رواية انت مرادي الفصل الرابع عشر 14 - بقلم يارا ابراهيم

في فيلا عامر كانت الفيلا كلها هادية كأنهم لسه نايمين. فقطعت الهدوء ده شخص بيرن جرس الفيلا الداخلي. في الوقت ده كانت يارا صاحية لأنها مبتحبش تصحي متأخر، فسمعت الجرس وقررت تنزل تفتح الباب. عند الباب..... ياسمين: قولتلك بابا وماما مش بيصحوا بدري كده، مافيش غير اللي. قطعت كلامها فتح الباب فقالت بصدمة...... ياسمين: يارا..... أنتِ هنا... عاملة إيه وحشتيني أوي أوي أوي. يارا وهي بتحضن ياسمين بفرح: وأنتِ أكتر يا ياسو والله.

يارا: فهد عامل إيه يزمكس. فهد حضن يارا وقال: هههههههه.. أزمكس مقبولة منك يسطا. يارا: حبيبي يا أبو الفهود. بصت يارا لليان فقالت بصدمة: دي ليان... مش معقول لحقتك كبرت كده. ياسمين: طبعاً يا بنتي السنين بتعدي هوي. يارا: طب تعالوا ادخلوا يلا... وانت يا فهد قول للحرس يدخلوا الشنط. فهد: ماشي. دخلوا البيت فقالت يارا لليان: إيه رأيك يا ليلو تروحي تصحي العيلة علشان تعمللهم مفاجأة. ليان: اوكي. يارا: هههههههه. ياسمين:

بتضحكي على إيه. يارا: بنت فهد وياسمين بتقول اوكي 😂. ياسمين: هههههههه قصدك إيه. يارا: ولا حاجة 😂عجبك يا زمن. دخل فهد وهو بيقول بضحك: ليه شحاتين. يارا: لا طبعاً يا فهودي هههههههه هو حد يقدر يقول كده. فهد: منك لله يا شيخة بتوقعي هيبتي كده. يارا: هههههه خلي قلبك أبيض وبعدين خلاص مابقاش ينفع تدعي عليّ. فهد: ليه ياختي مسافرة. يارا مسكت ايد فهد وايد ياسمين وحطتهم علي ايدهم علي بطنها. فقال فهد بعدم تصديق: لا لا بتضحكي علينا.

ياسمين حضنت يارا بسرعة وقالت بفرحة: الف الف مبروك يا قلبي واخيراً هكون عمته. وبعدين كملت بضحك: هههههه بس عمته طيبة مش شريرة. كل ده وفهد واقف مصدوم. وفجأة حضن يارا وشالها وفضل يلف بيها. فقالت يارا: هههههه انت إيه اللي حصلك بس 😂. فهد: فرحان إيه مش عايزاني أفرح. يارا: لا طبعاً افرح ياسيدي. فهد: يعني خلاص هبقي خالو. يارا: امممم أحلى خالو وعمتو في الدنيا. نزل الكل لقوا ياسمين ويارا وفهد حاضنين بعض وعمالين يعيطوا. هنا:

احنا عيلة فقر والله 😂. نجلاء خبطت كتف هنا وقالت: ونكديين مش تنسايها. هنا: آه صح ونكديين. ضحك الكل وقال فهد: طيب اقعدي بلاش تقفي كتير.... فطرتي ولا لسه. نجلاء: لسه محدش فطر.... يلا هنفطر سوا. ***************** عند مراد........ قال المأذون: بارك الله لكما مباركه عليكما وجمع بينكما في خير. قام المأذون وقف وقام مراد معاه وطلع عمر وراه وقال: عمر: انت عارف حجم المصيبة اللي انت فيها. مراد:

عملت إيه يعني اتجوزت على سنة الله ورسوله. عمر بعصبية: يابجاحتك ياخي.... لو تحب أفكرك إنك واحد متجوز. مراد ببرود: الشرع حلل أربعة. عمر: بقول إيه فوق كده وركز علشان أنا على آخري ومتأكد إن الجوازة دي وراها حاجة وهعرفها يا مراد. مراد: كفاية تخيلات. عمر: طيب اديني سبب يخليك تتجوز على مراتك سبب واحد بس. مراد: الحب. عمر بسخرية: هههههه ضحكتني وأنا مش طايقك والله..... الحب أنت آخر حد يتكلم عن الحب. مراد:

ليه مش بني آدم زي أي حد لازم يحب ويتحب. عمر: طب ومراتك...... مراتك اللي عملت المستحيل عشان تتجوزها واللي مش بتحبها لا بتعشقها تعمل فيها كده. مراد: طيب وايه اللي فرق ما أنا فعلاً بعشقها. عمر: طب وجوزك عليها ده تسميه إيه. مراد: عمر من الآخر الجوازة دي مؤقتة يعني مش دائمة من الآخر. عمر: لما هي جوازها مؤقتة بتتجوز ليه أصلاً. مراد: لو السبب كان يخصني كنت قلت لك ليه بس هو ما يخصنيش فمش هتكلم. عمر:

ماشي يا أستاذ مراد يلا عشان نمشي أنا رنيت على هنا وعرفتها إننا في الطريق واستحمل اللي هيحصل بقى. ****************** عند هنا قفلت مع عمر وقالت: هنا: يا جماعة عمر ومراد راجعين. يارا بإستغراب: بالسرعة دي. هنا: عمر قال إن الناس اللي هيعقدوا الصفقة يجوا بدري فخلصوا بسرعة. يارا: غريبة أمال مراد مارنش ليه يعرفني. هنا: ممكن مشغول يعني ودلوقتي يلا عشان تجهزي المفاجأة لمراد. فهد: مفاجأة إيه. هنا:

أصل مراد لسه ما يعرفش إن يارا حامل ف يارا عايزة تعمل مفاجأة ليه. ياسمين: ياسيدي على الرومانسية. يارا: كلي يا روحي كفاية حمزة رفع لي الضغط مش هيبقى أنتِ كمان. ياسمين: آه صحيح هو فين حمزة أصلاً كان في حد كده عايز يشوفه. هنا: حمزة نايم وما بيصحاش دلوقتي وبعدين هو مين اللي عايز يشوفه. ياسمين بغمزة: ليان. اتكسفت قوي فقالت هنا: هو نايم دلوقتي يا ليلو أول ما يصحي العبوا سوا. هزت ليان رأسها بخجل. فقامت يارا وقالت:

طيب هطلع أنام شوية قبل ما مراد يوصل. وبعدين بصت لي هنا وقالت: هنا ماتنسيش الحجز اللي قولتلك عليه. هنا: ما تخافيش هظبط كل حاجة. يارا: ربنا يستر ياختي. هنا: هههههه عيب عليكي وبعدين هما كمان هيساعدوني. يارا: ماشي ياختي. ******************** عند مراد........ دخل مراد الأوضة وقال لنهى: يلا علشان نمشي... جهزتي هدومك. نهى بخبث: آه كله تمام. مراد: تمام يلا.

نزل مراد ومعاه نهى وعمر ولسه هيركبوا العربيات لقوا كل الصحافة بتتجمع حواليهم وعمالين يسألوا في أسئلة. الصحفي 1: أستاذ مراد هل فعلاً دي زوجتك. مراد: آه فعلاً. الصحفي 2: بس حضرتك اللي إحنا عارفينه إنك متجوز وبتحب مراتك جداً واللي هي كمان بنت عمك وسيدة الأعمال المشهورة يارا الألفي. مراد ماردش. فقال صحفي تاني: بس غريبة جداً حضرتك رحت اتجوزت السكرتيرة وانت متجوز وكمان بتحب مراتك ممكن حضرتك تفهمنا ليه اتجوزت تاني. مراد:

خلاص بعد إذنكم نكتفي بالأسئلة دي ونكمل مرة تانية. ركب مراد العربية هو وعمر ونهى اللي قالت بخوف: نهى: أستاذ مراد أنا خايفة أوي. عمر في سره: بدلع أستاذ مراد أنا خايفة أوي.... أبو تقل دمك يا شيخة. مراد: ما تخافيش يا نهى انتِ دلوقتي مراتي وفي حمايتي. نهى بخبث في نفسها: وكده أول جزئية من الخطة خلصت جايلك يا يارا ولسه هوريكي. ****************** في فيلا عامر.......... خالد وعامر راحوا الشركة ونجلاء راحة النادي.

وما تبقاش غير هنا وياسمين وفهد ودول قعدوا يبحثوا على النت على مطعم حلو عشان يحجزوه ليارا ومراد للمفاجأة اللي يارا عاملاها لمراد. هنا: بصوا المطعم ده..؟ فهد: لا لا إحنا عايزين واحد غالي كده عشان نحجزه كله ليهم. ياسمين: طيب بصوا ده. هم بيقلبوا فجأة لقوا خبر نازل على النت مكتوب فيه: "خبر لا يصدق**زواج رجل الأعمال المشهور مراد الألفي سكرتيرته نهى

هذا خبر لا يصدق لما لم نكن نتوقع أن يتزوج على زوجته يارا الألفي بعد مرورهم بمواقف عصيبة وتمسكهم ببعضهم البعض لا نعرف لماذا تزوج هل بينهم بعض المشكلات لكن ما نحن متأكدون منه أنه قد تزوج" صورة لمراد مع نهى والفيديو وهو بيقول إنه فعلاً اتجوزها. قاموا الثلاثة وقفوا بصدمة. فقالت هنا: لا لا مستحيل دي إشاعات مراد مستحيل يعمل كده في يارا. فهد: لو طلع الخبر ده حقيقي أنا هندمه على اليوم اللي اتولد فيه. ياسمين:

اهدوا بس يا جماعة مراد مستحيل يعمل كده ف يارا مستحيل دي أكيد إشاعات. فقالت ياسمين بسرعة: اتصلي بعمر بسرعة يا هنا اتأكدي منه هو أكيد هيقولك. هنا برعشة: آه آه هرن دي أكيد إشاعات. رنت هنا على عمر اللي رد وقال: عمر: ألو يا روحي. هنا: هسألك سؤال واحد تجاوب عليا بأه أو لأ ماشي. عمر: ماشي يا هنا بس فيه إيه. هنا: مراد اتجوز نهى. عمر بتوتر: إنتِ عرفتي منين. هنا: يعني اتجوز. عمر بتنهيدة: آه اتجوز. هنا بزعيق جامد:

طب وإزاي ما تقوليش على حاجة زي كده. عمر: أنا ذات نفسي ما كنتش أعرف مراد ما قاليش عشان ما أقولكمش أنا لسه عارف زيي زيكم. هنا بعياط هستيري: طب ويارا ها. عمر: مش عارف بس ما تقولي لها أي حاجة خالص دلوقتي..... وبعدين قولي لي عرفتي إزاي. هنا: افتح النت وانت تعرف. قفلت هنا مع عمر وما استنتش رده. وبصت لياسمين وفهد وهزت رأسها. فقال فهد: ماشي يا مراد والله لا أوريك. ياسمين بعياط:

طب ويارا المسكينة كانت عاملة له مفاجأة طب لو عرفت إيه اللي هيحصل. قطع تفكيرهم صوت رنة موبايل فهد واللي كان بيرن خالد. فقال: ألو يا عمي فيه حاجة. خالد: مال صوتك يا فهد يابني. فهد: لا أنا كويس زوري بس واجعني حضرتك كنت بترن ليه. خالد: شفت يا ابني للصحافة منزلاه أنا مش عارف إزاي ينزلوا إشاعة زي كده. فهد بسخرية: هههه لا ما هو دي مش إشاعة. خالد بزعيق: نعم..! مش إشاعة إزاي يعني. فهد:

زي ما بقول لك كده ابنك عملها واتجوز على يارا. خالد: انت متأكد من اللي بتقوله. فهد: رنينا على عمر وقالنا إن الكلام صح. خالد قفل السكة من غير ولا كلمة. وبعد مرور كم دقيقة رجع خالد وعامر ونجلاء على البيت بسرعة. فقالت نجلاء وهي بتعيط: هنا اللي خالد بيقوله صح. نجلاء كانت بتهز في هنا بس هنا كانت في عالم تاني خالص. فقال فهد: آه صح عملها واتجوز بس ورب الكعبة لا أعلمه الأدب من أول وجديد. فقال عامر بزعيق هز المكان:

بس كله يخرس مش عايز أسمع صوت حد. فضل شوية ساكتين يفكروا هيعملوا إيه وإزاي هيقولوا للي حصل. بصوا كلهم لبعض صدمة. فقالت هنا: يتبع........