رواية انت مرادي الفصل الثاني عشر 12 - بقلم يارا ابراهيم

مر على أبطالنا 3 شهور عاشوا فيهم أسعد أيامهم. وفي يوم من الأيام. في فيلا مراد ويارا. يارا: بس أسبوع كتير يا مراد. مراد: معلش يا حبيبتي لازم أروح، وبعدين إنتِ مش هتفضلي قاعدة في الفيلا لوحدك، روحي لي هنا أو روحي لبابا وماما. يارا: ياااه، لسه هروح. مراد: إنتِ هتستهبلي، فيلا عمر جانبينا من الشمال وفيلا عامر جانبينا من اليمين... ولا دي حجة؟ يارا: امم، بصراحة حجة...

خلاص يا مراد سافر، بس عارف لو كلمت واحدة كده ولا كده هعمل إيه. مراد: هتعملي إيه يا لولو؟ يارا: اوبس، هو إنت مش سمعت يا حبيبي عن الستات اللي قطعت جوزها وأكلته؟ مراد: خلاص يا لولو، وبعدين هو أنا أقدر بردو بعد اللي قلتيه. يارا: اه، يعني كنت بتفكر تخوني. مراد: بت انتِ هبلة... أخون مين. وبعدين اتكلم بجدية وقال. مراد: يارا أنا مش بحبك ولا عمري حبيتك، أنا عشقتك وبقيتي حتة مني. يارا حضنته وهي بتعيط وقالت.

يارا: وأنا كمان بحبك وبعشقك بجنون كمان. مراد: أنا مش عارف إنتو الستات غريبين أوي. يارا: غريبين إزاي. مراد: لما بتفرحوا بتعيطوا، ولما بتزعلوا بتعيطوا، أموت وأعرف مش بتعيطوا إمتى. يارا: امشي يا مراد من قدامي. مراد: أهدي يا لولو، وبعدين إنتِ بتبصيلي كده ليه. يارا: لا مفيش، بفكر. مراد: بتفكري إيه، وبعدين إنتِ بتبصي للبراندة كده ليه. يارا: أيوه... ماهو بفكر هرميك منها إزاي. مراد: باي يروحي... ربنا يحفظنا.

ضحكت يارا على مراد وعمايله، وبعدين قامت تكلم هنا. *** في فيلا عمر كانت هنا عمالة تصوت، وفجأة رن موبايلها فقالت. هنا: يا حمزة يا حبيبي انزل من عندك... الوا يا يارا. يارا: إنتِ عمالة تصوتي زي الهبلة ليه كده، صوت جايب لحد عندي. هنا: اه ياني، أنا خلاص مبقتش قادرة أستحمل، الواد هيموتني بدري. يارا: حمزة... ده حمزة ده نسمة كده تتحط على الجرح يطيب... يارب سامحني. هنا: نسمة؟ تصدقي بأيه...

إنتِ هتدخلي النار بصاروخ عشان كذبك ده. يارا: يا بنتي حرام عليكي، سيبى الولد يعيش طفولته. هنا: يعني عشان يعيش هو طفولته معيش أنا شبابي وأموت فيها صح... ولا وعمر عايز نخلف تاني. يارا: عشان تروحوا مستشفى المجانين. هنا: إنتِ بتقولي فيها... أنا عقلي خلاص. يارا: طيب سيبك من حمزة دلوقتي وقوليلي عمر مشي صح. هنا: اه ياختي، هيسيبني أسبوع مع حمزة. يارا: خلاص هاتي الواد حمزة حبيب خالته وتعالي عشان نروح لخلّود ونوجا.

هنا: طيب هلبس وألبس الأستاذ حمزة وأجيلك. يارا: ماشي، هستناكم. قفلت يارا التليفون مع هنا، وقامت تلبس. وبعد مرور بعض الوقت، خبط باب الفيلا، ففتحت الدادة سناء، فقال الحارس. الحارس: يا داده، قولي للست هانم إن هنا هانم بره. الدادة سناء: مش خليتها تدخل ليه يابني، مش الهانم قايلة هنا تدخل براحتها في أي وقت. الحارس: قولتلها كده والله، بس هي قالت لا، خليها تنزل عشان حمزة لو دخل مش هيرضى يمشي. الدادة سناء: ماشي يابني، روح أنت.

طلعت الدادة سناء لأوضة يارا وخبطت كذا مرة ما لقتش حد بيرد، فدخلت وقالت. الدادة سناء: مالك يا بنتي، في إيه. يارا: مش عارفة يا داده، رجعت فجأة. الدادة سناء: إنتِ حاسة بدوخة. يارا: لا، ليه بتسأل. الدادة سناء: كنت عايزة أتأكد من حاجة، بس دلوقتي لا. يارا: حاجة إيه. الدادة سناء: لا مفيش، ممكن يكون برد في بطنك، بس استنى هروح أعملك حاجة سخنة. يارا: لا يا داده، ارتاحي أنتِ، وأنا شوية وهبقى كويسة.

الدادة سناء: اللي يريح يا بنتي. نزلت يارا لـ هنا، فقالت هنا. هنا: أخيراً نزلتِ، أنا افتكرت القيامة قامت. يارا: خفة ياختي. رد حمزة وهو بيقول لي يارا. حمزة: كانت بتقول عليكي لو اتأخرت أكتر هتطلع تجيبك من شعرك. برقت يارا لـ هنا، اللي قالت وهي بتحط إيدها على بوق حمزة. هنا: مش بالظبط، الواد ده بتاع حوارات. يارا: اممم، هو اللي بتاع حوارات... ماشي يا هنا. هنا: ماهو إنتِ اتأخرتي أوي. يارا: اه، يعني قولتي.

هنا: خلاص بقى يا فوزية، خلي قلبك أبيض. حمزة: لا قلبها أسود. برقت يارا لـ حمزة، وهنا حطت إيدها على بوق حمزة تاني وهي بتقول. هنا: يلا نمشي قبل ما الواد ده يزود. يارا: أهنيكي الصراحة، الواد بيرفكت في التربية. هنا: إنتِ كده ماشوفتيش حاجة. يارا: طالع لمين الواد ده، أمه وأبوه محترمين. هنا: يسلم في أمك، بس مش تزودي الشكر أوي عشان ضميري بس. يارا: ماشي ياختي، يلا وصلنا. وقفوا قدام الباب الخارجي، فقال الحارس.

الحارس: اتفضلوا يا هوانم. حمزة: ماهو إحنا هنتفضل، أصله مش بيت أمك. هنا حطت إيدها على بوق حمزة للمرة التالتة، وقالت يارا بإحراج. يارا: احم... إحنا آسفين يا أستاذ حاتم، بس ده عيل، ما يتأخدش على كلامه. حاتم: ولا يهمك يا هانم، إحنا بنحب حمزة وعارفينه. يارا: ماشي، وأتمنى حضرتك ماتزعلش. مشيت يارا وهنا وهما داخلين للباب الداخلي للفيلا، فقالت يارا. يارا: إيه يا هنا، لمي ابنك عشان فضحتنا. بصت يارا لـ حمزة وقالت.

يارا: عيب يا حمزة، ده أكبر منك. حمزة: يايا اخرسي. يارا: نهار أمك مش معدي. مسك يارا حمزة من هدومه وقالت. يارا: ولااا، أمك بتسكت، إنما أنا غيرها، ف إيه اتلم بقى، عشان أنا ممكن أخليك فرجة لـ أم لا إله إلا الله، ماشي. بص حمزة لـ أمه بخوف، فقالت هنا. هنا: دلوقتي بتبصلي، لا أنا ماليش دعوة، هيا مجنونة وتعملها. حمزة: خلاص يا يايا يا عسل. يارا: لا يا حبيبي، أنا مش بثبت زي أمك.

حمزة: امم، خلاص خدي ياستي، بس ماتقوليش لمراد عشان مش يشلوحني. حمزة باس يارا من خدها، فقالت يارا. يارا: امم، خلاص هفكر في الموضوع. حمزة: أيوه بقى يا مزة. يارا: لا كده مافيش فايدة. هنا: يلا، إحنا واقفين بنتكلم ساعة عند الباب ولسه ماخبطناش. يارا: يلا. خبطوا على الباب، وفتحت العاملة أمينة، فقالت أمينة. أمينة: أهلاً يا هوانم، اتفضلوا... اتفضلوا. يارا: أهلاً يا إيمي، عاملة إيه... وبعدين قولتك مليون مرة، بلاش هوانم دي.

أمينة: ماشي، يلا يا يويو. يارا: ماشي، بس بلاش قدام مراد عشان مش يحبسك. أمينة: كويس إنك حذرتيني. دخلوا وسلموا على الكل، فقال خالد. خالد: بحب قعدتكم أوي، ربنا يخليكم لينا يارب. نجلاء: معاك حق والله، وكمان الأستاذ حمزة كمل القعدة. حمزة: طبعاً طبعاً، إنتوا تطولوا. فضلوا يضحكوا، إنما يارا برقتله، فقال. حمزة: احم، أنا قصدي... هو أنا أطول. ضحك خالد وقال. خالد: شكل يارا مسيطرة. يارا فجأة حست بدوخة، فقالت هنا اللي لاحظت.

هنا: مالك يا يارا. يارا: مش عارفة، بقالي يومين عمالة أرجع، ودلوقتي حاسة بدوخان. خالد: طيب يلا نروح الدكتورة. يارا: لا مش لازم أنا. قبل ما تكمل كلامها، أغمي عليها، فقالت هنا. هنا: رن على الدكتورة بسرعة يا بابا. خالد: برن أهه. نجلاء بشك: هنا، قبل ما تحمّلي في حمزة كنتي بتحسي بأيه. هنا: برجع كتير، بقرف من ريحة الأكل ودوخة. سكتت هنا فجأة لما فهمت سؤال نجلاء، فقالت بفرحة. هنا: لا لا، بجد ياربي، يعني هكون خالة.

نجلاء بفرحة: اممم، وأنا هكون تيته للمرة التالتة. وفضلوا يضحكوا، فطلع خالد بعد ما كلم الدكتورة وقال. خالد: مالكم بتضحكوا كده ليه. نجلاء بحماس: يارا حامل. خالد: بجد، يا مانت كريم يارب. وبعد شوية، قالت أيّت الدكتورة وكشفت على يارا، وقالت. الدكتورة: مبروك مدام يارا، حامل في شهرين.