رواية انت مرادي الفصل الثامن عشر 18 - بقلم يارا ابراهيم

عند نهى وهي في العربية في طريقها للمستشفى كانت بتتكلم في الموبايل. المجهول 1: طب وانتِ راحه المستشفى ليه خلاص سيبها تولع. نهى: لا علشان مش يشكوا انه أنا اللي عملت كده. المجهول 1: ماشي بس ركزي واحذري منهم لأنهم أذكياء فوق ما تتصوري. المجهول 1: هو ماله ده مش بيتكلم ليه. نهى: مش عارفة..... مالك في إيه. المجهول 2: أنا خلاص مش هكمل. المجهول 1: نعم نفهم إنك خلاص هتبعدنا. المجهول 2: أنا خلاص حقي رجع أكمل ليه.

نهى بغل: لسه... إحنا اتفقنا ندمرهم خالص. المجهول 2: أنا قولت اللي عندي.... سلام. قفل، فقال المجهول 1. المجهول 1: هو فيه حاجة غريبة بس إحنا مش فاضيين له دلوقتي. نهى: ممكن يبلغ عنا. المجهول 1: لا متخافيش هو بس العاطفة مأثرة معاه شوية. نهى: طيب نكمل بعدين علشان وصلت المستشفى. نزل الحارس وفتح الباب وهو بيقول. الحارس: اتفضلي وصلنا. نهى بغرور: ياريت تقول هانم ولا نسيت إني مرات مراد.

الحارس: آسف بس تقيلة على لساني مش عارف أنطقها. نهى بغيظ: اممم بس ليه يارا بتنطقها عادي صح. الحارس: فيه فرق شاسع ولا مش شايفة. نهى: خليك فاكر كلامك لما أخلي مراد حبيبي يطردك. الحارس: ماتخافيش فاكر. نهى سابته ومشيت وكانت بتبرطم. نهى بغيظ: أعمل إيه تاني علشان يبطلوا يحبوها. دخلت نهى لقتهم واقفين بيعيطوا ماعدا مراد اللي عمال يزعق فيهم وهو بيقول. مراد: إنتوا بتسبقوا الأحداث ليه هما لسه قالوا حاجة.

لقاهم بيعيطوا أكتر فقال بعصبية مفرطة. مراد: مش عايز أسمع صوت، إنتوا فاهمين. قربت هنا بعصبية منه وهي بتزعق فيه وبتقول. هنا: إيه هو إحنا مش مسموح لنا نزعل وبعدين إنت ليه جاي. مراد: هنا أنا مراعي خوفك بس اتكلمي باحترام. هنا بسخرية: احترام أه.... لا خلينا الاحترام ليك. هنا اتكلمت نهى وهي بتزعق على أساس إنها بتدافع عن مراد. نهى: هنا مش عشان أهلك مش ربوكي تيجي تطلعي قلة أدبك علينا.

هنا: مين دي اللي أهلها مش ربوها يا فردة جزمة إنتِ. نهى بدلع: بص يا مراد بتكلمني إزاي. مراد ماردش عليها وهي اتعصبت أكتر. دخل عمر من باب المستشفى وجرى على هنا وهو بيقول. عمر: هنا إنتِ كويسة... اتعورتي. هنا نسيت نهى خالص وحضنت عمر وهي بتعيط وبتقول. هنا بعياط هستيري: يارا يا عمر.. يارا جوه والله أعلم حالها إيه. نهى بهمس سمعته هنا. نهى: يارب تموت ونخلص. هنا سمعتها فقالت بزعيق.

هنا: موتة تشيلك يا بعيدة.. إنتِ إيه اللي جابك جاية تشمتي فيها. كلهم شدوا هنا اللي انقضت على نهى بالضرب، فقال فهد. فهد: خلاص يا هنا اهدي. هنا: سيبوني... هي السبب أنا متأكدة سيبوني أنا سمعاها وهي بتقول يارب تموت ونخلص. كلهم بصوا لها، فقالت نهى بتمثيل وهي بتقرب من مراد. نهى بدموع تماسيح: لا يا مراد متصدقهاش هي شكل الصدمة أثرت على دماغها. هنا عمر ما استعملش وقال.

عمر: مراد لم مراتك إنت شايف إحنا عاملين إزاي وإحنا مش ناقصين دراما. مراد: روحي يا نهى. نهى: بس يا مراد. مراد بزعيق: روحي يا نهى. مشيت نهى، وبعدين طلعت الدكتورة فجروا عليها وقالت. الدكتورة: اهدوا ماتخافوش مدام يارا بقت كويسة والحمد لله قدرنا نوقف النزيف. مراد: الحمد لله ألف حمد وشكر ليك يارب.. ينفع ندخلها. نجلاء بقلق: طب والجنين. الدكتورة: للأسف الوقعة كانت جامدة والجنين اتأثر جدا و. هنا: وإيه. الدكتورة: البقاء لله.

مراد: طب يلا نمشي. كلهم بصوا له بصدمة، فقال. مراد: بتبصوا كده ليه بتقولوا جنين يبقى مش يارا وشكلنا ملخبطين. فهد: مراد اهدي. مراد: أنا مش فاهم جنين إيه هي يارا كانت حامل امتى أصلاً. فهد: بص يا مراد كنا هنقولك. مراد: تقولولي يعني إنتوا عارفين وأنا عامل زي الأطرش في الزفة. فهد: اهدي وحد الله وتعالى اطمن على مراتك.

دخلوا كلهم، يارا كانت ساكتة خالص دموعها بتنزل بصمت، وهنا كانت حاضنة يارا وعمر وهي بتعيط، قرب مراد من يارا وهو بيقول. مراد: ابننا راح يا يارا راح. يارا دموعها زادت وبدأت تشهق وهي بتحاول تاخد نفسها، فقال مراد. مراد: اهدي وحاولي تاخدي نفسك اهدي. الممرضين طلعوهم بره، وادها مهدئ. *** في لندن. دخل جورج وليلي مطعم، فقالت ليلي. ليلي: مش معنى إنك جبتني مطعم فخم عمري مادخلته قبل كده يبقى هتعرف تقنعني.

جورج: إيه مشكلتك نعمل الفرح هنا. ليلي: لا ماليش فيها هعمله في النمسا. جورج: هو إنتِ مش قولتي فرنسا. ليلي: طيب ماهو النمسا في فرنسا. جورج: اممم طب على فكرة النمسا حاجة وفرنسا حاجة تانية. ليلي: إيه ده بجد..... مفيش مشكلة خلاص نعمله في تركيا. جورج طلع السلاح، فقالت ليلي. ليلي: أنا بقول نعمله هنا وخلاص مش لازم الفذلكة يعني. جورج: خلاص الفرح بعد شهر. ليلي: لا طبعاً بعد شهر إيه لا يعني سنة كده. جورج طلع السلاح تاني، فقالت.

ليلي: هو أنا كل ما أقول كلمة مش تعجبك هتطلع لي السلاح. جورج: آه إذا كان عندك مانع. ليلي: مش عندي بس على الأقل خليها بعد سبع شهور. جورج: ليه. ليلي: علشان يارا حامل فخليها بعد أما تولد، وكمان عشان أفكر مش يمكن مافيش نصيب. حط السلاح على دماغها. ليلي: أنا اطمنت أوي على نفسي. جورج: ده واجبي. ليلي: بطل رغي وجبلي حاجة أطفحها. جورج: إنتِ لسه واكلة من شوية. ليلي: إنت مالك هيا بطنك ولا بطني.

جورج في نفسه: هيا لو جاعت ممكن تاكلني. *** عند مراد. كانوا كلهم واقفين بره، فقالوا لمراد إنه يروح يغير هدومه ويجيب هدوم ليارا وييجي، بس مراد ماكنش راضي، وبعد محاولات مشي، فدخلوا كلهم لي، وقالت هنا. هنا: إنتِ هتعيشي الدور مشي خلاص اصحي. يارا: فصيلة أوي. هنا بضحك: لا بس والله ننفع ممثلين. فهد بجدية: يارا هتخبي ليه، كان واضح عليه الخوف بجد وكان منهار لما عرف إن البيبي مات.

يارا: مش عارفة بس لازم نخلص من نهى لأنكم شفتوا هي عملت إيه. هنا: لو شفتيها وهي بتتدلع كان نفسي أجيبها من شعرها بس حاشوني عنها. يارا: ههههه أوعدك أول لما نكشفها هخليكي تعملي اللي إنتِ عايزاه. وهما بيتكلموا، فجأة دخل غيث وياسمين وجروا على يارا بسرعة، فقال غيث. غيث: إنتِ كويسة وهو صحيح البيبي. قاطعتهم يارا. يارا: متخافوش كويسة والبيبي كويس. ياسمين: طب الحمد لله طمنتينا. *** في مكان أول مرة نروح. في قصر الباشا.

دخل شخص وطلع على أوضته، قعد على السرير وهو بيفكر، وفجأة خبط الباب، فقال. الشخص: اتفضلي يا داده. الداده: عامل إيه يا يوسف يا ابني. يوسف: الحمد لله يا داده. الداده حطت إيدها على ضهره وقعدت جنبه وهي بتقول. الداده: ماتزعلش يا ابني إنت عملت الصح. يوسف: أنا مش زعلان إني اتبرعت بكل الفلوس لليتامى، كده كده الفلوس دي حرام وأنا خلاص قررت أبدأ من جديد وعلى نضيف. الداده: أمال زعلان ليه.

يوسف: هو أنا أهلي رموني وأنا صغير ليه يا داده ليه مش كانوا عايزيني. الداده بتنهيدة كلها حزن: منصور مات ودلوقتي هقدر أقولك الحقيقة وأنا مطمنة. يوسف بإستغراب: حقيقة إيه. الداده: منصور مش أبوك. يوسف: ماهو أنا عارف هو قالي إن أهلي رموني وهو خدني يربيني. الداده: دي مش الحقيقة. الداده: الحقيقة هي. الداده: الحقيقة هي.