رواية انت مرادي الفصل السادس عشر 16 - بقلم يارا ابراهيم

في شقة فخمة كان مراد قاعد في أوضته وفجأة رن موبايله. مراد: إيه يا عمر. عمر: إيه... أنت فين. مراد: أنا في الشقة بتاعتي. عمر: طيب مش ناوي تفهمني عملت كده ليه. مراد: لو متصل علشان تسأل نفس السؤال يبقى اقفل أحسن. عمر: يعني برضه مافيش رد. مراد: عايز حاجة ولا أقفل. عمر: هترجع الفيلا إمتى. مراد ببرود: بكرة. عمر: لوحدك ولا. مراد: أنا ونهى. عمر بغيظ: يعني عايز تقعد نهى في نفس البيت مع يارا، أنت واعي بتقول إيه.

مراد: أه، وإيه المشكلة؟ يارا مش فارقة معاها. عمر: الكلام معاك مافيش منه فايدة. قفل عمر مع مراد. *** عند يارا. خدت يارا شاور وطلعت لقت هنا روقت الأوضة. هنا: يلا اقعدي كلي وأنا هستشور شعرك. يارا: ماليش نفس أكل. هنا: فكري في البيبي. يارا بتنهيدة كلها وجع: البيبي أه. هنا: إنسي كل اللي شفتيه النهارده علشان نعرف نخطط. يارا: نخطط لإيه بالظبط. هنا: لقتلها. يارا بصدمة: قتل إيه، الله يخربيتك. هنا: امال هتسيبيها.

يارا: لا بس مش هقتلها. وبعدين بقولك إيه، امشي وسيبيني علشان خلاص مرارتي مش مستحملة أكتر. هنا: طيب هنزل، بس اعملي حسابك هتفطري بكرة معانا وهترجعي الفيلا. يارا: مش هرجع الفيلا. هنا: كفاية هبل، علشان تعرفي سبب الجوازة دي لازم يبقوا تحت عينك، وأنا هجهز خطط تانية، مع إن القتل أنسب حاجة، بس هقول إيه. يارا: هنا ممكن تغوري من وشي. هنا: ماشي، همشي بس كلي. يارا: هاكل بس علشان تسبيني في حالي.

هنا كانت لسه هتفتح الباب علشان تمشي، شدتها يارا وحضنتها وقالت: يارا: مع إنك هبلة ساعات، بس بحبك أوي، شكراً. هنا: أهم حاجة تقدري تعدي اختبارك بكفاءة. مشيت هنا وقعدت يارا تاكل. وفجأة رن الموبايل اللي أخيراً فتحته وقالت بفرحة: يارا: إيه يا غيث... بقي كده يا واطي مش تكلمني أسبوع بحاله. غيث بتفحص: معلش يا حبيبتي، بس أنتِ كويسة. على فكرة أنا راجع مصر.

يارا: أنا الحمد لله، وعلى فكرة أنا عارفة إنك شفت الأخبار وعشان كده راجع... بس متنساش إني يارا. غيث: فهماني دايماً كده. يارا: على العموم تشرف، مستنياك. غيث: أنا عارف إنك ماسكة دموعك بالعافية، بس متخافيش، هنزل آخدك من هناك وهطلقك منه. يارا: بس أنا مش همشي ومش هطلق. غيث: يبقى بتفكري في حاجة. يارا بابتسامة: بالظبط. غيث: احكيلي يا فنانة. يارا: لا مش دلوقتي. وبعدين طيارتك هتوصل مصر إمتى. غيث: هتوصل 8:00 الصبح.

يارا: تمام، هستناك في المطار بكرة. غيث: ماشي يا ستي. فضلوا يتكلموا شوية وبعدين قفلت يارا. وقررت إنها مش هتزعل تاني وهتاخد حقها بس براحة. عدى اليوم ده بصعوبة على مراد ويارا اللي بيفكروا في بعض، وعلى العيلة اللي شايلة همهم، وبسعادة على نهى وأعوانها. في اليوم التاني. لبست يارا وجهزت ونزلت. ركبت عربيتها بعد ما كتبت رسالة لكل البيت إنها راحت مشوار ومش هتتأخر.

بعد مدة وصلت يارا المطار ودخلت. فضلت شوية تستنى غيث. وفجأة لقت حد بيحط إيده على عينيها وبيقول: غيث: أنا مين. يارا: جحش المعلمين. غيث: وحياة خالتك. يارا حضنت غيث جامد وقالت بضحك: يارا: على فكرة خالتي دي اللي هي أمك. غيث: تصدقي صح. ضحكوا سوا وطلعوا. فقال غيث: غيث: أنتِ جاية لوحدك ليه. يارا: تؤ، مش جاية لوحدي. غيث: امال مين جاي معاكي، مش شايف حد. شاورت يارا على بطنها. فقال غيث: غيث: حتى أنا كمان. يارا ضحكت جامد.

فقال غيث: غيث: إلهي بتضحكي على إيه، أنا كمان جعان. يارا: يابني أنا مش قصدي كده، فكر شوية. غيث: مش فاهم، قولي أنتِ. يارا: فيه نونو هنا. غيث من الصدمة سابها وركب العربية وهو بيقول: غيث: كفاية كدب علشان مش تموتي محرومة. يارا بصدمة: يابني بجد والله مش كدب. غيث: قولي والله. يارا: والله العظيم أنا حامل. نزل غيث من العربية جري وشالها وفضل يلف بيها. وناس كانت ماشية تبص عليهم. فقالت يارا بضحك: يارا: الناس بتبص علينا.

غيث: اللي يبص يبص، محدش ليه عندنا حاجة. يارا: طب يلا علشان نمشي. غيث: يلا، بس أنا اللي هسوق. يارا: سوق بس نزلني. غيث أخيراً نزل يارا وقال: غيث: يلا بس امشي براحة. يارا بضحك: يابني أنا لسه في الأول. غيث: ولو، امشي براحة برضه. يارا: طيب. ركبوا العربية وفضلوا يتكلموا سوا. *** في الفيلا. كانوا كلهم قاعدين على السفرة متوترين. فقالت نجلاء: نجلاء: يعني هي مش قالت لك رايحة فين.

هنا: سألتوني السؤال ده للمرة اللي مش عارفة عددها، وقولتلكم لا. فهد: إيه يا بت، البرود ده، قاعدة بتاكلي عادي. هنا: متخافوش، هي مش راحت لمراد، هي مش هبلة. قاطع كلامهم دخول يارا وهي حاضنة غيث. فقال فهد: فهد: إيه ده، غيث. وقام فهد وحضنه وقال: فهد: بقي كده مش تقول لأخوك إنك جاي، بس بتقول ليارا صح. غيث: كنت عاملها مفاجأة. هنا: ممم، ماشي يا بكاش. غيث: إيه ده هنا... ليكي وحشة والله. هنا: امشي يا كذاب، ده أنت ماسألتش.

يارا: اقعدوا كلوا، وأنا هطلع أغير هدومي. كانت لسه هتطلع، مسكتها هنا وقالت: هنا: مش اتفقنا امبارح. يارا بتنهيدة: ماشي. قعدوا على السفرة. وبعد شوية أيقوا العاملات شالوا الأكل. وقالت هنا: هنا: بصوا وركزوا معايا، علشان كلنا لينا أدوار في الخطة دي. وبدأت تتكلم وتقول: هنا: الخطة الأول إن يارا هترجع الفيلا، وعلى فكرة مراد كمان هيرجع الفيلا، بس مش لوحده، معاه الحربوقة. فهد: وانتِ عرفتي إزاي. هنا: عمر هو اللي قالي.

هنا: دلوقتي يارا هترجع الفيلا، بس مش لوحدها. خالد: قصدك إيه. هنا: قصدي إن كلنا هنروح معاها. فهد: هنروح ليه. هنا: لأنه اللي زي نهى مش سهلين، ولما تعرف إن يارا حامل أكيد هتحاول تنزل البيبي. نجلاء بخضة: لا طبعاً، مش هنسمحلها. هنا: اهدي بس يا ماما، ماهو علشان كده أنا قولت هنروح كلنا. هنا: وبكده هنعرف إيه سبب الجوازة دي ومين اللي بيدعم نهى، لأنها مستحيل تعمل كده، اللي إذا كان حد بيدعمها. هنا: ها، موافقين.

كلهم هزوا راسهم بالموافقة. فبصت هنا ليارا اللي ساكتة من ساعة ما قعدوا. هنا: ها يا يارا. يارا بجمود: موافقة، بس بشرط. هنا: إيه هو. يارا: محدش يقول لمراد إني حامل. كلهم فضلوا يقولوا إزاي مش ينفع، إنما هنا قالت: هنا: بتفكري في إيه بالظبط. يارا: لما يجي وقتها هتعرفوا. هنا: ماشي يا يارا، بس هنروح كلنا بصفة إيه. يارا: إنكم مش مرتاحين لنهى وخايفين عليها مني... وكمان مراد محدش يقوله إن غيث أخو فهد.

قالت يارا الكلمتين دول وقامت طلعت ترتاح شوية قبل ما ترجع الفيلا. *** عند مراد. كان مراد ونهى قاعدين بيفطروا سوا. فقالت نهى: نهى بمكر: آسفة يا مراد، اللي حصل امبارح كله بسببي. مراد: لا لا، أنتِ مالكيش ذنب... وأول ما تخلصي أكل جهزي الشنط. نهى: ليه، هنروح فين. مراد: هنرجع الفيلا. نهى باستغراب: بس جدك. مراد: لا، هنرجع الفيلا بتاعتي. نهى: طب ويارا. مراد: أنتِ مراتي، زي ما يارا مراتي.

نهى بخبث في نفسها: سهلت عليا حاجات كتير. نهى: تمام، أنا كلت، هقول أجهز الشنط. *** في فيلا عامر. هنا: قولت لحاتم يودي الشنط الفيلا. فهد: أه، فاضل شنط يارا. قاطع كلامهم غيث وهو بيقول: غيث: المزة نزلت. بصوا كلهم ناحية السلم، لقوا يارا لابسة فستان أسود في دهبي والحجاب دهبي، وكان شكلها يجنن. نزلت يارا والكل كان بيبصلها بإنبهار. فقالت نجلاء: نجلاء: ياختي، مش عارفة أبص للسلعوة دي إزاي، ومعاه قمر منور.

هنا بهمس ليارا: شكلك ناوي على نية سودة. يارا: استني وشوفي. هنا: اممم، مستنية. غيث: بتتوشوشوا في إيه. هنا: ما تاخدش في بالك، وربنا يعينك. غيث: مش فاهم قصدك إيه. يارا: ما تاخدش في بالك، هنا هبلة. غيث: وربنا أنتِ خسارة في جتته. يارا: اممم، ومين بقي اللي يستاهلني. غيث: واحد زي ده، وسيم ومز، وكل البنات هتموت عليه. يارا بضحك: لا والله. غيث بجدية: عايزة تفضلي معاه ليه. يارا: ومين قالك إني عايزة أفضل معاه.

غيث: يارا، أنتِ عارفة إني أكتر واحد فاهمك. قاطعهم فهد وهو بيقول: فهد: يلا علشان نمشي. يارا حطت إيدها في إيد غيث ومشوا. وأول ما وصلوا قدام الفيلا، وصلت عربية مراد. نزل مراد وهو ماسك إيد نهى. فشد غيث على إيد يارا وقال: غيث: اياكي تنزلي دمعة، انتِ فاهمة. يارا: مش قادرة. غيث: مالك، في إيه. يارا: مش عارفة، حسيت بدوخة فجأة. غيث: مش تكلميه. يارا: استني بس. وقف مراد ووقفت يارا قدامه. فقال مراد: مراد: إيه ده، أنتِ هنا.

يارا: إلهي بيتي ولا عندك رأي تاني. مراد: لا طبعاً، إزاي بيتك. يارا: منورة يا عروسة. نهى بغرور: طول عمري منورة. يارا: دي اللي ظاهر لنا، الله أعلم إيه اللي مستخبي. نهى: قصدك إيه إني مش حلوة. يارا: اللي على راسه بطحة بقى. تقدم غيث ووقف جنب يارا ومد إيده ومسكها وقال: غيث: يلا يا روحي، إحنا مش فاضيين لحكاوي السكرتيرة. مراد: احترم نفسك، هي دلوقتي مش سكرتيرة، هي دلوقتي حرم مراد الألفي. قرب غيث من مراد وقال: غيث بجمود: طز.

كان لسه مراد هيتكلم، سابه غيث ومشي. ومن ساعة ما يارا دخلت الفيلا والكل بيسلم عليه، وده كاد نهى أكتر.