس هموت وأعرف الحرباية دي وبنتها بيقولوا إيه." *** في أوضة منال. "مريم: أنا مش قادرة أفهم إزاي عملتي كدة بجد." "منال: أنتي لازم تساعديني عشان نخلص من ملك دي خالص." "مريم: ملك إيه علاقتها باللي أنتِ بتقوليه ده؟ "منال: عشان ملك تبقى بنت ماهر وليلى." "مريم بصدمة: أنتِ متأكدة؟ "منال بغل: للأسف...

عشان كدة لازم تموت." ملك كانت واقفة سامعة كل كلامهم وعينيها مليانة دموع. كانت هترجع أوضتها، لكن أول ما لفت لقت يوسف واقف في وشها مصدوم من اللي سمعه. شدها بسرعة من إيدها ودخل أوضته وقفل الباب. فضلوا ساكتين لفترة طويلة لحد ما ملك قالت. "ملك: أنت كنت عارف؟ "يوسف: تفتكري أنا لو كنت أعرف هخبي حاجة زي دي ليه؟ "ملك: يمكن عشان بتفكر زي منال وبنتها." "يوسف بصدمة: أنتِ بتقولي إيه... أنا بفكر في الفلوس؟!

"يوسف: الفلوس دي اللي خلت أبويا يسيب البلد كلها لجدي عشان يتجوز الإنسانة اللي بيحبها؟ ولا الفلوس اللي خلت جدي يحس بالندم بعد ما أبويا مات وهما متخاصمين؟! "يوسف: أنا لولا إني عارف إنك مصدومة كان هيبقى لينا كلام تاني." "ملك

بعياط: أنت عايزني أعمل إيه يعني.. لما أبقى عايشة طول عمري مع ناس فاكراهم أهلي وبحبهم وبيحبوني وفجأة أكتشف إني من عيلة غنية بس كل اللي في العيلة دي بوشين وعايزين يقتلوني عشان الفلوس عايزني أعمل إيه هاا رد عليا." "يوسف بجمود: أنا هقولك نعمل إيه بس لازم تبقي قوية عشان اللي جاي تقيل.. واثقة فيا؟ "ملك: أنت الوحيد اللي ممكن أثق فيه في البيت ده." "يوسف: حلو يبقى ركزي معايا بقى عشان نبدأ من بكرة..... *** في أوضة منال.

"مريم: قتل!!! لأ طبعًا أنا لا يمكن أعمل كدة." "منال بخبث: ومين قالك إننا هنعمل حاجة أصلًا.. أنا عندي اللي يعرفوا يخلصوا الموضوع ده في ثواني." "مريم بتفكير: لأ برضوا مينفعش نقتلها أكيد في حل تاني." "منال بغضب: ويا ترى إيه الحل التاني ده يا هانم... أنا كل اللي بعمله ده لمصلحتك وأنتِ في الآخر تقولي." "مريم: يووه خلاص اعملي اللي أنتِ عايزاه أنا ماليش دعوة." "منال: ما أنا هعمل اللي أنا عايزاه طبعًا يلا روحي على أوضتك."

*** بالليل. كانوا قاعدين كلهم على السفرة بيتعشوا. وملك كانت في المطبخ بتفكر في الخطة اللي يوسف قال عليها. خلصوا عشاء وقعدوا كلهم مع بعض. "الجد: أنا عايز أتكلم معاكوا كلكوا في موضوع مهم." "منال: خير يا عمي." "الجد: أنا خلاص كبرت ومحدش ضامن عمره.. عشان كدة أنا فكرت كتير وكلمت المحامي وكتبت ثروتي وأملاكي كلها ليوسف...